दिनै दिल्लि
आव मोन 5 बर नि आफाद फोरा मिरु सोरखार जों मोनसे गोनांथार सावरायलायनाय जागोन,
बितिआर सुक्ति नि दफा फोरखौ मावफुंनो थाखाय दिल्लि आव दिनै 8 आगष्त नि बेलासि सम
नि 4 बाजि आव सावरायलायगोन होनना खौरां मोनदों। मोन 5 आफाद फोरा जाबाय- एबसु,
इउबिपिअ आरो एनदिएफबि नि मोन 3 ग्रुप। मोन 5 आफाद नि गासै सा 12 सोद्रोमा फोरा बे
हाबाफारि आव बाहागो लागोन, बे सावरायलायनायनि सोमोन्दै मिरु नि मन्थ्रि पियुश
गोवेल बिथाङा बुंदों, सावरायलायनाय आ दिल्लि नि नर्थ ब्लक आव थानाय नखर जौगाखां
बिफान नि मावखुलि आव। मखजाथावदि भारत सोरखारजों आसाम सोरखार नि दैदेनगिरि नि नुजाथिनायाव
2020 मायथाइ नि 27 जानुवारि आव बितिआर गोरोबथा या जादोंमोन, नखर मन्थ्रि अमित शाह,
आसामनि बै सम नि गिबि मन्थ्रि सर्बानन्द सोनोवाल आरो दानि गिबि मन्थ्रि हिमन्त
बिश्व शर्मा जों लोगोसे गोबां बर दैदेनगिरि फोरा सागानगिरि जादोंमोन गोरोबथा नि,
सुक्ति आ 2 बोसोर बारलांबाय, नाथाय दासिमबो सुक्ति नि दफा फोरा आबुङै
मावफुंजाजोबाखै, बेनि थाखायनो दिल्लि आव थांगोन होनना मिथिना मोनदों। गुबुनफारसे
बर नि गोदान आफाद बनसु नि दैदेननाय आव बदलेन्द दाबिनायनि थांखि जों दिल्लि आव
गोबां सुबुंफोरा ना थांदों, दिनै 8 आगष्त आव नो जन्तर मन्तर आव धर्ना हाबाफारि
लादों।
थै नि बो
दालाल थायो ना, लक्षिमपुर पुलिस आ लक्षिमपुर मेदिकेल कलेज नि मोखां निफ्राय सा 3
थै नि दालाल फोरखौ हमदों। तिम हिउमेनिति मुंनि मोनसे सोरखारि नङि फसंथान नि
नाजानाय आरो लक्षिमपुर मेदिकेल कलेज नि बिबानगिरि नि अजद आव नो हमो बिसोरखौ।
हमजानाय सा 3 नि मुङा मनोज शाहो, बिजय सरकार आरो अजित दास, मेदिकेल कलेज नि
बिबानगिरिफोरा बुंनाय बादिब्ला अजित दास आ आयेन बेरेखा यै 1400 रां आव 1 ईउनित थै
फानदोंमोन बिजय सरकार नो आरो बेनि बेबस्था खालामना होदोंमोन मनोज शाहो आ, दायो
हमजाबाय।
आसामनि गिबि मन्थ्रि
आ मैया गोदान दिल्लि आव निति आयोद नि सावरायलायनाय आव बाहागो लायो, सावरायलायनाय आ
जोबनायनि उनाव बिथाङा आसाम भवन आव बेनि सायाव खौरां बिजों नि गेजेरजों मोननैसो
बात्रा फोसावो, रायजो नि घुस लानाय जाथाय नि सायावबो बुङो बिथाङा। रायजो आव सानफ्रोमबो
घुस लानानै सोरखारि साख्रि मावनाय फोरा हमजागासिनो, बेनि सायाव बिथाङा बुंदों-
मोनफ्रोमबो मितिं आव नो आं अफिसार मावथि पोरखौ बुंबोदों जे सोरखार आ रायजो नि बजा
जानो नाङा होनना, लाईसेन्स नि थाखाय मानसि थांनो लुबैया, सम नि खरसा जागोन होनना
रां होनो नांगोन होनना, बेखायनो जों अनलाईन नि बेबस्था खालामना होदों, नाथाय
लागासिनो, बेखायनो एन्ति करापशन आरो भिजिलेन्स लागायदों, मानसिफोरखौ रां घुस होनो
नाङा होनना बुङाखै जों, जों बुंदों रां होनायनि सान खालार खौ थि खालामनानै जोंनो
खौरां हो होनना। मखजाथावदि आगोलनि हमजानायफोरा गासैबो बिदिनोमोन, आगोलावनो खौरां
हरनानै रां लानाय समावनो हमदोंमोन फोरमान जों लोगोसे।
कक्राझार नि
आरएनबि देहाफाहामसालि आव मैया गिबि खेब सासे HIV बेराम
जानाय गोरबो आव थानाय आयजो खौ सिजारियान अपारेशन खालामनाय जायो। देहाफाहामसालि नि
गाहाय डां ए एस शर्मा बिथाङा बुंनाय बादिब्ला जिला नि सासे बेरामि आयजो आ गथ जोनोम
होनो थाखाय देहाफाहामसालि आव थांदोंमोन, आगोलावबो बेबायदि बेरामि प्रेगनेन्त आयजो
आ फैदोंमोब्लाबो अपारेशन नि खथा या मोनसेल जानायनि थाखाय बरपेता मेदिकेल कलेज आव
दैथायहरनाय जादोंमोन, नाथाय मैया रबिबारखालि गुबुन अपारेशन गैयि नि थाखाय HIV बेरामि
प्रेगनेन्त आयजो खौ अपारेशन खालामनायनि थिरांथा लायो, बिगियानारि नेम आऱो पिपिई गाननानै अपारेशन खौ मोजाङै खालामो आरो उनाव खथा खौ साफा खालामो, खौरां मोननाय
बादिब्ला आयजो आ 3.100 केजि गथ जोनोम होदों, दायो गथ नि हालोद आ मोजाङैनो दं होनना
खौरां मोनदों। आयजो आ HIV जानायनि थाखाय मुं खौ फोसावाखै।
बाक्सा नि
सालबारि आव गाज्रि जाथाय, गोरबो आव थानाय आयजो खौ नो फिसाय आरो फिसाय नि नखर नि
सुबुंफोरा गाज्रियै बुनाय नि अजद, बे अजद खौ होदों बुजानाय बिहामजो जों लोगोसे
बिनि नखर नि सुबुंफोरा, खौरां मोननाय बादिब्ला बिहाव बिखुनजों जों बुजानो गिनानै
गिबि आव गुबुन नि नआव थांनानै थादोंमोनब्लाबो बारगआसै, गुबुन नि न आव थांनानै बो
बुयो, बेनि उनाव आरोबाव मोनाबिलि समाव खुगा मुथेनानै बो बुबावो होनना मिथिना
मोनदों, दान 4 नि प्रेगनेन्त आयजो खौ उदै आव बो बुनायनि अजद बुजानायनि, उनाव खाथि
नि सुबुंफोरनि खौरां हरनाय आव बिहामजो खौ बासायो बिनि नखर नि सुबुंफोरा, दायो
सालबारि आदर्श देहाफाहामसालि आव लांनाय जादों बुजानायखौ, खौरां मोननाय बादिब्ला
फिसाय आरो बिनि नखर नि सुबुंफोरनि बेरेखा थाना याव गसर थिसननाय जाबाय। बिहामजो नि
मुङा रिता बर्जा आरो बिनि फिसाय नि मुङा समेश्वर बर्जा।
हिमा दास आ
जेनलायबाय, कमनवेल्थ गेम्स निफ्राय बाहेर जाबाय हिमा दास आ, आगोलाव 200 मितार नि
आव जेननायनि उनाव मैया 400 मितार नि आव बो जेनो। कमनवेल्थ गेम्स आव 10 थि सान आ
भारत नि थाखाय दासिमनि मोजांसिन सान, मानोना गासै मोन 15 मेदेल मोननो हादों भारत आ,
बे 15 ता नि मोन 5 या सना, मोन 4 सिलभार आऱो मोन 6 ब्रन्ज। आरोबाव सना फैनो हागौ
भारत नि थाखाय मानोना भारत नि बेदमिन्तन आव मोन 3 आव फाईनेल मोनहैना दं, हौवाफोरनि
हकि आव बो फाईनेल मोनदों। भारत आ दासिम 18 ता सना, 15 ता सिलभार आरो 22 ता ब्रन्ज
जों गासै 55 ता मेदेल मोनना 5 थि नम्बर आव दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon