आसाम आरो सोनाब बंग निफ्राय आलादा
खालामनानै थाबैनो इउति एबा ईउनियन तेरितरि दानाय जागोन कोश बिहार खौ. सोनाब बंग नि
बरोगिला नि राजबारि आव कोश राजबंशि राजा अनन्त राय महाराज आ बुंदों। कोस राजबंसि
राजा या बुंदों सोरखार जों सावरायलायनाय आ सोलिगासिनो, थाबैनो बेनि फिथाय खौ
मोनगोन। नाथाय मिथिना मोननाय बादिब्ला लोकसभा बिसायखथि एबा 2024 मायथाइ नि सिगां
नो बानायनाय जागोन, आलादा इउति रायजो जायोब्ला गोलावपारा, सिरां, बङायगांव, साहा
सालमारा आरो धुबुरि आसाम निफ्राय ओंखारगोन, सोनाब बंग नि सोरखार आ दायो हादरगिरि
निसिम क्लियारेन्स होबाय, बेनि सायाव आसाम सोऱखार जों मिरु सोरखार आ रायलायगोन
होनना बुङो, सोरखार आ थाबैनो मोजां फिथाय खौ होयोब्ला जों गोजोनगोन होनना बुंबावो।
थारैनो जामारगोन ना बेबायदि... रायजोनाङैनो गोबां सावरायलायनाय जादों बेयो, ल
ईन्दिया बर पिपल्स नेशनेल लिग फर बरलेन्द नि आफादगिरि आरो लोकसभा नि बारग एमपि
सानसुमा खुंगुर बैसुमुथियारि आनन्त राय नि बुंनाय नि बेरेखा जानानै बदलेन्द नि 1
ईन्सि बो हा होआ होनना बुंदों।बेनि सोलाय बर नि मोन 5 संगथन आ थांनाय 8 आगष्त खालि
गाहाय मन्थ्रि आऱो नखर मन्थ्रि नि सिम गोसोखांलाय गथायदों आरो थाबैनो हर रायजो दाबि
खौ मानिना लानो बो खावलायदों, गुबुनफारसे दावराव देख्रेब नार्जारि बिथाङा नंखाय
राजा या नखर मन्थ्रि नि मुं लानानै नंखाय बाथ्रा बुंदों होनना बो बुङो।
रां होयोब्ला सो अरुनुदय बिथांखि नि
रां खौ मोनगोन, नङाब्ला नोंथांनि मुङा दानजागोन, बेबायदि अजद आ ओंखारदों होजाइ
जिला नि लामदिं आव, 20 आगष्त निफ्राय 20 सेप्तेम्बर सिम आसाम आव जागायदों अरुनुदय
बिथांखि नायबिजिरनाय आ, लोगोसे नो लामदिं आव अरुनुदय बिथांखि आव सोनायनि थाखाय धोन
दाबि खालामनायनि अजद सासे आयजो नि, जाथाय नि खौरां मोननानै जिला नि जिला बेंगिरि आ
जाथायसालि आव थांनानै खौरां लाहैयो आरो सोरनिया थार बेखौ नायबिजिरनायनि उनाव सो
सोराङाव फैगोन होनना बुङो, बिथाङा रायजोफोरखौ सांग्रां बो खालामना होदों, रावबो
नाम दानजागोन खौ गिनानै रां होनो नाङा, बे जाथाय नि सायाव नायबिजिरनाय खौ जागायबाय
होनना बो बुङो बिथाङा।
बारग एनदिएफबि नि मोनब्रै हानजा नि
सोद्रोमा फोरा चिरां जिला नि लावहाथि आव मैया गुवारै सावरायलायनाय जायो, बिथांमोना
सावरायलायनायनि उनाव मोननैसो थिरांथाफोरखौ लादों होनना फोसावो खौरांमेल नि गेजेरजों,
आसाम सोरखार आरो बितिसि सोरखार खौ थाबैनो केस फोरखौ बोखारनो खावलायदों आरो लोगोसे
रिहेबिलितेशन खौ बो होनो खावलायदों, बेफोरखौ खालामाब्ला राजालामा याव ओंखारगोन होनना
बो बुङो। गुबुनफारसे दानि बितिसि सोरखार नि ईएम रन्जिन बसुमतारि बिथाङा आगोलाव मोनफ्रोमबो
मुंख्लं नि नखर नि सुबुं नो साख्रि होगोन होनना बुंदोंमोन, नाथाय मानो दासिमबो
साख्रि होनो हायाखै, आरो उनाव होनो हागोन ना, आगोलनि रेकर्द खौ दामना दिन्थिनानै
खौरांमेल नि गेजेरजों सोंदों।
सासे बर फरायसा खौ गाज्रियै बुनाय
जाथाय, मुसुखा बर मुंनि फरायसा या गाज्रियै बुजानाय आव दायो तेजपुर मेदिकेल कलेज
हस्पितेल आव फाहामथाय लानो गोनां जानाय नि खौरां मोनदों, जाथाय आ माजबात नि,
माजबात गोजौसिन गेजेरारि फरायसालि नि, बुनाय फोरोंगिरि नि मुं खौ दिपक कुमार मेध
होनना मिथिना मोनदों, बे जाथाय नि उनाव नो फरायसाफोरा फरायसालि नि लांगोनायाव ज
जानानै धर्ना होनायखौ नुनो मोनदों, गोबां स्लगानफोर होनाय खौ नुनो मोनदों। बिमा या
बुंनाय बादिब्ला फिसाज्ला खौ सोंनाय आव फिसा या जेबो खालामाखैमोन, आंनियाव मोनसे
आयदा या गैया, ईकनमिक्स आयदा, बेखायनो बेनि क्लास आ सोलिनाय आव आं न आव थांनो होनना
बेग लायनाय आव नो बेबायदि बुदों होनना बिमानो बुंना लानायखौ फोरमायो बिमा या, खन 5
सोबादोंमोन जायनि थाखाय खोमा सानाय, खर गिदिंनाय बो जादों होनना बुंदों। फोरोंगिरि
आ नो फाहामथाय नि बेबस्था लानो नांगोन होनना बो दाबि दैखांदों बिमा या।
हमजालायबाय आरोबाव सासे, भिजिलेन्स नि
दोलो आ धेमाजि नि दितिअ नि सिनियर एसिसतेन्त खौ रां लानाय नि थाखाय नो हमो, हमजानायनि
मुं खौ गबिन बरदलै होनना मिथिना मोनदों, ई रिक्सा नि त्रेद लाइसेन्स रिनिउ
खालामनायनि मुङाव नो रां लानायनि हमो, आसामनि एसदिजिपि जिपि सिंह बिथाङा ससियेल
मिदिया नि गेजेरजों बेखौ फोसावना होयो, रायजो आव सानसे आव खमावनो सासे आ हमजाबाय
थानायनि खौरां खौ मोनबाय थायो।
एपिदिसिएल आ ई रिक्सा नि थाखाय दिहुनना
होनाय फोसावलाय खौ लाफिनबाय, गावनि न आव बाहायनाय मोब्लिब जों ई रिक्सा चार्ज होनो
हाया होनना फोसावदोंमोन, ई रिक्सा खौ चार्ज होनो थाखाय एक्सत्रा कानेकशन नांगोन
होनना बुंदोंमोन, दायो बेखौ नो बोखारना लाफिनबाय, मन्थ्रि नन्दिता गार्लोसा बिथाङा
ई रिक्सा नि सार्च नि सायाव बिफान आ होनाय फोसावलाय आ गोरोन्थि बुजिलायनाय होनना
फोसावो, दायो बे फोसावलायखौ दाननो बिथोन होयो बिफान आ, रहा मोब्लिब बिफान आ
होदोंमोन बेखौ।
बितिसि नि पावार एन्द फांसन खौ बारायनो
हायाब्ला बेबायदि नो दोन, बेबायदि नो सालायलांनांगौ, बितिसि नि हेद जायखौ चिफ
होनना बुङो बियो केबिनेत नि रेक नि मोन, देपुति चिफ आ बो केबिनेत नि रेंक नि मोन,
लोगोसे ईएम फोरा स्तेत नि रेंक, स्पिकार आ बो केबिनेत नि रेंक नि मोन, नाथाय दानि
आ प्रमद बर बिथाङा ल सो केबिनेत नि रेंक नि, गुबुनफोरा जेबो गैया, गोदान नतिफिकेशन
सो होजाबाय बेखायनो दिसि खौ बिसोर सार बुंनांगौ बे अजद खौ होदों बितिसि नि बारग
लेङाय गाहाय खाम्फा बरगयारि बिथाङा। दानि आसाम सोरखार नि साख्रि नि खामानि सोलिनाय
आ गासै आसामनि नो काउन्सिल खौ लाफानानै, आगोलाव बितिसि नि आ आलादायै होनो हायोमोन,
बेखौ मानो हगारना लानो नांगौ. 4 ग्रेद नि साख्रि खौ नो हरसिंयै होनो हायाब्ला
बितिआर खौ मानो नांगौ होनना बो बुंबावो बिथाङा, मैया चिरां जिला नि बिपिएफ
राजखान्थि हान्जा नि साग्रांथि मेल जादोंमोन बेयावनो बाहागो लानानै उनाव खौरांगिरिफोरनि
सिगाङाव बुंदों।
झारखान्द आव बो राजखान्थियारि जेंना नुजाथिनायनि
सम्भावना दं नामा, एमएलए नि मासि खारिज एबा दानजाबाय गिबि मन्थ्रि हेमन्त सोरेन नि
आ, बिसायखथि आय़ोग आ बिनि बोलो खौ गाज्रियै बाहायनायनि अजद आवनो बेखौ खालामो,
नाथायय दासिमबो बेनि सायाव अफिसियेलि जेबो बुङाखै, बेयो जायोब्ला रायजो नि महाजोत
नि सोरखार नि सायाव जेंना नुजाथिनो हागौ, मखजाथावदि साननैसो सिगाङाव झारखान्द नि
प्रसासनिक अफिसार पुजा सिंघाल खौ ईदि आ एरेस्त खालामदोंमोन जाय गिबि मन्थ्रि नि
मोजां सोमोन्दो नि मोन, खनि आरो उद्योग बिफान नि बिबानगिरिमोन पुजा या, दायो बे
बिफान नि नो जाख्लनाय जों मुङा ओंखारदों गिबि मन्थ्रि नि, जनप्रतिनिधि आयेन 9A नि धारा
नि सिङाव एमएलए नि मासि निफ्राय बोखारदों, बेखायनो गिबि मन्थ्रि नि मासि खौ बो
खोमाना लानो हागौ, नाथाय दासिमबो सोरखारि बादियै बेनि सायाव जेबो बुङाखै, गिबि
मन्थ्रि नि मासि खौ गारनांगौ जायोब्लाबो नाथाय 6 दान नि गेजेराव फिन बिसायखथि
गेलेनानै गिबि मन्थ्रि जाफिननो हानायनि सुबिदा दं होनना मिथिना मोनदों।
भारत नि आरमि नि अननाय, माब्लाबा
मुंख्लं लोगो नि बिनानाव नि हाबा नि गासै बिबान खौ लानाय, माब्लाबा प्रगनेन्त आयजो
खौ देहाफाहामसालि आव लांनाय, माब्लाबा बैसोगोरा सुबुंफोरखौ मदद खालामनाय बायदि
बायदि गोबां मोजां खामानि मावबोगासिनो दं, बे बार आव सासे गुलि नांजानाय उदखारि नि
जिउ खौ रैखा खालामनानै गोबां अननाय मोनदों। जम्मु काश्मिर नि एलअसि निफ्राय खारखुमानाय
समाव नो आरमि नि गुलि आव जोखोम जादोंमोन पाकिस्तान नि उदखारि आ। भारत नि आरमि आ
बिखौ थैहोआलासै देहाफाहामसालि आव लाना थाङो आरो गोबां थै नांगौ जानाय आव आरमि आ नो
थै होनानै जिउ रैखा खालामो। देहा या दायो मोजां जालांबोगासिनो होनना खौरां मोनदों।
रासिया आरो इउक्रेइन नि दावहा या
दासिमबो सोलिगासिनो, उदांश्रि सानखालि नो इउक्रेइन नि रेल स्तेशन आव गाग्लोबनाय आव
सा 25 सुबुंफोरनि जिउ गोमानाय जों लोगोसे 50 नि बारा जोखोम जादों होनना मिथिना
मोनदों, बेखौ रासिया या नो गाग्लोबदोंमोन, बुंदों हादरगिरि जेलेन्स्कि आ,
बुधबारखालि इउक्रेइन आ उदांश्रि सान फालिबाय थादोंमोन बेयावनो जायो जाथाय आ।
"बड'फा
गोजोरथियारि सोलायनाय मावथांखि" नि हाबाफारि बायदियै (U-13) 13 बोसोर बैसो
सिंनि 2थि बड'लेण्ड मुंख्लं
जोबथा (Final) जोलुर
बादायलायनायखौ सिरां जिल्ला एबसुआ काजलगाव दख'रा एबसुनि
सिङाव थानाय बिरहांगाव गोजौ फरायसालिनि गेलेग्रा फोथाराव खुंफुंनाय जायो। जोबथा जोलुर
बादायलायनाया निचिमा दख'रा आरो बासुगाव दख'रा एबसुनि गेलेग्रा बिथांमोननि गेजेराव जादोंमोन। मख'नो गोनांदि
बादायलायनायाव निचिमा दख'रा एबसुनि गेलेग्रा हान्जाया 2 गल सोनानै बासुगाव दख'राखौ फिजेननो
हायो एबा निचिमा दख'रा एबसुआ 02 गल आरो
बासुगाव दख'रा एबसुआ 00 गल। हाबाफारियावनो
मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीआ गाहाइ आलासि महरै
बाहागो लायो आरो गावनि बिबुंथिनि गेजेरजों साफ्रोमबो गेलेगिरि बिथांमोनखौ गाहाम
हामलायनाय जासिनानै इयुनाव राफोद गेलेगिरि जानानै गावनि आथिङाव गसंनायजों लोगोसे हारि
आरो राज्योनि सुबुं सम्पद जानो खावलायो। एबसुआबो साफ्रोमबो गेलेगिरिफोरखौ
हानायमानि थुलुंगा होनायजों लोगोसे हेफाजाब होनो थाखाय थियारि मानोना एबसुआ
गेलेनायनि बिथिङावबो जांख्रिखांनाय लाबोनो थाखायनो खामानि मावगासिनो दङ होननानै
गावनि बिबुंथियाव बुंङो खनिन्द्र बसुमतारी बिथाङा। जोबथा जोलुर
बादायलायनाय हाबाफारियावनो ओनसोलनि गोबां समाज सिबियारी, राज्यो सभानि
एम.पि. मानगोनां मुस्रि रोनगोरा नार्जारी, सिदली बियाबनि एम.एल.ए. मुस्रि जयन्त
बसुमतारीजों लोगोसे गुबुन गुबुन माहारियारि आफादनि बिबानगिरि आरो जिल्ला आरो दख'रा एबसुनि
बिबानगिरि बिथांमोनाबो बाहागो लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon