27 August bodo evening news 2022 ~ Bodoinfo.com

गाबोन जागोन आसाम सोरखार नि गुबुन गुबुन बिफान नि लांदां जाना थानाय मासि खौ आबुं खालामनाय ग्रेद 3 नि साख्रि नि आनजाद। खौरां मोननाय बादिब्ला गाबोन बो ईन्तारनेत आ बन्ध थागोन 4 घन्ता नि थाखाय, गोजौ बिजिरसालि आ जेबो रोखोमनि हेंथा होआसै। मोनसे आ फुंनि 10 बाजि निफ्राय 12 सिम आरो गुबुन मोनसे आ बेलासि नि 2 निफ्राय 4 बाजि सिम। मखजाथावदि 26 रोजा नि बारा मासि नि साख्रि आव 14 लाख 30 रोजा नि बारा सुबुंफोरा एप्लाई खालामदों, 48 गुबुन गुबुन बिफान नि लांदां जाना थानाय मासि फोरखौ सुफुंगोन बेनि गेजेरजों।

आसाम पुलिस नि सिआइदि ब्रान्स नि गिदिर देरहानाय। सुक्रबारखालि गुवाहाति नि सासे थागिबि निफ्राय 10 लाख नि बारा रां लांनाय सासे थगायग्रा खौ नागिरना मोनदों। थगायग्राया बृहस्पतिबारखालि बेंक अफिसार नि फाव खालामनानै फन खालामदोंमोन, बेनि उनाव आयजो नि सेक खौ मोजां खालामफिननाय नि मुङाव अतिपि हरनो होदोंमोन, आयजो आ बो अतिपि खौ होना लादोंमोन, बेनि उनाव नो 11 लाख 9 रोजा 202 रां लांजादोंमोन, बेनि उनाव आयजो आ लोगो लोगो सितिजेन फाइनेन्सियेल साइबार फ्रन रिपर्तिं एन्द मेनेजमेन्त सिस्तेम 24*7 नि हेल्पलाइन नम्बर 1930 आव अजद होयो, बेनि उनाव नो नागिरनाय खौ जागायदोंमोन, एरेस्त खालामनो थाखाय दासिमबो नागिरगासिनो दं।

जौसिन बिजिरसालि एबा सुप्रिम कर्त नि गाहाय बिजिरगिरि महरै समायखिरा लाबाय उदय उमेश ललित बिथाङा, दिनै बिथाङा भारत नि 49 थि गाहाय बिजिरगिरि जायो, रास्त्रपति भवन आव भारत नि हादरगिरि आ समायखिरा लाहोयो बिथांखौ, मखजाथावदि थांनाय 26 आगष्त खालि बारग गाहाय बिजिरगिरि एन भि रमन आ आजिरा लादोंमोन। बिथाङा नो गावनि मासि नि थाखाय दानि गाहाय बिजिरगिरि नि मुं खौ होदोंमोन, नाथाय दानि गोदान गाहाय बिजिरगिरि आ बारा गोबाव थानाय नङा, 74 सान ल सो गाहाय बिजिरगिरि जागोन, बेनि उनाव नो आजिरा मोनगोन, 8 नबेम्बर खालि।

फारसेथिं अखा हायि नि दै नि आंखाल, फारसेथिं दैबाना जादों, लामदिं आव दैबाना, गाज्रिथार थासारि, गोबां ओनसोलफोराव नो दै आ बारानिफ्राय बारा जालांगासिनो, न बां गासैबो लोमजोबबाय, जायनि थाखाय न नि तिन सायाव सो थानो गोनां जादों गोबाङानो, गोबां सुबुंफोरखौ नो एसदिआरएफ नि दोलो आ बासायदों, दानि दैबाना नि थासारि नि खौरां लानो रायजोफोरा एमएलए फोरखौ खावलायदों।

गुबुनफारसे पाकिस्तान आव बो गिथावना दैबाना, दासिम 1000 नि बारा सुबुंफोरनि जिउ गोमाबाय। थासारि आ एरैबायदि गिथावना दि दाबनैसो जायगा खौ ईमारजेन्सि फोसावनो गोनां जादों, प्रसासन नि बादिब्ला गिथावना सिमा नि गोजौ आव बोहैगासिनो दै आ, साननैसो सिगां निफ्राय हाबाय थानाय अखा या नो दैबाना खालामदों, 30 आगष्त सिम गोबां जायगा फोराव नो ईमारजेन्सि फोसावदों, मखजाथावदि थांनाय जुन दान निफ्राय नो गोबां सुबुंफोरनि जिउ गोमादों पाकिस्तान आव। बोथोर बिगियान नि बादिब्ला बे बोसोर आव बांसिन अखा हादों हादर आव।

गान्दा नि गाग्लोबनाय आव जोखोम जादों हाग्रा बिफान नि सासे मावथि आ, बुरापाहार हाग्रा ओनसोल नि सिंनि तुनिकाति हाग्रा केम्प आव बिबान आव थानाय जवान नि मुङा सुसेन्द्र बरा। फुङाव बिबान खौ फोजोबनानै केम्प आव थांनाय समाव नो जायो जाथाय आ, गान्दा बिमा आरो फिसा जों मोगा मोगि जानाय आव नो गान्दा या गाग्लोबो, दायो फाहामथाय लागासिनो होनना खौरां मोनदों।