खाफाल
नि गेलेनाय, हर नि गेजेराव नो 25 कौति रां नि बिगोमा जाबाय सासे अत सालायग्रा या,
सनिबारखालि मोनाबिलि समाव लतारि तिकेत बायनाय सासे अत सालायग्रा या दसे उनाव नो
देरहायो, बे अत सालायग्रा या जेकपत देरहानाय हिसाबै 25 कौति रां मोनो। अत
सालायग्रा या बुंनाय बादिब्ला गोबां खष्त जों नखर सालायनांगौ जायो होनना, दायो बे
रां मोननाय आ जोबोद गोजोननाय होदों, रबिबार नि सान खौ माब्लाबाबो बावगारनो हानाय
नङा होनना फोरमायो केरला नि अनुप मुंनि अत सालायग्रा या, बिथाङा नो मोनदों रां खौ,
रायजो नि राजधानि तिरुवन्तपुरम आव जानाय लतारि गेलेनाय आव नो देरहायो, बेलासि नि 2
बाजि सो आव बेखौ फोसावना होदोंमोन, देरहानायनि उनाव खौरांगिरिफोरा थांनानै सोंनाय
आव बिथाङा बुंदों- बे समाव आं रां खौ मा खालामनांगौ मिथिया, आं गोजोननाय मोनदों ल,
उननि खौ उनाव सानगोन होनना खुसि जों बुङो, खौरां मोननाय बादिब्ला गोथार अनाम फोरबो
नि थाखाय लतारि खौ खुंनाय जादोंमोन, 500 रां नि 66.6 लाख तिकेत फाननो हादोंमोन
होनना मिथिना मोनदों।
एनएलएफबि आफाद
नि मोनसे मोजां खामानि। खौरां मोननाय बादिब्ला कक्राझार जिल्लानि सिंआव थानाय
सरायदेका गामिनि उखुन्दै बसुमतारि आरो उर्मिला बसुमतारि नि फिसाजो खन्थाय
बसुमतारिआ सामसिंखिला गामिनि धन्नजय बसुमतारिनि अनजालि बिसि, उत्तम बसुमतारि आरो
फाउदुर बसुमतारि नि बिहामजोआ 5 दाननि गोर्बोआव दड़मोन। नाथाय दुखुनि बाथ्रा सम
आरो दान जायै आवनो हरखाबै Bleeding जानानै Patient नि
देहानिफ्राय गोबां बिबांनि थै गगारनानै मानसिया लोरबां जानायनि थाखाय खन्थाय
बसुमतारिखौ कक्राझारनि MRM Hospital आव लानानै थांदोंमोन नाथाय बेआव डॉक्टर आ आखाय
दैखांयो बेआव हानाय नंड़ा होन्नानै बेनिफ्राय Bongaigaon नि Lower Assam Hospital आव Refer खालाम हरो। जब्रानि
देहाआव थै खम जानायनि थाखाय 10 Units थै सोनो गोनां
जादों। नख'राव बांद्राय
रां खावरि गोयैनि जाहोनाव Patient खौ Hospital निफ्राय Release खालामनो
हायिनि थाखाय Patient नि बिमा
उर्मिला बसुमतारि आ कक्राझार आव थानाय NLFB Designated Camp आव थांनानै
दुखु फोरमायनानै मदत बिहैनायखाय जोंनि NLFB आफादनि गाहाय नेहाथारि(General Secretary-GS) जों लोगोसे
जोंनि सा गु (9) बर'लेण्ड आर्मी
फोरा थै हो फैनानै Patient खौ फोथांना
लाखियो।
जों गोजाम लामा, बदलेन्द होननाय सोदोब जों माब्लाबाबो
आलादा रायजो मोननाय नङा, बेखौ बुंदों दुवार अन्सल जन परिसंगम नि आफादगिरि पारमिनास
नार्जारि बिथाङा, मोनसेल हारि जों बदलेन्द खौ मोना, रायजो खौ मोनगोन होनना बुंब्ला
हिस्तरि बेकग्राउन्द नांगौ, लिगेसि नांगौ, आरो बे दुवारअन्सल ओनसोल आ हिस्तरि
बेकग्राउन्द आव क्लियार, गासैबो फोरमान दं होनना बो बुङो बिथाङा, रायजो नि मुङा
दुवारअन्सल जागोन, गुबुनफारसे बिथाङा दावराय देख्रेब नार्जारि बिथांमोना बदलेन्द
दाबिनायखौ राजखान्थि नि थाखाय सो खालामदों होनना बुंदों, बिसोर मिथिखायो बितिआर
गोरोबथा या कमप्रेहेन्सिफ फाइनेल सलुसन जाबाय, बेखौ फानना फैबाय, बेयो जोबथा एकर्द
होनना बुंदों। मोनसे हारि जों माब्लाबाबो जाया, लोगोसे जाना सो मोनगोन, मानोमा
भारत आव 2000 नि बारा हारि दं, मोनसे नो होयोब्ला गासैनोबो होनो नांगोन ना नाङा
होनना सोंदों।
रायजो आव फिन
लाभ जेहाद नि जाथाय, सिरां जिल्ला नि सासे हाबा जाखानाय आयजो आ राजस्थान नि सासे
मुस्लिम सेंग्रा जों थगायजाबाय, मिथिना मोननाय बादिब्ला बिजनि नि सासे हाबा
जाखानाय आयजो आ थगायजादों आयेन बेरेखा मोजां मोनलायनानै। राजस्थान नि सासे मुस्लिम
सेंग्रा या गावखौनो हिन्दु बुंनानै मोजां मोननाय नि सोमोन्दो लाखिदोंमोन, मिथिना
मोननाय बादिब्ला सिरां जिल्ला नि बिजनि महकुमा नि गंसे गामि नि आयजो आ फिसाय नि
ननिफ्राय फैनानै गावनि गामि आव थाफैदोंमोन, बेयावनो बे राजस्थान नि सेंग्रा या बो
थाफादोंमोन होनना मिथिना मोनदों, सान 4 सो बिमा नि न आव थादोंमोन, नाथाय गामि नि
रायजोफोरा सिनायमोनि सेंग्रा खौ सोंनाय आव बिनि मुङा खायेरुल खान होनना सिनायथि
होयो, 26 बोसोर बैसो नि, लोगो लोगो बिखौ हमनानै रायजोफोरा एसएसबि फोरनो खौरां हरो,
बेनि दसे उनाव नो पुलिसनो बो खौरां हरनाय आव जाथायसालि आव पुलिस आ थांनानै हाबा
जाखानाय आयजो आरो बे सेंग्रा सानैखौबो हमो। जाथाय खौ दैलंझार नि होनना
खोनादोंब्लाबो मा मोनसे नम्बर नि बेयो रोखा जायाखै जायगा नि मुङा।
दुलाराय बर' फरायसा आफादनि
55थि
बोसोरसालिया जथुम्मा(Annual
Conference)खौ उदालगुरि जिल्लानि सिङाव
थानाय रौथा ओनसोलाव खुंफुंनो थि खालामनाय जायो। बे जथुम्माखौ खुंफुंनो थाखाय
बानजाय आफादखौ दिनै आबुङै दाफुंनायजों लोगोसे बानजाय आफादनि मावखुलिखौबो बेखेवनानै
होनाय जायो।बेखेवगिरि महरै दुलाराय बर'फरायसा आफादनि मानगोनां आफादगिरि-दिपेन बर'आ बाहागो लायो। बे हाबाफारियावनो बाहागो लाबावनो हादोंमोन मिरु दुलाराय बर'फरायसा आफादनि मानगोनां गाहाइ नेहाथारि- खनिन्द्र बसुमतारी जों लोगोसे नेहाथारि-
आनान्द दैमारी, गेलेमु
नेहाथारि - गनेस बसुमतारी, बाथ्रा दानथे नेहाथारि- दिपज्यती कछारी आरो लोगो सोलोंथाइ नेहाथारि- रमिअ
कु. बसुमतारी बिथांमोनहाबो। लोगोसे उदालगुरिनि जिल्लानि आफादगिरिजों लोगोसे
बिबानगिरिफोर आरो ओनसोलनि गोरों गोराफोर आरो रायजो राजाफोराबो हाबाफारियाव बाहागो
लानानै हाबाफारिखौ मोजांङै मोजां जाफुंसार होयो।
ताइवान
आव गिथावना बांग्रि, 24 घन्ता याव खन 3 बांग्रि फैनायनि खौरां मोनदों, रिखतार
स्केल आव बेखौ 6.4, 6.8 आरो 7.2 मेगनितिउद होनना मिथिना मोनदों, गोबां खहा जादों,
बेनि गेजेराव नो जापान आ सुनामि नि एलार्त बो खालामना होदों, मानोना जोबथा फैनाय
बांग्रि आ गिथावनासिन मोन, 6.4 आ सनिबारखालि नो फैदोंमोन, 6.8 मेगनितिउद नि आ
रबिबार नि फुङाव आरो 7.2 आ रबिबार नि बेलासि समाव फैदोंमोन, गोबां जायगा याव लामा,
दालां, न, बायदि बायदि फोर बायदों, ताइवान आ रिं अफ फायार नि ओनसोल आव गोग्लैयो,
जेराव बयनिख्रुय बांसिन बांग्रि फैयो, अरगें हाजो बेरफ्रुनाय बायदिफोर जायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon