तामलपुर जिला त्राइबेल संघ नि 4थि
बोसोरसालिया जथुमानि जोबथा सान नि हाबाफारि आ तामुलपुर जौसिन फरायसालि नि नब्लां
आव मोजाङै मोजां जोबनानै थाङो, बे हाबाफारि आव गाहाय आलासि महरै बाहागो लायो
बितिआर नि गाहाय प्रमद बर बिथाङा, बेबायदि नो जरखा आलासि महरै बाहागो लायो
त्राइबेल संघ नि गाहाय नेहाथारि आदित्य खाख्लारि बिथाङा, बे हाबाफारि आव बाहागो
लानायनि उनाव खौरांगिरिफोरनि सिगाङाव आदित्य खाख्लारि बिथाङा मोन 6 हारि नो एसति
होयोब्ला त्राइबेल हारि आ नो जोबस्रांलांगोन होनना बुंदों, सोलोंथायारि, समाजारि,
रांखान्थियारि, राजखान्थियारि गासैबो आव नो, जोंनि फरायसा फोरा एदमिशन खौ नो
मोननाय नङा, दक्तर ईन्जिनियारि नि आव मासि खौ नो मोननाय नङा, मोजां मोजां कलेज
इउनिभारसिति फोराव एसति नि थाखाय लाखिनाय मासिखौ गासैखौबो सेजोबना लागोन होनना बो
बुङो, बेखायनो मोन 6 हारि नो एसति होनायखौ माब्लाबाबो गनायना लाया होनना बुंदों।
लोगोसे दानि सोरखार आ दिसि नो अनलाइन नि गेजेरजों एसति नि फोरमान बिलाय होनायनि
सायाव बिथाङा बुंदोः गोरोन्थि जायोब्ला दिसि नि दाय जागोन आरो लोगोसे त्राइबेल संघ
खौ सिनायनाय खामानि खौ मावनो नांगोन होनना बो बुङो। गुबुनफारसे सासे दास बिमुं
लिरनाय सुबुं आ एसति नि फोरमान बिलाय मोननाय आ गिदिर बाथ्रा नङा, सोनोवाल, सरनिया
फोरा बो दास लिरनाय दं, उपाधि आ गोनां बाथ्रा नङा, एसति नंगौ ना नङा बेसो गोनां,
बेफोरखौ त्राईबेल संघ आ नायनानै सो होयो होनना बुंबावो। गुबुनफारसे बितिआर नि गाहाय प्रमद बर
बिथाङा बो सोरबाफोर नंखाय सिखावै फोरमान बिलाय लादोंब्ला हमजायोब्ला बेनि सायाव
एक्सन लानायनि बेबस्था खालामनाय जागोन होनना बुंदों।
त्रेइन स्तेशन आव हासुग्रा जायगा आरो
वेइतिं रुम बाहायब्ला गोदानै रां लागोन होनना साननैसो गोबां फोसावनाय खौ नुनो
मोनदोंमोन, नाथाय भारत नि रेलवे आ बे खौरां खौ नंखाय होनना बुंदों,, बेबायदि मासुल
लानायनि सायाव जेबो सानाखै होनना बुङो, रबिबारखालि सा-सानजा सिमना रेलवे आ मोनसे
असमिया खौरां बिजों आ मोनसे खौरां आव फोसावनाय सावगारिखौ होफानानै बुङो। खौरां आव हासुग्रा
जायगा आरो वेइतिं रुम बाहायब्ला जिएसति होनो नांगोन होनना फोसावदोंमोन, दायो रेलवे
आ बेखौ आबुङै नंखाय होनना बुङो।
बितिआर नि सदर सोहोर कक्राझार आव 6
सेप्तेम्बर आव जागोन आसाम केबिनेत नि जथुम आ, आसाम सोरखार नि केबिनेत नि जथुम खौ
नोजोर होनानै दायो बितिआर परिषद आरो जिला प्रसासन आ कक्राझार सदर सोहोर खौ गोदान
खैना महरै साजायदों, अखा हादोंब्लाबो नाथाय खामानि खौ मावगासिनो, दायो बितिसि
सेक्रेतारियेत नि गाहाय हाबनाय दरजा, गुबुन गुबुन बिफान नि आलासि न, अभारब्रिज आरो
सोहोर नि गुबुन गुबुन जायगा याव रं एबा गाब फोरजों गोदान महरै साजानाय जादों।
मंगलबारखालि एबा गाबोन जानो गोनां बे जथुम नि थाखाय बितिसि नि प्रिन्सिपाल
सेक्रेतारि आ मोनसे सावरायमेल बो खुंदोंमोन, जेराव कक्राझार जिल्ला नि दिसि,
जिल्ला नि एसपि आरो गुबुन गुबुन बिफान नि अफिसार फोरा बाहागो लादोंमोन, मन्थ्रि
फोरा जाहाथे जेबो रोखोमनि असुबिदा जों मोगा मोगि जाया बेनि थाखाय गासैबो नि फारसे
सावरायलायो, गुबुनफारसे दिनै नि गेजेराव नो गासैबो मन्थ्रि फोरा मेनफैगोन होनना
मिथिना मोनदों।
अमा फिसिनायफोरखौ गोबां साननो गोनां
खालामना होफिननानै लखिमपुर नि बगिनदि आव फिन आफ्रिकान स्वाइन फिभार नि गिथावना
थासारि सोमजिदों, स्वाइन फिभार नि गोसारनायखौ नोजोर होनानै जिला बिफान आ बगिनदि नि
रंपुरिया गामि आव 50 नि बारा अमाफोरखौ बुथारदों आरो लोगोसे 10 किमि सिम ओनसोल आव
दाननाय अमा बेदर आरो अमा बायनाय फाननाय बेन खालामना होदों, जायनि थाखाय ओनसोल आव
अमा फिसिनानै जिउ खुंनो, एबा रां आरजिनो साननाय गोबां बेकार सुबुंफोरनि लामा या
बन्ध जानायखौ नुनो मोनदों।
गेलेनायनि
गेजेरजों बर' हारिखौ बुहुमाव
सिनायथि होनाय थांखिजों एबसुआ क'क्राझारनि बागानसालियाव थानाय बड'फा हाउसआव
गेलेमु आयदानि सायाव जर'खा सावरायमेल खुंदोंमोन । बे सावरायलायनायाव बिटिआरनि गंबा जिल्लानि
सिङाव थानाय गेलेनायजों सोमोन्दो गोनां सुबुंफ्रा बाहागो लानानै सावरायनाय
हाबाफारिखौ मोजाङैनो जाफुंसार खालामो । एबसु नि आफादगिरि दिपेन बर बिथाङा बुंदोः
बेयाव मोन 3 एजेन्दा लादों होनना बुङो, गिबि आ 13 बोसोर नि सिंनि फुतबल गेलेनाय खौ
एबसु नि चेन्त्रेल लेबेल आव मोन 4 जन आव गासै आसाम आव खुंनायनि थाखाय थियारि
खालामदों, नैथि आ एबसु नि दैदेननाय आव मोजां त्रफि एबा गल्द काप खुंनो हायो नामा
बेनि सोमोन्दै सानदों आरो जोबथा याव नबेम्बर दान नि जोबथा फारसे दुलाराय आसाम आरो
भारत नि गेलेनाय आव बाहागो लानानै दायो आजिरा मोनबाय आरो लोगोसे दायो जायफोरा
नेशनेल ईन्तारनेशनेल लेबेल आव गेलेगासिनो दं बिथांमोनखौ लिंनायनि गेजेरजों बदलेन्द
स्पर्त्स कनक्लेभ जागोन होनना बो बुङो।
मिरु एबसुनि
आफादगिरि मानावगेदेद मुस्रि दिपेन बर'आ मासि लानानै दैदेननाय सावराय मेलाव फुंखा
सुबुं महरै बाहागो लायो हेमेन्द्रनाथ ब्रह्म,( Secretary, Assam Football Association), सुभाष
बसुमतारी(Former
Regional Director, SAI), प्रदिप नार्जारी(DSO, Kokrajhar), सोमदोन
मसाहारी(DSO,
Odalguri)या ।
हाजु आव फुङाव
नो दुंहाव थासारि, मोनसे बुथारनाय जाथाय खौ लानानै दलैतोला याव दावराव। सा 4 बिदा
फंबाय आ गाग्लोबनानै बुथारो मजिबर रहमान मुंनि सुबुं खौ। मोसौ आ फोथार नि आबाद खौ
जानायखौ लानानै नो बे सोमोनांथाव जाथाय आ जादों, जाथाय नि सोमोन्दै मिथिनाय
बादिब्ला साननैसो सिगां मजिबर रहमान उरफे बाबु मुंनि सुबुं नि फोथार आव थानाय
खुसेर आरो थालिर नि आबाद खौ नष्त खालामदोंमोन रियाजुल आलि उरफे धनिया मुंनि सुबुं
नि मोसौ गाय आ, बेनि सायाव नो मजिबर आ अजद होदोंमोन बिगोमा खौ, नाथाय बेखौ नो रागा
जोंनानै गाय मोसौ नि बिगोमा या सा 3 बिदा फंबाय फारियै जाकिर आलि, बाबुल आलि आरो
शफिद आलि जों लोगो जानानै मजिबर खौ लावथि जं जों बुयो, जिउ गोमायो सुबुं नि, थैनाय
नि उनाव नो रायजोफोरा रागा जोंनानै सा 4 बुथारग्रा बिदा फंबाय नि न खौ बुफाय बुसि
खालामनानै सावना होयो, दायो सा 4 बुथारग्रा बिदा फंबाय आ खारखुमाना दं।
सालाकाटि दख'रा एबसुनि
बानजायनायाव खुंनाय खुंगा 2थि रैखाथिनि फाइखि ट्रपि-2022 नि जोबथा
बादायलायनाया दिनै खान्थालगुरि बारलां आफाद गेलेग्रा फोथाराव
जानानै थाङो । दिनैनि जोबथा बादायलायनाया चट' कुर्साकाटि फुंखा क्लाब आरो सातबिन्दो रिंखां
क्लाबनि गेजेराव जादोंमोन । हाबाफारि
बादियै जोबथा बादायलायनायखौ बेखेवनानै होयो मिरु एबसुनि गाहाइ नेहाथारि मानगोनां
मुस्रि खनिन्द्र बसुमतारीया । बेखेवनाय
बिबुंथियाव बिथाङा गेलेमु बिथिंङाव गुवारै बिबुंथि लाखिनानै एबसुआ बर' हारिखौ
फारफ्रोमबो बिथिंङावनो जौगानायखौ लुबैयोखायनो समाज आरो हारिनि मोजां हाबा
मावलांनानै जिउ बाउलांनाय सुबुंफोरनि मुङै मिरु, जिल्ला, दख'रा आरो
दालायसा आफादफोरा गेलेमु आयदायावबो बादायलायनाय खुंङो होननानै बुंङो । गुबैयै दिनैनि
बादायलायनायाव सातबिन्दो रिंखां क्लाबआ चट' कुर्साकाटि
फुंखा क्लाबखौ 7-1 गलआव
फेजेननानै देरहासाद जानो हायो । बे जोलुर
बादायलायनायाव नोजोरबो॓आरि महरै ओनसोलनि मेलेमजिबि आरो राइजो राजाफोरजों लोगोसे
मिरु एबसुनिफ्राइबो फारियै सुबुं फोनांजाब नेहाथारि अबित नार्जारी, थुनलाइयारि
नेहाथारि समित नार्जारी आरो क'क्राझार जिल्ला एबसुनिफ्राइ लोगो आफादगिरि
सोमदोन ब्रह्म आरो लोगो गेलेमु नेहाथारि दिन्थि बसुमतारीयाबो बाहागो लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon