United Liberation Front of Asom Independent गुसुङै आलफा उदां आ बिसोरनि सासे
केदारखौ थैनाय एबा बुथारनायनि साजा होदों। रिपर्त नि बादिब्ला बे केदार आ केम्प
निफ्राय खारखुमानो नागिरदोंमोन, बेनि थाखाय नो थैनायनि साजा खौ होदों, केदार नि
मुङा रिहन असम उरफे महम्मद साइफुल ईश्लाम, बियो गवालपारा जिला नि लक्षिपुर नि
थागिबि मोन। गिबि आव थांनाय 28 जुलाइ खालि खारखुमादोंमोन केम्प निफ्राय, नाथाय
बेनि उनखालि नो हमजायो बियो, गिबि हमजानाय आव बिखौ निमाहा होनाय जादोंमोन, केदार आ
आरो माब्लाबाबो बेबायदि खालामलिया होनना लिरना समाय लादोंमोन, नाथाय 23 आगस्त खालि
फिन खनसेबाव एखे खामानि खौ नो मावो, केम्प निफ्राय खारखुमानो नागिरो, नाथाय बेखालि
नो बेलासि समाव हमो बिखौ, बिखौ गाहाय मावखुलि आव लांनाय समाव फिन खनसेबाव
खारखुमानो नागिरनायनि उनाव 25 आगश्त आव हमो। उनाव नायबिजिरनानै मिथियो दि बियो
गाज्रि खामानि नि थाखाय सो आलफा याव जइन जादोंमोन, आरो फोरमान बिलायखौबो नंखाय सो
होदोंमोन होनना आलफा या प्रेस रिलिज नि गेजेरजों बुङो, दायो थैनायनि साजा होबाय
होनना फोसावो।
सभियेत इउनियन नि जोबथा हादरगिरि
मिखाइल गार्बासेभ नि जिउ गोमाबाय, मस्को नि गंसे देहाफाहामसालि आव जिउ गोमायो,
बिथांनि जिउ गोमायो 91 बोसोर बैसो आव, मखजाथावदि बिथाङा सान्ति नि नबेल बान्था बो
मोनदोंमोन, बिथाङा कल्द वार फोजोबनाय होनना बुहुमनाङै नो मिथिजायो, कल्द वार एबा
गुसु दावहा खौ फोजोबनो हादोंमोनब्लाबो सभियेत इउनियन जोबस्रांनायखौ होबथानो
हायासै।
बाजारनिख्रुय खम बेसेन आव मुलि मोनगोन,
दिनै गनेस चतुर्थि नि दिन आव गुवाहाति नि नारेंगि आव थानाय चेन्त्रेल द्राग वेबार
हाउस केम्पास आव मेदिकेल सार्भिस कर्परेशन नि मोनसे मावखुलि खौ बेखेवनानै सावस्रि
बिफान नि मन्थ्रि केशव महन्त बिथाङा फोसावदों, सावस्रि बिफान आ जाहाथे गासैबो
देहाफाहामसालि आव मुलि फोरखौ मोजाङै मोनो बेनिबो बेबस्था खालामगोन होनना बुंदों।
खम बेसेन आव मुलि मोननाय आ जाबाय बे निगम नि सिङाव गावनि फार्मासि बो थागोन, बाजार
नि बेसेन निख्रुय खम आव मोननायनि सायाव सावरायलायदों होनना बो बुङो बिथाङा।
फिन सोलिबाय
माद्रासा याव प्रसासन नि बुलदजार, जोगिघपा याव जेहादि खामानि सोलिनायनि थाखाय
माद्रासा खौ सिफायो। माद्रासा नि मुङा काबाइतारि मार्काजुल मा आरिफ उ कारियाना। बङायगांव
जिला प्रसासन निफ्राय सिफायनायनि नतिस मोननाय नि उनाव नो बेखौ होखारनाय जायो,
पुलिस आ हमनाय जेहादि मुफति हाफिजुर रहमान आ बे माद्रासा नि फोरोंगिरिमोन,
फोरोंगिरि महरै थानानै जेहादि खामानि फोरखौ मावबोगासिनो मोन, गवालपारा पुलिस आ
हमनायनि उनाव नो गासैबो सोराङाव फैदोंमोन, गिबि आव हर आव पुलिस आरो रैखाथि बिफान
नि जवान फोरा फरायसालि खौ लांदां खालामो, माद्रासा नि फरायसा फोरा गावबा गावनि न
आव थांबाय दायो।
चिरां
नि भारत भुतान सिमना याव फुङाव सारअन्थाय गावनाय आव सानै बर सुबुं जोखोम जानायनि
खौरां, 1 बोसोर नि उन्दै गथ जों लोगोसे सासे बुरै आ जोखोम जादों होनना मिथिना
मोनदों, मुंफोरा 65 बोसोर बैसो नि लाउकि बसुमतारि आरो 1 बोसोर बैसो नि ईसाख
बसुमतारि, सानैबो बिबै फिसौ, सानैबो लोगोसे थानानै बारान्दा याव संनाय खामानि
मावबाय थादोंमोन होनना मिथिना मोनदों, उनाव सानैखौबो देहाफाहामसालि आव लाना थाङो,
उन्दै गथ नि हालोद आ गाज्रिथार होनना मिथिना मोनदों। जाथाय आ सिरां जिला नि भारत
भुतान सिमना नि बेंतल सार्कल अफिस नि सिंनि 1 नं उदालगुरि गामि आव जादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon