20 August bodo evening news ~ Bodoinfo.com

साननै सिगां आव मोनसे दुखुनांथाव जाथाय जादोंमोन उदालगुरि जिला नि माजबात नि निजोरा सेन्तार नि कमलाबारि आव, नखरसे नि नो सा 3 बर सुबुं खौ हाग्रा नि मैदेर आ गाग्लोबनानै बुथारना गालांदोंमोन, बे जाथायनि उनाव दिनै बितिसि सोरखार नि ईएम रन्जित बसुमतारि बिथाङा दुखुथिया नखराव थांनानै खौरां लाहैदों आरो थैनायनि नखरनो सासे आव 4 लाख रांयै रां नि अनसुंथाय होगोन होनना फोसावो, मखजाथावदि सा 4 सुबुंफोरनि नखर आव सासे ल 7 बोसोर बैसो नि उन्दै हिनजावसा निजोरा बसुमतारि आ ल सो बारगदोंमोन बे जाथाय आव, दायो निजोरा नि गासै फरायनाय थानाय जानायनि सुबिदा खौ बो सोरखार आ नो होगोन होनना फोरमायो इएम बिथाङा, बिथाङा लोगोसे बेबायदि मैदैर नि उदखार आ बारा जालांनायखौ होबथानायनि राहा लागोन होनना फोरमायो, रांबावजा जथुम आव 200 किमि सलार नि फेन्सिं बाउन्दारि होनायनि बाजेत लानाय जागोन होनना बो फोरमायो।

एपिदिसिएल नि बिल नि मुङाव नंखाय एसएमएस हरनानै गिदिर धोन लुथिनाय सा 4 सायबाय दायनिगिरिफोरखौ हमदों झारखान्द निफ्राय, गोबां सान सिगां निफ्राय नो बेबायदि जाथाय आ जाबाय थाबोगासिनोमोन, बिल खौ होआब्ला कानेकशन दानना होगोन बायदि बायदि सिगियोमोन, जायनि थाखाय नो ग्राहक आ गिनानै बिसोर हरनाय मेसेज आव थानाय लिंक आव थुना लानानै रां आ लुथिजायोमोन, बेफोरबायदि गोबां जाथाय जानायनि उनाव आसाम पुलिस आ नायबिजिरनायखौ जागायदोंमोन, दायो नायबिजिरनायनि उनाव झारखान्द नि सा 4 खौ हमनो हायो, सा 4 नि मुङा पुरन कुमार मन्दल, पबन मन्दल, नितिस कुमार मन्द आरो प्रित कुमार। दायो बिसोरखौ आसाम आव लाबोनाय जागोन होनना मिथिना मोनदों।

गुवाहाति आव गिथावना अर नांनाय जाथाय सिलिनदार बेरफ्रुनाय आव गं 3 दखान आव अर नांनाय आव खामजोबो।गुवाहाति नि भाङागर नि फ्लाईअभार नि सिङाव जादों जाथाय आ, गिबि आव गंसे हतेल आव सिलिन्दार आ बेरफ्रुग्रोदोंमोन, बेनि उनाव नो अर आ खाथि नि गुबुन गंनै दखान आव बो नांहैयो, जाथायसालि आव अर खोमोरग्रा फोरा थांबाय। दासिम रावबो सुबुं नि जेबो जानाय खौरां मोनाखै।

बिजेपि नि आखाय आव सा 61 एमएलए दं, हारसिंनो सोरखार दानो थाखाय आरो सा 3 एमएलए ल नांबावगौ, बेनि गेजेरावनो रङिया याव रायजो बिजेपि नि आफादगिरि भबेश कलिता या बुंदों बिजेपि आव गुबुन गुबुन दोलो नि गोबां एमएलए फोरा हाबगोन, बिजेपि आव हाबोब्ला बिजेपि आ हारसिं नो सोरखार दानो हागोन। हारसिं सोरखार दायोब्ला दानि बिजेपि नि लोगो दोलो एजिपि आरो ईउपिपिएल नि गोहोम आ खम जानायनि सम्भावना दं, मखजाथावदि एमएलए फोरजों लोगोसे रायजो नि सासे गोजौ थाखो नि दैदेनगिरि आ बो बिजेपि आव हाबगोन नि ईंगित होदों, दायो सावरायलायगासिनो दं, थाबैनो सावरायलायनाय आ जोबगोन, बे हिसाबै सेप्तेम्बर दान आव बिजेपि नि महा योगदान हाबाफारि खुंनाय जागोन होनना फोरमायो बिथाङा, लोकसभा बिसायखथि आव गासैबो बियाब आव नो गेलेगोव, 12 नि बारा मासि मोनगोन लोगो दोलो आ होनना बो बुङो। जुदि थारैनो सोरबा एमएलए आ दोलो आव हाबो अब्ला कंग्रेस नि सा 4 एमएलए नि मुङा दायो सावरायलायजागासिनो होनना मिथिना मोनदों, जायनि जाहोन आव लोगो दोलो मोननैनि आव बोलो आ खम जानो हागौ।

मैया जन्मअस्तमि मोन, कृष्ण नि जोनोम सान आव हर आव मथुरा नि बांके नि बिहारि मन्दिर आव मोनसे गिदिर हाबाफारि लादोंमोन जोनोम सान फालिनाय नि, रोजा रोजा सुबुंफोरा बेयाव थांनाय आव जायगा नि आंखाल जादोंमोन, बे गोबां सुबुंफोर ज जानाय आव नो सानै भक्त फोरा हां लानो हायि जानानै थैदों होनना मिथिना मोनदों, मैया गोबां सुबुंफोरा नो आरति नायनो थांदोंमोन, थैनायफोरनि सासे आ हौवा आरो सासे आ आयजो, थैनायनि अनगायैबो सा 6 आ गाज्रियै जोखोम जादों होनना बो मिथिना मोनदों, दायो फाहामथाय लागासिनो, मखजाथावदि मथुरा याव बोसोरफ्रोमबो जन्मअस्तमि नि समाव हादर आरो गुबुन हादर नि गोबां भक्त फोरा फैयो, करना नि समाव बारा जायाखैमोनब्लाबो नाथाय बे बोसोर आव बारा जानाय खौ नुनो मोनदों।