Bodo news 19 August 2022 ~ Bodoinfo.com

नोंथाङाबो लोमजानाय जायोब्ला पेरासितामोल दल’650 मुलि जायो नामा, मोनसे सोमोनांथाव खौरां, प्रेस्क्रिपशन आव गावनि कम्पानि नि मुलि नि मुं लिरनाय नि थाखाय देहाफाहामगिरि नो 1 रोजा कौति रां होनायनि अजद मुलि बानायनाय कम्पानि नि बेरेखा, जौसिन बिजिरसालि आव बेनि अजद आ मोनहैदों, बेखौ फेदारेशन अफ मेदिकेल एन्द सेल्स रिप्रेजेनतेतिभ एशसियेशन अफ इन्दिया या होदों, संगथन आ थांखि खालामना लादों तेबलेत बानायनाय कम्पानि खौ, बिथांमोना दाबि खालामनाय बादिब्ला देहाफाहामगिरिफोरा जाहाथे बिसोरनि प्रेस्क्रिपशन आव बे मुलि खौ लिरो बेनि थाखाय 1 रोजा कौति रां रानना होदों, बिजिरगिरि दि वाई चन्द्रसुर बिथाङा बुंदों बेयो मोनसे गिदिर जेंना, बिथांनि कभिद नि समाव बो बे एखे मुलि खौ नो लिरना होदोंमोन होनना फोरमायो, मखजाथावदि बेनि सायाव मिरु आ माबायदि मा बुङो बेखौ फैगो सप्तासे नि गेजेरावनो होनो बिथोन होदों, 10 सान नि उनाव नो बे गसर नि सायाव राय होनाय जागोन।

हादर नि उदांश्रि आ 75 बोसोर आबुं जाबाय. आगोलनिख्रुय जौगानाय आ बारा जालांगासिनो भारत आरो आसाम आ, हादर आ गुबुन जौगानाय हादर फोरजों बादायलायनाय आव बाहागो लादों, नाथाय बेनि गेजेरावबो दाबो जोंनि समाज आव गोबां गाज्रि खामानि फोर, खोमसि फोथायनाय, गोदोनि सम नि नेम खान्थि बायदिफोर दं, सोलोंथाय नि आव ईसे दावगादोंब्लाबो दिनैनि समाज आव सोलिबाय थानाय मोननैसो नेम आ दासिमबो सोलायाखै, आसाम आव बे साननैसो ब्रह्मन नि नांलायनाय जागासिनो, साननैसो सिगाङाव सासे सुबुं थैनायनि न आव थाङाखैमोन, दायो आरोबाव बेबायदि नो एखेफ्राम जाथाय जादों, ब्राह्मन हिनजावसा नि सोलाय गुबुन हारि नि हिनजावसा हाबा खालामोब्ला गामि आव हारसिं खालामनाय जाथाय जादों, बे नेम आ कामरुप जिला नि बाइहाता सारियालि नि आगदला गामि आव जादों, गुबुन हारि नि हिनजावसा हाबा खालामनायनि थाखाय नो हारसिं खालामबाय बे गामि नि नखर 3 खौ, बेबायदि खालामजानाय नखर नि सुबुं आ बुंनाय बादिब्ला रायजो आ धोन बिदोंमोन एबा जरिमाना होदोंमोन, बे रां खौ होनो हायि नि थाखाय नो बेबायदि खालामदों होनना फोरमायो, दानि समाव बेबायदि समाज आव गोरा नेम खौ नुनानै सोमोनांदों नखर आ। जायनि थाखाय नखर आ खौरांबिजों नि खाथि आव थांदों दायो।

बर थुनलाय आफाद नि दैदेननाय आव दिनै बर थुनलाय आफाद नि बारग आफादगिरि सुबुं नि थान्दै मुंख्लं बिनेश्वर ब्रह्म बिथांनि 22 थि थैनाय सान खौ फालिनाय जायो कक्राझार सदर सोहोर नि सान्दामारि आव। सिनायमोनि गाज्रि सुबुं नि आखाय आव जिउ गोमानाय बिथांनि दिनै थैनाय सान नि हाबाफारि बादियै फुंनि 8.30 आव फिरफिला खौ बिरहोयो दानि बर थुनलाय आफाद नि आफादगिरि तरेन बर बिथाङा, बिथांनि सावगारि आव बिबार बावो एमएलए लरेन्स ईस्लारि बिथाङा, बेनि उनाव नो मोनसे सावरायलायनाय जायो, दानि आफादगिरि तरेन बर बिथांनि दैदेननाय आव जानाय सावरायलायनाय आव बाहागो लायो बितिसि नि गाहाय प्रमद बर बिथाङा बो, बितिसि नि गाहाय बिथाङा सुबुंनि थान्दै बिनेश्वर ब्रह्म बिथांनि बुथारनाय आ बर समाज नि गिदिर खहा होनना बुङो, आफादगिरि तरेन बर बिथाङा बो हिंसा जों जेबो जौगानाय जाया होनना बुंदों, बेनि थाखाय नो हाथियार नि हारिमु खौ गारनो खावलायो, इयुन आव जाहाथे आरो जेबो गोदान उदखारि संगथन जोनोम जाया आरो मानसि समाज नि थाखाय गासैखौबो खामानि मावलांनो खावलायो।

बेन खालामजानाय उदखारि संगथन केएलअ एबा कमतापुर लिबारेशन अर्गेनाइजेशन नि सेकेन्द ईन कामान्द कैलास कोस आ सोनाब बंग पुलिस नि सिगाङाव गावखौनो गथायो, केएलअ नि गाहाय नेहाथारि महरै बिबान आव थानाय कोस आ बिनिबिसि जुग्लि कोस जों लोगोसे नो गावखौ गथायो, कोस आ गावनि हाथियारफोरखौ गथायनाय समाव सोनाब बंग नि दिजिपि आ बाहागो लादोंमोन, खौरां मोननाय बादिब्ला बियो एके 47 रायफल गथायदों, मखजाथावदि भारत निफ्राय आलादा कमतापुर हादर दानायनि थांखि जों केएलअ खौ दानाय जादोंमोन।

साहा केलिफर्निया या नि बिरखं गाथोन आव बिरखं खौ गाहाय आव ओंखारहोनो नागिरनाय समाव नो गंनै बिरखं जों सौग्रावलायो, बे जाथाय आव खमाव नो सा 2 नि जिउ गोमादों होनना मिथिना मोनदों। वातसनभिल मिउनिसिपाल बिरखं गाथोन नि साजों बेलासि नि 3 बाजि आव बिरखं फोर गंसे तुइन इन्जिन सेसना 340 आरो गंसे सिंगल ईन्जिन सेसना 152 आ सौग्रावलायो, गंनै बिरखं गाथोन आव सा 3 सुबुंफोर दंमोन, सानैनि जिउ गोमानायखौ मिथिदोंब्लाबो गुबुन सासे नि खौरां मोननाय जायाखै।