मैया नि ग्रेद
4 नि आनजाद आव कक्राझार आरो काछार आव बेलेबेजे जानायनि उनाव नलबारि आव बो बेलेबेजे
जानायनि खौरां मोनदों। आनजाद नि नायग्रा एबा इनभिजिलेतर नि गोरोन्थि नि बोलि जानो
गोनां जायो नलबारि नि सा 21 आनजाद होग्रा फोरा, अएमआर शित आव बुकलेत नाम्बार नि
सोलाय नायग्रा या गावनि रोल नाम्बार खौ सो होनो होयो, जायनि थाखाय दायो सा 21
आनजाद होग्रा फोरनि अएमआर शित आ दानजानायनि सम्भावना दं होनना अजद, नलबारि आव गासै
69 मिरु आव सा 24,753 आ आनजाद खौ होयो, आसाम सोरखार नि बे आनजाद आव जाहाथे जेबो
गोरोन्थि जाया बेनि थाखाय 700 नि बारा रैखाथि बिफान नि सुबुं फोरखौ थिसनदों, बेनि
गेजेरावनो नलबारि नि नलबारि हिनजावसा जौसिन फरायसालि आव आनजाद होगिरिफोरा अजद
होदोंमोन, जाथाय नि सोमोन्दै मिथिनाय बादिब्ला गंसे फरायसालि नि हल आव सा 24 आ
आनजाद खौ होदोंमोन, नाथाय बे 24 नि 21 आनजाद होग्रा नि आ गोरोन्थि जायो, गोरोन्थि
खौ आनजाद नि सम नि नायग्रा नि नो होनना अजद होदों, बियो लिरनो होआमोनब्ला लिरनाय
नङामोन, सा 24 नि सा 3 नि आ गोरोन्थि जायि नि जाहोन आ बिसोर गोबाव जों फैदों होनना
बुङो, जाथाय आ जानायनि उनाव सो मोनफैनायनि थाखाय जेबो गोरोन्थि जायासै होनना बुङो।
मैया नि ईन्तारनेत बन्ध जानाय आव गोबां खहा जानायनि खौरां मोनदों, फुद दिलिभारि नि
खामानि मावनाय फोरा ईन्तारनेत बन्ध नि थाखाय जेबो अरदार खौ नो लानो हायासै जायनि
थाखाय सानसे नि खामायनाय आ लाथिख जादों होनना बुंदों, बेबायदि ईन्तारनेत बन्ध नि
थाखाय फैगो 28 आगष्त आव जानो गोनां JEE एदभान्स
नि आनजाद होगिरिफोरनि गेजेराव गिखांनाय सोमजिदों, लोगोसे फाहामथाय बिगियान नि बो
गुबुन गुबुन सेमिस्तार नि आनजाद सोलिगासिनो होनना मिथिना मोनदों, रोजा रोजा फरायसा
फोरा ईन्तारनेत जों फरायो, फैगो 28 खालि बो आनजाद आ दं, मा जायो बेखौ उनाव सो
मिथिगोन। बेबायदिनो जेराव ईन्तारनेत जों सोलियो बेफोरनि गिदिर खहा जादों होनना
मिथिना मोनदों।
बाक्सा नि
सालबारि नि दाबसे जायगा याव मोनसे सोमोनांथाव जाथाय। धोरोम सोलायहोनायखौ लानानै
दुंहाव थासारि बाक्सा नि सालबारि आव, धोन नि लोब दिन्थिनानै हिन्दु धोरोमनि
सेंग्रा खौ ईस्लाम धोरोम लाहोदों सानै गाज्रि सुबुं आ, 7 लाख रां आव धोरोम
सोलायहोदों, लोगोसे न बो बानायना होगोन होनना बुंदोंमोन नि अजद, राजु आर्य मुंनि
सुबुं खौ नो धोरोम सोलायहोदों, बरपेता नि हाउलि नि जामे मझजिद आव धोरोम खौ
सोलायहोदोंमोन, बेल नङा बिनि मुं खौ बो सोलायना होनाय जायो, बरपेता बिजिरसालि आव
सोलायना होयो अमर फारुक नाम यै, जाथाय आ सोराङाव फैनाय लोगो लोगो नो बयखौबो
सोमोनांहोदों, दायो राजु आर्य नि ननि सुबुं आ सालबारि पुलिस थाना याव सानै धोरोम
सोलायहोग्रा नि बेरेखा एजाहार हैयो, दायो सानैबो गोमाना दं होनना मिथिना मोनदों।
नोंथाङा
अनलाइन नि गेजेरजों मुवा बेसाद, जि जोम बायो नामा, जुदि बायो सांग्रां जा, मानोना
अनलाइन लेनदेन खालामनानै सासे हिनजावसा या गावनि एकाउन्त निफ्राय 1 लाख 9 रोजा
7 जौ 53 रां खोमाना लाबाय। जाथाय आ गुवाहाति नि सातगांव नि, दानि समाव गोबाङानो गुगल
आव मोननाय गुबुन गुबुन एप नि गेजेरजों अनलाइन बायो गोबां, नाथाय बेसेबां मोजां बे
एप फोरा, अजद नि बादिब्ला सासे हिनजावसा या आरबेनिक मुंनि मोनसे अनलाइन एप नि
गेजेरजों जिन्स पेन्त बायदोंमोन, नाथाय बायनायनि उनाव मोजां मोनि आव बेखौ रितार्न
खालामना होफिनो URBANIC मुंनि अनलाइन फसंथान नो, अनलाइन
बायनायनि मुंङाव लानाय रां खौ रिफान्द एबा होफिनगोन होनना एप निफ्राय बुंनाय
जादोंमोन, नाथाय गोबाव सान बिसोर रां खौ होफिनासै, बेनि थाखाय नो बे हिनजावसा या
गुगल आव आरबेनिक एप आव मोननाय हेल्पलाइन नम्बर 7765891155 आव फन खालामनाय आव सासे
सुबुं आ 7846983507 नम्बर आव फन खालामनानै सुसिल सिंह मुंनि सुबुंजों रायलायहोयो,
बेनि उनाव नो रां खौ होफिननाय नि मुङाव हिनजावसा निफ्राय बेंक एकाउन्त जों लोगोसे
एतिएम नि गासैबो दितेइल्स खौ लाजोबो, बेफोरखौ लाजोबनायनि उनाव नो बिनि एकाउन्त
निफ्राय सो रां फोरखौ दिहुनना लांजोबो, खन 5 दिहुननाय आव 1,09,653 रां लुथिना
लाङो, बेखौ मिथिनाय लोगो लोगो नो हिनजावसा या लातगांव पुलिस थाना याव एजाहार होयो,
पुलिसफोरा नायबिजिरगासिनो दं, हिनजावसा नि मुङा अंकिता रय। दायो लांजानाय रां खौ
हिनजावसा या मोनफिनगोन ना, बेखौ उनाव सो मिथिगोन, बेखायनो सांग्रां जा।
सखि एक्सप्रेस नि सिङाव 6670 स्कुतार रानना होदों आसामनि गिबि मन्थ्रि आ। पन्सायत आरो गामि जौगाखां बिफान नि सिंनि बे
बिथांखि जों सोमोन्दो थानाय मावथिफोरनो मैया रानना होयो, श्रिमन्त शंकरदेब
कलाशक्षेत्र आव जानाय हाबाफारि आव सखि एक्सप्रेस नि नि सिङाव थानाय कृसि सखि, बिमा
सखि, पशु सखि, जिविका सखि बायदि फोरनि मावथिफोरनो रानना होदों, बिथाङा गावनि
बिबुथि आव बुंदों दि जायफोरा बेखौ मोनदों बिथांमोन सेल्फ हेल्फ ग्रुपफोरखौ
रांखान्थियारि बिथिं आव जौगाखां होनाय आव बोलो होगोन होनना, आयजोफोरनि गेजेरजों
सालायजानाय सेल्फ हेल्प ग्रुप नि सोद्रोमाफोरनि नाजानाय आव आसाम खौ गोजौसिन आव
दोननायनि गिदिर थांखि होनना फोरमायो। आसाम आव 1 लाख लितार गायखेर सानफ्रोमबो
दिहुननाय जायो, नाथाय गुजरात आव 4 निफ्राय 5 लाख लितार सिम दिहुनो, जोंनो
सानफ्रोमबो 1 कौति दावदै नांगौ, नाथाय दावदै खौ जों बाहेरनिफ्राय सो लाबोनो नांगौ,
जों गावखौनो बानायनो हानाय सिम सोलायनो हानो नांगोन, जोंनि ग्रुप फोरा मोनफा मोनफा
बानायनायनि बोलो जानो नांगोन होनना फोरमायो।
बिपिएफ नि एमसिएलए देरहासाद बसुमतारि
बिथाङा इउपिपिएल नि बेरेखा गिदिर अजद दैखांदों, पिएमएवाइ न नि मुङाव 5-7 रोजा रां
लादों, बिपिएफ आव थायोब्ला न खौ मोना, लिस्त निफ्राय दानना होगोन, अरुनुदय बिथांखि
आव हाबनोब्ला बिपिएफ खौ गार, इउपिपिएल आव फै, बेफोरबायदि मेलेमारि नारसिननाय खौ
खालामबोगासिनो होनना अजद, मोननो गोनांफोरजों राजखान्थि खालामनायखौ निन्दा खालामो
होनना बो बिथाङा बुंदों, बेफोरबायदि गाज्रि खामानि निफ्राय गोजानाव था नङाब्ला
बेनि फिथाय आ गाज्रि जागोन होनना बुंनाय जों लोगोसे अरुनुदय बिथांखि नि रां खौ
जग्य नङि फोरा बो मोनगासिनो दिनैनि दिन आव, साख्रि आवला, सोरखारि पेन्सन मोननाय
फोरा बो मोनगासिनो, इउपिपिएल नि दैदेनगिरिफोरा गावनि नखर नि फोरनो ल होना लादों,
बेफोर गाज्रि जादों। बितिआऱ खौ प्रमद बर आ सालायाखै, मोन 5 रायजो नि दिसि फोरा सो
सालायगासिनो होनना बो बुंबावो, 2021-22 नि रांखान्थियारि बोसोर आव 650 कौति रां नि
बाजेत, दासिमबो बे रां खौ बाहायनो हायाखै, बोसोर नि रां खौ बोसोर आव खरसा खालामनो
हायि आ लाजिनांथाव होनना बो बुङो बिथाङा।
बिफा नि बोलो खौ फिसाजो आ गाज्रियै
बाहायदोंनामा, सासे देहाफाहामगिरि खौ गिबि मन्थ्रि नि फिसाजो आ गाज्रि आखु
दिन्थिनाय आ सिसितिभि आव रेकर्द जाजोबदों, दायो बे फुतेज आ भाइरेल जानायनि उनाव नो
मिजोराम आव गोबां सावरायजादों, दायो मिजोराम नि गिबि मन्थ्रि जोरामथांगा या गावनो
फिसाजो नि बेबायदि दिन्थिनायनि थाखाय निमाहा बियो, सनिबारखालि ईन्सताग्राम पस्त नि
गेजेरजों निमाहा बियो, भिदिअ भाइरेल जानाय निफ्राय मिथिनाय बादिब्ला गिबि मन्त्रि
नि फिसाजो मिलारि सांते आ क्लिनिक नि सासे देहाफाहामगिरि खौ गाग्लोबनो
नागिरदोंमोन, बे जाथाय खौ लानानै नो रायजो नि 800 नि बारा देहाफाहामगिरिफोरा गोसोम
बेज लानानै धर्ना होयो, जायनि थाखाय गिबि मन्थ्रि आ निमाहा बिनो गोनां जायो,
एपइन्तमेन्त लानो होनायनि थाखाय नो रागा जोंनानै बेखौ खालामदों होनना मिथिना
मोनदों।
मनिपुर आव थांनाय 29 जुन आव जानाय हा
गिसिखानाय आव मरिगांव जिला नि कुशतलि नि थैनाय नखर आरो जोखोम जानायफोरा आसाम
सोरखार नि रां नि मदद खौ मोनबाय। मन्थ्रि पियुश हाजरिका, चन्द्रमोहन पातवारि आरो मरिगांव
नि एमएलए आ नुजाथिनानै चेक खौ होदों, थैनायनि नखर नो 2 लाख रां नि चेक आरो जोखोम
जानायफोरनो 25 रोजा रां नि चेक होदों, मखजाथावदि 29 जुन आव जानाय जाथाय आव कुशतलि
नि सा 16 सुबुंफोरनि जिउ गोमानायजों लोगोसे सा 5 गाज्रि यै जोखोम जादोंमोन, सा 15
नि गोथै देहा खौ मोनदोंब्लाबो सासे नि खौ मोनाखै, बे मोनि नखर नो बो 2 लाख रां खौ
होनाय जायो होनना मिथिना मोनदों।
आसाम मेघालय नि सिमा नि जेंना या
जोबस्रांनायनि लामा याव, गुवाहाति आव मोननैबो रायजो नि गिबि मन्थ्रि नि
सावरायलायनाय, थालांनाय मोन 6 ओनसोल नि सायाव सावरायलायो, 15 सान नि गेजेराव
मोननैबो रायजो नि केबिनेत मन्थ्रि नि दैदेननाय आव आन्सलिक कमिति दानाय जागोन,
आगोलनि बादि नो मोन 6 ओनसोल नि खौ बो मोजाङैनो जेंना खौ फोजोबगोन, मैया जनता भवन
आव जानाय सावरायलायनाय निफ्राय मिथिना मोनदों. गासै 12 ता ओनसोल दं, जायनि मोन 6
नि जेंना या सुस्रांजाबाय, आरो मोन 6 नि आ इसे बारा मोन, दायो बेनि आ बो जोबनायनि
लामा याव।
उत्तर प्रदेश नि मोरादाबाद पुलिस न
मुङाव नंखाय फेसबुक एकाउन्त, फेसबुक एकाउन्त आव लागायदोंमोन पाकिस्तान नि फिरफिला,
बे फेसबुक एकाउन्त नि गेजेरजों नो खालामनाय मोनसे पस्त आ सोमोनांहोदों बयखौबो,
उत्तर प्रदेश नि गिबि मन्थ्रि नि बेरेखा मोनसे पस्त खालामनाय जादोंमोन, जेराव गिबि
मन्थ्रि नि गोदना दानसनो हायोब्ला 2 कौति रां बान्था होगोन होननानै, तुइतार नि
गेजेरजों मोरादाबाद पुलिस नो बेनि सायाव सासे सुबुं आ अजद होदोंमोन, बेनि उनाव नो
पुलिसपोरा नायबिजिरो, अमप्रकास पन्दित मुंनि सुबुंनि मुङाव दंमोन बे एकाउन्त आ,
सोरबा गाज्रि सुबुङा हेक खालामनानै बेखौ खालामनायनि सन्देह, नायबिजिरनाय आ
सोलिगासिनो दं।
Please do not enter any spam link in the comment box. ConversionConversion EmoticonEmoticon