कक्राझार आव
रेल बिफान आ रेल बिफान नि हा खौ आयेन बेरेखा यै दखल खालामना लानानै बानायनाय 75 ता
फिसा गेदेर दखान क्लाब फोरखौ बुफायजोबदों। समबारखालि सोहोर नि सान्तिनगर आव
बुलदजार सालायो, खौरां मोननाय बादिब्ला 3 दान नि सिगां नो आयेन बेरेखायै दखल
खालामग्राफोरखौ रेल बिफान आ होखारगोन नि नतिस हरखादोंमोन, बे हिसाबै नो बे
होखारनाय खामानि खौ मावो होनना मिथिना मोनदों, सान्तिनगर निफ्राय तेङापारा सिम
जादों होखारनाय आ। होखारनाय जायगा याव आसाम पुलिस आरो सिआरपिएफ खौ लांनाय
जादोंमोन।
गुवाहाति आव
सा 7 दालाल फोरखौ हमदों, बे साननैसो साख्रि नि मुङाव रां नि लेनदेन नि सायाव गोबां
सावरायलायनाय जाबाय थानायनि गेजेरावनो सा 7 खौ हमदों। एसिपि हिमाशु दास नि
दैदेननाय आव पुलिस नि दोलो आ हेङेराबारि ओनसोल निफ्राय हमदों, ईरिगेशन एबा दै
जगायनाय बिफान आव थिसननाय नि थाखाय खामानि मावबाय थादोंमोन बिसोर। दालाल फोरनि
मुङा नयन शइकिया, सिराजुल हक, गोबिन्द चौधुरि, नुर ईस्लाम आहमेद, जयन्त देका,
प्रान्जल बर्मन आऱो जयन्त दास। बरबारि नि होतेल जिबि लज नि खथा याव दंमोन, 14
आगष्त निफ्रायनो रफिकुल हुसेइन मुंनि सासे आ बेयाव थादोंमोन, 9 आरो 10 सेप्तेम्बर
आव फिन मोननै खथा याव सुबुंफोरा थादोंमोन, दासिम आरो सानै आ खारखुमाना दं होनना
मिथिना मोनदों। गुबुनफारसे बिसोरखौ हमदोंब्लाबो दायो सोलिबाय थानाय ग्रेद 3 आरो 4
नि साख्रि जों सोमोन्दो गैया होनना बुंदों। 2020 मायथाइ आव नो जादोंमोन आनजाद आ दै
जगायनाय बिफान नि आ।
दिनै का नि
सायाव जौसिन बिजिरसालि आ राय होनो गोनांमोन, नाथाय खौरां मोननाय बादिब्ला
बिथांमोना दिनै होआसै, कभिद 19 नि थाखाय 2 बोसोर नि थाखाय बेयो बन्ध जाना दं,
हादरनाङैनो बेनि बेरेखा जानायखौ नुनो मोनदोंमोन, का 2019 नि बेरेखायै 219 आरजलाइ जारि
खालामदोंमोन, बेनिनो 200 नि राय होनो गोनांमोन, दायो फैगो 19 सेप्तेम्बर खालि बेनि
सायाव फिन राय होगोन होनना मिथिना मोनदों।
रायजो आव
जेहादि नि बेरेखा नायबिजिरनाय आ सोलिगासिनो, फिन मरिगांव आव हमदों जेहादि। मरिगांव
नि मैराबारि आव जेहादि खामानि जों सोमोन्दो थानायनि सन्देह आव नो हमो, हमजानाय
सानै नि मुङा ईक्रामुल हुसेइन आरो मुशादिक हुसेइन, रबिबार नि हर आव मरिगाव पुलिस आ
नागिरनानै हमो। सानैबो आनसारुल बांला जों सोमोन्दो थानाय नि सन्देह, ईमाम महरै
दंमोन बिसोर, मैराबारि सहरिया पाम निफ्राय हमो सानैखौबो। ईक्रामुल नि न आ मैराबारि
आरो मुशददिक नि आ नगांव आव, जेहादि सानै खौ हमनानै दायो पुलिसफोरा हमनानै सोंगासिनो
होनना मिथिना मोनदों।
रबिबारखालि
मेघालय नि मोनसे जेल निफ्राय खारखुमनानाय सा 4 दायनिगिरिफोरखौ गोबां सुबुंफोरा
गाग्लोबनानै बुथारो, रायजो नि जयन्तिया हाजो आव जादों जाथाय आ। खौरां मोननाय
बादिब्ला सनिबार नि सानखालि बेलासि नि 1.30 सो आव मेघालय नि जोलाइ आव थानाय जेल
निफ्राय सा 6 दायनिगिरिफोरा खारखुमादोंमोन, बेनि उनाव नो रबिबार नि बेलासि समाव
जयन्तिया हाजो नि शांपुं आव मोनसे दोलो नि सुबुंफोरा सा 4 खौ गाग्लोबो आरो बुथारो,
थैनायफोरनि गेजेराव I Love
You Talang मुंनि 25
बोसोर बैसो नि सेंग्रा बो दं होनना मिथिना मोनदों, साननैसो सिगाङाव बियो बुथारनायनि
दाय आव हमजादोंमोन, गासै सा 6 खारखुमानायनि सा 4 आ बुथारजादोंब्लाबो नाथाय सा 2 नि
जेबो खौरां गैया।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon