26 सेप्तेम्बर आव जानो गोनां आसाम बन्ध खौ बोखारफिननाय जाबाय, बन्ध जानाय नंलिया, मैया जनता भवन आव आसामनि गिबि मन्थ्रिजों लोगोसे मोन 6 हारि नि दैदेनगिरिफोरजों सावरायलायनायनि उनाव नो बे थिरांथा खौ लायो, मखजाथावदि मिरु केबिनेत आ मोन 5 रायजो नि 12 हारिफोरखौ एसति बानायनायनि उनाव नो आसामनि मोन 6 हारिफोरा एसति मोनि नि बेरेखा जादोंमोन, सोरखार आ गोसो होयि दिन्थिनायनि अजद होनानै लामा याव ओंखारदोंमोन गोबाङानो, आसामनि गिबि मन्थ्रि आरो भारत नि गाहाय मन्थ्रि नि मुसुखा सावनाय बो नुनो मोनदोंमोन, मैया एसति नि जों लोगोसे गुबुन गुबुन आयदा नि सायाव सावरायलायनाय जायो, आसाम बन्ध खौ बोखारदोंब्लाबो गुबुन गुबुन हाबाफारि फोरा सोलिबायनो थागोन होनना बुंदों, गुबुनफारसे आसामनि गिबि मन्थ्रि आ मोन 6 हारि फोरनि जेंना खौ सुस्रांनो थाखाय 6 दान सम बिदों, 6 निफ्राय 1 बोसोर नि गेजेरावनो जेंना खौ सुस्रांगोन होनना बुंनाय नि सोमोन्दै फोसावो, मैया नि सावरायलायनाय आव मन्थ्रि पियुश हाजरिका, डां रनुज पेगु आरो सन्जय किषान बिथांमोना बाहागो लादोंमोन, एसति मोनमारगोन नामा बिसोर, गासैखौबो उनाव सो मिथिगोन।
सिरां नि बिजनि थाना नि सिंनि सारांगुरि आव सोमोनांथाव जाथाय, गावनि न आव नो उन्दुना थानाय समाव दिपेन बसुमतारि मुंनि सुबुं नि गोथै देहा खौ मोनदों, 39 बोसोर बैसो नि सुबुं आ कक्राझार सोरखारि देहाफाहामसालि आव खामानि मावोमोन। नखर नि सुबुंफोरा सन्देह खालामनाय बादिब्ला न आव रावबो गैयि नि सुबिदा लानानै सोरबा गाज्रि सुबुं आ गोदना याव जोखोम खालामदों, जाथायसालि आव पुलिसफोरा थांनानै नायबिजिरनायखौ जागायबाय, जाथायसालि आव फिसा गोबौ हाथियार मोनदों होनना मिथिना मोनदों, पस्त मर्तेम नि थाखाय दैथायहरबाय होनना मिथिना मोनदों, मिथिना मोननाय बादिब्ला बिमा जों थायोमोन बिथाङा, बिमा या जेब्ला ओंखाम जानो लिंनो थाङो, बे समाव नो नुयो।
मैया केबिनेत नि जथुम आ जानानै थांबाय, बेयावनो एसति मोनि मोन 6 हारिफोरनि थाखाय मोनसे थिरांथा लानाय जायो, एमबिबिएस नि मासि खौ मोन 6 हारिफोरनि थाखाय बारायना होनाय जादों, मोन 2 यै बारायदों होनना मिथिना मोनदों, बे हिसाबै दायो मतक फोरनि थाखाय मोन 5, मरान नि मोन 5, ताइ आहोम 7, सुतिया 6, कोश राजबंशि 10 आरो ति गार्देन त्राइब्स नि थाखाय मोन 26 मासि थागोन। मेदिकेल कलेज नि साख्रि थिसननाय नि आव बैसो खौ बारायदों नि बो खौरां मोनदों, जेनेरेल नि आव 38 नि सोलाय 40, अबिसि, एमअबिसि नि थाखाय 42, एससि आरो एसति नि थाखाय 45 बोसोर खालामना होबाय, फिसारि निगम नि सिंनि फिसारि फोरनो सलार पेनेल नि गनायथि एपिदिसिएल नो, बे बोसोर नि गोनोउत्सब आव 4826 फरायसालि आ ए ग्रेद मोनदों, बेनि थाखाय मोनफ्रोमबो फरायसालि नो 25 रोजा रां यै होनायनि थिरांथा।
रेस्तुरेन्त आव पुलिस नि नायबिजिरनाय, बेयाव मोनदों 12 फुत गोलाव मैदेर नि हाथाय। बरमा पुलिस आ बेखौ मोनदों होनना मिथिना मोनदों, बरमा नि कासियलि रेस्तुरेन्त निफ्राय पुलिस फोरा सिरियै नायबिजिरनाय आव नो मोननो हादों, लोगोसे सा 3 खौ हमनो हादों होनना बो मिथिना मोनदों, सा 3 बो बर सुबंफोर, बिसोरनि मुहा सिन्तु बर, दिजेन बर आरो बनमालि स्वर्गियारि, बरमा थाना नि असि दितुमनि गोश्वामि नि दैदेननाय आव नो बे नायबिजिरनाय आ जादोंमोन।
कक्राझार नि CIT आव सान नि समाव मोनसे दुंहाव थासारि सोमजिदोंमोन, नेत आनजाद होनो मोनि नि थाखाय नो गोबां फरायसा फोरा दुखु मोननाय फोरमायदोंमोन, नेशनेल तेस्तिं एजेन्सि नि सिआइति आव खुंनाय जादोंमोन नेत आनजादखौ, खौरां मोननाय बादिब्ला ईंराजि, बर, असमिया बांला राव नि थाखाय खुंनाय जादोंमोन, मासि नि आंखाल दिन्थिनानै फरायसाफोरखौ खष्त होनाय नि अजद। गुबुनफारसे उनाव आनजाद खौ होनो हायो होनना खौरां मोनदों, नैथि सिफ्त खालामनानै आनजाद खौ होहोयो, कक्राझार जिल्ला एबसु आ बे जाथायखौ लानानै गोख्रों राव जों सोंखारिदों।
भिजिलेन्स नि जे आव गोग्लैलायबाय आरो सासे सोरखारि साख्रि मावनाय सुबुं आ, बे खनसे आव नगांव नि लात मन्दल खौ हमदों घुस लानायनि थाखाय, लात मन्दल नि मुङा रन्जित महन्त, घुस लाबाय थानाय समाव नो हमो भिजिलेन्स नि दोलो आ, हा हु, सोरखारि खामानि नि थाखाय धोन दाबि खालामनानै गोबां सुबुंफोरखौ नो खष्त होदोंमोन, महन्त आ गोबाव सान निफ्राय मोन 4 लात नि बिबान आव दंमोन, रां होआब्ला जेबो खामानि आ नो जाया, बेनि अजद नि थाखाय नो जे सानाय आव जे आव गाब्रना लायो।
2022-23 दावबायनाय बोसोर नि थाखाय थियारि जादों काजिरङा माहारियारि हाग्रामा नि बिबानगिरिफोरा, खौरां मोननाय बादिब्ला 15 अक्तोबर खालि फिन खनसेबाव बेखेवनाय जागोन, रायजो नि गाहाय बिबानगिरि एमके यादब बिथाङा बेनि सोमोन्दै बुंदों, बे खनसे आव दावबायारिफोरा गान्दा गं नि साय जों बानायनाय मोन 3 गान्दा नि मुसुखा बानायनाय नुनो मोनगोन, थांनाय बोसोर आव सावनाय जों बानायगासिनो दं, सप्तासे नि गेजेराव नो जाजोबगोन होनना खौरां मोनदों।
साननैसो सिगां आव जानाय ग्रेद 3 आरो 4 नि साख्रि थिसननाय नि लिरनाय आनजाद आ जानाय समाव 2 घन्ता ईन्तारनेत बन्द खालामदोंमोन, बेखौ लानानै गोबां सावरायलायनाय जादोंमोन, मैया खानापारा याव जानाय साख्रि थिसनलाय होनाय हाबाफारि आव बाहागो लानानै गिबि मन्थ्रि आ गोरिब नखर फोरनि थाखाय मा 2 घन्ता, 20 घन्ता बो बन्ध खालामनो हागोन होनना बुंदों, मखजाथावदि मैया 11 रोजा नि बारा सुबुंफोरनो साख्रि थिसनलाय खौ होयो, लोगोसेनो आरो फैबाय थानाय समाव 10 रोजा मासि नि साख्रि ओंखारगोन होनना बो रोखा खालामनानै होदों जेराव हाग्रा बिफान नि बेतेलियान नि मासि थागोन नि सोमोन्दै फोसावना होदों।
मैया बेखेवनाय जाबाय 2 खावसे बोसोर बन्ध जाना थानाय भारत भुतान सिमा नि हाबनाय लामा खौ, लोगो हादर भुतान जों थांलाय फैलाय बन्ध जाना दंमोन, दायो मोजां सोमोन्दो जों लोगोसे फालांगिरायारि सोमोन्दो खौ मोजां खालामनायनि थांखि जों बेखौ खुलिना होफिननाय जायो। मखजाथावदि बितिसि जों भुतान नि मोन 4 गेत दं, बेफोर जाबाय सिरां निफ्राय भुतान नि गेलेफु सिम थांनाय दादगिरि हाथिसार गेत, बाक्सा जिल्ला नि पानबां आरो नांलाम आरो तामुलपुर जिल्ला नि सानद्रोपजंखा गेत, गासैखौबो खुलिना होनाय जायो होनना मिथिना मोनदों। गेत खौ बेखेवनायनि उनाव मोननैबो हादोर नि दैदेनगिरिफोरनि गेजेराव सावरायलायनाय जायो आरो बेनि उनाव नो भारत नि सुबुंफोरा दावबायहैयो।
मैया आसामनि नगांव जिल्ला याव जायो मोनसे दुखुनांथाव जाथाय, जुरिया नि जुतिरपार आव जादों, फख्रि आव गोग्लैनानै थैदों उन्दै सा 4 गथ फोर, फख्रि नि खाथि आव गेलेबाय थादोंमोन बिसोर, जायगा नि सुबुंफोरा बिसोरखौ फख्रि निफ्राय बासायदोंमोनब्लाबो देहाफाहामसालि आव सोनाय समाव सा 4 नि बो जिउ गोमायो होनना मिथिना मोनदों, गथ सा 4 नि बैसो आ 6 निफ्राय 15 नि गेजेरनि मोन।
एबसु आरो बर' थुनलाइ आफादनि बाहागो लानायजों बिटिआर सोरकारनि बानजाइनायाव दिनै बिटिआरनि बेन्दोंङाव थानाय भेन्सार फरायसालिमानि गोरायुंफोरखौ लानानै गुवाहाटी कानापारायाव थानाय बड'लेण्ड गेस्ट हाउसआव गोथौवै सावरायलायनाय जायो । बे सावराय मेलखौ आफादगिरि मासि लानानै दैदेनो बिटिआरनि गाहाइ मावफुं सोद्रोमा मानगोनां मुस्रि प्रमद बर'आ । लोगोसे बिटिआर सोरकारनिफ्राइ फारियै अमर ज्योति बर्मन(सेक्रेटारी, इडुकेसन), जगदिस प्रसाद ब्रह्म(डाइरेक्टर अफ इडुकेसन,बिटिआर) आरो निलतपल कैशब(अएसडि, इडुकेसन)या बाहागो लायो । गुबैयै दिनैनि सावरायनायाव एबसु आरो बर' थुनलाइ आफादा गोबाव समनिफ्राइ भेनसार फरायसालिमाफोरखौ प्रभिनचिलाइस खालामनो दाबिबोनायखौ गनायनानै थांनाय 6 सेप्तेम्बर खालाराव आसाम सरकारा क'क्राझाराव जानाय केबिनेट मिटिंनि गेजेरजों बिटिआर गोरोबथानि 6.3 दफा बादियै सिगांग्रो गं 10 फरायसालिमाफोरखौ सरकारि खालामनो थांखि लाग्रोनायनि सायाव गुवारै सावरायनायजों लोगोसे भेनसार फरायसालिमाफोरनि जेंनाफोरनि सायावबो गुवारै सावरायलायनाय जायो । बे सावरायनायाव एबसुनिफ्राइ आफादगिरि मानावगेदेद मुस्रि दिपेन बर'नि दैदेननायाव मिरु आफादनिफ्राइ फारियै लोगो आफादगिरि खोरोमदाव औवारी, गाहाइ नेहाथारि खनिन्द्र बसुमतारी, सुबुं फोनांजाब नेहाथारि अबित नार्जारी आरो सोलोंथाइ नेहाथारि सोमावसार बसुमतारीया बाहागो लायो । गुबुन फार्से बर' थुनलाइ आफादनिफ्राइ आफादगिरि मानगोनां मुस्रि तरेन बर' आरो प्रसान्त बर'आबो बाहागो लायो । लोगोसे बे सावरायनायाव बिटिआरनि बेन्दोंनिफ्राइ गं 21 फरायसालिमानि प्रिन्चिपालफोरा बाहागो लादोंमोन ।
सान 5 गोमाना थादोंमोन सासे हतेल नि रिसेपसनिस्त आ, उनाव मिथिबाय सा 3 लोगो फोरा बे गाज्रि खामानि खौ मावदोंमोन, सासे हिनजावसा या सान 5 गोमाना दंमोन, गोबां नायगिरनायनि उनाव बो नाथाय मोनाखैमोन, नखर आ ल नङा, पुलिसफोरा बो नागिरना मोनाखैमोन। नायबिजिरनायखौ आरो गोरासिन खालामनानै सा 3 लोगोफोरखौ हमनानै सोंनाय आव सो जाथाय आ सोराङाव फैयो, सा 3 लोगो नि सासे आ बारग रायजो मन्थ्रि नि फिसा होनना मिथिना मोनदों, जाथाय आ उत्तरखन्द नि देरादुन नि, गंसे हतेल आव खामानि मावोमोन अंकिता भान्दारि मुंनि हिनजावसा या, होतेल नि रिसेपसनिस्त महरै खामानि मावोमोन, दंग आव नारख्लायहरनानै बुथारो होनना मिथिना मोनदों, उनाव बुथारग्राफोरखौ सोंनाय आव अंकिता या रिजर्त आव फैनाय सुबुं नि खाथि आव देहा फानि नि थाखाय नो बेखौ खालामो होनना बुंना लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon