हादोराव केन्सार बेराम जानायनि अनजिमा
या बारा जालांगासिनो दं, बेनि गेजेरावनो मोनसे मोजां खौरां फैदों, थाबैनो हादोरनि
बाजार आव मोनगोन सारभिकेल केन्सार नि गिबि भेकसिन खौ, पुने नि सेराम ईनस्ततितिउत आ
बानायनाय भेकसिन नि बेसेन आ साधारन सुबुंफोरा होनो हानाय बादि नो जागोन, आयजो
हिनजावसा फोरा बे बेराम जों नांनो हानाय देहा याव दाना लानो हागोन, खम जागोन बे केन्सार
जानायनि सम्भावना या, मन्थ्रि जितेन्द्र सिंह बिथाङा मोनसे स्पेसियेल हाबाफारि आव बेनि
दिहुननाय खामानि आ जाजोबबाय होनना बुंदों आरो थाबैनो साधारन सुबुंफोरनो होनाय
जागोन।
सोलाय सोल खालामनाय जाबाय नायग्रा
मन्थ्रि एबा गार्दियेन मिनिस्तार फोरखौ। सुक्रबारखालि फोसावना होबाय सा 15 नि
मन्थ्रि नि फारिलाय। फारिलाय नि बादिब्ला मन्थ्रि उर्खावगोरा ब्रह्म नो चिरां आऱो
तामुलपुर नि बिबान, नन्दिता गार्लोसा नो बाक्सा आरो बजालि, बिमल बरा नो उदालगुरि
आऱो चरायदेउ नि बिबान होदों, अशोक शिंघाल बिथांनो कक्राझार आरो गवालपारा आरो
लोगोसे पियुश हाजरिका बिथांनो शनितपुर, बिश्वनाथ आरो करिमगन्ज नि बिबान होदों।
मखजाथावदि गोबां नायग्रा मन्थ्रि नि खामानिफोरखौ लानानै गोजोननाय मोनाखैमोन गिबि
मन्थ्रि आ, केबिनेत नि जथुम आव खामानि फोरनि सायाव सावरायलायनाय जादोंमोन, दैबाना
नि समाव गावनि बिबान खौ गोबाङानो मोजाङै मावनो हायाखैमोन जायनि थाखाय गिबि मन्थ्रि
आ बिबान सोलायनायनि बेबस्था खालामो।
कंग्रेस नि सासे एमएलए रशिद मन्दल आ
खौरांगिरिफोरनि सिगाङाव दानि आसाम सोरखार आ हमनाय जेहादि फोरनि सायाव बुंदों,
लोगोसे जेहादि हमनायनि उनाव फरायसालि खौ बुफायनायनि सायाव बुङो. नाथाय बे फरायसालि
बुफायनाय आव आलफा आरो लोगोसे एनदिएफबि नि गायसनगिबि आफादगिरि रन्जन दैमारि बिथांनि
सोमोन्दै बो बुंनाय खौ नुनो मोनदों। एमएलए नि बादिब्ला रन्जन दैमारि बिथांनि
फरायनाय फरायसालि कलेज खौ मानो बुफायाखै, लोगोसे आलफा याव थांनाय फोरा फरायनाय
फरायसालिफोरखौ बो मानो बुफायाखै होनना सोंदों। एमएलए बुंदों गनेसगुरि आव एसेबां
मानसि बुथारबाय रन्जन दैमारि आ, बिथाङा फरायनाय फरायसालि खौ मानो सिफायाखै।
मखजाथावदि आसाम सोरखार आ माद्रासा नि फोरोंगिरि फोरखौ सो हमदों जेहादि खामानि
मावनायजों सोमोन्दो थानाय जों। फोरोंगिरि आरो फरायसा जों इसेब्लाबो फाराग दं।
अब्ला बिथांनि बुंनाय आ गनायजाथावना ना।
नोंथाङा मिथियो ना भारत नि माहारि राव
गैया खौ, जौसिन बिजिरसालि आ सुक्रबारखालि संस्क्रित खौ माहारियारि राव फोसावनो
थाखाय आरजलाय होनाय खौ दानना होयो बिजिरगिरि एम आर शाह आरो कृष्ण मुरारि बिथांमोना,
मखजाथावदि सासे आजिरा मोननाय आइएएस अफिसार उकिल के जि भानजारा या पिआइएल होदोंमोन।
आरजलाइ आव मिरु सोरखार खौ संस्क्रित राव खौ हादर नि सोरखारि राव खालामनो
खावलायदोंमोन।
दानि बितिसि सोरखार आ 18 दान ल सो
जादों, बे समखिनियाव रायजोराजाफोरनि थाखाय मोजां खामानि मावदों, बेखौ मेगन सानानै
नो बेरेखा बेरेखा दोलो आ नंगौखौबो नङा आरो नङि खौ बो नंगौ होनना बुंदों, बे अजद आ इउपिपिएल
दोलो नि मिदिया आरो पाब्लिसिति सेक्रेतारि हान्थिगिरि नार्जारि नि। बेरेखा दोलो नि
आगोलनि सोरखार नि समाव लानाय बिथांखिफोरखौ मोजाङै मावनो हायाखै, रां जाख्लनाय सो
जानायनि बो अजद बिथांनि, बेरेखा दोलो नि दैदेनगिरि देरहासाद बसुमतारि बिथांखौ बो
सोंखारिदों 10 बोसोर ईएम एमसिएलए जानाय समाव जेबो मावाखै, दानि इउपिपिएल नि खामानि
मावनायखौ नुनानै मोदोमाव नांदों। दिनैनि समाव बयबो मिथियो रायजोफोरा सोर मा मावदोंमोन
आरो सोर मावदों, बेखायनो बेरेखा हानजा नि बुंनाय बाथ्रा नि फारसे साधारन रायजोफोरा
गोनो गोथो जानो नाङा होनना बो बुंदों।
बिजनी सोलोंसालिमा बर' थुनलाइयारि
आफादजों सेप्तेम्बर दाननि 1 आरो 2 अक्ट'आव
साननैनि हाबाफारिजों खुंफुंजानो गोनां खुंगा 31थि सानजारां लक्षेस्वर ब्रह्मनि
थैनाय गोसोखां सान फालिनायखौ दोन्थ'नाय
जाबाय। बिजनी सोलोंसालिमायाव बोसोरफ्रोमबो सेप्तेम्बर दाननि 1 आरो 2 अक्ट'आव
गुबुन गुबुन सोलोंसालिमा, मुलुगसोलोंसालिमाफोरखौ लाफानानै बे
हाबाफारिखौ खुंफुंनाय जायोमोन। नाथाय बे बोसोराव BA/BSc 4th Semester आरो PG 2nd semester नि आनजाद थानायनि थाखाय खुंनो हायासै। बेयाफारसे BA 2थि
सेमेस्थारनि आनजादनि रुथिन मोनिलाय आनजादखौ लामा नायनानै उननि समाव खुंनो लानाय
हाबाफारिनि अक्ट'खौ दासिम्बो थि खालामनो हायाखै नाथाय
सेप्टेमबर दाननि गेजेरावनो आद्रा थानाय हाबाफारिखौ खुंफुंगोन होनना मिथिहोदों
खुंफुं आफादा। गुबुन गुबुन सोलोंसालिमाफोरनि गेजेराव बादायलायनाय हाबाफारिखौ
फावसायनो गोनां जादोंबाबो बिजनी सोलोंसालिमायाव बिथांनि थैनाय सानखौ बिथांनि
सावगारियाव बिबार बावनानै फालिनाय जायो।
नुमलिगर नि मरङि सानजा सोलोंथाय खोन्दो
नि सामुकजान गुदि फरायसालि आव जाथाय, गाहाय फोरोंगिरि गोलाप गगै नि बुनाय आव गाज्रियै
जोखोम सासे फरायसा नि, दिप बार्जु मुंनि थाखो 4 नि फरायसा या जोखोम जादों, जायनि
थाखाय जायगा नि रायजो फोरा रागा जोंनानै फिननाय होनो होयो गाहाय फोरोंगिरि खौ, फोरोंगिरि
आ फरायसा फोरखौ बेबायदि नो बुबाय थानाय नि अजद जोथोन लागिरिफोरनि, रायजोफोरा दायो
फरायसाफोरनि न्याय नि थाखाय दाबि दैखांदों, फोरोंगिरि नि मुङा गोलाप गगै,
खौरांगिरिफोरा बेनि खौरां लानो थांनाय आव गोजान जादोंमोन बिथांमोननिफ्राय।
आर बि फिल्म प्रदाकशन नि खिथेर सावथुन
खौ नुनो मोनसिगोन, मिथिना मोननाय बादिब्ला दिनै 3 सेप्तेम्बर आव रामफलबिल नि
आरएनबि मेमरियेल फिल्द आव बेलासि नि 5 बाजि आव बेखौ बेखेवनाय जागोन, बेखौ रिया
ब्रह्म बिथाङा नो बुंदों। गुबुनफारसे AG Cine Production नि अरनबारि नि जोहोलावजो सावथुन नि प्रिमियार श खौ बो खुंफुंनो थाखाय राबां
बर बाजारनि गेलेग्रा फोथार आव लाहार फाहार खालामदों होनना मिथिना मोनदों।
गुबुन रायजो नि फरायसा नो नंखाय फोरमान
बिलाय जगायना होग्राखौ हमदों, गुवाहाति नि पल्तन बाजार आव हमदों उत्तर प्रदेश नि
गाज्रि सुबुं, नंखाय सिल, चार्तिफिकेत जों लोगोसे सन्देहगोनां फोरमान बिलाय
मोनदों। पुलिस अफिसार आरो जिल्ला बेंगिरि नि नंखाय सिल जब्द खालामदों, एसिपि प्रिथ्विराज
राजखोवा, असि दिपान्त फुकन नि दैदेननाय आव अपारेशन खौ खालामदोंमोन, बे थगायग्रा या
आसाम जों लोगोसे सा सानजा भारत नि गुबुन गुबुन रायजो फोराव बो बेबायदि नो थगायोमोन।
4 सेप्तेम्बर एबा रबिबारखालि भारत
पाकिस्तान नि गेलेनाय खौ फिन खनसेबाव नुफिनसिगोन, एसिया काप 20-20 आ सोलिगासिनो
दं, मैया हंकं खौ फेजेननानै सुपार 4 आव मोनहैबाय। दायो मोनसे ग्रुप नि नो 1थि आरो
2थि आ गेलेफिनगोन। मखजाथावदि ग्रुप राउन्द आव भारत आ पाकिस्तान खौ 5 विकेत जों
फेजेनदोंमोन।
गुवाहाति आव भारत आरो खोला आफ्रिका नि
गेजेराव ति-20 गेलेनाय आ जागोन 2 अक्तोबरखालि, मैया बेनि खौरां लादों आसामनि गिबि
मन्थ्रि आ, जनता भवन नि गिबि मन्थ्रि नि मावखुलि आव मोनसे सावरायलायनाय जायो, आसाम
कृकेत एससियेशन, लोक निर्मान बिफान, गेलेनाय बिफान जों लोगोसे गुबुन गुबुन बिफान
नि अफिसार फोरजों सावरायलायो जाहाथे गेलेनाय खौ मोजाङै खुंनो हायो, दुर्गा फुजा खौ
नोजोर होनानै थांलाय फैलाय नि असुबिदा जाहाथे जाया बेनि सायावबो नोजोर होनो बिथोन
होदों। मखजाथावदि आगोलाव खनसे जालांनाय ईन्तारनेशनेल गेलेनाय आव मोजां दिन्थिनो हायाखैमोन
आसाम आ, गोबां बुंजानो गोनां जादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon