बिजनि आव हाबा
खालामनो फैनानै गोजा न नि आलासि सो जानांबाय हौवा गोदान आ नो, हिनजाव गोदान लांनो फैनानै
पुलिस थाना याव हाबनो गोनां जायो हौवा गोदान जों लोगोसे गासै सा 7, 18 बोसोर जायि
हिनजावसा खौ नो हाबा खालामनो फैदोंमोन, सिरां जिला नि पानबारि थाना नि सिंनि
बेदलांखायति आव जादों जाथाय आ, बङायगांव जिला नि अभयापुरि थाना नि सिंनि शहिदुल
ईस्लाम आ सासे 8 थाखो आव फरायनाय 14 बोसोर बैसो नि गथ खौ नो हाबा खालामनो फैदोंमोन,
जाथाय आ बृहस्पतिबार नि हर नि, पानबारि पुलिस, एबिएमसु आरो हमगार्द फोरनि नाजानाय
आव नो हाबा खौ बन्ध आरो दायनिगिरिफोरखौ हमनो हायो, नाथाय सोमोनांथावसिन बाथ्रा या
बेसो दि जाय हौवा गोदान जानानै फैदोंमोन बियो आगोलावनो खन 4 हाबा जाखानाय, 5थि खेब
हाबा नि थियारि जानाय समाव नो हमो बिजों लोगोसे सा 7 खौ।
आसाम सोरखार आ
गुबुन गुबुन बिफान नि लांदां जाना थानाय मासि खौ आबुं खालामनो थाखाय 21 आरो 28
आगस्त आव खुंगोन 26 रोजा नि बारा मासि नि साख्रि नि आनजाद, 21 आगस्त आव 4थि ग्रेद
आरो 28 आगस्त आव 3 थि ग्रेद नि, लोगोसे द्राइभार नि खौ 11 सेप्तेम्बर आव खुंगोन,
रायजो नि गासै 1258 रोजा मिरु आव खुंगोन आनजाद खौ, गुबुनफारसे बे 21 आरो 28 आगष्त
खालि रायजो आव 2 घन्ता 2 घन्ता गासै 4 घन्ता ईन्तारनेत खौ बन्ध खालामना होगोन होनना
फोसावना होदों, नाथाय ईन्तारनेत आ गासै आसाम आव नो बन्ध जाया, आनजाद नि मिरु
निफ्राय लानानै गासै 100 मितार गोजान ल सो बन्ध जागोन होनना खौरां मोनदों, गुबुनफारसे
आनजाद खौ मोजाङै खुंनो प्रसासन आ थियारि, आसामनि दिजिपि भास्करज्योति महन्त बिथाङा
बुंदों आनजाद आव बेलेबेजे खालामोब्ला जेल जानांगोन होनना. गाज्रि सुबुंफोरनो
वार्नि होदों बिथाङा, लोगोसे सेबा या आनजाद होगिरिफोरखौ बो सांग्रां खालामना
होदों, बेन खालामनाय मुवा बेसादफोर लाङोब्ला आयेन बादियै बेबस्था लागोन आरो इयुन
आव आरो जेबो सोरखारि साख्रि मोननाय नङा होनना बो वार्निं होदों।
बितिसि नि
सोरखारि हा याव आसाम सोरखार आ ईन्दास्त्रि गायसननो नायगिरनायखौ लानानै गोख्रों राव
जों सोंखारिदों। आसाम सोरखार आ थोंजोङैनो बितिसि नि बिबानगिरिनिफ्राय गनायथि लायालासैनो
बे खामानि खौ मावनो नागिरनायनि अजद, आसाम सोरखार आ बितिसि नि जेसेबां सोरखारि हा
दं, बेफोराव कम्पानि बानायनायनि थाखाय दिसि नो अर्दार होदों, दिसि आ बो अर्दार
हर्नाय बादियैनो मोनसे कमिति दायो, दिसि आ गावनो रिभिउ मितिं खालामबाय। नेम बादियै
बे लाइजाम आ बितिसि सेक्रेतारयेत, प्रिन्सिपाल सेक्रेतारि नि आखाय आव सो थांनो
नांगौमोन होनना अजद होदों बिथाङा, बे हा या सोरनि, 6 थि सिदिउल नि हा या सोरनि,
जोंनि बर फोरनि, जोंहा मोनसे काउन्सिल दं, आरो बेनि हेद अफ दा दिपार्तमेन्त आ
कक्राझार आव दं, कक्राझार आव थानायनि हेद आ प्रिन्सिपाल सेक्रेतारि, बेयाव मानो
फैयाखै लाइजाम आ, बेयो फैयोब्ला जोंनि काउन्सिल आ थिऱांथा लागोन बबे हा याव मा
खालामनांगौ थिरांथा लागोन, दिनै रायजो आ हा खौ माबोरै सेनो नागिरदों, दिसि आ जोंनि
सिङावमोनब्ला मानो बेयो दिसि नाव सो थांग्रोखो होनना सोंदों, लोगोसे बेयाव सासेबो
काउन्सिल नि सोद्रोमा गैया होनना बो सोंबावो बिथाङा।
आजिरा मोननाय
बि इ इ अ अमरसिं ब्रह्म बिथाङा साननै सिगाङाव बितिआर नि गाहाय खौ खौरांमेल नि गेजेरजों
बायदि बायदि बाथ्रा बुंनाय खौ लानानै उदालगुरि जिला नि इउपिपिएल नि आफादगिरि
रबिन्द्र बसुमतारि बिथाङा गोख्रों राव जों संखारिदों। बितिआर नि गाहाय खौ ईदियत
बुंनाय खौ लानानै बो बुङो, ईदियत खौ प्रमद बर खौ बुंनो हाया, ईदियत सोदोबखौ
बाहायजायो होनना बुङोब्ला हाग्रामा महिलारि खौ सो बुंजायो होनना अजद, अमरसिं
ब्रह्म बिथाङा सो सुक्ति नि जेबो गियान गैया, बेबायदि बुंनाय आ बर नि खहा सो
खालामो, बर फोरा सिनायनाय आ मोजां, 17 बोसोर बितिआर सालायनाय समाव जेबो शांति
गैयामोन, बर अबर दंमोन, नाथाय प्रमद बर आ बितिआर गोरोबथा खालामनाय नि उनाव नो बर
अबर गैलिया होनना बो फोरमायो।
दिसपुर नि
जनता भवन आव सुक्रबारखालि केबिनेत नि जथुम आ जायो, केबिनेत नि जथुम आव रायजो नि
प्रसासनिक सारभिस निफ्राय लानानै फिन गोदान बानायफिननाय, दावबायनाय, फाहामथाय,
हान्थामेला फोरनि सायाव गोनांथार थिरांथाफोर लादों, सावरायलायनाय आ जोबनायनि उनाव
खौरांमेल नि गेजेरजों लानाय थिरांथा फोरखौ मन्थ्रि पियुश हाजरिका बिथाङा फोसावना
होयो। केबिनेत नि थिरांथा फोरा जाबायः दानिफ्राय मन्दल नि मुं खौ सोलायना होबाय,
मन्दल नि जायगा याव लेन्द रेकर्द एसिसतेन्त खालामनाय जाबाय, बेबायदिनो ईन्सपेक्तर
अफ लेन्द रेकर्द नि जायगा याव लेन्द रेकर्द इन्सपेक्तर खालामनाय जाबाय। गोदानै
लेन्द रेकर्द अफिसार मुं होनानै गोदान मासि बानायनाय जागोन, लेन्द रेकर्द
इन्सपेक्तर आरो लेन्द रेकर्द अफिसार मासि मोननै गेजेत अफिसार नि मान मोनगोन, लेन्द
रेकर्द एसिसतेन्त गंसे जिला याव 5 बोसोर नि बारा थानो मोना, बिखौ सोलायनाय जागोन।
नगांव आरो सिलसर कागज कल नि खामानि मावनाय सा 64 मावथिफोरनो सोरखार आ गुबुन गुबुन
बिफान आव साख्रि होनाय जागोन, नामरुप आव 25 मेगावात मोब्लिब गोहो आरो सलार नि
दिहुननाय नि थाखाय अइल ईन्दिया आरो एपिजिसिएल नि गेजेराव मोनसे बुजाबुजि सुक्ति
खालामनाय जायो, फैगो समाव रायजो आव थानाय मेदिकेल कलेज फोरनिफ्राय बोसोर आव 2100
निफ्राय 2300 देहाफाहामगिरि बानायनाय जागोन , रायजो आव थानाय मेदिकेल कलेज फोरनि
गाहाय फोरनि सोरखारि खामानि मावनाय नि सम खिनिखौ 5 बोसोर बारायना होबाय।
ग्राहक फोरनि
धोन लुथिनायनि अजद आव सुक्रबारखालि पुलिस आ हमो तिनसुकिया जिला नि काकपथार
पस्तअफिस नि पस्तमास्तार मनिश हाजरिका खौ। मिथिना मोननाय बादिब्ला पस्त अफिस आव
काकपथार नि सासे फालांगिरि बिश्वनाथ साह आ गावनि 10 बोसोर आव पस्त अफिस आव दोननाय
रां खौ लांनो फैनाय आव नो जाथाय खौ मिथिना मोनो। पस्तमास्तार मनिश हाजरिका खौ बेनि
सोमोन्दै सोंनाय आव रां खौ दिहुननानै बियो गावनि खामानि आव बाहायबाय होनना बुंनाय
आरो थाबैनो रां खौ होफिनगोन होनना बुंनाय आव नो रागा जोङो साह आ, दावराव जायो बेखौ
लानानै नो पस्त अफिस आव, गुबुन नि एकाउन्त निफ्राय रां दिहुनना जानायनि अजद आव
रायजोफोरा बो बुयो, बेनि उनाव जाथायसालि आव पुलिस नि मोनसे दोलो आ थांनानै बिखौ
हमनानै थाना याव लाना थाङो।
नंखाय थाना बो
थायो ना, बिहार नि वांका सोहोर नि अनुराग गेस्त हाउस आव सोलिबाय थानाय मोनसे नंखाय
थाना पुलिस आ बोखांनाय आ हादोरनाङैनो सावरायजादों। थांनाय 8 दान बे थाना नि
गेजेरजों नो जायगा नि रायजोफोरनि मदद आव धोन दाबि जों लोगोसे गाज्रि खामानि फोरा
सोलिगासिनोमोन। सोमोनांथाव दि बे 8 दान सोलिना थानाय नंखाय थाना नि सोमोन्दै
प्रसासन आ जेबोखौनो मिथियासै, अपारेशन आव पुलिस अफिसार नि द्रेस आव थानाय सासे
हौवा आऱो आयजो खौ हमो, गुबुनफारसे नंखाय थाना नि केरानि महरै खामानि मावनाय सानै
खौ बो हमबावदों, लोगोसे गोबां फोरमान बिलाय आरो पुलिस नि इउनिफर्म फोरखौ बो जब्द
खालामदों, पुलिस फोरा सोंनाय आव सोरबा सासे सुबुं नि बिथोन आव नो बेबायदि गाज्रि
खामानिफोरखौ मावगासिनोमोन, बे बिथोन होनाय सुबुं आ दायो खारखुमाना दं, बिसोर बे
खामानि नि थाखाय सानफ्रोमबो 500 रां हाजिरा मोनोमोन।
गहपुर आव
गावनि जोनोम जागोदान गथ खौ नो फाननाय नि गिदिर अजद, बे गाज्रि खामानि खौ मावदों गथ
नि असे बिफा या नो, हमजाबाय सा 3, लक्षिमपुर नि जयहिन्द राम मन्दिर नि पुरहित नि
आखाय आव फान्दोंमोन गथ खौ, मखजाथावदि गथ आ जोनोम जादोंमोन थांनाय 11 आगष्तखालि
गहपुर नि देहाफाहामसालि आव, नाथाय सोमोनांथावै गथ खौ थैबाय होननानै फिसाय सुरेन गर
आ बिमा लाकि गर खौ न आव होनना थाङो, सल आ बेखिनियावनो जोबगौमोनब्लाबो नाथाय सुरेन
गर नि नि बिफा भिमलाल गर आ थांनाय 18 आगष्त खालि गहपुर थाना याव होनाय एजाहार आ
गासैबो जाथाय खौ सोलायना होयो, गावनि नो फिसा सुरेन आरो तोपनि गर मुंनि सासे आयजो
नि सायाव सन्देह जानाय आव एजाहार खौ होदोंमोन बिफा या, बेनि उनाव नायबिजिरनाय आव
नो जाथाय आ सोराङाव फैयो, लोगो लोगो पुलिसफोरा गथ खौ बासायनो हायो, गथ आ हिनजावसा
मोन, उनाव नायबिजिरनाय आव मिथियो दि गथ खौ 2000 रां आव फानदोंमोन बिफा या।
मैया
सुक्रबारखालि त्रिपुरा याव सन्देहगोनां उदखारि ग्रुप जों जानाय गिथावना गुलि
गावलायनाय जाथाय आव सासे बिसएफ जवान मुंख्लं जायो, जिउ गोमानाय जवान नि मुं खौ
ग्रिजेस कुमार उदय होनना मिथिना मोनदों, खौरां मोननाय बादिब्ला त्रिपुरा नि भारत
बांलादेश सिमना नि खाथि आव सन्देहगोनां एनएलएफति जों जायो गावलायनाय आ, बेयावनो
गुलि नांदोंमोन जवान नि आव।
श्रिकृष्ण
जन्मअस्तमि खालि सोरखारि बन्ध जानायनि उनाव बो बरपेतारोद नि दनबस्क फरायसालि आ
खुला थानानै फोरोंथाय होनाय खौ लानानै दुंहाव थासारि सोमजिदोंमोन मैया, गोबां दोलो
संगथन फोरा थांदोंमोन फरायसालि आव, उनाव बेनि फादार खौ गोबां दोलो संगथनफोरा नागिरदोंमोनब्लाबो
फैयासै होनना फोरमायो, उनाव पुलिसफोरा थांनानै दुंहाव थासारि खौ कनत्रल खालामो
होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon