मेत्रिक आनजाद
आव स्तार एबा बेनिख्रुय बारा नम्बर मोननानै पास जानाय फरायसाफोरनि थाखाय सोलोंथाय
मन्थ्रि डाँ रनुज पेगु बिथांनि गोनांथार फोसावनाय, बे बार आव रायजो सोरखार आ
मेत्रिक आव मोजाङै उथ्रिसारनायफोरनो आनन्दराम बरुवा बान्था नि गेजेरजों नोगोद धोन
होनायनि बाथ्रा फोसावदों, बेनि थाखाय रायजो सोरखार आ फरायसाफोरखौ बिफान नि वेबसाइत
नि गेजेरजों मुं, बेंक एकाउन्त फोरखौ थिसननो बिथोन होदों, नाथाय दासिमबो 1060
फरायसाफोरा रेजिस्तार खालामाखै आरो 2548 आ बेंक एकाउन्त नि दितेइल्स खौ होदोंब्लाबो
नाथाय गोरोन्थि जादों, मैया सोलोंथाय मन्थ्रि रनुज पेगु बिथाङा फोसावदों। बेखायनो
जायफोरा रेजिस्तार खालामाखै आरो जायफोरना गोरोन्थि जादों बिसोर थाबैनो मोजां
खालामना लानो बिथोन होदों, 1 सेप्तेम्बर नि हर गेजेर सिम बेखौ खालामनो हागोन, वेबसाइत
www.madhyamik.assam.gov.in नि गेजेरजों एप्लाई खालामनो नांगौ। थाबैनो
खालामना लायाब्ला सोरखार आ होनाय बान्था खौ मोननाय नङा।
कक्राझार आव उन्दै गथ खौ जिनाहारि
खालामनाय दायनिगिरि खौ 20 बोसोर जेल नि साजा। दायनिगिरि शानिदुल ईस्लाम खौ
कक्राझार नि स्पेशियेल बिजिरसालि आ 20 बोसोर नि जेल जों लोगोसे 10 रोजा रां नि
जरिमाना बो होयो, बे रां खौ होनो हायाब्ला आऱो 1 दान बारा थाबावनो नांगोन जेल आव।
उन्दै गथ जिनाहारि खालामनाय दायनिगिरि शानिदुल नि राय होनायनि सायाव मैया सोरखारि
उकिल मनजित घोस बिथाङा खौरांगिरि फोरनि सिगाङाव बुङो दि, 2019 नि 7 जुलाइ आव शानिदुल
इश्लाम आ बिनि न नि उनथिं मोसौ नायनो फैनाय सासे उन्दै गथ खौ बोलो बाहायनानै
जिनाहारि खालामदोंमोन, बे जाथाय नि सायाव कक्राझार थाना आरो गसाइगांव थाना याव
मोननै गसर थिसननाय जादोंमोन, बेनिनो जोबथा राय खौ होयो।
सेप्तेम्बर आव फिन 10 रोजा सोरखारि
साख्रि, उदालगुरि नि भैरबकुन्द आव फैनानै बुंबाय आसामनि गिबि मन्थ्रि आ। धनस्रि
दैमा नि सायाव दालां बानायनायनि अन्थाय खाम्फा गायसननाय हाबाफारि आव बाहागो लानानै
फोसावो बिथाङा। 1 लाख साख्रि होगोन नि समाय लानाय बिजेपि दैदेननाय सोरखार आ रायजो
आव फिन 10 रोजा नो साख्रि होगोन, दायो 30 रोजा साख्रि नि थाखाय आनजाद आ जालांनायनि उनाव फोसावो। बिथाङा
बुंदों, रायजोफोरखौ बुंदोंमोन जोंनि सोरखार आ फैयोब्ला 1 लाख साख्रि होगोन होनना,
नाथाय जोंखौ फोथायाखैमोन, बिधानसभा याव बो कंग्रेस आ जोंखौ बुंदों, दासिम जोंनि
सोरखार आ फैनायनि उनाव 30 रोजा साख्रि होबाय, सेप्तेम्बर दान आ मोन 5 कामान्दो
बेतेलियानखौ लाफानानै 10 रोजा साख्रि जोंनि बेकार हौवासा हिनजावसाफोरनो होगोन। मखजाथावदि
दालांनि लावथाय आ 320 मितार जागोन, 34 कौति रां बाहायनानै बानायगोन बेखौ, बेनि
गेजेरजों असाम अरुनाशल आरो भुतान खौ फोनांजाबनाय जों लोगोसे थांलाय फैलाय आ बो
मोजां जागोन। दालां आ 2025 नि गेजेराव जाजोबगोन होनना फोरमायो। बिथाङा लोगोसे नो
रायजो नि 4 रोजा गोजौ फरायसालिफोरखौ मोजां खालामफिननो 10 रोजा कौति रां बाहायगोन
होनना बो बुंबावो।
मैया जनता भवन आव रायजो सोरखार नि
केबिनेत नि जथुम आ जानानै थाङो, केबिनेत आव मोननैसो गोनांथार थिरांथाफोर लानाय
जायो. मोननैसो गोनांथार थिरांथा फोरा जाबाय- कमनवेल्थ गेम्स आव मेदेल मोननाय
नयनमनि शइकिया नो रायजो सोरखार नि सनमान, दिएसपि आरो फरेस्त कामान्देन सनमान जों
लोगोसे 50 लाख रां बो होनाय जागोन, बिथाङा कन्सतेबल सो मोन, दायो दिएसपि जासिगोन,
फैगो 3 सेप्तेम्बर खालि बान्था खौ होगोन, सोरखार आ पलितेकनिक आ आइतिआइ नि थाखाय 3
लाख 22 कौति रां नि गनायथि, बेनि गेजेरजों बोसोरफ्रोमबो 22 रोजा फरायसाफोरनो फोरोंथाय
होनाय आव सुबिदा जागोन, 23 आरो 24 नबेम्बर आव दिल्लि आव खुंगोन लासित दिबस खौ, 23
खालि नखर मन्थ्रि आऱो 24 खालि गाहाय मन्थ्रि आ बाहागो लागोन। मखजाथावदि फैगो 7
सेप्तेम्बर आव कक्राझार आव केबिनेत नि जथुम आ जागोन, बे केबिनेत आ नो बितिआर नि
थाखाय गुदविल मिशन नि गेजेरजों गोबां फान्द होनाय जों लोगोसे बितिआर आ 120 किमि पाका
लामा मोनगोन होनना गिबि मन्थ्रि आ बुंदों।
आसाम आरो मिरु सोरखार आ बितिआर गोरोबथा
खौ मावफुंनो थाखाय गोसो जानायखौ नुनो मोनदों, बेखौ बुंदों बितिआर नि लेङाय गाहाय
गोबिन्द चन्द्र बसुमतारि बिथाङा, बितिआर गोरोबथानि गेजेरजों गामि दानखजागोनब्लाबो गामि
हाबगोन आ बारा, बिथाङा लोगोसे रायजो मोननाय आव जोंहा जेबो बाजानाय गैया, नाथाय
दानि थासारि आ आलादा रायजो मोननाय नि एबा नांगौ होनना बुंनायनि नङा, माबा मोनसे
गोरोबथा खालामदों, बेखौ मावफुंनाय नि उनाव सो थासारि आ मा जायो मिथिगोन होनना बो
खौरांगिरिफोरनि सिगाङाव बुंदों। लोगोसे बिथाङा धनस्रि दैमा नि सायाव दालां
बानायनायखौ गोजोननाय मोनदों होनना फोरमायो, गोबाङानो बेखौ बिबोदोंमोन, आगोलावनो
खालामनो नागिरदोंमोनब्लाबो खालामनो हायाखैमोन, नाथाय उनाव बेखौ बितिआर गोरोबथा याव
सोनायनि गेजेरजों थाबैनो जादों होनना बुंदों।
आयजोफोरनि सायाव जानाय दाय आव आसाम आ 5
थि बोसोर नि थाखाय गिबि नम्बर आव थादों, एनसिआरबि एबा नेशनेल क्राईम रेकर्द बिउरो
नि बादिब्ला 2021 आव आसाम आव आयजो नि बेरेखा जानाय दाय नि हार आ 168.3 मोन।
एनसिआरबि नि रिपर्त नि बादिब्ला हादोरनिखौ नायोब्ला हार आ 64.5 नि बारा। आसामनि
उनाव नो दिल्लि आरो उरिश्या या दं, दिल्लि आव 147.6 आरो उरिश्या याव 137.8, मखजाथावदि
आसाम आव 2020 आव 154. 3 मोन, नाथाय 2021 आव गोबां बारा जायो, थांनाय बोसोर आव आसाम
आव रेजिस्तार जानाय दाय नि गासै गसर नि 12950 ता गसर आ नो धारा 498 ए नि सिङाव
मोन, अजद होग्रा या फिसाय एबा फिसाय नि नखर नि सुबुंजों खालामजादोंमोन आयेन बेरेखा
खामानि, बेनि अनगायैबो पस्क आयेन नि सिङाव आसाम आव 1948 ता गसर रेजिस्तार जादोंमोन।
नोंथाङा बो मबाइल एप नि गेजेरजों लोन
लादों एबा लागोन होनना सानदों नामा, गोबां एप फोरा नो लन होयो, नाथाय सांग्रां जा,
कंग्रेसआ मंगलबारखालि मिरु नि दिजितेल ईन्दिया केम्पेइन नि सायाव सोंनानै बुंदों
दि एनदिए सोरखार आ हादोर आव सोलिनाय 600 ता आयेन बेरेखा चिन नि लोन नि एप नि
बेरेखा मानो बेबस्था लायाखै होनना, जायनि थाखाय थांनाय बोसोर फोराव 52 भारत नि
सुबुंफोरा गावखौनो बुथआरना लानो गोनां जादों, कंग्रेस नि दैदेनगिरिफोरा बुंनाय
बादिब्ला कभिद नि समाव गोबां खहा जाजानाय फोरा आयेन बेरेखा चिन नि एप नि मदद
लादोंमोन, जायो खम बेसेन नि लोन होदोंमोन, बेनि उनाव नो जे आव खोख्लैयो आरो
ब्लेकमेइल खालामनायखौ जागायो, जायनि थाखाय नो ग्राहक फोरा गावखौनो बुथारना लानो
गोनां जायो, भारत नि रिजार्भ बेंक आ बेबायदि 1200 एप नि गेजेराव 600 आ नो आयेन
बेरेखा मोन होनना बुंदों, थांनाय बोसोर फोराव भारत नि बाहेर आव 500 कौति सो रां
लुथिना लांबाय होनना बो कंग्रेस नि देदनगिरि फोरा बुंदों
बिसि आ ओंखाम जों लोगोसे होबाय गुसु
ओंख्रि, फिसाय आ बिसि जों सोमोन्दो गारलायबाय एबा दिभर्स खालामबाय। जाथाय आ उत्तर
प्रदेश नि, खन 3 तालाक होनानै सोमोन्दो गैयि खालामो बिसि जों। जाथाय आ एप्रिल नि
12 खालार नि नो, नाथाय दायो पुलिस थाना याव थांदों बेलासि नि जानाय समाव बेबायदि जादोंमोन,
बेनि थाखाय बिसि खौ बुदोंमोनबो, बेनि उनाव नो तालाक होदोंमोन। अजद नि बादिब्ला 15
लाख जोथोब होनायनि उनाव बो गोजोनाखैमोन फिसाय नि नखर आ, गोबाव सान निफ्राय
देहायारि गाग्लोबगासिनोमोन, बे जाथाय आ हादरनाङैनो सोमोनांहोदों।
"बड'फा
गोजोरथियारि सोलायनाय मावथांखि" बादियै सनितपुर जिल्ला दुलाराय बर' फरायसा
आफादजों खुंफुंजानाय U13 जोलुर बादायलायनाया दिनै बालिपारानि गोजोन फोथार गेवलां गेलेग्रा फोथाराव
जोबनानै थाङो । दिनैनि जोबथा सानाव बादायलायनाया बालिपारा दख'रा एबसु आरो
हुग्राजुलि दख'रा एबसुनि
गेजेराव जालाङो । हाबाफारि
बादियै बादायलायनायखौ बेखेवनानै होयो मिरु एबसुनि गेलेमु नेहाथारि मानगोनां मुस्रि
गनेस बसुमतारीया । बेखेव
बिबुंथियाव बिथाङा मंगलिय' फोलेरनि बर'फोरनि देहाया
उन्दैनिफ्राइनो जोबोद राफोद जाखायो होननानै राफोद देहानि बिगोमा बर' फिसाफोरा
जाहाथे उन्दैनिफ्राइनो गावनि रोंगौथिखौ दिन्थिनानै बर' हारिजों
लोगोसे बड'लेण्ड, आसाम, भारतनि मुंखौ
बुहुमाव सिनायथि होनो हायो बिनि थाखायनो एबसुआ थांनाय गोलाउ समनिफ्राइनो बड'लेण्ड आरो
आसामनि जेरावबो U13 जोलुर
बादायलायनायखौ खुंबोबाय थादों होनानै गावनि बिबुंथियाव बुंङो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon