दिभाइद आसाम
50-50 एबा आलादा बदलेन्द नङा, बे बार आव आसाम आरो सोनाब बंग नि गुबुन गुबुन
ओनसोलफोरखौ लाफानानै मोनसे आलादा रायजो दानाय नि दाबि, सानजा फारसे सदिया निफ्राय
सोनाब बंग नि गुबुन तिस्ता दैमा सिम थानाय गासै 18 ता दुवार ओनसोल खौ लाफानानै
दुवारान्सल प्रदेश मुंनिमोनसे गोदान रायजो नि दाबि, बे दाबि खौ दिजेपि संगथन आ
खालामदों, मैया कक्राझार प्रेस क्लाब आव खौरांमेल नि गेजेरजों दिजेपि एबा
दुवारान्सल जन परिसंघम नि आफादगिरि पार्मिनास नार्जारि बिथाङा बुंदों, बितिआर आरो
बितिसि आ ओनसोलनि सुबुंफोरनि लुबैनायखौ सुफुंनो हायाखै, बेनि थाखाय नो गासैबो ज
जानानै दुवारान्सल प्रदेश दानो दाबि खालामनाय जादों, खौरांमेल नि गेजेरजों आसामनि
गिबि मन्थ्रि खौ बो गोख्रों राव जों सोंखारिदों बिथाङा, बुंदों आगोलनि गाहाय
मन्थ्रि अतल बिहारि बाजपेयि, नखर मन्थ्रि लालकृष्ण आदवानि बिथांमोना जनजाति फोरनि जौगानायनि
थाखाय होनाय मोनथाय फोरखौ गासैखौबो फोजोबस्रांबाय, बेफोरबायदि नि थाखाय नो आसाम आव
थानाय आ सम्भब नङा, मखजाथावदि गुबुन गुबुन समाव गोबां संगथन आ आलादा रायजो दाबि खालामबोगासिनो दं, बेफोरनि
गेजेराव मोननैसो आ आलादा बर रायजो, कमतापुर, दिमासा दानाय नि दाबि, साननैसो
सिगाङान एबसु नि आफादगिरि दिपेन बर बिथाङा आलादा इउति दानाय नि सिगां बर रायजो
दानाय नि दाबि दैखांदोंमोन, बदलेन्द आन्दोलन सोलिनाय समाव मिरु सोरखार आ गोबां
रायजो दाबाय नाथाय बदलेन्द आ जायासै, बेनि उनाव दा. सोरखार आ गोदान इउति एबा आलादा
रायजो दायोब्ला गिबिआव नो बदलेन्द दाग्रोनांगोन होनना बुंदोंमोमोन।
सियाल खौ न आव
फिसिनाय माब्लाबा खोनादों ना, हाग्रा नि सियाल खौ न आव फिसिना लानानै खहा सासे
सुबुं नि। न नि हांसो दाउ गासैखौबो जाजोबदों सियाल आ। मिथिना मोननाय बादिब्ला
साननैसो सिगाङाव रायजो आव जानाय गिथावना दैबाना याव सिलघात नि जयराम राजभर मुंनि
सासे सुबुं आ दै आव मानै सियाल खौ नुनानै बासायदोंमोन, साननै सो उनाव मासे नि जिउ
गोमायो, गुबुन मासे खौ गायखैर, ओंखाम जाहोना गिदिर गोलाव खालामो जयराम राजभर नि न
आ, नाथाय न आव थानानै बो सियाल नि आखु आ सोलायासै, गिदिर जालांनाय लोगो लोगो नो न
नि दाउ हांसो नि सायाव गाग्लोबनो हमबाय, जायनि थाखाय सियाल खौ खाना दोननो गोनां
जायो, दायो बे जाथाय नि उनावनो नखर नि सुबुंफोरा काजिरङा माहारियारि हाग्रामा नि
बिबानगिरि आरो गुबुन संगथन नो बे सियाल खौ गथायना होनो गोसो जयराम राजभर नि। खौरां
मोननाय बादिब्ला बिथाङा आगोलावबो मै फिसा फिसिनाय आरो दलफिन बायदि खौ फिसिनानै
गिदिर खालामना हाग्रा बिफान नो गथायना होदोंमोन।
आसाम नि
सोरखारि साख्रि नि मुं आव रां लानाय होनाय सोलियो नामा, मोनसे गिदिर अजद सासे
सुबुं नि, फन नि गेजेरजों 3 निफ्राय 8 लाख रां सिम दाबि खालामदों, भिक्तर दास
मुंनि सुबुं आ आसामनि गिबि मन्थ्रि, दिजिपि, एसदिजिपि बिथांमोनखौ तेग खालामनानै बे
अजद खौ होदों, बेयाव सानैसो बारग एमएलए नि बो आखाय दं होनना फोरमायदोंमोन, बेखौ
पस्त खालामनायनि उनाव नो आसामनि एसदिजिपि बिथाङा लोगो लोगो रिप्लाइ होयो आरो बेनि
फोरमान खौ इनबक्स आव हरनो खावलायो। थारैनो सोलिमारदोंनामा रां होनाय लानाय आ,
बेफोर गासैखौबो नायबिजिरनायनि उनाव सो मिथिसिगोन।
बृतेइन नि
बयनिख्रुय गोलावसिन सम रानि जाना थानाय रानि एलिजाबेथ नैथि नि जिउ गोमाबाय। 96
बोसोर बैसो नि मोन बिथाङा। मखजाथावदि थांनाय बोसोर नि अक्तोबर निफ्राय नो देहायारि
जेंना जों मोगा मोगि जानांदोंमोन, थाबायनाय, गसंनाय आव खष्त मोनदोंमोन, थांनाय
साननै देहाफाहामगिरि नि नोजोर आव दंमोन। 1952 मायथाइ आव नो बिबान लानानै 70 बोसोर
रानि जाना थादोंमोन, गोलावसिन सम सासन खालामनायनि रेकर्द खौ सिफायना गालांनो हायो
बिथाङा, दायो खौरां मोननाय बादिब्ला बिथांनि जायगा याव राजकुमार सार्लस आ
ईंग्लेन्द नि राजा जाबाय
एबसुनि
बानजाइनायाव बिकेडाब्लिउएचिनि इसुफोरखौ लानानै दिनै गुवाहाटीनि कानापारायाव थानाय
बड'लेण्ड गेस्ट
हाउसआव एबसु, इउबिपिअ आरो
बिकेडाब्लिउएचिनि इ.एमफोरजों जथायै सावरायलायदों । एबसुनि
आफादगिरि मानावगेदेद मुस्रि दिपेन बर'नि मासि लानानै दैदेननायाव जानाय सावरायलायनायाव
बिकेडाब्लिउएचिखौ कम समनि गेजेरावनो आबुंङै महर होनाय आरो इयुनाव गोरोबथा बादियै
बिकेडाब्लिउएचिखौ जाय सानस्रिजों दादोंमोन बै सानस्रिजोंनो आबुङै महर होनाय बाइदि
बाइदियानो दिनैनि सावरायलायनायनि गुबै थांखिमोन । बे
सावरायनायाव बिकेडाब्लिउएचिनि डिपुटी चिफ रमिअ पि नार्जारीजों लोगोसे बिथांनि लोगो
इएमफोर, इउबिपिअनि
बोसोनगिरिफोर, इउबिपिअनि
आफादगिरि मनरन्जन बसुमतारी आरो गाहाइ नेहाथारि पिताम्बर ब्रह्मया बाहागो लायो
। लोगोसे बे
सावरायनायाव मिरु एबसुनिफ्राइ फारियै लोगो आफादगिरि खोरोमदाव वारी, रोमदोन बसुमतारी, सुबुं
फोनांजाब नेहाथारि अबित नार्जारी, बिरखां नार्जारी आरो बाथ्रा दान्थे नेहाथारि
दिपज्यीति कचारीजों लोगोसे धेमाजि जिल्ला एबसुनि बोसोनगिरि शिबराम बसुमतारी आरो
कामरुप जिल्ला एबसुनि बोसोनगिरि बल'राम बर'याबो बाहागो लायो ।
ससियेल मिदिया
याव खोथा लिरनानै जेल नि ओंखाम जानांनाय नि गसर फोरखौ बोखारनो बिथोन जौसिन
बिजिरसालि नि, जायफोरा ईन्फरमेशन तेकनलजि आयेन नि
दफा 66 क नि सिङाव गसर थिसनजादों बिसोर उदां जागोन, 3 सप्ता नि गेजेराव गसर
फोरखौ बोखारनो बिथोन, जौसिन बिजिरसालि आ 2015 मायथाइ आव नो बोखारदोंमोन बे आयेन
खौ। मानोना बे धारा या उदां नि मोनथाय खौ गैया खालामदोंमोन।
मिरु सोरखार
नि केबिनेत नि गोनांथार थिरांथा, 35 बोसोर सिम लिज आव होनाय जागोन रेलवे नि हा खौ,
सोरखार आ 2021 मायथाइ आव लानाय गाहाय मन्थ्रि गति शक्ति फ्रेमवर्क बिथांखि खौ
मोजाङै मावफुंनाय आव मदद जानाय बादियै बे थिरांथा खौ लायो, बेनि सिङाव हादर नि 300
कार्गो तार्मिनेल नि फैगो 5 बोसोर आव मोजां खालामनाय जागोन, बेनि सिङाव 16 ता
बिफान खौ लानानै मोनसे प्लेतफर्म दानाय जादों, जेराव रेल, जाहाज आरो हान्थामेल
बिरखं बिफान आ दं, बे बिथांखि खौ मावफुंनो हायोब्ला 90 सान नि गेजेराव 1.2 लाख
साख्रि ओंखारगोन। गुबुनफारसे बेखौ गोबाङानो गाज्रि मोननाय खौ फोरमायनाय नुनो
मोनदों, मोनसे नि उनाव मोनसे सोरखारि सम्पद खौ सोरखारि नङि नो होनायनि बादायलायनाय
जादों होनना बुंदों गोबाङानो।
गुवाहाति
मेदिकेल कलेज देहाफाहामसालि आव जादों मोनसे सोमोनांथाव जाथाय, सासे नंखाय
देहाफाहामगिरि खौ हमदों, हमजानाय सुबुं नि मुं खौ प्रनबज्योति दास होनना मिथिना
मोनदों, सार्जिकेल बिफान नि फाहामथाय सोलिबाय थानाय समाव नो बिखौ हमो बेरामि नि
नखर नि सुबुं आ। उननि समाव पुलिसफोरनो गथायना होयो देहाफाहामसालि नि
बिबानगिरिफोरा, नंखाय फोरमान बिलाय बानायनानै फाहामथाय होनो फैदोंमोन प्रनबज्योति
दास आ, सम सम देहाफाहामसालि आव फैनाय खौ बुंना लायो नंखाय देहाफाहामगिरि आ।
गावखौनो निउरसार्जेन होनना सिनायथि होना लादोंमोन।
गावनि बिबान
खौ मोजाङै मावि नि दाय आव सासपेन्द खालामजाबाय सा 6 सोरखारि मावथि फोरा. दै सम्पद
बिफान नि ईन्जिनाय खौ लाफानानै गासै सा6. दिमौ साब दिभिजन नि एसिसतेन्द
अग्जिकिउतिभ इन्जिनियार दिनेस बुरागहाय, सिबसागर वातार रिशर्श दिभिजन नि जुनियर
इन्जिनियार तरुन सोनोवाल, देपुति इन्जिनियार तरुन बरगहाइ जों लोगोसे आरो सा 3 खौ
सासपेन्द खालामो, बिसोर गावनि बिबान खौ मोजाङै मावाखैमोन, मन्थ्रि पियुश हाजरिका
नि बिथोन नि उनाव नो सासपेन्द खालामो
फिसा या नो
बिमा खौ बुथारबाय, द्राग्स जानायनि फिथाय आ मा नाय। बृहस्पतिबार खालि हायलाकान्दि
नि तोलरोद आव जादों गिथावना बुथारनाय जाथाय मिथिना मोननाय बादिब्ला बिमा या 20
रोजा रां होयि नि थाखाय नो बुथारो फिसा त्रिदिप देबरय आ, गोदना सेरथेना बुथारदों
बिमा जयश्रि देबरय खौ, बिथाङा आजिरा मोननाय मावथि मोन, जयश्रि देबरय आ बिनि असे
बिमा नङामोन, खांजानाय गथ सो, सान 4 नि बोसोर निफ्राय नो बिखौ फिसिदोंमोन। मैया
फुङाव गोथै देहा खौ बाहेराव नुनाय आव खाथि नि फोरा पुलिस नो खौरां हरो, जाथायसालि
आव प्लास्तिक नि रसा मोनदों होनना मिथिना मोनदों, लोगोसे फिसाज्ला नि देहा याव बो
सिन नुदों, दायो पुलिसफोरा फिसा खौ हमना लाना थांबाय, फिसा या जौ, जुवा, द्राग्स
जों सोमोन्दो दंमोन। रायजोनाङैनो सोमोनांहोदों बे जाथाय आ, फिसा या नो बिमा खौ
बुथारनाय।
मोनसे नम्बर
नि नो गंनै बाइक, नगांव आव सोमोनांथाव जाथाय, नगांव नि आतासालि ताउन आउतपस्त नि
पुलिस आ जब्द खालामो गंनै बाइक खौ, गंनै नि आ बो एएस 12 एक्स 6550 मोन, सामगुरि नि
उदमारि नि आसिस तोपो मुंनि सेंग्रा या गावनि केतिएम नि सारभिसिं नि थाखाय गेरेज आव
लाना थांदोंमोन बाइक खौ, गेरेजाव थांनानै नुयो दि बिनि बायदि न एखे नम्बर नि बाइक
दं, बेनि उनाव नो पुलिस नि खाथि आव थाङो, गंनैबो बाइक खौ थाना याव लाना थांङो आरो
लोगोसे गेरेज नि बिगोमा ईलियास मोल्ला खौ बो सोंगासिनो होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon