रायजो आव
दैबाना नि थासारि नि थाखायनो बन्ध जाना थानाय सावस्रि बिफान नि 3थि आरो 4थि ग्रेद
नि साख्रि नि आनजाद नि खालारनि सोमोनदै गोनांथार फोसावना होदों मन्थ्रि केशब महन्त
बिथाङा, मैया खौरांगिरिफोरजों सावरायलायनाय आव फैगो सेप्तेम्बर दान नि 4 खालारखआलि
4थि ग्रेद नि आनजाद आ जागोन होनना बुङो, गुबुनफारसे 4थि ग्रेद नि उनाव नो 3थि नि आ
सेप्तेम्बर नि जोबनायथिं आनजाद खौ खुंनायनि सायाव सावरायलायगासिनो होनना बुङो
बिथाङा. बिथाङा बुंदों अखा नि थाखाय नो गोबां आनजाद नि सानखौ फावसायनो गोनां
जादों।
कक्राझार जिला याव थांनाय बोसोर नि 17 सेप्तेम्बर आव पुलिस नि गुलि आव तिपकाई नि जनक ब्रह्म आरो पातगांव नि जोंसार मुशाहारि मुंनि सानै सुबुंफोरनि जिउ गोमादों। पुलिस नि गुलि आव जिउ गोमानाय सानै खौ उदखारि संगथन जों सोमोन्दो थानाय आरो बिसोरनिफ्राय हाथियारफोर मोनदों होनना बो बुंदोंमोन, बे जाथाय खौ आबुङै नंखाय होनना बुंदों गुबुन गुबन दोलो संगथनफोरा, बै समाव दोलो संगथन फोरा कक्राझार आव दुंहाव थासारि सोमजिहोदोंमोन आरो नायबिजिरनाय आयोग बो दाना होदोंमोन, आयोग आ मंगलबारखालि नैथि खोलोब नि हेयारिं होयो। बे हेयारिं आव थैनायनि नखर, बर अमेन जास्तिस फराम, एबसु, जनजाति सुरक्सा मन्स, बदलेन्द ल स्तुदेन्त नि बिबानगिरिफोरा गावबा गावनि फोरमान होयो, बेनि उनाव बर अमेन जास्तिस फराम नि दैदेनगिरि अन्जलि दैमारि बिथाङा बे जाथाय खौ आबुंङै नंखायमोन होनना बुंनायजों लोगोसे प्रसासन आ सल खौ बानायनो नागिरदोंमोन नाथाय गोरोबासै होनना बुङो, जनक आरो जोंसार आ 10 घन्ता सो सम पुलिस नि जे आव दंमोन, हेन्दकाफ लानाय सुबुं आ माबोरै खारनो हायो होनना सोंनानै बिथाङा बिथां सानैनि जाब्रबथाय निफ्राय थैनायसिम गासैबो नंखाय मोन होनना बुङो, जनजाति सुरक्सा मन्स नि दैदेनगिरि दाउराव देख्रेब नार्जारि बिथाङा बो बे जाथायखौ नंखाय मोन होनना बुङो आरो न्याय नि दाबि दैखाङो।
गौहाति मुलुगसोलोंसालि नि बेरेखा फरायसाफोरनि धर्ना, गोबां फरायसाफोरा मुलुगसोलोंसालि नि मोखाङाव थांनानै धर्ना होदों, मखजाथावदि साननैसो सिगाङाव जिईउ नि 5 थि सेम नि रिजाल्त खौ फोसावदोंमोन, बेयाव गोबां बेले बेजे जानायखौ नुनो मोनदों जायनि थाखाय गोबां फरायसाफोरा नो थांनानै धर्ना होदों, गोबां फरायसाफोरनि फिथाय आ एबसेन्त आरो फेईल फैदों, फरायसाफोरा बुंदों-गिबि आव जोंनि रिजाल्त आव बेलेबेजे खालामबाय, दायो जों जेब्ला बेनि अजद होबाय, दायो जिईउ आ 500-700 रां होनो होदों मोनफ्रोमबो आयदा नि पेपार खौ नायफिननो थाखाय, फरायसाफोरा बहि नायफिननायखौ बेसेननाङाजासे खालामनो दाबि दैखांदों आरो जुदि बेखौ मानिया अब्ला जिईउ नि सिंनि 341 कलेज नि फरायसाफोरा ज जागोन आरो गेत खौ बन्ध खालामगोन होनना बुंदों, थासारि आ दुंहाव जानाय आव उनाव पुलिसफोरखौ लिंहरो आरो सानैसो फरायसाफोरखौ पुलिसफोरा हमना बो लाना थाङो।
मैया नि सान आ बो भारत नि थाखाय मोजां होनना बुंजायो कमनवेल्थ गेम्स आव मैया गासै मोन 4 मेदेल मोननो हादों भारत आ, मोननै सना आरो मोननै रुफा एबा सिलभार, सना नि मेदेल खौ लोन बल आरो तेबल तेनिस आव मोननो हादों, आरो रुफा नि खौ वेईथलिफ्तिं आरो बेदमिन्तन आव मोनदों, मैया नि लोन बल नि दोलो आव आसामनि गेलेगिरि बो दंमोन, नयनमनि सईकिया नि दोलो आ देरहादों, लोन बल आव सना नि मेदेल मोननाय बेनो गिबि, जारिमिन सोरजिनो हायो भारत नि दोलो आ, खोला आफ्रिका खौ 17-10 जों फेजेनो। वेईथलिफ्तिं आव बिकाश थाकुर आ मोनदों सिलभार, बेदमिन्तन नि मिक्स तिम आव भारत आ फाईनेल आव जेनना सिलभार मोननो हादों, दासिम भारत आ मोन 5 सना मोन 5 रुफा आऱो मोन 3 ब्रन्ज जों 6 थि नम्बर आव दं फारिलाय आव।
मैया 2 आगष्ट, 2022 खालाराव अदालगुरि जिल्लानि सिङाव थानाय भेरगाव बाजारआव बर' थुनलाइ आफाद आरो दुलाराय बर' फरायसा आफादा जथायै आसाम केबिनेटनि सोलोंथाइनि सायाव लानाय थांखि आरो बि.टि.आर. गोरोबथानि 6.3 मावफुंनायनि सायाव सुबुं सांग्रांथि मेल लानाय जायो। सांग्रांथि मेलआव बाहागो लानानै एबसुनि आफादगिरि मानगोनां मुस्रि दिपेन बर' बिथाङा आसाम सरकारआ सरखारि नङै फरायसालिफोरखौ सरकारि खालामनाय जानाय नंला होन्नाय थांखिखौ सोंखारियो आरो सरकारि नङै फरायसालिफोरखौ थाबैनो बि.टि.आर गोरोबथानि 6.3 दफा दहाय होनानै थाबैनो सरकारि खालामनांगौ होन्नानै आसाम सरखारखौ खावलायहरो। हाबाफारियावनो एबसु आरो बर' थुनलाइ आफादा थाखो 3 निफ्राय थाखो 12 सिम सानखान्थि आरो बिगियान आयदाखौ इंराजी बिजोंनि खालामनो थांखि लानायखौ माब्लाबाबो गनायनानै लानो हानाय नङा होन्नानैबो बुंथियो एबसुनि आफादगिरि बिथाङा। मख'नो गोनांदि आसाम सरकारआ गंफ्रोम जिल्लानिफ्राय गं 5 /10 थाखानाय सरकारनि गोजौ फरायसालिफोरखौ CBSE आदर्श इंराजी बिजों फरायसालि खालामनो नागिरनाय आरो गासै आसामनि 126 गं एम.एल.ए बियाबआव गंफायै थाखानाय सरखारि गौजौ फरायसालिखौ CBSE आदर्श इंराजी बिजों फरायसालि खालामनो थांखिया गनायजाथाव नङा बरंस' बर' बिजोंनि सरखारि गोजौ फरायसालिफोरखौ नोरजिया खालामनायनि नेरसोन होननानै बुङो एबसुनि आफादनि आफादगिरि मानगोनां मुस्रि दिपेन बर' बिथाङा आरो इयुन समफोरावबो बेफोरबादि बर' बिजोंनि बेरेखा थांखिफोरखौ आजावनाय जानाय नङा होन्नानै बुंबावयो आरो गोनांथि जायोब्ला बर' थुनलाइ आफाद आरो दुलाराय बर' फरायसा आफादआ जथायै आसाम सरखारनि हेंथायै जिखुनु राहानि गेजेरजों गसंथानाय जागोन होन्नानैबो बुङो एबसुनि आफादगिरि मानगोनां मुस्रि दिपेन बर' आरो बर' थुनलाइ आफादनि मानगोनां आफादगिरि मुस्रि तरेन बर' बिथाङा। सांग्रांथि मेल हाबाफारियावनो समाज सिबियारी, मेलेमजिबि बिथांमोना बाहागो लायो। हाबाफारियावनो दुलाराय बर' फरायसा आफादनि लोगो आफादगिरि मुस्रि खोरोमदाव वारी, गाहाइ नेहाथारि मुस्रि खनिन्द्र बसुमतारी, बुंथिगिरि मुस्री जनक उजीर, बर' थुनलाइ आफादनि आफादगिरि तरेन बर', गाहाइ नेहाथारि मुस्रि प्रसान्त बर'जों लोगोसे बर' थुनलाइ आफादनि मिरु, जिल्ला आरो एबसुनि मिरु आरो जिल्लानि बिबानगिरि बिथांमोनाबो बाहागो लायो।
भारत पाकिस्तान नि गेजेराव फिन कृकेत गेलेनाय बादायलायनाय, एसिया काप नि सम फारिलायखौ फोसावना होबाय जेराव भारत आ पाकिस्तान नि बेरेखा गेलेनो मोनगोन, फैगो 28 आगष्त खालि एशिया काप 2022 आव भारत आ गेलेगोन बिसोरनि बेरेखा, 27 आगष्त निफ्रराय जागायगोन गेलेनाय आ, आगोलाव बेयो श्रिलंका याव जानो गोनां मोन, नाथाय श्रिलंका याव थासारि आ मोजां नङि नि थाखाय नो उनाव ईउएई सिम लांनाय जायो, गासै मोन 6 दोलो आ बे गेलेनाय बादायलायनाय आव बाहागो लागोन
आसामनि सा 18 एसिएस अफिसारफोरखौ आईएएस अफिसारसिम सोलायबाय एबा प्रमत खालामबाय। भारत नि गोदान हादरगिरि नि मोनसे मोजां खामानि, आसाम सोरखार जों सावरायलायनायनि उनाव नो बे थिरांथा खौ लायो, दायो आसामनि सा 18 एसिएस आ आईपिएस जाबाय।
सिनायदोंना सोर, गन्थं आव रुमाव लानानै लाजिनाय मोखां जों हौवा गोदान नि द्रेस गाननाय, बियो शुकुर आलि, हिनजाव गोदान लाईनो होनना थांनाय सावगारि। धुबुरि जिला जों लोगोसे गासै आसाम आव नो मिथिजानाय मोनसे मुं, माब्लाबा बिधानसभा नि बिजाथि, माब्लाबा गिबि मन्थ्रि हिमन्त नि न आव थांनानै मामा जों सावरायलायनाय, माब्लाबा ईंराजि, बर बुंनानै मिथिजानाय सुकुर आलि आ सम्बार नि हर आव जिउ नि नैथि ईनिंस खौ जागायो, खौरां मोननाय बादिब्ला कक्राझार जिला नि दिंदिगा थाकुरपुर गामि नि शबिना खातुन जों हाबा जायो बिथाङा।गिबि आव अनलाईन नि गेजेरजों सिनायलायनाय, बेनि उनाव मोजां मोननाय, बेनि उनाव गुवाहाति आव लांनानै जिनाहारि खालामनाय जाथाय, सांग्रां जा। धुपधरा नि तेलिपारा याव जादों जाथाय आ, गोथार मोजां मोननाय आव गोसोम दागो फोनांबाय नगरबेरा नि जामलाई नि सेनिमारा गामि नि लम्पत सेंग्रा जाकिर हुसेईन आ। खौरां मोननाय बादिब्ला बियो सासे उकिल। बियो धुपधरा नि सासे सिख्ला जों फेसबुक नि गेजेरजों सिनायलायदोंमोन, बेनि उनाव मोजां मोनलायनाय आरो उनाव हाबा नि प्रस्ताब होनानै गुवाहाति नि हतेल आव लांनानै जिनाहारि खालामो होनना गिदिर अजद मोजां मोननाय सिख्ला नि, मोजां मोननायनि फाव खालामना जिनाहारि खालामनानै दायो गारदों होनना गिदिर अजद, कलेज आव मुं थिसननो थांनाय समाव राजालामा निफ्रायनो थगाय थसि खालामना लाङो आरो जिनाहारि खालामो, बे जाथाय खौ गुबुननो खोन्थायोब्ला बुथारगोन नि वार्निं बो होयो होनना अजद, दायो गासै जाथायनि सायाव मोनसे एजाहार होनाय जाबाय, नायबिजिरनाय आ सोलिगासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon