22 September bodo news 2022

गाबोन 23 सेप्तेम्बर खालि सो होगोन रायजो नि 11202 मोजाङै उथ्रिसारनानै साख्रि मोननाय सुबुंफोरनो साख्रि नि थिसनलाय खौ, आसामनि गिबि मन्थ्रि आ खानापारा नि भेतेरिनारि ग्राउन्द आव मोनसे गिदिर हाबाफारि नि गेजेरजों होगोन होनना खौरां मोनदों, गासै 21 ता बिफान आव होनाय जागोन, नखर बिफान नि 5335, सोलोंथाय बिफान नि 3811 जों लोगोसे पन्सायत आरो गामि जौगाखां बिफान, दै जगायनाय बिफान, सावस्रि आरो गोबां बिफान नि होनाय जागोन, आसामनि दिजिपि बिथाङा साननै सिगाङाव 22 सेप्तेम्बर आव होगोन होनना बुंदोंमोन, नाथाय उनाव गिबि मन्थ्रि आ 23 सेप्तेम्बर होनना बुङो।

          बितिसि सोरखार आ 3थि आरो 4थि ग्रेद नि साख्रि खौ गावनो होनो हायो, बेखौ बुंदों ईउपिपिएल नि दैदेनगिरि राजु नार्जारि बिथाङा। आगोलाव बितिसि सोरखार आ नो होदोंमोन बेखौ दाबो होगोन आरो ईयुन आव होगोन, रावबो सेना लानो हाया। दानि बितिसि सोरखार आ 3500 मासि लांदां जाना थानायनि 1800 खौ थाबैनो सुफुंनो थाखाय थियारि होनना बुंदों, जेब्ला नतिफिकेशन होगोन अब्ला नो मिथिगोन होनना बुङो। आसाम सोरखार नि दायो होनाय आ आसामनि सो, बेयो जोंनि थाखाय बनास सो जादों, बेयाव आसामनि खौ बो मोनगोन होनना बुङो। एमएलए लरेन्स ईस्लारि बिथाङा बो 3थि ग्रेद आरो 4 थि ग्रेद नि खौ बितिसि सोरखार आ नो होनो हायो, साख्रि होनाय नि सिगां नो रायजो सोरखार निफ्राय गनायथि लानो नांगौ मानो होनोब्ला बेनि बथन होनायखौ रायजो सोरखार निफ्राय सो मोनो, बेनिखायनो ईन्तारभिउ आ जानायनि सिगां एप्रभ खालामो, सिगां आव बो बेबायदिनो जायोमोन, बेरेखा दोलो नि बानसावनायसो साख्रि होनो हाया होनना बुंनाय आ होनना बो बिथाङा बुंदों। ईएम रन्जित बसुमतारि बिथाङा मैया खौरांमेल नि गेजेरजों थाबैनो अक्तोबर नबेम्बर नि गेजेराव 400 नि बारा मासि लांदां जाना थानायखौ ईन्तारभिउ नि गेजेरजों सोफुंगोन होनना बुंदों, लोगोसे बे 400 जों ल जाया बेनि थाखाय जायनि जाहोन आव आसाम सोरखार जों आलादा मोनसे बेतेलियान नांगौ होनना दिमान्द खालामनाय जादों होनना बो फोरमायो बिथाङा।

          रायजो आव फिन खनसेबाव साखन्द्रा नि मुङाव बुनाय जाथाय, प्रसासन नि खौरां बिजोंनि गेजेरजों बुजायनाय, फोसावनायनि उनाव बो नाथाय साधारन सुबुंफोरनि गोसो निफ्राय साखनन्द्रा नि गिनाय आ खाराखै। मैया काछार आरो गलाघात आव जादों मोननै जाथाय, गोलाघात नि बरजान आव जादों दावराव, साखन्द्रा नि सन्देह आव रायजोफोरा हमनानै बुदों सासे सिनायमोनि सुबुं खौ, मिथिना मोननाय बादिब्ला थांनाय सान 3 बे सुबुं आ गिदिंथिंबाय थादोंमोन ओनसोल आव, बिखौ आग्रा नि होन्ना मिथिना मोनदों, उनाव रायजोफोरा हमनानै जायगा नि पुलिस नो गथायना होयो, बिनि मुं खौ लक्ष्मन होनना मिथिना मोनदों, जाथाय खौ मिरु खालामनानै ओनसोलनाङैनो गोबां दावराव जादों, गुबुनफारसे काछार नि आ साखनन्द्रा नि सन्देह आव जयपुर आव सासे एल्तो सालायग्रा खौ बुनाय जों लोगोसे एल्तो खौ सावना होनाय जाथाय, गाज्रिथार हालोद आव बे बुजानाय सुबुंखौ सिलचर मेदिकेल कलेज आव फाहामथाय होनाय जायो, एल्तो सालायग्रा नि मुं खौ साहिन आहमेद होनना मिथिना मोनदों, देउयान बागान आव दावबायारिखौ दोननानै फैफिननाय समाव नो दोलो से सेंग्रा फोरा सन्देह खालामनानै हमो आरो बुयो।

            ईउपिपिएल दोलो आव गाव गावनि गेजेरावनो गोरोबलायि थासारि सोमजिदोंनामा, बितिसि नि मुशलपुर बियाब नि आव दोलो नि गेजेराव नो बेरेखा जालायनायखौ नुनो मोनदों, ईएम राकेश ब्रह्म नि बेरेखा जादों 11 ता गुदि कमिति आ, मैया खोरांमेल नि गेजेरजों बेरेखा जानायखौ फोरमायो, खौरांमेल नि गेजेरजों ईएम राकेश ब्रह्म बिथाङा दोलो नि नेम खान्थि खौ सिफायदों होनना अजद होदों, गोजाम कमिति खौ सिफायालासैनो राकेश ब्रह्म नि दैदेननाय आव गोदान कमिति दानानै गोजाम कमिति खौ खामानि निफ्राय गोजानाव थाहोदों होनना अजद, मुशलपुर ब्लक ईउपिपिएल नि बिबानगिरि बापन बसुमतारि तिएलसिसि नि सोद्रोमा मनेश्वर बसुमतारि नि दैदेननाय आव दोलो खौ गावस्राहोनानै गोजाम कमिति खौ खामानि मावनायनिफ्राय जानगार आव थाहोदों, बेनि सायाव अजद होदोंब्लाबो जेबो गोसो होआखै होनना बो अजद जों लोगोसे ईएम आ बियाब आव गुन्दागिरि खालामबोगासिनो होनना बो गिदिर अजद होदों। खौरांमोल नि गेजेरजों बिथांमोना ईएम आ दोलो नि मावथिफोरखौ मारपित खालामो होनना बो अजद होदों। जुदि दोलो नि गाहाय दैदेनगिरिफोरा बे आयदा नि सायाव जेबो गोसो होआब्ला मुशलपुर ब्लक ईउपिपिएल नि सिंनि 11 ता गुदि कमिति आ गुबुन बेबस्था लागोन होनना रोखा खालामना होदों।

           मुम्बाई आव गोबां कौति रां नि हेरोईन जब्द खालामदों, नहाभा सेभा बन्दर आव मोनसे कन्तेइनार निफ्राय 20 तन नि बारा जब्द खालामदों होनना मिथिना मोनदों, बेनो रायजो नि गिदिरसिन हेरोइन जब्द खालामनाय जाथाय होनना मुंम्बाई पुलिस आ बुंदों, खौरां मोननाय बादिब्ला कन्तेइनार आ गंसे जाहाज नि सिङाव सोना दोननाय हालोद आव दंमोन, नायबिजिरनाय समाव कन्तैइनार निफ्राय 22 तन हेरोइन मोनदों, ईन्तारनेशनेल बाजार आव बेनि बेसेन खौ 1725 कौति जागोन होनना बुंनाय जादों, गोबां बिबां नि मोननाय आ साननो गोनां खालामना होदों, बेयो मोनसे ईंगित दि जोंनि हादर आ ईन्तारनेशनेल द्राग्स नि फालांगि नि जे आव गोग्लैदों।

           मैया धुबुरि नि बिजिरसालि आ सासे जिनाहारि खालामनाय दायनिगिरि खौ जिउ जोबजासिम जेल नि साजा होदों, बेल नङा, लोगोसे 1 लाख रां नि जरिमाना बो होदों होनना मिथिना मोनदों, धुबुरि नि तामारहात नि अतुल बिश्वास मुंनि सासे सुबुं आ थांनाय 2021 नि 31 आगस्त आव मोनाबिलि समाव सासे 11 बोसोर बैसो नि उन्दै गथ खौ जिनाहारि खालामदोंमोन, बेनि उनाव 100 रां आरो सिप्स नि पेकेत होनानै खुगा बन्ध खालामनो नाजादोंमोन अतुल बिस्वास मुंनि दायनिगिरि आ, बेनि अनगायैबो बियो गथ नि नखर खौ बुथारगोन नि वार्निं बो होदोंमोन नि अजद बिनि बेरेखा, नाथाय बेबायदि हुमखि फोरखौ गियालासै नो जाथाय नि उन खालि नो थाना याव मोनसे गसर थिसनदोंमोन आरो बे गसर नि सायावनो राय होयो बिजिरसालि आ, 1 लाख रां नि जरिमाना खौ हो हायाब्ला आरो 1 बोसोर बारा जेल जानो नांगोन होनना मिथिना मोनदों।

             सासे गथ आ हम वर्क खालामि नि फिथाय आ मा जानो हागौ, नोंथाङा जानो हागौ हम वर्क खालामि नि थाखाय बिमा बिफा जों माब्लाबा रायजादों, बै समाव जानो हागौ नोंथांङा गाज्रि मोनदोंमोन, नाथाय नोंथाङा माब्लाबा हमवर्क खालामि नि थाखाय बिफा या केरासिन लुनानै सावना होनाय जाथाय खोनाफेरदों ना, जाथाय आ पाकिस्तान नि, सोमोनांथाव, सासे 12 बोसोर बैसो नि गावनि गथ खौ नो बेनि थाखाय केरासिन लुनानै सावना होदों, जाथायनि सोमोन्दै मिथिनाय बादिब्ला शाहिर मुंनि गथ आ हमवर्क खालामनानै सिला बिरहोनो थांनो नागिरदोंमोन, नाथाय बिफा या थांनो होआलासै हमवर्क नि सायाव सोंनाय खालामनायखौ जागायो, शाहिर आ फिननाय होनो हायाखैमोन, बेयावनो सिगिनो थाखाय देहा याव केरासिन लुना होयो, आरो बेबायदिनो रागा जोंनानै अर बो सावना होयो। बिमा या कम्बल जों अर खौ खोमोरनो नाजादोंमोन, बिफा या बो नाजादोंमोन नाथाय बेनि सिगां नो देहा नि गोबां बाहागो आ नो खामजोबबायमोन, उनाव देहाफाहामसालि आव लांदोंमोनब्लाबो गथ नि जिउ गोमायो होनना मिथिना मोनदों, गथ आ थांनाय 16 सेप्तेम्बर खालि नो थैदों, नाथाय दासो सोराङाव फैदों।

            दुखुनांथाव, लामा नि खाथि नि दिभाइदार आव उन्दुना थानाय गोबां सुबुंफोरखौ नो गोसायै सालायनाय त्राक आ सौख्रांनाय जाथाय, सानजा दिल्लि नि सिमापुरि ओनसोल आव जादों, मंगलबारखालि हर गेजेराव गंसे गोसा सालायनाय त्राक आ सा 6 सुबुंफोरनि साजों नो थाङो, बेयावनो सा 4 नि जिउ गोमायो आरो सा 2 आ जोखोम जायो, जाथायसालि आव पुलिसफोरा थांनानै सानै खौ जितिभि देहाफाहामसालि आव दैथायहरो होनना मिथिना मोनदों, हर गेजेर नि 1.51 सो आव जादोंमोन, जाथाय खौ खालामखांनायनि उनाव त्राक सालायग्रा या त्राक खौ गारनानै खारो, दायो दायनिगिरि सालायग्रा खौ नागिरगासिनो पुलिस फोरा।

          मैया दुलाराय बर' फरायसा आफाद, बर' थुनलाइ आफाद, All Assam Students Union (AASU) आरो Axom Xahitya Xhabha नि जथाय हांख्रायनायाव आसामनि जनजातिफोरनि फरायसा आफाद आरो गुबुन गुबुन आफादफोरखौ लानानै बावैसो सिगां आसाम सोरखारनि केबिनेट आरो आसामनि सोलोंथाइ बिफाना सोलोंथाइनि बिथिङाव लानाय आयदाफोरनि सायाव गुवाहाटीनि हतेल प्राग कनटिन्टेलनि कनफारेन्स हलाव मेल जथुमनाय जायो। जथुमाव गुबैयै

(1) आसाम सोरखारा बर', असमीया आरो गुबुन बिमा राव बिजोंनि फरायसालिफोराव थाखो 3 थामनिफ्राय 12 थाखोसिम सानखान्थि आरो बिगियान आयदाखौ इंराजी बिजोंजों फोरोंथाय होनाय,

(2) बर', असमीया आरो बिमा राव बिजोंनि फरायसालिफोराव इंराजी बिजोंखौबो समानै सोसनफानो नागिरनाय

(3) आसामनि मोनफ्रोम बियाबआव बर', असमीया आरो बिमा राव बिजोंनि फरायसालिफोरखौ आदर्श फरायसालि बानायनानै इंराजी बिजोंआव सोलायहोनानै CBSE आवथायाव लांनो नागिरनाय

(4) आसामनि मोनफ्रोमबो बियाबआव CBSE नि आवथायाव इंराजी बिजोंनि फरायसालि गायसननाय आरो गोबां जेंनाफोरनि सायाव गुवारै आरो गोथौयै सावरायनाय जायो।

* आसाम सोरखारा बर', असमीया आरो बिमा राव बिजोंनि फरायसालिफोरखौ फोजोबस्रांनो नागिरनाय जायखि जाया थांखिखौ गनायनानै लानाय नङा आरो आसाम सोरखारा बिमा राव बिजोंनि फरायसालिफोराव लानाय थांखिफोरखौ फिन सोदांफिननो थाखाय खावलायनानै दिनैनि आफादा थांखि लायो।

* आसाम सोरखारा बिमा राव बिजोंनि फरायसालिफोराव बिजोंनि सायाव जेंना सोमजि होनायनिफ्राय गोजानाव थानांगोन होन्नानै थांखि लानाय जायो।

* बर', असमीया आरो बिमा राव बिजोंनि फरायसालिफोराव सानखान्थि आरो बिगियान आयदाखौ इंराजी बिजोंआव फोरोंथाय होनायखौ बोखारनानै लानांगोन आरो इंराजी आयदाखौ इंराजी रोंनाय मोजां फोरोंगिरिनि गेजेरजों फोरोंथाय होनांगौ होन्नानै थांखि लायो।

* फैगौ अक्टबर दानाव आसाम सोरखारा बर', असमीया आरो बिमा राव बिजोंनि फरायसालिफोरनि सायाव ब्रा-ब्रायै जाबसिननानै होनाय थांखिफोरखौ बोखां फिन्नानै लायागौमानि सोरखारनि हेंथायै धर्ना हाबाफारि लानाय जागोन।

दिनै सावरायनाय हाबाफारियाव गासै 30 निबो बांसिन आफादफोरा बाहागो लायो।

दुलाराय बर' फरायसा आफादनिफ्राय मानिनां आफादगिरि मुस्री दिपेन बर', लोगो गाहाइ नेहाथारि दिनेश ब्रह्म, सोलोंथाइ नेहाथारि सोमावसार बसुमतारी, थुनलाइयारि नेहाथारि समित नार्जारी, लोगो सोलोंथाइ नेहाथारि रमिअ कु. बसुमतारी आरो दिल्ली दालाय एबसुनि बानस' आफादगिरि उर्खाव बर' बिथांमोना बाहागो लायो।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post