14 August bodo evening news ~ Bodoinfo.com

मोनसे सोमोनांथाव जाथाय, दानि समाव बो हारि धोरोम खौ लानानै भारत नि गुबुन गुबुन जायगा फोराव नांलायनाय, बुंलायनाय नुनो मोनबाय थायो, बेबायदि नो मोनसे जाथाय जादों राजस्थान नि जालौर जिला याव, गंसे सोरखारि नङि फरायसालि आव लोंनाय दै दोननाय दैहु आव आखाय होनायनि थाखाय नो दलित हारि नि सासे 13 बोसोर बैसो नि सासे गथ खौ फोरोंगिरि आ नो गाज्रियै बुनाय आव सनिबारखालि थैयो होनना मिथिना मोनदों, मिथिना मोननाय बादिब्ला 20 जुलाई आव नो राजस्थान नि जालौर नि सुराना गामि नि सोरखारि नङि फरायसालि आव जादोंमोन, बै समाव जोकोम जाना दंमोन ईन्द्र मेघवाल मुंनि फरायसा या आरो आहमेदाबाद नि गंसे देहाफाहामसालि आव फाहामथाय लागासिनोमोन, नाथाय मैया गथ नि जिउ गोमायो होनना मिथिना मोनदों, दायो पुलिसफोरा शैल सिंह मुंनि 40 बोसोर बैसो नि फोरोंगिरिखौ दायनिगिरि साजायदों, थासारि आ गाज्रिथार जानाय आव ईन्तारनेत नि सार्भिस खौ बो बन्ध खालामनांगौ जादों, राजस्थान नि गिबि मन्थ्रि अशोक गेहलोत बिथाङा दुखु मोननाय फोरमायनायजों लोगोसे दायनिगिरिखौ एरेस्त खालामबाय होनना बो फोसावो।

15 आगष्त सिम फ्रि आव नो ताजमहल दावबायनायनि सुबिदा होदों प्रसासन आ, बे सुबिदा खौ रावबो गारनो नागिराखै दावबायारिफोरा, सानफ्रोमबो 25 रोजा नि बारा दावबायारि फोरा थांगासिनो जायगा याव, नाथाय सनिबारखालि गासैबो रेकर्द फोरखौ सिफायो, बिथांमोना दाबि खालामनाय बादिब्ला बे सानखालि 70-80 रोजा सो सुबुंफोरा ताजमहल नायनो थांदोंमोन, 1 किमि नि बारा गोलाव जादोंमोन सारि आ, गोबां ज जानाय आव थासारि आ गाज्रि बो जादोंमोन, जायनि थाखाय पुलिसफोरा लावथि बो लानो गोनां जादोंमोन होनना फोरमायो, लावथि लानांदोंब्लाबो दावबायारिफोरखौ बुवाखै होनना खौरां मोनदों।

गुवाहाति आईआईति नि सासे फरायसा नो बोसोर आव 1 कौति 20 लाख नि दरमाहा नि साख्रि नि अफार, दानसे आव नो 10 लाख रां मोनगोन, हादोरनि कम्पानि आ नो होदों बेखौ, गुबुन हादोरनि कम्पानि आ होनाय बेथन आ बोसोर आव 2.05 कौति रां, हादोरनि कम्पानि आ होनाय बांसिन दरमाहा नि साख्रि खौ मोननो हादों आईआईति बम्बे नि फरायसा या, सासे फरायसा नो 1.8 कौति मोननो हादों बोसोर आव, गुबुन हादरनि कम्पानि आ बेनि सासे फरायसा नो 2.1 कौति नि अफार होदों, आईआईति रौर्कि नि सासे फरायसा या बो हादरनि नो कम्पानि निफ्राय 1.8 कौति रां दरमाहा नि साख्रि मोननो हादों, मखजाथावदि आईआईति नि गोबां फरायसाफोरा नो सानफ्रोमबो केम्पास रिक्रुईतमेन्त नि आव गोबां नाम मोननो हादों, हादर आरो गुबुनहादरनिफ्राय फैनानै जोबथा बोसोर नि फरायसाफोरनो साख्रि नि अफार होयो, गोबां कम्पानि फोरनि गेजेराव नांनाय बादि बो जायो जायनि थाखाय साख्रि मोननाय सुबुंनि बांसिन लाभ जायो। कभिद नि समाव बेयो ईसे बन्ध जादोंमोन एबा खम जादोंमोन, नाथाय दायो आगोलनि बादि नो फैफिनबाय होनना मिथिना मोनदों।

गवर्नमेन्त रेलवे पुलिस आ गुवाहाति रेलवे स्तेशन निफ्राय गोबां बिबांनि रां मोननाय जों लोगोसे सासे खौ हमनो हादों होनना खौरां मोनदों, हमजानाय सुबुं आ मनिपुर निफ्राय फैदोंमोन आरो बियो राजधानि एक्सप्रेस जों दिल्लि सिम थांगासिनोमोन, बिनिफ्राय नोगोद 25 लाख रां मोनदों आरो बे सुबुं नि मुं खौ फोसावना होआखै पुलिसफोरा, रां लांनाय आव बेनि जेबो फोरमान होनो हायि नि थाखाय नो जब्द खालामो धोन खौ, दायो नायबिजिरनाय आ सोलिगासिनो दं।