गाबोन जागोन आसाम सोरखार नि गुबुन गुबुन बिफान नि लांदां जाना थानाय मासि खौ आबुं खालामनाय ग्रेद 3 नि साख्रि नि आनजाद। खौरां मोननाय बादिब्ला गाबोन बो ईन्तारनेत आ बन्ध थागोन 4 घन्ता नि थाखाय, गोजौ बिजिरसालि आ जेबो रोखोमनि हेंथा होआसै। मोनसे आ फुंनि 10 बाजि निफ्राय 12 सिम आरो गुबुन मोनसे आ बेलासि नि 2 निफ्राय 4 बाजि सिम। मखजाथावदि 26 रोजा नि बारा मासि नि साख्रि आव 14 लाख 30 रोजा नि बारा सुबुंफोरा एप्लाई खालामदों, 48 गुबुन गुबुन बिफान नि लांदां जाना थानाय मासि फोरखौ सुफुंगोन बेनि गेजेरजों।
फारसेथिं अखा हायि नि दै नि आंखाल, फारसेथिं दैबाना जादों, लामदिं आव दैबाना, गाज्रिथार थासारि, गोबां ओनसोलफोराव नो दै आ बारानिफ्राय बारा जालांगासिनो, न बां गासैबो लोमजोबबाय, जायनि थाखाय न नि तिन सायाव सो थानो गोनां जादों गोबाङानो, गोबां सुबुंफोरखौ नो एसदिआरएफ नि दोलो आ बासायदों, दानि दैबाना नि थासारि नि खौरां लानो रायजोफोरा एमएलए फोरखौ खावलायदों।
गुबुनफारसे पाकिस्तान
आव बो गिथावना दैबाना, दासिम 1000 नि बारा सुबुंफोरनि जिउ गोमाबाय। थासारि आ
एरैबायदि गिथावना दि दाबनैसो जायगा खौ ईमारजेन्सि फोसावनो गोनां जादों, प्रसासन नि
बादिब्ला गिथावना सिमा नि गोजौ आव बोहैगासिनो दै आ, साननैसो सिगां निफ्राय हाबाय
थानाय अखा या नो दैबाना खालामदों, 30 आगष्त सिम गोबां जायगा फोराव नो ईमारजेन्सि
फोसावदों, मखजाथावदि थांनाय जुन दान निफ्राय नो गोबां सुबुंफोरनि जिउ गोमादों
पाकिस्तान आव। बोथोर बिगियान नि बादिब्ला बे बोसोर आव बांसिन अखा हादों हादर आव।
गान्दा नि गाग्लोबनाय आव जोखोम जादों हाग्रा बिफान नि सासे मावथि आ, बुरापाहार हाग्रा ओनसोल नि सिंनि तुनिकाति हाग्रा केम्प आव बिबान आव थानाय जवान नि मुङा सुसेन्द्र बरा। फुङाव बिबान खौ फोजोबनानै केम्प आव थांनाय समाव नो जायो जाथाय आ, गान्दा बिमा आरो फिसा जों मोगा मोगि जानाय आव नो गान्दा या गाग्लोबो, दायो फाहामथाय लागासिनो होनना खौरां मोनदों।
Please do not enter any spam link in the comment box. ConversionConversion EmoticonEmoticon