फिफा एबा
ईन्तारनेशनेल फेदारेशन अफ एशसियेशन फुतबल आ अल ईन्दिया फुतबल फेदारेशन खौ सासपेन्द
खालामबाय। फुतबल मोजां मोनग्रा फोरनि थाखाय मोनसे दुखुनांथाव खौरां, जाय समाव भारत
आ फिफा वर्ल्द काप खौ गेलेनो नाजागासिनो बे समावनो बेबायदि सासपेन्द खालामजानाय आ गाज्रि
गोहोम खोख्लैनाय बादि जादों। खौरां मोननाय बादिब्ला थार्द पार्ति नि गोनांथि गैयि
गोहोम नि थाखाय नो बेखौ खालामदों फिफा या, बिथांमोननि नेम नि बेरेखा खालामनाय
जादों, सासपेन्द खालामनायखौ बोखारनाय जागोन जुदि मोनसे Administration नि कमिति दायो आरो AIFF Executive committee नि बोलो खौ बातिल खालामो आरो बे AIFF Administration आ आबुं कनत्रल खौ लाफिनो, मखजाथावदि बे बोसोरनि नो 11-30 अक्तोबर सिम नि 17
बोसोर नि सिंनि वर्ल्द काप आ भारत आव जानो थांगासिनोमोन, नाथाय बे सासपेन्द जानाय
आव भारत आव गेलेनाय आ जागोन ना जाया रोखायै बुंनो हानाय नंलिया। मखजाथावदि थांनाय
मे दान आव जौसिन बिजिरसालि आ साथाम नि कमिति अफ एदमिनिसत्रेतर दाना होदोंमोन जेराव
आफादगिरि प्रफुल पेतेल खौ आफादगिरि नि मासि निफ्राय बोखारनानै दादोंमोन, 2009
मायथाइनिफ्राय नो आफादगिरि जाना दंमोन, 3 थि खेब आफादगिरि जानाय पेतेल नि 2020
मायथाइ आव सम आ जोबो, आफादगिरि नि सम आ जोबनायनि उनाव आफादगिरि नि बिसायखथि जायि
आव लांदां जाना दं मासि आ, 2 बोसोर आ नो जाबाय. दायो आसामनि बारग गिबि मन्थ्रि
सर्बानन्द सोनोवाल बिथाङा बो बे मासि नि थाखाय बिसायखति गेलेगोन होनना सो खौरां
मोनदोंमोन, बारग भारत नि गेलेगिरि बायसुं भुतिया या बो गेलेगोन होनना खौरां
मोनदोंमोन।
सनितपुर नि राङापारा याव हर आवव
गिथावना जाथाय, आखाय आव हानाय खर लानानै राङापारा थाना याव थांदों सासे सुबुं आ।
राङापारा नि दयालपुर आव जादों जाथाय आ, तुनिराम माद्रि मुंनि सुबुं आ गोदना हासयो
बइलर हेमरम मुंनि सासे नि, 500 रां बिनायनि थाखाय नो गोदना हानानै बुथारो तुनिराम
आ, बुथारनायनि उनाव बुथारग्रा या 10 किमि सो लामा थाबायनानै खर खौ आरो सिखा खौ
लानानै थाना याव थाङो, बइलर हेमरम आ 500 रां ल दाहार आव बिदोंमोन, रां खौ होयि नि
थाखाय नायगोन होनना बुंनाय आव नो रागा जोंनानै सिखा जों दानसयो। जाथायनि सायाव
राङापारा पुलिस आ मोनसे गसर थिसननानै नायबिजिरनायखौ जागायो।
जम्मु काश्मिर नि दैमा याव गोग्लैबाय
रैखाथि बिफान नि जवानफोरखौ लांनाय बास आ, आईतिबिपि जवान फोरखौ लांनाय गारि मोन बास
आ। बे जाथाय आव सा 7 जवान बिथांमोननि जिउ गोमादों होनना खौरां मोनदों, गोबां
सुबुंफोरा जोखोम जादों, बास आव गासै सा 37 जवानफोर दंमोन होनना मिथिना मोनदों,
जवानफोरजों लोगोसे सा 2 पुलिस बो दंमोन होनना मिथिना मोनदों, गासै सा 39, अनन्तनाग
जिला नि पहेलगांव आव बास नि ब्रेकफेईल जानायनि थाखाय नो बे जाथाय आ जादों, जाथाय
नि खौरां मोननाय लोगो लोगोनो 19 ता एम्बुलेन्स आ थांदों, पितिआई नि खौरां नि
बादिब्ला अमरनाथ दावबायनाय आव बिबान खौ फोजोबनानै फैफिनदोंमोन।
भारत नि आरमि
आव जईन जानो लुबैनाय हिनजानसा फोरनि थाखाय मोजां खौरां। मिरु सोरखार आ बेखेवना
होनाय अग्निपथ बिथांखि नि गेजेरजों आयजो अग्निबिर नि अनलाईन खालामनाय आ
सोलिगासिनो, फैगो 7 सेप्तेम्बर आ रेजिस्त्रेसन नि जोबथा सान, एप्लाई खालामदों
अफिसियेल वेबसाईत नि गेजेरजों, मेत्रिक आव 45 जौखोन्दो आरो मोनफ्रोमबो आयदा याव 33
नम्बर थानो नांगोन, बैसो आ 17 निफ्राय 23 सिम नि जानो नांगोन। फुल दितेईल्स नि
थाखाय Bodo Edu youtube channel आव थांना नायनो हागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon