1999 मायथाइ आव
भारत नि रेलवे आ सासे सुबुं निफ्राय तिकेत नि थाखाय उफ्रा 20 रां लादोंमोन, बेनि
उनाव नो दावबायारि आ एबा उत्तर प्रदेश नि उकिल तुंनाथ चतुर्बेदि आ बै बोसोर नि नो
दिसेम्बर दान आव बिजिरसालि आव बेनि बेरेखा थांदोंमोन, दायो 22 बोसोर नि उनाव 2022
मायथाइ आव, बिजिरसालि आ चतुर्बेदि नि फारसे राय होनानै भारत नि रेलवे खौ बिथांनो
15000 रां होनो बिथोन होदों, 20 बोसोर नि बारा गोलाव न्याय नि थाखाय नांनायनि उनाव
बिथाङा बुङोः 1999 मायथाइ नि 25 दिसेम्बर आव आं मुराबाद सिम मोन 2 तिकेत बायदोंमोन
जायनि बेसेन आ 70 रां नाथाय तिकेत होनाय केरानि आ 90 रां लादोंमोन, आं बिखौ
सोंदोंमोन आरो स्तेशन मास्तार नो बो बुंदोंमोन नाथाय रावबो आंखौ मदद खालामाखैमोन,
बेखायनो आं आयेन नि मदद लानांदोंमोन होनना बुंदों, दायो 1 दान नि गेजेरावनो 15
रोजा रां खौ होनो होदों, 1 दान नि गेजेराव होआब्ला उफ्रा 15 जौखोन्दो सुद होनो
नांगोन होनना बुंदों।
कक्राझार जिला
नि कसुगांव आव जोनोम थैनाय नि फोरमान बिलाय नि मुङाव घुस लानाय नि खौरां आ भाइरेल
जानायनि उनाव नो सोरखारि मावथि नि बेरेखा गोरा बेबस्था लानाय जागोन होनना बुंदों
बितिसि नि सावस्रि बिफान नि ईएम अरुप कुमार दे बिथाङा, 6 दान सासपेन्द खालामनाय
जागोन होनना बुंनायनि खौरां मोनदों, बेल नङा बालाजान खोन्दो गुदि देहाफाहामसालि आव
बो घुस लानाय सोलिगासिनो आरो बेनि थार फोरमान मोनोब्ला गोरा बेबस्था लानाय जागोन
होनना बुंबावो बिथाङा।
तामुलपुर जिला
नि गोरेश्वर थाना नि सिंनि गोरेस्वर नि बाजार रोद आव सनिबारखालि हर फुंनि 2.30 आव
मोनसे गिथावना अर खामनाय जाथाय जायो, अर नांनाय आव गं 4 फालांगियारि फसंथान आ
खामजोंबदों होनना मिथिना मोनदों। जायगा नि सुबुंफोरनि बादिब्ला गिबि अर आ आशुतोश
राय मुंनि सुबुं नि दखान आव नांग्रोयो, शर्त सार्कित नि थाखाय नो जानायनि सन्देह।
आरोबाव गंसे सिलिन्दार बेरफ्रुनायनि उनाव अर आ गिथावना सिन महर लायो, बेनि उनाव अर
आ नांजोबो गुबुन दखान फोराव बो, जाथायसालि आव गोरेश्वर नि अर खोमोरग्रा बिफान जों
लोगोसे जायगा नि रायजो फोरा थांनानै अर खौ खोमोरनो नाजायो, उनाव खैराबारि आरो
बाईहाता सारियालि नि अर खोमोरग्रा या बो थाङो, ओनसोल नि गुबुन सुबुंफोरनि जेबो खहा
जायाखैब्लाबो दखान नि लाख रां नि मुवा बेसाद नि खहा जादों।
आसामनि गिबि
मन्थ्रि नि गोनांथार फोसावनाय, थाखो 8 निफ्राय कम्पालसरि जागोन जारिमिन एबा
हिस्तरि आयदा या, फैगो बोसोर निफ्राय जागोन बे थिसननाय आ। आसाम जारिमिन आरो भारत
जारिमिन थागोन, 50 नम्बर भारत जारिमिन आव थागोन, 50 नम्बर आसाम जारिमिन थागोन,
गिबि मन्थ्रि बिथाङा बुंदोः रायजो आव जारिमिन फरायनाय़नि आबहावा दानो नांगोन,
जारिमिन आ जोंनि हारि नि सायाव गोदोनि बाथ्रा फोरखौ बुजिनाय आव मदद खालामो।
जारिमिन खौ मोजां फरायोब्ला जोंनि गेजेरनि सोमोन्दो नि दाजाबनाय आंखाल जानाय नङा।
सुक्रबारखालि
दरं नि एसपि, एएसपि आरो असि खौ सासपेन्द खालामनायनि उनाव दायो धुला थाना नि
ईन्भेस्तिगेतिं अफिसार आनोवार हुसेईन खौ बो सासपेन्द खालामबाय, मखजाथावदि सासे
आदिबासि रुवाथि हिनजावसा गथ थैनायनि उनाव नायबिजिरनो बिथोन होदोंमोन गिबि मन्थ्रि
आ, नाथाय गिबि मन्थ्रि नि बिथोन खौ बो मानियाखैमोन जिला पुलिस आ, जायनि थाखायनो
गिबि मन्थ्रि आ गोरा थिरांथा लायो, मखजाथावदि दरं जिला नि धुला थाना नि सिंनि
कृष्ण कमल बरुवा मुंनि सुबुं नि न आव सोमोनांथावै धेकियाजुलि नि प्रजा फोथार गामि
नि 13 बोसोर बैसो नि हिनजावसा नि जिउ गोमादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon