एसति, एससि, अबिसि नि सुबुंफोरनि थाखाय मोजां खौरां, दानिया
अफिस अफिस थांनांगौ गोनांथि गैया एसति एससि, अबिसि नि सुबुंफोरा, मिशन भुमिपुत्र
नि सिङाव मोनगोन हारि नि फोरमान बिलायखौ, बेनि थाखाय मोनसे स्पेशियेल पर्तेल
खुलिना होगोन, फरायसाफोरा गावनि गासैबो दितेईल्स खौ होनो नांगोन, बेनि उनाव 30 सान
नि गेजेरावनो मोनगोन फोरमान बिलाय खौ, थाखो 9, 10. 11 आरो 12 नि फरायसाफोरनो जिला
बेंगिरि आ नो थांनानै हैनो नांगोन फोरमान बिलायखौ।
पितिसिए नि आफादगिरि फारमिनास नार्जारि बिथाङा बदलेन्द रायजो
मोननाय नङि नि ईंगित होदों, जायनि थाखाय नो साननै सिगाङाव हांख्रायनायखौ मोजाङै
नायनानै बाहागो लायासै होनना बुंदों, रायजो खौ मोननायनि मोनथाय दं, नाथाय बदलेन्द
मुं जों मोननाय नङा होनना रोखा खालामना होदों, हारसिंयै बर फोरनो ल होनाय नङा
जथायै सो गासैखौबो लाफाना होगोन जायनि जुनै 2020 नि 27 जानुवारि आव जोबथा गोरोबथा
जायो, जेन बेनि गेजेरजों बुजियो आरो नुयो गुबुन लामा जों फैयो रायजो नि थाखाय।
जोंनि रायजोफोरा आन्दायनो नाङा, फराय, संबिधान खौ नाय, बिथाङा लोगोसे पितिसिए आ
उदयाशल दाबिनायखौ दोनथनाय जाबाय, दायो बिथांमोना गासै 18 ता दुवार्स ओनसोलफोरखौ
लानानै दुवाराखन्द दाबिनो आवगायगोन होनना बुंदों। लोगोसे बिथाङा बुंदों बे हा या
भुतान नि सो मोन होनना बो, बृतिसफोरनो 50 रोजा रां नि खाजोना होनाय महरै
होदोंमोन,, जोंखो दुवार्स नि मुं जों मिथिजायो, जायनि थाखाय जमदुवार बियाब,
खालिंदुवार बियाब दं बितिसि आव होनना बो बुंदों, जोंहा जारिमिन दं, बेखौबो दाबिनो
हायो होननानै, दायो बिथाङा रायजोफोरनिफ्राय कमेन्त बिदों माखौ बियोब्ला मोजां
जागोन होननानै, दुवारखन्द बिनो, ना उदयाशल खौ नो जागायफिननो ना पितिसि खौ, रायजो
राजाफोरनो हगारना होदों, मानोना रायजो-राजाफोरखौ लाफानानैसो गासैबो जायो। बदलेन्द
खौ मोनि नि जाहोन आ जाबाय, भारत आव 2000 नि बारा हारिफोरनि मानसि दं, फिसाज्ला
सासे नो हा होयोब्ला गुबुन फिसा नो बो होनो नांगोन, बदलेन्द आ बर फोरनि मुं जों
बिनाय जादों, बर नो बदलेन्द होयोब्ला राभानो राभालेन्द, सावतालेन्द मियालेन्द,
गारोलेन्द होनो नाङा होनना बुंदों। बेखौ दिल्लि आ मोजाङै मिथिदों, जायनि थाखाय नो
होआ होनना बुंदों बिथाङा। आगोलनि समाव मोनोमोन, नागा नि समाव नागालेन्द होनाय समाव
बर फोरा नागा नि स्ताईल आव बिनायबा मोनगोमोन होनना बुंदों।
कमनवेल्थ गेम्स आव मैया नि सान आ बो भारत नि थाखाय मोजांमोन
होनना बुंजायो, मैया सानसे आव नो मोननै सना नि मेदेल मोननो हादों भारत आ, बेनिनो
मोनसे आ फिन सा सानजा भारत नि गेलेगिरि नि, सा सानजा भारत नि गेलेगिरि फोरा मोजां
गेलेना दिन्थिनो हादों, मैया मोननाय गिबि सना नि मेदेल नि गेलेगिरि आ मनिपुर नि
जेरेमि लालरिनंगा, मिराबाई सानु नि उनाव नैथि सना लाबोयो बिथाङा, बिथाङा बो
वेईथलिफ्तिं आव नो, दासिम मोननाय गासैबो भारत नि मेदेल आ वेईथलिफ्तिं नि नो,
मिजोराम नि आईजल नि 19 बोसोर बैसो नि जेरेमि आ 67 केजि नि केतेगरि आव सना नि मेदेल
लाबोनो हादों, बेनि अनगायैबो अशिन्ता सेउलि आ बो सना नि मेदेल लाबोनो हादों, 73
केजि नि आव बिथाङा गासै 313 केजि दिखांनानै मोनसे रेकर्द खालामनो हायो, दासिम
भारतआ गासै मोन 3 सना, मोननै रुफा एबा सिलभार आरो मोन 1 ब्रन्ज मोनदों, फारिलाय आव
6 थि नम्बर आव दं।
जाख्लनाय निफ्राय गोजानाव थानाय सोरखारि मावथि फोरनो होगोन
स्पेशियेल सनमान, मैया गिबि मन्थ्रि नि सोरखार आ फोसावदों, लोककल्यान बान्था
होगोन, मोजाङै खामानि मावनायफोरनि सोरखारि साख्रि मावनाय सम सिमा या बोसोर 1 बारा
जागोन, मोनफ्रोमबो जिला नि सा 3 मावथिफोरनो बे बान्था खौ होनाय जागोन, बेनि
अनगायैबो रायजोआरि थाखो आव सा 10 नो होनाय जागोन। लोगोसे हर घर तिरंगा नि सायाव
दसे उनाव नो गिबि मन्थ्रि नि खौरां मेल, 13 निफ्राय 15 आगष्त सिम गासैखौबो
माहारियारि फिरफिला खौ बिरहोनो खावलायदों। फिरफिला बिरहोयोब्ला 6 बाजि आव बेखौ
बोख्लायनानै उनखालि फिन बिरहोनो हागोन आरो जुदि बोख्लायनो गोसो गैया अब्ला बिदिनो
बिरहोना बो दोनजागोन होनना बुंदों बिथाङा, लोगोसे फालांगियारि फसंथान, फरायसालि,
मन्दिर मशजिद फोरावबो फिरफिला बिरहोना लाखिनो खावलायदों, आगस्त दान आव आरुनुदय नि
रां आ 1018 रां हाबगोन, आगोलाव 1000 हाबोमोन, बे दान आव 18 रां खौ फिरफिला बायनो
होदों सोरखार आ। लोगोसे भारत नि गाहाय मन्थ्रि नि खावलायनाय बादि नो गिबि मन्थ्रि
आ बो 2 निफ्राय 15 खालारसिम फेसबुक. त्वितार ह्वात्सएप बायदिफोराव प्रफाईल आव
गावनि सावगारि नि सोलाय फिरफिला नि सावगारि लागायनो खावलायदों गिबि मन्थ्रि आ,
मखजाथावदि मन कि बात नि गेजेरजों भारत नि गाहाय मन्थ्रि आ बो बेखौ खावलायदोंमोन।
कभिद नि थाखाय बिमा बिफा खौ खोमाना लानाय गथ फोरनो सोरखार नि
गिदिर मदद, मैया जनता भवन आव खौरांमेल नि गेजेरजों फोसावो, खौरांमेल आव मोननैसो
गोनांथार फोसावनानै होदों, जायफोर उन्दै गथ फोरा बिमा बिफा खोमाना लानांदों कभिद
नि थाखाय, बिसोरनो गासै 7 लाख 67 रोजा रां फिक्स दिपजित खालामगोन सोरखार आ, गथफोरा
24 बोसोर बैसो सिम 3500 रां यै मोनबाय थागोन बेंक एकाउन्त आव, 24 बोसोर जानायनि
उनाव बे रां खौ दिहुनना लानो हागोन नङाब्ला फिन रि ईनभेस्त खालामनो हागोन, गासै सा
8 गथ फोरा बे सुबिदा खौ मोनगोन, बेखौ मोननाय गथ फोरनि मुङा मनजित बर, तास्लिमा
खातुन, राजु चौहान, आननास आलि, अरजुन पेगु, शिबा पेगु, शिबानि पेगु आरो प्रियंका
कलिता। लोगोसे सानै गथ फोर जायनि बिमा बिफा खौ थांनाय 2021 नि 1 सेप्तेम्बर आव
बुथारदोंमोन बिसोरनोबो सोरखार नि मदद, तिउसबार आर माराक आरो जरेका आर माराक नो मदद
नि सोमोन्दै बो फोसावदों बिथाङा।
नगांव आव गिथावना जाब्रबथाय, नगांव नि पुरनिगुदाम आव रेल लाईन
खौ बारनो नागिरनाय समाव नो रेल आ सौख्राङो गंसे स्विफ्त गारि खौ, जाब्रबथाय जानाय
स्विफ्त गारि आव थानाय सा 3 सुबुंफोरा जायगा याव नो थैयो, बिमा बिफा आऱो 16 बोसोर
बैसो नि फिसाज्ला, थैनायफोरनि मुङा चन्दन कलिता, लिलिमाई देबि कलिता आरो निलाभ नयन
कलिता, खौरां मोननाय बादिब्ला जाथाय आ मोनाबिलि नि 6.15 निफ्राय 6.30 सो आव जादोंमोन,
गुवाहाति निफ्राय सिलघात फारसे थांनाय रेल आ सौख्राङो, थैनाय नखर आ सामगुरि नि
ब्रह्मसारि नि होनना मिथिना मोनदों
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon