साहित्य एकादेमि बान्था खौ फोसावना
होबाय, मैया साहित्य एकादेमि आ 2022 मायथाइ नि साहित्य एकादेमि नि युवा आरो बाल
साहित्य बान्था खौ फोसावना होबाय, बेयाव बर नि सानै लिरगिरि बिथांमोना बान्था खौ
मोननो हादों, मुंदांखा लिरगिरि सिमला नि अलंबार मुशाहारि बिथाङा गां फुजानाय मासे
दाउ बिजाब खौ लिरनाय नि थाखाय आरो बरमा नि लिरगिरि देवबार रामशियारि बिथाङा
लांगोनानि बखालि गथ बिजाब नि थाखाय बान्था खौ मोननो हादों, बिथाङा सासे फोरोंगिरि
बो, 2014 मायथाइ आव लिरनाय बिजाब नि थाखाय नो मोननो हादों सानैनिसिमबो बे बान्था खौ
मोननाय नि थाखाय बितिसि नि गाहाय प्रमद बर बिथाङा साबायखर बावहरदों।
बितिआर आव प्रिन्सिपाल सेक्रेतारि खौ
लाफानानै सेन्त्रेल रिक्रुइतमेन्त बर्द मोनसे दाना लानाय जादों, बेनि गेजेरजों नो
साख्रि नि खामानि खौ मावनाय जागोन, बेयो राजखान्थियारि नङा, सोरखार नि नो मोनसे
बर्द, दायो बितिआर आव 3000 नि बारा 3RD GRADE & 4TH GRADE नि थाखाय थियारि जाना दं, थाबैनो
एदभार्ताईजमेन्त दिहुनना होगोन। दानि आसाम नि सोलिबाय थानाय 3RD GRADE & 4TH GRADE नि साख्रि आ बितिसि जों सोमोन्दो
गैया, बितिसि नि सिंनिया बितिसि आव नो जागोन. जोंनि बितिसि निफोरना बांसिन सो लाभ
जादों, मानोना आसामनि लानाय आव बितिसि नि फोरा बो एप्लाई खालामनो मोनदों, दायो आरो
बितिसि नि आव बो दायो होनो मोनसिगोन, दाबल लाभ जागोन बुंदों।
सासे UPPL नि
एमएलए नि बेरेखा सासे सोरखारि मावथि नि बेरेखा सोबानाय नि अजद, एमएलए जयन्त
बसुमतारि नि बेरेखा गिदिर अजद, बिथाङा सिदलि बियाब नि एमएलए, गुवाहाति नि जनता भवन
आव नो जादों, रिपर्त नि बादिब्ला कमिशनार अफ त्रेन्सपर्त नि अफिस नि जुनियर
एसिसतेन्त महरै साख्रि मावनाय बिभुति भत्ताचार्य खौ नो सोबादोंमोन, जाथाय आ बेलासि
नि 3.30 सो आव जादोंमोन, सोबाजानाय आ बुंनाय बादिब्ला एमएलए जयन्त बसुमतारि बिथाङा
सुपेरियर अफिसार खौ लोगो हमनो थाखाय जनता भवन आव थांदोंमोन, अफिसारखौ लोगो हमनो
थाखाय नेम बादियै स्लिप नांगौ जायो, नाथाय एमएलए हा स्लिप गैयामोन, लोगोसे नो जयन्त
बसुमतारि बिथांखौ जुनियर एसिसतेन्त आ एमएलए होनना बो मिथियामोन, नाथाय एमएलए बिथांखौ
एमएलए होनना मिथिनायनि उनाव बो फिन खनसेबाव स्लिप होनो होनाय आव नो एमएलए आ सोबादों
होनना मिथिना मोनदों, खनसेल सोबादोंमोन, बे जाथाय नि उनाव नो थासारि आ दुंहाव जायो
जनता भवन आव, बेनि सोरखारि मावथि फोरा बे जाथाय खौ सोमोनांथाव बुंनाय जों लोगोसे
एमएलए नि बेरेखा थाबैनो एक्सन लानो खावलायदों। मखजाथावदि सोबाजानाय मावथि आ
देहायारि जेंना थानाय सुबुं मोन।
बिटिआर
सोरकारनि बानजाइनायाव बारग' एनडिएफबिनि
सोद्रोमाफोरखौ लानानै MISSION फिन RWDWMKHANG नि सायाव सावरायनायखौ मैया अदालगुरिनि बि.डि.एफ नब्लांङाव लानाय जायो । मानगोनां गिबि मन्थ्रि ड० हिमन्त बिस्व सर्मा बिथांनि बिथोन आरो लामा
दिन्थिनायाव बि.टि.आर सरकारनि फ्लेगसिप हाबाफारि "मिसन फिन रोदोमखां" आव
बाहागो लानो मोन्नानै जोबोर गोजोन्नाय मोन्दों, जाय हाबाफारिनि थांखिया बारग' NDFB सोद्रोमाफोरखौ
माखासे जौगाखां रांखान्थियारि हाबाफारियाव सोसन्नानै गावखौ फिन समाजाव थांनानै
थानो हानाय थासारियाव लाबोफिन्नाय । बे सावरायनाय
आरो अरियेनतेसननि हाबाफारिया उदालगुरिनि सापखाइतियाव थानाय BDF केम्पासाव जादोंमोन । बे हाबाफारिखौ मेहेरगोनां खालामसिन्दोंमोन मानगोनां
राज्यसभानि एमपि मुस्रि रोनगोरा नार्जारि, बुंथिगिरि बिटिसिएलए मुस्रि कातिराम बर', लेङाइ मावफुं सोद्रोमा मुस्रि गबिन्द' बसुमतारि, मावफुं
सोद्रोमा मुस्रि रन्जित बसुमतारि, एमएलए मुस्रि
लरेन्स इस्लारि, एदिजिपि ड०
हिरेन नाथ, लेङाइ सि.इ.अ, केभिआइसि साहा सानजा, ड० सुकामल देब
आरो एबसु नि आफादगिरि मुस्रि दिपेन बर' बिथांमोना । बे सावरायनायाव जर'खा हांख्रायजानाय आलासि महरै बाहागो लानानै
मिरु एबसुनि आफादगिरि मानावगेदेद मुस्रि दिपेन बर'आ हारिया
जेब्ला रांखान्थि बिथिङाव उदां जानो हागोन अब्लासो हारिखौ जौगाबाय होननानै बुंनो
हागोन होननानै बड'फा
उपेन्द्रनाथ ब्रह्मआ बर' हारिनि सुबुंफोरखौ खावलायलांनाय लेखायैनो रांखान्थि बिथिंङाव जौगाहोनो
एबसुआ "बड'फा
गोजोरथियारि सोलायनाय मावथांखि" बिथांखिनि गेजेरजों गामि गामि सांग्रांथि मेल
खुंगासिनो होननानै गावनि बिबुंथियाव बुंङो । लोगोसे आद्रा
थाबावनाय बारग' एनडिएफबिनि
सोद्रोमाफोरनो थाबैनो अनसुंथायखौ गथायनो बिटिआर सोरकारजों लोगोसे हांख्रायजानाय जर'खा आलासि महरै
बाहागो लाफैनाय आसामनि ए.डि.जि.पि ड० हिरेन चन्द्र नाथखौबो खावलायो।
रायजो नि सोलोंथाय खोन्दो नि थाखाय
मोनसे खौरां, थाबैनो आसाम आव बन्ध जानो थांगासिनो दं गं 34 फरायसालि फोरा, गिबि
मन्थ्रि आ मिथिहोना बादिब्ला मेत्रिक आरो हाय माद्रासा याव फरायसालिफोर नि फिथाय आ
लाथिख महरै रेजिस्तार जानाय आव फरायसालिफोरनि बेरेखा गोरा बेबस्था लानो नागिरदों, गं 34 सोरखारि फरायसालि आरो गं 57 गनायथि मोननाय भेन्सार फरायसालिफोरनि बेरेखा
बेबस्था लागोन होनना फोसावदों, गं 34 सोरखारि फरायसालि नि आव बितिआर नि गंनै फरायसालिफोरा
दं, मोनसे आ कक्राझार नि सास्त्रि बिद्यापिथ गोजौ फरायसालि आरो मोनसे आ चिरां जिला
नि बरपथार गोजौ फरायसालि, बेनि अनगायैबो कार्बिआंलं नि हाउराघात तिनिआलि आन्सलिक
बर मिदियाम हाय स्कुल खौ बो बन्ध जागोन होनना मिथिना मोनदों, 57 भेन्सार फरायसालि
फोरनि गेजेराव बाक्सा नि मोन 3, उदालगुरि नि मोन 3 आरो कक्राझार नि मोन 1 दं होनना
मिथिना मोनदों, बन्ध जानो गोनां फरायसालि फोरखौ गुबुन फरायसालि फोरजों दाजाबना
होसिनगोन, दायो गावनि सिनायथि थानाय नंलिया बे फरायसालिफोरहा।
बरफोरनि गेजेराव आरो मोनसे गोदान आफाद
नि जोनोम, जेब्राराम मसाहारि नि दैदेननाय आव नो जोनोम जानाय नि खौरां मोनदों,
गोदान आफाद नि मुङा UBPF. दानि बर फोरनि गेजेराव सोलिबाय थानाय गावजों गाव
मुं सुलानाय, गावस्रा गावसि जानाय, हेंथा हेंसि जानाय बेफोर थासारि खौ फोसाबनानै
रावखौबो दाय होआलासैनो बोरैहाय बर हारि खौ खौसे खालामनानै जोंनि मोजां नि थाखाय
खामानि मावनाय आव हेफाजाब खालामनो हायो बेनि थाखाय नो बे आफाद खौ जोनोम होदों
होनना फोरमायो. UBPF नि आबुं मुं आ ईउनाइतेत
बर पिपल्स फराम. बिथांमोननि गिबि थांखि आ नो बर फोरखौ खौसे खालामनाय, नैथि थांखि आ
हारि नि थैनाय थांनाय, हा हु नि मोनथाय, थासारिफोरखौ नोजोन होगोन वास्त दग महरै, हारि
नि माबा मोनसे खहा जागोनखौ नुहरोब्ला बेनि बेरेखा बाथ्रा बुंगोन, जोंनि गाहाम नि
थाखाय नांगौ जायोब्ला देमक्रेतिक लामा जों धर्ना बायदिसिना हाबाफारि लानानै सोरखार
खौ नारसिनगोन होनना बो बुङो।
बिपिएफ दोलो आ माब्ला मानसि बुखारखो,
सोंदों गसाइगांव जिल्ला बिपिएफ राजखान्थि हान्जा नि गाहाय नेहाथारि बिल्ला कुमार
ब्रह्म बिथाङा, बेबायदि मानसि आ सासे ई एम आव थानाय आ असम्भव, प्रमद बर सोरखार आ
बेखौ थाबैनो होखाराब्ला दिगदार दं होनना बुंनाय जों लोगोसे बेबायदि बुंनाय बिपिएफ
दोलो नि मोनफ्रोमबो जाति जनगोस्थि खौ लाजिफोनांनाय जादों होनना बो बुङो, बेनि
थाखाय नो ई एम राकेश ब्रहम नि हेंथायै मोनफ्रोमबो बिपिएफ नि जिला आफाद फोरा एफआईआर
होगोन होनना बुंङो। सोरखौ माब्ला बुथारनाय सोर थैनाय गासैबोनि मुं खौ होजोबनो
हायाब्ला इयुन आव दिगदार दं, आयेन नि बेबस्था लागोन होनना रोखा खालामना बो होबावनायजों
लोगोसे सासे ईएम आ बेबायदि मोनसे राव बाहानाय आ लाजिनांथाव होनना बो बुंबावो।
सानसे आव सासेब्लाबो सोरखारि मावथि आ
घुस लानाय नि दाय आव हमजानाय खौरां खौ मोनथारो, मैया बो बिस्वनाथ जिला नि दिसि
अफिस नि कमप्लेक्स नि साब रेजिस्रार अफिस नि दिलिं एसिसतेन्त महरै खामानि मावनाय तपन
साहा खौ हमदों, बियो घुस लादोंमोन, आसामनि स्पेशियेल दिजिपि जिपि सिंह बिथाङा बेखौ
मिथिहोदों, मखजाथावदि बे साननैसो हमजागासिनो सोरखारि अफिसार फोरा घुस जानाय नि दाय
आव, मैया नि खौ दायरेक्तरेत अफ भिजिलेन्स एन्द एन्ति करापशन आ नो हमदों।
नोंथांनि न आव बो ई रिक्सा दं नामा,
दानि दिन आव गोबं सुबुं फोरनि न आव नो बेखौ नुनो मोनो, बे ई रिक्सा या नो दायो
गोबां नखर खौ जौगानाय आव मदद खालामगासिनो, बेयो बेतारि जों सोलिया, चार्ज होबाय थानो
नांगौ, रहा नि मोब्लिब साब दिभिजन आ ग्राहक फोरखौ गावनि ई रिक्सा खौ चारज होनो थाखाय
बाहायनाय मोब्लिब खौ गावनि न नि कानेकशन निफ्राय नो लागासिनो बिसोरखौ थाबैनो एलति
ईलेकत्रिक कानेकशन नि थाखाय एप्लाई खालामनो बिथोन होदों, न आव बाहायनाय मोब्लिब
निफ्राय ई रिक्सा याव चार्ज होनाय खौ बन्ध खालामाब्ला थाबैनो आयेन नि बेबस्था
लागोन होनना बो वार्नि होदों बिथांमोना।
चिरां जिला नि धालिगाव थाना नि सिंनि
निलिबारि आव सासे बिबान आव थानाय आसा कर्मि खौ मंगलबारखालि गाज्रि सुबुंफोरा बुनाय
नि जाथाय जायो, बेयावनो जोखोम जादों आशा नि मावथि आ। जोखोम जानाय नि मुं खौ 50
बोसोर बैसो नि आमिरन नेशा होनना मिथिना मोनदों, बिबान आव थानायखौनो बेबायदि
खालामनाय आ सोमोनांहोदों बयखौबो, दायो बिथांखौ काजलगांव नि जेएसबि सोरखारि
देहाफाहामसालि आव सोनाय जादों, मंगलबारखालि बेलासि समाव नोलोबारि आकबर आलि मुंनि
सुबुं नि न आव गोर्बो आव थानाय आयजो नि खौरां लानो थाङो, बेयाव नो आमिरन नेशा आरो
आकबर आलि जों गिबि आव नांलायनाय जादोंमोन, बेनि उनाव नो आकबर आलि आ देहायारि
गाग्लोबो, जाथाय नि उनाव नो लोगो लोगो अजद होदोंमोनब्लाबो 24 घन्ता बारलांनायनि
उनाव बो दायनिगिरिखौ हमि नि अजद, थाबैनो दायनिगिरिखौ हमाब्ला थि गैयि सम सिम बिबान
निफ्राय गोजानाव थागोन होनना हुमखि होदों आसा कर्मि फोरा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon