आसाम नि
बिस्वनाथ जिला याव जादों मोनसे सोमोनांथाव जाथाय, जिला नि सिंनि रङामाति गामि नि सासे
बेदर फानग्रा या मोनसे फिसा खोथा नि थाखाय नो गाग्लोबनाय आव सासे सुबुं आ गाज्रियै
जोखोम जादों। गाग्लोबजानायनि मुं खौ प्रसान्त बर होनना मिथिना मोनदों, खौरां नि
बादिब्ला प्रसान्त बर आरो बेदर फानग्रा नि गेजेराव 30 रां ल खौ लानानै नांलायनाय
जादों आरो बेयो बारानिफ्राय बारा जालाङो, बेदर फानग्रा या बिनि सिखा खौ लानानै बर
खौ गाग्लोबो, जायनि थाखाय नो गाज्रियै जोखोम जायो। बेनि उनाव नो जोखोम जानाय सुबुं
खौ जायगा नि सुबुंफोरा खाथि नि देहाफाहामसालि आव लाना थाङो। नाथाय जोखोम आ बारा
जानाय आव तेजपुर मेदिकेल कलेज एन्द हस्पितेल आव लाना थाङो, जाथायसालि आव उनाव
पुलिस आ थाङो आरो मनि मुंनि दायनिगिरि बेदर फानग्रा खौ हमदों होनना मिथिना मोनदों।
बेलासि नि 5 बाजि सो आव जादोंमोन जाथाय आ।
दिनै फुङाव
तेलेंगाना नि सासे एमएलए ति राजा सिंह खौ एरेस्त खालामदों नबि महम्मद नि बेरेखा
गाज्रि बाथ्रा बुंनाय नि थाखाय, मैया हर आव धर्ना नि उनाव नो बियो दिहुनना होनाय
मोनसे भिदिअ आव गाज्रि बुंदोंमोन, पुलिस आ बुंदों, धोरोमारि फोथायनाय खौ अपमान
खालामनाय सोमोन्दो नि आयेन नि धारा नि सिङाव बिनि बेरेखा मोनसे गसर थिसननाय
जादोंमोन, खौरां मोननाय बादिब्ला भिदिअ भाइरेल जानायनि उनाव नो पुलिस नि मावखुलि
आरो हायदाराबाद नि गोबां जायगाफोराव धर्ना होनाय नुनो मोनदोंमोन।
रायजोनाङैनो गोबां
जेहादि जों सोमोन्दो थानाय नि दाय आव आसाम आव गोबां सुबुंफोरखौ हमनाय समाव बे बार
आव दरं आव लाख लाख रां नि लेनदेन खालामना लानानै पुलिस नि जे आव, रायजो आव
पुलिसफोरा आयेन बेरेखा खामानि नि बेरेखा गोरा जानाय नि गेजेराव नो गोबां आयेन
बेरेखा खामानि फोर सोलिनाय खौ नुनो मोनो, साइबार क्राईम जों सोमोन्दो थानाय नि दाय
आव पुलिस आ हमो नुर हाफिज मुंनि सुबुं खौ। दरं नि खारुपेतिया नि नुर हाफिज आ
मंगलदे नि कानारा बेंक आव 65 लाख रां नि लेनदेन खालामदोंमोन, लोगो लोगो सन्देह
जायो सेंग्रा नि सायाव, बेंक नि बिबानगिरि फोरा बुंनाय बादिब्ला गुबुन जायगा नि सुबुंजों
गिदिर धोन नि लेनदेन खालामदोंमोन, बेनि उनाव नो बेंक आ मंगलदे पुलिस नो खौरां हरदोंमोन,
बेनि उनाव नो हमो बिखौ, दायो नायबिजिरनाय आ सोलिगासिनो दं. पुलिसफोरा सोंगासिनो,
गोरिब नखर नि सुबुं आ गोबां रां खौ माबोरै मोनखो बेयो सोमोनांथाव।
फिन दरं आव
मोनसे लाजिनांथाव जाथाय, दरं जिला नि सिपाझार नि ब्यासपारा ओनसोल नि 2 नं घोरासाल
गामि आव जादों, समाज आ हारसिं खालामनाय सासे सुबुं खौ न आव लिंनानै फुजा नि प्रसाद
जाहोनायनि दाय आव नो हारसिं खालामो नखर खौ, बेल नङा ब्राह्मन समाज आ गांसे लायजाम
बो हरदों होनना मिथिना मोनदों। गामि नि आनन्दिपारा नि खाथि नि दिनेश शर्मा मुंनि
सुबुं नि न आव फुजा नि थाखाय गोबां बोसोर सिगां निफ्राय नो ब्राह्मन समाज आ हारसिं
खालामनाय सासे सुबुं आ नुजाथिनानै प्रसाद खौ जादोंमोन, बे दाय नि थाखाय नो लाइजाम
नि गेजेरजों आनन्दिपारा कालि मन्दिर नि सिंनि नखरफोरनि न आव जानाय हाबाफारि आव
बाहागो लानो मोना होनना बुंदों। गुबुनफारसे दायो नखरसे खआलामजानाय सुबुं नि गाहाय
आ बेराम जानाय आव थांनाय बोसोर से निफ्राय बिसि आ सो हाजिरा मावनानै रां खामायनानै
सोलिगासिनो दं, नाथाय दायो बे जाथाय नि उनाव आयजो खौ दिन हाजिरा नि थाखाय गुबुन
नखर फोरा लिंनायखौ बन्ध खालामो, बेबायदि गाज्रि खामानि नि थाखाय नखर आ दायो दुखु
मोननाय फोरमायदों।
आनजाद नि
मुङाव ईन्तारनेत दानना होनाय आसाम आ नो गिबि रायजो, बेखौ बुंदों त्रिनोमोल कंग्रेस
नि आफादगिरि रिपुन बरा या, गासैबो आव नो हिमन्त बिस्व शर्मा नि सोरखार आ फेलें
जादों होनना बो गिदिर अजद, ईन्तारनेत दाननानै मा बुजायनो नागिरदों, रायजो नि ईमारजेन्सि
जेंना नि समाव सो ईन्तारनेत दाननो हायो बुंनाय रिपुन बरा या आसाम पाब्लिक सार्भिस
नि आनजाद खुङोब्ला लकदाउन होगोन नामा होनना बो सोंबावदों बिथाङा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon