30 August bodo news 2022 ~ Bodoinfo.com

रायजो नि बेकार सुबुंफोरनि थाखाय मोनसे मोजां खौरां, जालांनाय ग्रेद 3 आरो 4 नि आनजाद आव मोजां फिथाय मोनाब्ला एबा सायखजायाब्लाबो जेबो दुखु जानांगौ खोथा गैया, मानोना रायजो आव फिन साख्रि ओंखारगोन, बेखौ बुंदों आसामनि गिबि मन्थ्रि आ गावनो, बिथाङा बुंदों फिन गोदान साख्रि नि फोसावलाय ओंखारगोन, आसाम आव बेकार नि अनजिमा या खम जालांदों, बेयाव आनजाद होनाय फोरा बो गोबाङानो बेकार नङा, सोरबा गुबुन रायजो आव थांनाय आ बो फैनानै आनजाद खौ होदों, माबा नङा माबा मोनसे खामानि जों सोमोन्दो दं, आसाम आ दायो जौगानायनि लामा याव होनना बो बुंबावो बिथाङा। मखजाथावदि थांनाय 21 आरो 28 आगष्त आव रायजो आव 26 रोजा मासि नि थाखाय 14 लाख सो आनजाद होगिरि फोरनि गेजेराव मोजाङै जालाङो आनजाद आ।

द्राग्स नि बिजि लानानै थैबाय सासे फरायसा या, तिनसुकिया याव मोनसे सोमोनांथाव जाथाय, फरायसा नि जिउ गोमानाय आव दुंहाव थासारि सोमजिदों पेङेरि थाना याव। रायजो आव दासिमबो सोलिबाय थादों द्राग्स नि बेरेखा पुलिस नि अपारेशन आ। सानफ्रोमबो पुलिस फोरा हमबाय थायो द्राग्स लाग्रा आरो बेखौ फानग्रा फोरखौ, बेनि गेजेराव नो तिनसुकिया जिला नि पेङेरि आव जादों मोनसे जाथाय, पेङेरि आव द्राग्स लानानै थैयो सासे फरायसा या, पेङेरि नि जातिय बिद्यालय नि थाको 9 नि फरायसा होनना मिथिना मोनदों, बेनि उनाव नो रायजोफोरा थाना याव थांनानै दुंहाव थासारि सोमजिहोयो। मखजाथावदि आगोलनिफ्राय नो रायजोफोरा गिथावना द्राग्स नि बेरेखा प्रसासन खौ गोरा जानो खावलायबोगासिनोमोन, नाथाय दासिमबो द्राग्स लानाय आ बन्ध जायासै ओनसोल आव, जायनि थाखाय नो सासे फरायसा नि जिउ गोमाबाय, मिथिना मोननाय बादिब्ला सनिबारखालि सानैसो लोगो जों द्राग्स नि बिजि लादोंमोन बे फरायसा या, बेनि उनाव नो गोबाव सम बेहोस जाना थायो, उननि समाव देहाफाहामसालि आ लाना थाङो, नाथाय बेयावनो जिउ गोमायो, द्राग्स बारा लानायनि थाखाय नो बेबायदि जायो होनना सन्देह खालामनाय जादों।

कक्राझार नि खाथि नि जयपुर सेकेन्दार आलि मेमरियाल एबा सेम कलेज अफ नार्सिं नि बेरेखा नायबिजिरनाय जागोन होनना बितिआर नि गाहाय प्रमद बर बिथाङा फोसावो। नार्सिं कलेज नि बेरेखा मासुल बारा जों लोगोसे फरायसुलि फोरखौ गाज्रि आखु दिन्थिनाय जों लोगोसे थगायनाय नि अजद होदोंमोन। फसंथान नि हुसेनआरा बेगम आरो शेख आब्दुला नि बेरेखा अजद नि उनाव नो बितिआर नि गाहाय आ नायबिजिरनायनि सायाव फोसावो, थांनाय 27 आगष्त खालि दुंहाव थासारि सोमजिदोंमोन, गोबां बेयाव फरायनाय फोरा नो फसंथआन खौ गारनानै थाङो, मुं थिसननाय समाव ईन्दियान नार्शिं काउन्सिल नि सिङाव होनना बुंदोंमोन, नाथाय बेयो रायजो नि सिङाव सो दं, भारत नि नङा, बेयावनो थगायजानायखौ मिथिनानै फरायसा फोरा थाङो।

कक्राझार जिला नि सालाकाति बितिसि बियाब नि बिपिएफ सोरखार नि समनि भिसिदिसि नि सेयारमेन सन्जय मुसाहारि आ खौरांगिरिफोरनि सिगाङाव गोबां सुबुंफोरनि न लुनाय आ मानो जाजोबासै बेनि सायाव बुंदों, मखजाथावदि दानि सोरखार नि भिसिदिसि चेयारमेन आ आगोलनि सोरखार आ पिएमएवाइ न खौ गोबांनिखौनो लुफुंना होआखैमोन होनना अजद होदोंमोन होनना खौरांमेल नि गेजेरजों होनाय नि अजद, बेनि सायावनो मानो बेबायदि जाखो बेखौ फोरमायना होयो, न मोननाय फोरा गावनो न खौ लुना लागोन होनना बुंदोंमोन, बिसोरना गोबाङानो सिएसपि बेंक आव एकाउन्त खौ खुलिदोंमोन, सोरनाबा लद लानो हाया, बेफोरबायदि गोबां जाहोन नि थाखाय नो न खौ लुना लानो हायाखै, बेखायनो न मोनग्रा निफ्राय गासैबो दितेइल्स खौ लानानै सो अजद खौ होयोब्ला मोजां जायो होनना बो बुंबावो।

बितिसि सोरखार नि ईएम राकेस ब्रह्म बिथांनि बेरेखा थाना याव एफआइआर, तामुलपुर थाना याव तामुलपुर जिला बिपिएफ नि दैदेनगिरिफोरा थांनानै एफआइआर खौ होयो। ईएम बिथाङा बिपिएफ खौ मानसि बुथारग्रा बुंनाय आ गाज्रि जादों, बिथाङा सोलोंथाय मोननो नांगौ, आयेन नि बादियै बिथांनि सायाव बेबस्था लानाय जागोन नि थाखाय केस खौ होदों होनना बो फोरमायो, गुबुनफारसे इउपिपिएल आ बो आजिरा मोननाय BEEO अमरसिं ब्रह्म बिथांनि सायाव केस होदों होनना खौरां मोनदों, पर्बतझरा इउपिपिएल आ ईएम राकेस ब्रहम बिथांनि सायाव गाज्रि राव बाहायनायनि थाखाय नो बेखौ थिसनदों होनना फोरमायो।

मोनसे सोमोनांथाव जाथाय आव थाना याव थांनानै एसआई नो अजद होयो सासे थाखो 3 नि 7 बोसोर बैसो नि सासे फरायसा या, तेलेंगाना नि राजना सिरसिला जिला नि मुस्ताबाद सोहोर आव जादों जाथाय आ। खौरां मोननाय बादिब्ला मुस्ताबाद नि थागिबि बालाकिषान भरत आरो शिबानि मुंनि सानै फिसा नि बिफा. भरत आ मुस्ताबाद नि गंसे फरायसालि आव थाखो 3 आव फरायो, जौ लोंना फेग्रा जानायनि थाखाय बालाकिषान आ सानफ्रोमबो फिसा नि सिगाङाव नो बिसि एबा गथ नि बिमाखौ देहायारि गाग्लोबो, बेफोरखौ नुनानै सहायनो हायि आव भरत आ सानसे रावनोबो खबर होआलासैनो थआना याव थाङो, थाना याव गासैखौबो सोमोनांहोनानै भरत आ एसआइ भेंकेतेस्वरलु नि खाथि आव थाङो। भरत आ अजद होनायनि थाखाय एसआइ आ बिफा आरो बिफा नो फन खालामनानै एदभाइस होयो आरो लोगोसे बेबायदि जाथाय आ जाहाथे जाफिना बेनि थाखाय सांग्रां खालामना होयो।

आसाम आ हादर नि मोन 5 जौगानाय रायजो नि फारिलाय आव माब्ला हाबगोन होनना सोंदों प्रदेश कंग्रेस आ, गिबि मन्थ्रि खौ सोंदों असम प्रदेश कंग्रेस नि आफादगिरि भुपेन बरा या। बिसायखथि नि समाव तप 5 आव लाबोगोन होनना समाय लादोंमोन, माब्ला बे समाय आ जाफुंगोन होनना सोंदों, गोदान दिल्लि आव निखिल भारत कंग्रेस कमिति नि मावखुलि आव खौरांगिरि फोरनि सिगाङाव बुङो।

जिअ नि सिगाङावनो फैगोन एयारतेल 5 जि आ, सुनिल मित्ताल आ बुंदों भारत सोरखार आ बुंदोंमोन अक्तोबर 12 खालार होनना, मैया जिअ आ गावनि फैनाय नि सम खौ फोसावना होदोंमोन, जेराव बिथांमोना मेत्र सिति आव दिवालि आव फैगोन होनना बुंदोंमोन, बेखौ फोसावनायनि उनाव नो एयारतेल निफ्राय बो फैयो मोनसे खौरां, खौरांगिरिफोरनि सिगाङाव बुंदों एयारतेल आ अक्तोबर नि गिबि सप्ता याव नो आव नो जागायगोन, भारत सोरखार आ अक्तोबर 12 निफ्राय जागायगोन होनना फोसावदोंमोन, 5जि नि सुबिदा खौ लानो थाखाय इसेब्लाबो गोबां रां होनो नांगोन होनना बो खौरां मोनदों, एबा रिसार्ज नि बेसेन आ बारा जानो हागौ। गुबुनफारसे जिअ आ हादरनि जौगानाय आरो मोजांसिन, गोसासिन नेतवर्क जागोन होनना बुंदों मुकेस आम्बानि बिथाङा, जिउ 5जि ब्रदबेन्द नि मुङा जागोन जिअ एयार फाइबार, जिअ एयार फाइबार जों गावनि न एबा मावखुलि आव गिगाबाइत स्पिद ईन्तारनेतजों थाबैनो कानेकशन खालामनाय आ मोगथां आव गोरलै जागोन। लोगोसे बिथाङा जिअ आ नो बयनिख्रुय बांसिन साख्रि होदों होनना बो फोरमायो, गासैबो फालांगि आव 2.32 लाख साख्रि होदों होनना बुङो।

बलिउद नि फांवखुंगुर रनबिर सिंह आ 29 आगष्त खालि मुम्बाइ पुलिस नि सिगाङाव लंथं सावगारि नि गसर नि थाखाय नुजाथिहैयो, बेयाव गावनि बिबुंथि खौ रेकर्द खालामो। मोनसे मेगाजिन नि थाखाय फतशुत खालामनायनि उनाव नो रनबिर खौ गोबाङानो त्रल खालामदोंमोन आरो बिथांनि बेरेखा गोबां थाना फोराव गसर थिसननाय जादोंमोन, बेबायदिनो मोनसे आ सेब्रुर थाना नि मोन। पुलिसफोरा बिथांखौ 2 घन्ता सो सम जेरा खालामो, फुंनि 7.30 निफ्राय 9.30 सिम नि गेजेराव रकर्द खालामो, खौरां बिजोंनि खौरां बादिब्ला रनबिर आ पुलिस नि सिगाङाव गावनि बुंनाय आव गावखौनो दाय गैया होनना फोसावो, बे फत शुत नि गेजेरजों रावखौबो जोखोम खालामनायनि थांखि गैया होनना बो बुङो, मखजाथावदि दानसे सो सिगां निफ्राय नो बेनि सायाव गोबां सावरायनाय जागासिनोमोन, गावनि इन्सताग्राम एकाउन्त आव सेयार खालामनायनि उनाव नो ससियेल मिदिया याव गोबां सावरायजादोंमोन।

बड'फा गोजोरथियारि सोलायनाय मावथांखि" नि हाबाफारि बायदियै दिनै 29 आगष्ट', 2022 खालाराव 2थि 13 बोसोर बैसो सिंनि जोबथा (U-13) Final) जोलुर बादायलायनायखौ बागसा जिल्ला एबसुआ सालबारि दख'रा एबसुनि सिङाव थानाय सालबारि फरायसालिमानि गेलेग्रा फोथाराव खुंफुंनाय जायो। दिनैनि जोबथा जोलुर बादायलायनाया गबरधना दख'रा आरो चि.के. दख'रा एबसुनि गेलेग्रा बिथांमोननि गेजेराव जादोंमोन। मख'नो गोनांदि बादायलायनायाव गबरधना दख'रा एबसुनि गेलेग्रा हान्जाया 02 गल सोनानै चि.के. दख'रा एबसुखौ फिजेननो हायो एबा गबरधना दख'रा एबसु 02 गल आरो चि.के. दख'रा एबसु 00 गल। हाबाफारियावनो मिरु एबसुनि लोगो आफादगिरि मानगोनां मुस्रि खोरोमदाव औवारीआ गाहाइ आलासि महरै बाहागो लायो आरो गावनि बिबुंथिनि गेजेरजों साफ्रोमबो गेलेगिरि बिथांमोनखौ गाहाम हामलायनाय जासिनानै इयुनाव राफोद गेलेगिरि जानानै गावनि आथिङाव गसंनायजों लोगोसे हारि आरो राज्योनि सुबुं सम्पद जानो खावलायो। दुलाराय बर' फरायसा आफादआबो साफ्रोमबो गेलेगिरिफोरखौ हानायमानि थुलुंगा होनायजों लोगोसे हेफाजाब होनो थाखाय थियारि मानोना एबसुआ बर' हारिखौ गेरेमसा माहारि दानांगौनि थाखाय गुबुन-गुबुन बिथिङाव खामानि मावगासिनो दङ होननानै गावनि बिबुंथिनि गेजेरजों फोरमायो लोगो आफादगिरि मुस्रि खोरोमदाव औवारी बिथाङा।