15 August bodo news 2022 ~ Bodoinfo.com

दिनै भारत नि उदांश्रि सान, 76 थि उदांश्रि सान, दिनैनि दिन आव नो भारत आ बृतिस फोरनिफ्राय उदां जादोंमोन, बोसोर हिसाबै नायोब्ला उदां जानाय आ 75 बोसोर जाबाय। दिनैनि गोथार सान आव आंनि गासैबो साबसक्राईबार्स फोरनि सिम गाहाम हामलायनायखौ बावहरबाय। दिनै भारत नि उदांश्रि दावहारु बिथांमोननि थाखाय नो उदां नि बार खौ जों लानो मोनदों, बुंनाय आरो खोनासंनायनि मोनथायखौ मोनदों, हादरनि थाखाय गावनि जिउ खौ बावनायफोरनि सिम Big Salute. Jai Hind. मोनसे गोजोनथाव खौरां, गावनि बिबान खौ मोजांङै मावनायनि थाखाय बाक्सा जिला नि एसपि मावखुलि नि ईउ बि कन्सतेबल दन्दाधर ब्रह्म बिथांनो Prestigious President’s Police Medal बान्था खौ होनाय जादों, बेबायदिनो कार्बिआंलं DEF नि बनधुराम बसुमतारि बिथांनो Chief Minister’s Police Medal for Outstanding Service बान्था खौ होनाय जादों, आसामनि गिबि मन्थ्रि आ दिनै फिरफिला खौ बिरहोनानै मोनाबिलि समाव गासैबो फिरफिला खौ खुलिनानै गावनि न नङाब्ला मावखुलि आव मोजाङै लाखिनो दोननो खावलायदों, फैगो बोसोर आव बो बे फिरफिला खौ नो बाहायनो खावलायदों।

ईजिप्त नि कायरो आव जादों गिथावना जाथाय, कायरो नि आबु सेईफाईननि कप्तिक अर्थदेक्स गिर्जा याव मैया फुंनि 9 बाजि आव आरज सोलिबाय थआनाय समाव नो अर नाङो, बे अर आव गोथाङैनो सा 41 आ खामो आरो जिउ गोमायो, लोगोसे सा 55 खौ बासायनानै देहाफाहामसालि आव लाङो, मोब्लिबारि जेंना नि थाखाय नो एयार कन्दिशनार आव बे अर आ नांनायनि सन्देह, मेगन सिगाङाव नो गोसारजोबदोंमोन अर आ. लोगो लोगो अर खोमोरग्रा बिफान आ जायगा याव थांनानै खोमोरनो नाजायोब्लाबो जिउ गोमायो सा 41 नि, दासिमबो मा जाहोननि थाखाय जामारदों बेयो सोराङाव फैयाखै, बे जायगा याव धोरोमारि नांलायनाय बो जायो होनना मिथिना मोनदों। ईजिप्त नि हादरगिरि आ दुखु मोननाय फोरमायनायजों लोगोसे बे जाथायनि सायाव गासैबो बेबस्था खालामनो बिथोन होदों

दुलाराय बर' फरायसा आफादनि 55थि बोसोरसालिया जथुमाखौ लांहिन हाजोआरि फोथारनि थान्दै मेलाव थांखि लानाय बादियै देग्लाइ अदालगुरि जिल्लानि बेन्दोंङाव थानाय रौतायाव खुफुंनो थाखाय थि खालामदों । मख'जायदि, जारिमिनारि थावनि रौतायावनो बड'फा उपेन्द्र'नाथ ब्रह्मआ 1986 इं माइथायाव एबसुनि 8थि आफादगिरि महरै बिबान मोन्दोंमोन आरो बर'खौ बुहुमाव सिनाइथि होनो आलादा राइजो बड'लेण्डनि थाखाय सोमावसारनायनि बाथ्राया बे रौता जथुमनिफ्राइनो जागायदोंमोन । जिल्लानि बेन्दोंङाव थानाय गं 13 दख'राफोरनिफ्राइ हांख्रायनानै लाबोजानाय मेलेमजिबि आरो राइजो राजाफोरनि गेजेरनिफ्राइनो मुस्रि रबिन्द्र मोसाहारीखौ आफादगिरि, मुस्रि जोंसार दैमारीखौ गाहाइ नेहाथारि आरो दैमालु मोसाहारिखौ फाइनान्च साब कमितिनि सेयारमेननि बिबान होनानै 55थि बोसोरसालिया जथुमानि बानजाय आफादखौ दिनै रौतायाव थानाय "बड' इण्डिजिनेयास कालचारेल कमफ्लेक्स(BICC) नब्लांङाव दाफुंनाय जाबाय । बे हाबाफारियाव अदालगुरि जिल्ला बर' थुनलाइ आफादनि आफादगिरि मुस्रि मानिक बसुमतारी आरो दैदेनगिरिफोर, दुलाराय बर' हारिमु आफादनि गाहाइ नेहाथारि बिजुवेल नेलसन दैमारि, साहित्य एकाडेमि बान्था मोनगिरि नबिन मल्ल बर', ड० निलुत सर्गियारी(इ.एम, बिटिआर) आबोफनि दैदेनगिरिफोर, बारग' एनडिएफबिनि दैदेनगिरिफोर, एक्स बिएलटि वेलफार एस'सियेसननि दैदेनगिरिफोर, जिल्लानि सिङाव थानाय समाज सिबियारि, मेलेमजिबि, फोरोंगिरि आरो राइजो राजाफोरा मैखोमै बाहागो लाफैनायजों लोगोसे एबसुनिफ्राइ फारियै आफादगिरि मानावगेदेद मुस्रि दिपेन बर', बोसोनगिरि खुंख्रा सर्गियारी, एबसुनि बारग' लेङाइ आफादगिरि रबिन्द्र मोसाहारी, लेङाइ आफादगिरि खोरोमदाव वारी, गाहाइ नेहाथारि खनिन्द्र बसुमतारी, लोगो बुंथिगिरि बिबारि बर', लोगो गाहाइ नेहाथारि दिनेस ब्रह्म, नेहाथारि आनान्द दैमारी, सुबुं फोनांजाब नेहाथारि सर'न्जित नार्जिनारी, अबित नार्जारी, लोगो सोलोंथाइ नेहाथारि रमिअ बसुमतारी, गेलेमु नेहाथारि गनेस बसुमतारी आरो रांखान्थि नेहाथारि सिमान्त बसुमतारीयाबो बाहागो लायो।

मोनसे सोमोनांथाव जाथाय, आसामनि गलाघात आव जादों, सासे सुबुं आ भारत नि हादरारि फिरफिला खौ सिखाव खालामना लांदों, गासैबो जाथाय आ रेकर्द जाजोबदों, सासे दखानि आ गावनि दखान नि बाहेराव दोनदोंमोन फिरफिला खौ, नाथाय सोरबा सिखाव जाय हेलमेत लादोंमोन, लाना थांबाय, सोर सिखाव खालामखो सिनायनो हायासै। भारत नि गाहाय मन्थ्रि नरेन्द्र मदि आ गासैखौबो भारत नि फिरफिला खौ बिरहोनो खावलायदोंमोन, थांनाय 13 आगष्त निफ्राय बेयो जागायदोंमोन।

सानै सुबुंफोरखौ पाकिस्तान नि थाखाय खामानि मावनायनि थाखाय हमदों राजस्थान आव, दिजिपि उमेश मिश्रा बिथाङा बेखौ फोसावना होदों, सानै नि सासे नि मुङा नारायन लाल गाद्रि, भिलवारा नि थागिबि, बियो सिम कार्द होदोंमोन पाकिस्तानि सुबुंनो जादाथे ससियेल मिदिया खौ सालायनो हायो, गुबुन सासे नि मुङा कुलदिप सिंह सेखावत, बियो जौ फानोमोन, ससियेल मिदिया जों नो सोमोन्दो दंमोन, बिसोर सानैबो रां मोनोमोन पाकिस्तान नि सुबुं निफ्राय, नाथाय दायो सानैबो हमजाबाय।

मैया उदांश्रि सान नि सिगाङाव आलफा उदां नि सानै लिंकमेन खौ हमनो हादों, उदांश्रि सिन आव जाहाथे जेबो रोखोमनि गाज्रि खामानि मावनो हाया बेनि थाखाय आसम पुलिस आ गोख्रों नायबिजिरनायखौ खालामगासिनो, तिनसुकिया पुलिस आ पानितोला निफ्राय सानै लिंकमेन खौ हमदों, सानै नि मुङा पानितोला नगांव नि बिहामजों मृनालि गगै आरो गुबुन सासे आ शौरब चेतिया, गिबि आव पुलिसफोरा सा 4 खौ हमदोंमोनब्लाबो सानै नि जेबो फोरमान मोनि आव सानै खौ हगारना होयो, आयजो आ 2 बोसोर जाबायमोन लिंक थानाय आ, शौरब आ बे आयजो नि गेजेरजों नो जिन जानो थांगासिनोमोन आरो गोबाङानो जइन जाहैनो थियारि बो होनना गावनो बुङो, नायबिजिरनाय आ सोलिगासिनो दं।