7 Aug bodo evening news 2022 ~ Bodoinfo.com

ईसरो आ दिनै गिबि गोदान रकेत SSLV-D1 खौ लन्स खालामो, अन्ध्रप्रदेश नि श्रिहरिकोता निफ्राय आर्थ अबजारभेशन सेतेलाईत आरो गंसे फरायसा बानायनाय सेतेलाईत आजादिSAT खौ लांनाय रकेत खौ सतिश धवन स्पेश चेन्तार निफ्राय लन्स खालामो, आजादिएसएति आ भारत नि उदांश्रि नि 75 बोसोर जानायनि हादर नि गुबुन गुबुन सोरखारि फरायसालिफोरनि फरायसुलिफोरा दिजाईन खालामनाय 8 केजि लिरथाय नि किउबसेत। नाथाय बेखौ लन्श खालामदोंब्लाबो मोनसे गाज्रि खौरां फैदों, खौरां मोननाय बादिब्ला सेतेलाईत फोरा बाहायजाथावना नंलिया, बेखौ ईशरो आ नो बुंदों, बेयो गुबुन लामाथिं सो थांबाय, गिबि आव मोजां फिथाय खौ मोननो हायासै, दायो बिथांमोना थाबैनो SSLV D2 जों फैफिनगोन होनना बुंदों।

बे साननैसो सानसे आव खमावनो सासेब्लाबो सोरखारि साख्रि मावनाय सुबुं आ घुस लानायनि दाय आव हमजागासिनो। फिन खनसेबाव पुलिस नि जे आव पुलिस, दिनैबो हमजालायबाय सासे। खौरां मोननाय बादिब्ला गवालपारा जिला नि मातिया पुलिस थाना नि एएसआई सबिन पल दास आ घुस लानायनि दाय आव हमजादों, रक्षक आ नो भक्षक जानाय बादि सो। थाना नि सिङाव नो रां लानाय समाव नो जाख्लनाय होबथाग्रा बिफान नि दोलो आ हमो।

IAS-IPS Family. उत्तर प्रदेश नि सा 4 बिदा बिनानाव नि सा 3 आ आईएएस आरो सासे आ आईपिएस। बिमा बिफा नि मुं खौ बेबायदि गोजौ आव दोननो हादों, खौरां मोननाय बादिब्ला उत्तर प्रदेश नि प्रतापगर नि बिदा बिनानाव आ दायो गासैनिबो बिदिन्थि, जोथोनलागिरिफोरा गावनि गथ खौ बे बिदा बिनानावनि सोमोन्दै रायलायनायनि सायाव बांसिन गोसो होयो। गेजेर थाखो नि नखरआव नो गिदिर गोलाव जानाय गासैबो। देरसिन बिदा या 2013 आव ईउपिएससि आनजाद खौ होनानै आईएएस जादों, बिनानाव माधबि मिश्रा या 2015 याव आइएएस जादों, क्षमा मिश्रा या 2016 आव आइपिएस आरो बेनि उनाव उन्दैसिन फंबाय लोकेस मिश्रा या आईएएस जानो हादों, प्रतापगर बायदि फिसा जायगा निफ्राय नो बेबायदि जानो हानाय आ बयजोंबो सिनायजादों, गासैबो गुबुन गुबुन रायजो आव खामानि मावगासिनो दायो।

आसामनि खाथि नि रायजो मनिपुर आव दुंहाव थासारि, बिधानसभा याव एदिसि बिल दैखांनायनि दाबि आव बेरेखा जादों, सान 3 जाबाय गाज्रि थासारि आ। थासारि आ गाज्रिथार जानाय आव दायो सान 5 नि थाखाय ईन्तारनेत सार्भिस खौ बन्ध खालामना होबाय। सनिबारखालि बिष्णुपुर आव सा 3-4 सेंग्रा नि दोलो आ गंसे गारि खौ सावना होनायनि उनाव नो ईन्तारनेत सार्भिस खौ बन्ध खालामो, सुरासान्दपुर आरो बिष्णुपुर जिलायाव सा 3-4 सुबुंफोरा फुलगाखसाउ ईखाङ आव गंसे गारि खौ सावना होनायनि उनाव 144 धारा होयो। 2 दान नि थाखाय बेखौ होदों होनना खौरां मोनदों। बिल आ दा मनिपुर (हिल एरियास) अतनमास दिसत्रिक काउन्सिल(एमेन्दमेन्त) बिल 2021.

माजुलि नि गरमुर नि खाथि नि महारिसुक ओनसोल आव मोनसे धोरोमारि हाबाफारि आव बाहागो लानानै बेयाव होनाय प्रसाद खौ जानाय आव सा 18 सुबुंफोरनि देहा नि हालोद आ गाज्रिथार जादों, बेनिनो सा 3 आ उन्दै गथ फोर। प्रसाद खौ जाखांनायनि उनाव नो उदै सानाय जों लोगोसे गोबानाय जादोंमोन, उननि समाव लोगो लोगो श्रि श्रि पिताम्बर देब गोश्वामि जिला देहाफाहामसालि आव लांनाय जायो, जायगानि प्रसासन आ बुंनाय बादिब्ला बिसोरनि फुद पईजनिं जादों।

बिस्वनाथ आव सासे फालांगिरि नि फिसा नि गुलि गावनाय जाथाय आ सोराङाव फैदों, हिन्दि सिनेमा नि बादि नो गुलि गावनाय सेंग्रा नि गाग्लोबनाय आव सानै फरायसाफोरा बारगयो। बरपुखुरि साहा बागान नि सानै फरायसा खौ बुनानै गर 3 गुलि गावनायनि अजद, गुलि गावनाय नि अजद मोननाय भबेन शईकिया मुंनि सुबुं खौ पुलिसफोरा हमबाय होनना खौरां मोनदों। जाथायनि खौरां मोननाय बादिब्ला भबेन जों लोगोसे सा 5 नि दोलो आ गुलि गावनानै मारपित खालामदोंमोन सानै सेंग्रा खौ, भबेन नि फिसा नि ओंखाम जाहोनाय आव राननाय नि बिबान आव थानाय सेंग्रा खौ मबाईल सिखाव खालामनायनि दाय आव बुदोंमोन, बुनायजों लोगोसे लाईसेन्स थानाय पिस्तल जों गुलि गावदोंमोन। बुजानाय सानै नि सासे आ बिसोरनि हाबाफारि आव बाहागो लायाखैमोन थेवब्लाबो बुजाबाय, गुलि आ नाङासैब्लाबो रद जों बुनाय आव जोखोम जादों होनना मिथिना मोनदों।