दायना नि सन्देह आव दुंहाव थासारि गसायगांव आव। गसायगांव नि मजाथि गामि नि सासे बाबा या सानै सुबुंखौ दायना होनना फोसावनायनि उनाव नो थासारि आ दुंहाव जायो, बाबा होनना मिथिनाय सुबुं नि मुङा नालकमल राभा आऱो जाय दायना बुंजादों बिसोर नि मुङा दलेन राभा आरो नियति राभा। दायना होनना बुंजानाय सुबुं आ बुंनाय बादिब्ला बे बाबा या बिसोरखौ लाना थांनानै हौवाखौ खननै सोबादोंमोन आरो लोगोसे बिनि बिसिखौबो बुनानै रायजोफोरनो हगारना होदोंमोन। उनाव पुलिसफोरा खौरां मोननाय आव जाथायसालि आव थांदोंमोनब्लाबो बाबा बुंनाय खौ हमनो हायासै रायजोफोरनि हेंथा होनाय आव। दायो बिसि नि सोमोन्दो नि सुबुं आ थाना याव एजाहार होबाय, बे जाथायनि सायाव नायबिजिरनाय आ सोलिगासिनो होनना खौरां मोनदों।
अरुनाशल प्रदेस नि गिबि हाजो गाखोनाय सुबुं आ गोमाना दं, तापि मिरा मुंनि हाजो गाखोग्रा या थांनाय सप्तासे निफ्राय गोमाना दं। बेखौ अरुनासल नि गिबि मन्थ्रि पेमा खान्दु बिथाङा नो बुंदों, सानजा कामें जिला नि ख्यारिसात्ताम मुंनि हाजो नि खाथि निफ्राय गोमाना दं, दिनै फुङाव नागिरनाय खामानि खौ मावदोंमोनब्लाबो नागिरना मोनाखै, बिथांजों लोगोसे सासे पर्तारा आ बो गोमादों होनना बुङो गिबि मन्थ्रि आ।
कंग्रेस दोलो
नि गिदिर खहा, साननै सिगाङाव कंग्रेस नि दैदेनगिरि गुलाम नबि आजाद आ बिबान
एंगारनायनि उनाव दायो बारग लेङाय गिबि मन्थ्रि तारा सन्द जों लोगोसे 50 नि बारा
कंग्रेस नि दैदेनगिरिफोरा बिबान एंगारो, जम्मु काश्मिर आव कंग्रेस नि गिदिर खहा,
बारग गिबि मन्थ्रि नि बिबान एंगारनायनि उनाव नो कंग्रेस नि हालोद आ गाज्रिथाय
जादों दायो जम्मु काश्मिर आव, दिनै 30 आगष्त आव बिथांमोना गासैबो खौरांमेल नि
गेजेरजों कंग्रेस खौ गारनानै गुलाम नबि आजाद खौ सापर्त खालामगोन होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon