सासे खामानि
मावनाय उन्दै हिनजावसा गथ नि जिउ गोमानाय जाथाय नि सायाव नायबिजिरनाय खौ मोजाङै
खालामि नि दाय आव सासपेन्द खालामबाय दरं नि एसपि राजमोहन राय, एएसपि रुपम फुकन आरो
धुला थाना नि असि खौ, मखजाथावदि मैया गिबि मन्थ्रि आ धेकियाजुलि आव थांनानै
जाथायनि खौरां लायो, नायबिजिरनाय आव मिथियो दि पुलिस आ उन्दै गथ नि जिउ गोमानायजों
सोमोन्दो थानाय गुबै दायनिगिरि खौ गावनि जे आव लायाखै, बे खामानि नि थाखाय रागा
जोंनानै लोगो लोगो बे खामानि खौ मावनो होदों। मखजाथावदि 13 बोसोर बैसो नि सासे
आदिबासि हिनजावसा नि साधारन नङि जिउ गोमादोंमोन आगोलाव बेनि सायाव गोख्रों
नायबिजिरनो बिथोन होदोंमोन, दायो बे आदिबासि हिनजावसा नि नायबिजिरनायनि थाखाय
एसआईति दाना होबाय होनना मिथिना मोनदों। गुबुनफारसे बिसोरखौ सासपेन्द खालामनाय नि
उनाव एपिएस अफिसार प्रसान्त शइकिया नो दरं जिला नि एसपि महरै बिबान होबाय, लोगोसे
एपिएस अफिसार निरुपम हाजरिका खौ एसएसपि महरै थिसनो होनना खौरां मोनदों।
बर' बिर
जोहोलावफोरा बो भारत नि उदांश्रि नि दावहा याव बाहागो लादोंमोन, बेखायनो जोंहाबो
उदांश्रि नि बाहागो दं, थेवब्लाबो नाथाय जोंनि बर हा दिनै थाग्रा हा गैयिखाय जों
बदलेन्द बिदों, बे उदां भारत आव बदलेन्द मोनागौमानि बिबायनो थागोन, बेखायनो आय आफा
बिदा फंबाय बर फोरखौ गिनांगौ बानांगौ जेबो गैया, सम आरो बोथोर आव बदलेन्द खौ आदाय
खालामना लागोन आरो मोनथारगोनबो, बेफोर गासैखौबो एपिसिसि नि बिबानगिरि गर्जन
मुसाहारि बिथिङा खौरांगिरिफोरनि सिगाङाव बुंदों।
रायजो खौ
शांति गैयि खालामनाय बोलो नि बेरेखा गोरा आसाम पुलिस, सानसे उनाव नो भारत नि
उदांश्रि सान, हादर आ फालिबोबाय थाना आजादि कि अमृत महोस्तब जों सोमोन्दो लाखिना
फालिनाय जादों हर घर तिरंगा हाबाफारि, आसाम सोरखार आ बो थियारि बेखौ खुंननो, गिबि
मन्थ्रि निफ्राय लानानै गासैबो खावलायदों हर घर तिरंगा हाबाफारि खौ खुंनो,
उदांश्रि सान नि थाखाय गोरा नोजोर होगासिनो पुलिसफोरा, मैया आसाम नि दिजिपि
भास्करज्योति महन्त बिथाङा गासैबो समावनो सांग्रां जाना दं, हागरनि 75 थि उदांश्रि
सान खौ मोजाङै फालिहोनो थियारि होनना बो बुङो, आलफा या उदांश्रि सान खौ फालियैनि
थिरांथा खौ बो बेयो जेबो गोदान बाथ्रा नङा होनना फोरमायो बिथाङा।
21 आरो 28
आगष्त खालि नो जागोन ग्रेद 3 आरो ग्रेद 4 नि आनजाद आ, साननै सिगां आव सोंनाय बिलाय
आ लिक जानो हागौ नि खौरां मोननाय नि उनाव पुलिसफोरा नायबिजिरनानै सासे खौ हमनो
हायो, गिबि मन्थ्रि आ मोजांयै खुंनो बिथोन होदों, तेत नि बादि नो गोथार मोजां जानो
नांगोन, आनजाद नि सिगां गाज्रि सुबुंफोरा जाहाथे जेबो खालामनो हाया बेनि सायाव
नोजोर होनो बिथोन, आगोलावनो थियारि जानो होखादों बिथाङा, गावनि रोंगौथि नि
गेजेरजों साख्रि खौ मोननायनि बेबस्था खालामनो होदों, गुबुनफारसे गिबि मन्थ्रि आ
बुंदों 26 रोजा मासि नि साख्रि नि आनजाद खौ खुंनाय नि सायाव 16 आगष्त खालि जिला
बेंगिरि एसपि बिथांमोनखौ लानानै मोनसे गोनांथार जथुम जागोन, आनजाद जागायनायनिफ्राय
लानानै जोबनायसिम ईन्तारनेत सार्भिस दाननाय जागोन होनना बो फोसावो।
3 दान नि
सिगां दिसपुर कलेज नि एकाउन्त निफ्राय 76 लाख नि बारा रां सिखाव जादोंमोन, दायो बे
रां खौ मोनफिनबाय, मोन 3 किस्ति आव बेंक आ रां खौ होफिनबाय कलेज नि एकाउन्त आव,
गासै रां आ 76,34,900, थांनाय एप्रिल दान आव रां आ लांजादोंमोन, एप्रिल आव
लांजादोंमोनब्लाबो नाथाय 2 मे आ सो सोराङाव फैदोंमोन, बेंक नि बिबानगिरिफोरनि
मोजां गोसो होयि खामानि नि थाखाय नो बे जाथाय आ जानायनि अजद कलेज नि
बिबानगिरिफोरनि, साइबार दायनिगिरिफोरा बे खामानि खौ मावदोंमोन, रां खौ सोनाब बंग
नि बेंक अफ ईन्दिया याव त्रेन्सफार खालामदोंमोन।
हादर नि बारग
गाहाय बिजिरगिरि नि मोजां खामानि, बारग गाहाय बिजिरगिरि आरो दानि राज्यसभा नि एमपि
आसामनि सुबुं रन्जन गगै बिथांनि मोनसे खामानि आ बयजोंबो मोजां मोनजादों, राज्यसभा
नि एमपि जानायनि उनाव बो जेबो रोखोमनि दरमाहा लायाखैमोन बिथाङा, दायो गासैबो
मोननाय धोन खौ बिथाङा आयेन नि फरायसाफोरनो सोलोंथाय लानाय आव सुबिदा जानाय बादियै
होनायनि थिरांथा लादों, ब रां आ आयेन नि फरायसाफोरनि केरियार दानाय आव मदद
खालामगोन होनना बुङो, 2020 नि मार्च दान आव एमपि महरै सायखजानायनि उनाव बिथाङा नो
गिबि मोन जाय बेथन लायाखैमोन।
बदलेद आयदल
सिजन 2 नि ग्राउन्द अदिशन आ दिनै कक्राझार जिला नि मिउजिक एन्द फाइन आर्त्स कलेज
आव जागोन, नोंथांमोना बाहागो लानो गोसो दंब्ला, मेथाय रोजाबनो मोजां मोनोब्ला
बेयाव गोरलैयैनो बाहागो लानो हागोन, बे जायगा याव थांनानै रेजिस्तार खालामनानै नो
बाहागो लानो हागोन, जागायनाय सम आ फुंनि 9 बाजि, दिनै नि कक्राझार नि आ जोबनायनि
उनाव जोबथा ग्राउन्द अधिशन आ गलाघात आरो कार्बिआंलं जथायै कार्बिआंलं जिला एबसु नि
मावखुलि आव फैगो 17 आगष्त खालि जागोन, बेखायनो मेथाय रोजाबना मोजां मोनग्राफोरा
थियारि जाना थायोब्ला नो जाबाय। स्क्रिन आव गासैबो दितेईल्स फोरखौ होजोबदों।
VLC Media player खौ बेन खालामबाय भारत आव, 2 दान सो सिगां आव नो बेन खालामदोंब्लाबो जाहोनखौ
दासिमबो मिथिनाय जायाखै, नाथाय खौरां मोननाय बादिब्ला बेखौ चिन नि हेकार फोरा
बाहायनायनि थाखाय नो बेन खालामदों होनना सन्देह खालामनाय जादों। सिकादा ग्रुप आ
हेक खालामनो थाखाय बे मिदिया प्लेयार खौ बाहायनायनि सन्देह खालामदों, दासिमबो
सोरखार आरो बे खौ बानायग्रा या बेनि सायाव जेबो बुङाखै, नाथाय दायो बेखौ बाहायनो
हायि आ रोखा जाखाबाय, दाउनलद खालामना लाखानायफोरा बो बाहायनो हानाय नङा होनना
मिथिना मोनदों, वेबसाईतफोरखौ बो बेन खालामबाय।
जेहादि जों
सोमोन्दो थानाय नि दाय आव मरिगांव आव दिनै फिन खनसेबाव सानै सुबुंफोरखौ सोंनो
थाखाय एरेस्त खालामनाय जादों, पुलिसफोरा मरिगांव सोहोर नि गेजेर आव थानाय मिलनपुर
नि नुर मशजिद नि खारखुमाना थानाय ईमाम आहमेद आलि आरो भोरागांव नि फलिहामारि फोथार
नि जियारोल हक मुंनि सानै खौ हमदों, हमनाय सानै नि आहमदे आलि आ थांनाय 29 जुलाई
निप्राय नो खारखुमाना दंमोन, पुलिस फोरा उनाव नायबिजिरनायनि गेजेरजों सानैखौबो
हमो। जेहादि जों सोमोन्दो थानायनि सन्देह खालामनाय जादों। नायबिजिरनाय आ
सोलिगासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon