रायजो नि
आईएएस अफिसार आरो दानि एदिशनेल चिफ चेक्रेताकि पवन कुमार बरथाकुर खौ आसामनि फैगो
चिफ चेक्रेतारि महरै बिबान होदों। मखजाथावदि दानि चिफ चेक्रेतारि जिश्नु बरुवा या
फैगो 31 आगष्त खालि आजिरा मोनगोन, बेनि उनाव फैगो 1 सेप्तेम्बर निफ्राय चिफ चेक्रेतारि
महरै बिबान लागोन पवन कुमार बरथाकुर बिथाङा। 1989 बेत्स नि आईएएस अफिसार बिथाङा
रायजो सोरखार नि गोबां बिबान आव खामानि मावगासिनमोन, गुबुनफारसे जिश्नु बरुवा
बिथाङा आजिरा मोनगोनब्लाबो आजिरा लाखांना एपिदिसिएल नि गाहाय नि बिबान होनाय
जादों।
रायजो आव
गिदिर साख्रि थिसननाय नि आनजाद आ जानो थांगासिनो दं फैगो 21 आरो 28 आगष्त आव, 3थि
रो 4थि ग्रेद नि आनजाद आ जागोन, रायजो सोरखार आ सम आरो जायगा फोरखौ बो फोसावना
होखाबाय। 12 लाख फ्राम सुबुंफोरा बे आनजाद खौ होगोन, नाथाय आनजाद आ जानायनि सिगां
नो सोरबा गाज्रि सुबुं आ बेलेबेजे खालामनो नागिरनायनि खौरां मोनदों होनना फोरमायो
पुलिसफोरा, जाहाथए बेबायदि जाया बेनि थाखाय गासैखौबो मोजाङै खामानि मावनो आसामनि गिबि
मन्थ्रि आ बिथोन होखादों, दायो बेबायदि बेलेबेजे खालामनो नागिरनाय सासे गाज्रि सुबुं
खौ हमदों होनना मिथिना मोनदों, हायालाकान्दि निफ्राय आलि हुसेईन बरभुया मुंनि
सुबुं खौ हमदों, गोबांनिफ्राय नो रां लानायनि अजद सोंनाय बिलाय होगोन नि मुङाव,
ह्वातस एप फोरनि गेजेरजों बे खामानि खौ मावदोंमोन होनना मिथिना मोनदों, सोंनाय
बिलाय लिक खालामनो ह्वात्सएप नि गेजेरजों मेसेज हरदोंमोन होनना खौरां मोनदों।
आगोलनि सम फोराव गोबां बेबायदि गुबुन आनजाद आव लिक जानायनि खौरां मोनबोदोंमोन, आसा
खालामो बे खनसे आव जेबो रोखोमनि लिक जानाय नङा, 26 रोजा नि बारा मासि नि थाखाय
जागोन आनजाद आ।
फरायसालि
सोरखारि खालामि नि खेत्र आव बर थुनलाइ आफाद आरो एबसु आ कमप्रमाईज जाया, बुंदों बर
थुनलाइ आफाद नि आफादगिरि तरेन बर बिथाङा, मानोना बितिआर सुक्ति नि दफा बादियै
गासैबो सोरखारि नङि फोरखौ सोरखारि खालामनाय जागोन होनना रोखा लिरनाय दंखायो, बे
थांखि नि गेजेरजों गोरोबथा नि दफा नि थाखाय नि उनाव नेम खौ सिफायनाय जादों, बेनि
सायाव 26 खालारखालि गुवाहाति आव सावरायलायनाय जाखादों, बेनि सिगां बो बेरेखा
खालामबोदों होनना बो बिथाङा बुङो। दायो बेनि थाखाय नो सांग्रांथि मेल बो खुंनाय
जागासिनो होनना बिथाङा बुंदों। दायो 18 आगष्त खालि गोजौ थाखो नि सावरायलायनाय
जागोन होनना खौरां मोनदों, बे सावरायलायनाय आव एबसु आरो बर थुनलाइ आफाद आ बो बाहागो
लागोन होनना बुङो, जुदि बेखौ मानिथाराब्ला सोमावसारनायनि हाबाफारि लागोन होनना बो
बुंदों। बितिआर नि गाहाय प्रमद बर बिथांनो मोजाङैनो बुंनाय जाबाय, बिथाङा बो गिबि
मन्थ्रि जों सावरायलायगोन आरो थाबैनो 6.3 नि जेंना खौ सुस्रांनायनि राहा खौ लागोन
होनना खोथा होनायखौ फोरमायदों बिथाङा।
साननै उनाव नो
भारत नि उदांश्रि सान आ जागोन, बेनि सिगां नो आसामनि तिनसुकिया याव गोबां बिबां नि
लांदां कार्तिज आरो गोथां गुलि बारुद जों
आबुं 19 ता सो बस्ता बोखांनो हादों। तिनसुकिया नि मोनसे दाम्प यार्द निफ्राय,
खौरां मोननाय बादिब्ला नाउपुखपरि ओनसोल नि ए एसआई हिरन्य कुमार बरा बिथांनि सिङाव
खालामनाय अपारेशन आव जब्द खालामदोंमोन बस्ताफोरखौ, दायो दाम्प यार्द नि बिगोमा
बिरेन्द्र शाह खौ हमबाय आरो नायबिजिरनाय खौ बो जागायबाय होनना खौरां मोनदों,
नायबिजिरनाय आव OIL नि मतरसाईकेल निफ्राय मोननैसो सिखाव
जानाय आरो गारि नि स्पेयार पार्त्स बो मोनदों
होनना मिथिना मोनदों।
रायजो सोरखार आ मृत्योन्जय सारभिस नो
फिन गोदान 150 ता बेसिक लाईफ सापर्त एम्बुलेन्स होदों, गिबि मन्थ्रि आ मैया जनता
भवन आव फ्लेग अफ खालामनानै बेखेवना होयो गासौ 83 ता बि एल एस एम्बुलेन्स आरो 150
ता गोदान बेसिक लाईफ सापर्त एम्बुलेन्स सारभिस, गिबि मन्थ्रि आ बेखेवनाय बिबुंथि
आव बुङो दि 2008 निफ्राय बे 108 सारभिस खौ जागायदोंमोन, रायजो नि सावस्रि खोन्दो
नि 800 ता सो 108 एम्बुलेन्स आ 19 लाख सो गोरबो आव थानाय आयजो नो सुबिदा होदों।
बिथाङा लोगोसे बुंदों धुबुरि मेदिकेल कलेज खौ दायो मेदिकेल काउन्सिल आ गनायथि
होबाय, बेजों लोगोसे दायो रायजो आव गनायथि मोननाय मेदिकेल कलेज नि अनजिमा या 9 ता
जाबाय होनना बो बुङो, दायो आरो गुवाहाति आव मोनसे मेदिकेल कलेज गायसननाय जागोन
होनना बो फोसावो।
बराक भेलि नि मुंदांखा फरायसालि
रामानुज गुप्ता शिनियर सेकन्दारि स्कुल आव जाथाय। आगोलाव गोबां मोजां खामानि नि
थाखाय शेयार खालामजादोंमोन, नाथाय बे साननैसो गाज्रि खामानि नि थाखाय ससियेल
मिदिया याव भाइरेल जागासिनो बे फरायसालि आ। मोननै भिदिय भाईरेल जादों, जेराव फरायसालि
नि थाखो खथा याव नो गाज्रि खामानि मावदोंमोन, बिसोरनि बेरेखा दायो फरायसालि नि
बिबानगिरिफोरा बेबस्था लाबाय, दायो सा 7 फरायसाफोरखौ सासपेन्द खालामबाय होनना
मिथिना मोनदों, गोथार सोलोंथाय फसंथान आव बेबायदि खालामनाय खौ गोबां सुबुंफोरा नो
गोख्रों राव जों सोंखारिदों, नाथाय फरायसाफोरा 18 बोसोर बैसो नि जायिखाय बिसोरनि
बेरेखा जेबो रोखोमनि गोरा बेबस्था लानाय जायाखै जाहाथे ईयुन आव जेबो रोखोमनि जेंना
सोमजिया बिसोरनि जिउ आव, मंगलबारखालि नो भाईरेल जादोंमोन बेयो।
बेखेवनाय
जागोन 1000 आदर्श अंगनबारि मिरु, रायजो सोरखार नि खुनालि खेखब बिकशित आसाम बिथांखि
नि गेजेरजों हादरनि गेजेरावनो गिबि रायजो महरै आसाम सोरखार नि आयजो आरो उन्दै गथ
जौगाखां बिफान आ एसअपिदि नि रां जों रायजो नि 1 रोजा अंगनबारि मिरु बानायनाय
खामानि आ आबुं जाफ्रामबाय। आदर्श अंगनबारि मिरु खौ मोनफ्रोमबो आव नो 25 लाख रां
बाहायनानै मोजां बानायनाय जायो, फैगो 14 आगष्त खालि बेखौ बेखेवगोन होनना बुंदों,
बेखेवनायनि थियारि नि खौरां लादों मन्थ्रि अजन्ता नेउग बिथाङा, भिदिअ कन्फारेन्स
नि गेजेरजों अफिसारफोरजों सावरायलायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon