29 आगष्त खालि फोसावगोन मेत्रिक नि
कम्पारमेनतल आनजाद नि फिथाय खौ, सेबा नि अफिसियेल वेबसाइत नि गेजेरजों मोनगोन
लोगोसे बिथांमोननि एप नि गेजेरजों बो रिजाल्त खौ नायनो हागोन होनना फोसावदों, 29 आगष्त
नि फुंनि 10 बाजि आव मोनगोन रिजाल्त खौ, गोबां सुबुंफोरा नो आगोलनिफ्राय नो
सोंबोगासिनोमोन, मैया सेबा या बेखौ फोसावनानै होबाय, मबाइल एप नि मुङा सेबा
रिजाल्त्स, बेखौ प्ले स्तर आव मोनो।
कक्राझार जिला नि सालाकाति पुलिस नि
सिंनि नयाशरा याव सुक्रबारखालि सिनायमोनि
गारि आ मासे बोरमा खौ सौख्रांलांनाय खौ मिरु खालामनानै दुंहाव थासारि सोमजिदों,
बासुगांव आव थानाय गुरुकुल फरायसालि निफ्राय उन्दै उन्दै गथ फोर लांनाय गंसे स्कुल
बास आ बे जायगा याव नुजाथिहैनाय आव गोबां सुबुंफोरा बास खौ थांखिनानै अन्थाय खुबैदोंमोन
होनना अजद, अन्थाय खुबैनाय आव मोखांनि ग्लास आ बायदोंब्लाबो फरायसा फोरा बारगयो
होनना मिथिना मोनदों, गुबुनफारसे जाथाय नि खौरां मोननानै सालाकाति पुलिस नि दोलो आ
जाथायसालि आव थांनानै थासारि खौ गावनि सिङाव लाबोयो, लामा याव गुबुन सिनायमोनि गारि
आ बोरमा खौ सौख्रांलांनाय नि उनाव बे स्कुल बास खौ सो जाथाय खौ खालामदों होनना सन्देह
खालामो आरो अन्थाय खुबैयो, जाथाय नि सायाव दायो गुरुकुल फरायसालि नि बिबानगिरिफोरा
सालाकाति पलिस थाना याव एजाहार होबाय, नायबिजिरनाय आ सोलिगासिनो, जाथाय जों
सोमोन्दो थानाय नि सन्देह आव दिनेश बर्मन मुंनि सासे खौ सोंनो थाखाय हमदों होनना
मिथिना मोनदों, आरो सानै दायनिगिरि फोरा खारखुमाना दं होनना पुलिसफोरा बुंदों।
आरो हमजालायबाय सोरखारि साख्रि मावनाय
सुबुं आ घुस लानाय नि दाय आव, जाख्लनायनि बेरेखा सोरखार आ गोरा निफ्राय गोरा
जालांगासिनो, सासे नि उनाव सासे हमजालांगासिनो घुस लानाय फोरा, मैया सानै
सुबुंफोरा हमजादों होनना मिथिना मोनदों, करिमग्ज सार्कल अफिस नि मन्दल रन्जन
गोस्वामि आ हमजादों होनना खौरां मोनदों, हा नि बिगोमा नि मुं सोलायनाय नि मुङाव
रां दाबि खालामदोंमोन बियो, बेनि अजद खौ मोननाय नि उनाव नो बिखौ हमनो थियारि जायो
रो उनाव रां लानाय समाव नो हमो होनना खौरां मोनदों आरो सासे हमजानाय आ धुबुरि नि
सर्बसिक्सा नि दिपिअ आजाहारुल ईस्लाम होनना मिथिना मोनदों, दरमाहा नि धोन खौ
दिहुनना होनाय नि मुङाव घुस लादोंमोन, मावखुलि नि खाथि नि दखान आव सासे निफ्राय 20
रोजा रां लादोंमोन, बे समाव नो थियारि जाना थाखानाय गिबि मन्थ्रि नि जाख्लनाय
होबथाग्रा बिफान नि दोलो आ हमो बिखौ, मखजाथावदि दिपिअ नि बेरेखा घुस लानायनि अजद आ
गोबां सान सिगां नि नो, बिखौ हमनायनि उनाव बिनि न आव बो थांनानै नायबिजिरदों होनना
मिथिना मोनदों।
बदलेन्द
सोमावसारनाय आव मुंख्लं जानाय गोबां नखर आ दासिमबो सोरखार आ होगोन होनना बुंनाय
रां नि अनसुंथाय खौ दासिमबो मोनाखै। आलादा रायजो बड’लेण्ड सोमावसारनायाव गोबां बर’
सुबुंफोरा गावनि आगोमा जिउखौ खोमानो गोनां जादोंमोन । सोरखारा मुंख्लं नख’रफोरनो 5 लाक रां अनसुंथाइ होगोन होनना
बुंदोंमोन, नाथाय दासिमबो गोबां नखर आ मोनाखै, लोगोसे दानि बितिसि नि गाहाय प्रमद
बर बिथाङा मुंख्लं नखर नि सासे सासे नो 4थि ग्रेद नि साख्रि होगोन होनना बो बुंदोंमोन,
नाथाय दासिमबो होनो हायाखै जायनि जाहोनाव गोथौ दुखु मोननाय फोरमायदों बोखावजायै
बाक्सा जिल्ला बड’लेण्ड मुंख्लं नख’रारि आफादा। थाबैनो अनसुंथायखौ होनायजों लोगोसे
दायो सोलिबाय थानाय 4थि ग्रेद नि साख्रि आव इन्तारभिउ लायालासैनो साखअरि होनो
खावलायदों, मख’थावनादि बोखावजायै बाक्सा जिल्लानि गासै सा 675 मुंख्लं नख’रनि गेजेराव दासिम सा 80 मुंख्लं नखरफोराल’ अनसुंथाइखौ मोननो
हानायनि अनगायै आद्रा 595 नख’रफोरानो
दिनैसिम अनसुंथाइखौ मोननो हायाखै होनना अजद। बेखायनो जायनि थाखाय आद्रा थानाय
नख’रफोरनो अनसुंथाइखौ थाबैनो होनांगौ होननानै आसामनि गिबि मन्थ्रि ड• हिमन्त बिस्व
सर्मा आरो बिटिसिनि गाहाइ प्रमद बर’खौ खावलायनायजों लोगोसे खुंथाइ गोहोनि सोरखारा
मुंख्लं नख’रफोरनो 5 लाक
रांनि अनसुंथाइखौ थाबैनो होआब्ला फैबाय थानाय समाव गोख्रों सोमावसारनाय थांखि
लागोन होननानैबो बुङो।
2024 नि
गेजेराव सोनाब बंग नि गासै मोन 7 जिला आरो आसामनि बङायगांव, चिरां, धुबुरि जों
लोगोसे मोन 6 जिला फोरखौ लानानै आलादा कोसबिहार ईउति रायजो दागोन होनना महाराज
अनन्त राय आ बुंदोंमोन, बेखौ लानानै नो आसाम आव गुबुन गुबुन दोलो संगथनफोरनि
गेजेराव गावबा गाव सावरायलायनाय जागासिनो, अनन्त राय महाराज आ बुंनाय बाथ्रा नि
बेरेखा मैया चिरां नि काजलगांव आव बर फरायसा आफाद गुसुङै एबसु नि आफादगिरि दिपेन
बर बिथाङा खौरांमेल खुंदों। आलादा बदलेन्द रायजो नि थाखाय गोलाव गनतानत्रिक आनदोलन
खालामबोदोंमोन, बे सम खिनि आव गोबां सुबुंफोरा गावनि जिउ खौ बावदोंमोन। बेनि उनाव
बर फोरनि राजखान्थियारि आरो संबिधान नि मोनथायखौ लानानै 6 थि सिदिउल बितिसि बा
बितिआर दादोंमोन। संग्राम आव मुंख्लं जानाय जों लोगोसे बर नि राव हारिमु जों
लोगोसे आरो गोबां सोमोन्दो दं, बेफोर खौ मोजां सानालासै अनन्त राय महाराज आ जाय
बाथ्रा खौ बुंदों बेखौ एबसु आ माब्लाबाबो गनायना लाया होनना बुङो. अनन्त राय आ बुंनाय
आ जुक्ति आरो थार नङा आरो जाहाथे इयुन आव बितिआर नि ओनसोल खौ माब्लाबाबो लाफाया
बेखौ रोखायै बुंथिना होयो। लोगोसे बुङो अनन्त राय आ सोनाब बंग नङाब्ला कोसबिहार खौ
लानानै नो मुखुब जाना था, बिखौ बितिआऱ ओनसोल नि जिला नि फारसे जेबो साननांगौ गैया,
मानोना बर नि ओनसोलब्लाबो गुबुन हारि नि सुबुंफोरा बो बेयाव गोजोनै थादों, दिपेन
बर बिथाङा बुंदों 35 बोसोर मोनसे गोलाव संग्राम नि उनाव दायो गोजोन थासारि
फैफिनदों, बे समखिनि आव आरो हिंसा नि थासारि लाबोनो नाङा होनना फोरमायो, बर फोरा
आलादा बदलेन्द दाबिनाय समाव 2000 मायथाइ आव मिरु सोरखारा झारखान्द, उत्तराखन्द रो
शत्तिसगर रायजो दाबाय आरो 2013 आव तेलेंगाना रायजो दाबाय आरो दायो कोसबिहार रायजो
एबा ईउति दानायनि बाथ्रा सानगासिनो, बेखौ एबसु आ गोरलैयै मानिना लायाखै, बेनि
सायाव एबसु आ नोजोर होगासिनो होनना बो बुङो, बितिआर ओनसोल निफ्राय 1 सेमि बो हा
हगारना होनाय जानाय नङा, जोंनि मोनथाय जों जेबो गेलेनो नाङा होनना वारनिं होयो। बर फोरा एबा बितिआर ओनसोल आ माब्लाबाबो
गोदान रायजो जों हाबनाय खौ गोरलैयै लायाखै, माब्लाबाबो मानिना लानो हाया आरो
कोसबिहार रायजो आव जुदि चिरां आरो कक्राझार एबा गुबुन जायगा खौ लाफानानै कोसबिहार
रायजो दानो नागिरदों अब्ला मिरु सोरखार खौ जों रोखा खालामनानै बुङो दि थाबैनो आलादा
बदलेन्द रायजो दाना हो मानोना जों गुबुन जों लोगोसे थांनो लुबैया होनना बो बुंबावो
बिथाङा।
मोनसे मोजां खौरां, फिफा या भारत नि
फुतबल फेदारेशन खौ सासपेन्द खालामनायनिफ्राय उदां खालामबाय एबा सासपेन्द खालामनाय
खौ बोखारबाय, जोबनाय आव हेंथा या बोखारजाबाय। फिन खनसेबाव गोमानाय गनायथि खौ
मोनफिनबाय, बे बोखारनाय आ जानायनि उनाव नो भारत नि दोलो आ ईन्तारनेशनेल लेबेल आव
गेलेनो मोनफिनगोन आ रोखा जाबाय, लगोसे अक्तोबर आव जानो गोनां 17 बोसोर नि सिंनि
आयजो वर्ल्द काप नि हेंथा या बो बोखारजाबाय। फिफा या मैया बेखौ रोखा खालामना होयो
बोखारनायखौ।
ईन्तारनेशनेल आफाद मर्निं कनशाल्त नि
गेजेरजों मोनसे सारभे आव भारत नि गाहाय मन्थ्रि नरेन्द्र मोदि खौ नो बुहुमनि
बयनिख्रुय मोजांसिन मोनजानाय दैदेनगिरि महरै जायगा होदों, जाय मोनफ्रोमबो हादर नि
नोगोरारि नि सायाव सारभे खालामदोंमोन, 75 जौखोन्दो भारतारि फोरा गाहाय मन्थ्रि खौ
सापर्त खालामदों, मेक्सिको नि हादरगिरि आनद्रेस मानुवेल लपेज अब्रादर आ नैथि नम्बर
आव दं, 63 जौखोन्दो मेक्सिकान आ सापर्त खालामदों, बेनि उनाव जं 3 थि नम्बर आव
अष्त्रेलिया नि गोदान सायखजानाय गाहाय मन्थ्रि एन्थनि एलबानेज आ, मर्निं कनसाल्त
नि गेजेरजों खालामनाय सारभे आव बिसोरनि दैदेनगिरिफोर मोनफ्रोमबो हादोर नि नोगोरारि
फोरनि गेजेराव बेसेबो मोजां मोनजायो बेखौ नायो, सोमोनांथावै आमेरिका नि हादरगिरि
जो बाइदेन आ तप 10 आव जायगा मोनासै, 11 थि आव सो थाबाय 34 जौखोन्दो भत जों,
गुबुनफारसे ब्रितिस नि गाहाय मन्थ्रि आ 18 थि आव सो थाबाय।
एखे हादोर नि नो एखे नोगोरारि जों, एखे
थै, मोदों जों नो दाजानाय देहा, एखे बाथ्रा बुंनाय, जानाय आदार, गाननाय जोमनाय आ
बो एखे आ नो, नाथाय हारि आ ल सो आलादा। फिसाज्ला या तिवा हिनजावसा हाबा खालामनायनि
थाखाय 5 बोसोर हारसिं खालामबाय नखरसे खौ, फिन
खनसेबाव रायजो आव समाजारि सोमोनांथाव जाथाय, मंगलदै नि जाथाय नि उनाव नो मोनसे नि
उनाव मोनसे सोराङाव फैदों हारसिं खालामनाय जाथाय आ, गोदान जाथाय आ जोरहात नि नखरसे
नि। तिवा हिनजावसा हाबा खालामनाय नि थाखाय नो 5 बोसोर हारसिं खालामो, गुबुन
हाबाफारि फोराव बाहागो लानाय आ थ गोजान नि बाथ्रा, नुयोब्ला सोरजोंबा रायलायनाय आ
बो दाय नखर नि थाखाय, जाथाय आ जोरहात नि उपकन्थ तराजान खुवाल गामि नि। 5 बोसोर
सिरि थाबायमोन, नाथाय बे साननैसो ससियेल मिदिया याव बेफोरबायदि जाथाय आ सोराङाव
फैनायनि उनाव साहस खालामनानै बेखौ गुबुनफोरनि सिगाङाव बुंदों होनना फोरमायो नखर नि
सुबुंफोरा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon