तामुलपुर आव
आखाय आव हेन्दकाफ लानानै नो सानै दायनिगिरिफोरा खारखुमादों, उनाव सासे खौ हमनो
हायो, खौरां मोननाय बादिब्ला सावस्रि मिरु आव देहा नि आनजाद नि थाखाय लांनाय समाव
नो जायो जाथायआ, तामुलपुर पुलिस नि आखाय निफ्राय हेन्दकाफ जों लोगोसे खारखुमादों,
द्राग्स लानाय सुबुंमोन हमजानायफोरा, दिनै नो जादों जाथाय आ, सासे खारनायनि उनाव
बिखौ हमनो खारनाय आव नो गुबुन सासे आ बो खारो, सासे नि मुङा सेलिम आरो सासे नि खौ
जुमा ब्रह्म होनना मिथिना मोनदों, सेलिम खौ उनाव रायजोफोरनि मदद आव हमनो हायो,
नाथाय जुमा खौ हमनो हायासै, खारखुमानाय दायनिगिरिखौ पुलिसफोरा नागिरगासिनो दं।
उदांश्रि सान
नि सिगां आसाम पुलिस नि थाखाय गोजोनथाव खौरां। आसाम नि सा 4 पुलिस अफिसार नो Union Home Minister’s Medal for Excellence in Investigation बान्था। नायबिजिरना आव दिन्थिनाय गावनि
रोंगौथि नि थाखाय नो बे मेदेल खौ होदों। होजाई जिला नि सानै पुलिस अफिसार फारियै
एसपि बरुन पुरकायास्था आरो देपुति एसपि रौजि तालुकदार नो बान्था नि थाखाय सायखयो,
कलियाबर महकुमा पुलिस नि एसदिपिअ मुन्मय दास आरो लोगोसे एसआई नारायन सईकिया नो बो
बे बान्था खौ होदों, भारत नि गासै सा 151 पुलिस अफिसार नि सिम भारतनि नखर मन्थ्रि
नि थाखाय स्पेशियेल बान्था।
दुलियाजान आव
सोमोनांथाव जाथाय, खामानि मावनो लांनानै अरुनाशल आव फानहैबाय सो सेंग्रा खौ,
दुलियाजाननि तेङाखात आव दायो दावराव, अरुनाशल आव थानांदों दायो तेङाखात नि
तिंरायहोला गामि नि सा 6 सेंग्राफोरा, मिथिना मोननाय बादिब्ला 15 सान सिगां
दुलियाजान नि सासे सेंग्रा या तेङाखात नि सा 6 सेंग्राफोरखौ सदिया याव खामानि
मावहोनायनि सोलो जों सदिया याव लाना थाङो, दायो सा 6 सोरबा सासे आ नखर नो खौरां
हरो सोरबा सुबुं आ बिसोरखौ अरुनाशल आव फानदों होनना, हर सान लामा बानायनाय खामानि
मावहोदों, गाज्रि आखु बो दिन्थिनायनि अजद, दासिमबो अरुनाशल आव नो दं, बे खौरां खौ
मोननाय नि उनाव नो तेङाखात पुलिस थाना याव दायो नखर आ एजाहार होबाय, पुलिसफोरा
बिसोरखौ लाबोफिननायनि एबा बासायनायनि बेबस्था खालामगोन होनना खोथा होदों, बे जाथाय
आ ओनसोलनाङैनो सोमोनांहोदों बयखौबो।
Success Story: देहाफाहामगिरि नि फोरमान बिलाय मोनबाय, नाथाय
देहाफाहामगिरि जानो गोसो गैया, ईउपिएससि आनजाद आव पास जानायनि उनाव आईपिएस जाबाय डा.
नबज्योत सिमि आ। गुबुनफोरनि बादि नो नबज्योत आ बो गोबां खष्त खालामनो गोनां
जादोंमोन, पान्जाब नि थागिबि बिथाङा 1987 मायथाइ नि 21 दिसेम्बर आव जोनोम
जादोंमोन, गिबि आव हाथाय नि देहाफामगिरि जायो, नाथाय देहाफाहामगिरि जानायनि उनाव
गोजोननाय मोनाखैमोन, बेनि थाखाय नो इउपिएससि आनजाद नि थाखाय गावखौनो थियारि खालामो,
2017 आव पास जायो आरो आईपिएस जानो हायो, आइपिएस नबज्योत खौ दायो बिहार नि जिला नि
एसपि महरै थिसननाय जाबाय। मखजाथावदि ईसताग्राम आव बिथांनि मिलियन निख्रुय बांसिन फलवार्स
दं।
फैगो 15 आगष्त
खालि आसाम आव फैनो गोनांमोन बलिउद नि मि. पारफेक्त फावखुंगुर आमिर खान आ, नाथाय दायो
बे सान खालि फैनाय जानाय नंलिया, गिबि मन्थ्रि आ आमिर नि आसाम फैनाय हाबाफारि खौ
केनसेल खालामबाय। 15 आगष्त नि उनाव सो आमिर खान खौ आसाम आव फैनो खावलायदों गिबि
मन्थ्रि आ, उदांश्रि सान नि हाबाफारि नि थाखाय नो बेखौ केनसेल खालामदों, नाथाय
बिथाङा रोखा खालामना होदों- आं लिंहरोब्ला नो गुवाहाति आव आमिर खान आ फैगोन, 15
आगष्त नि उनाव मोनसे खालार थि खालामनानै बिथांखौ लिंहरनाय जागोन होनना बुङो। दायो
15 आगष्त नि उनाव जायखिजाया सान आव नो आसाम आव फैनो हागौ बिथाङा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon