6 Aug bodo evening news 2022 ~ Bodoinfo.com

दिनै भारत नि लेङाय हादरगिरि नि बिसायखथि नि भत होनाय आ सोलिगासिनो दं, दिनै फुंनि 10 बाजि निफ्राय बेलासि नि 5 बाजि सिम भत होनाय आ जागोन, हादरनि नैथि गिदिरसिन मासि नि बिसायखथि आव एनदिए निफ्राय जगदिप धनकर आरो बेरेखा दोलो नि आ मार्गारेत आलभा या गेलेदों। गोबां भत होनो मोननाय फोरा एनदिए नि फारसे गोसो जानायखौ नुनायनि गेजेरजों एनदिए नि बिजाथि आ नो देरहानायनि सम्भावना या बारा जादों होनना मिथिना मोनदों, बिजेपि नि 303 लोक सभा नि एमपि आरो राज्यसभा नि 91 एमपि खौ लाफानानै 515 नि बारा भत मोननो हागौ होनना साननाय जादों, बेफोरनि अनगायैबो गोबां ओनसोलारि दोलो नि बो एमपि आ भत होनायनि सम्भावना दं। त्रिनोमोल कंग्रेस नि फोरा भत होआ होनना मिथिना मोनदों, बे हिसाबै आरो खम मोननो हागौ बेरेखा दोलो नि आ।

हमजालायबाय आरो सासे सोरखारि साख्रि मावनाय सुबुं आ। रायजो आव धुस लानायनि बादायलायनाय जानाय बायदि सो जादों। घुस लानायनि थाखाय सासे नि उनाव सासे हमजागासिनो सोरखारि मावथि। बे बार आव हमजाबाय भत्तदेब बुहुमफरायसालि नि रेजिस्त्रार आ, बजालि नि भत्तदेब बुहुमफरायसालि नि रेजिस्त्रार गुरुप्रसाद खातनियार आ हमजाबाय। जाख्लनाय होबथाग्रा बिफान आ हमो बिखौ।

नोंथांनि मबाईल फन आव माब्लाबा फैयोनामा बेंक अफिसार, गेस सिलिन्दार नि कानेकशन नि मानसि एबा मोब्लिब बिफान नि सुबुं होनना सिनायथि होनाय सोरबा सुबुं नि फन, जुदि फैयो सांग्रा जा, आसामनि गुबुन गुबुन जायगा याव दायो साईबार क्राईम खालामग्राफोरा बुंफबजोबना दं, बेबायदि नो मोनसे जाथाय जाबाय बागसा नि सालबारि नि सिमला याव, बेनि उनाव नो पुलिसफोरा हमनो हाबाय झारखान्द नि साईबार दायनिगिरि नि मोनसे गें खौ। गावखौनो बेंक अफिसार होनना बुंनानौ नंखाय फन कल जों एसबिआई नि गोबां ग्राहक फोरनिफ्राय गोबां रां लुथिबोगासिनोमोन, सालबारि महकुमा पुलिस अफिसार समिरन बैश्य बिथांनि दैदेननाययाव शिमला थाना नि पुलिस अफिसार जों लोगोसे पुलिस नि दोलो आ नायबिजिरनाय आव आरो झारखान्द पुलिस नि मदद आव सा 3 दायनिगिरि झारखान्द नि जामतारा जिला नि शिताकाता गामि नि अभिसेक दास, अप्पु कुमार दास आरो नन्दन दास खौ हमनो हादों होनना खौरां मोनदों। मखजाथावदि बिरफुं गयारि मुंनि सुबुं सासे निफ्राय साननैसो सिगां आव बे गें आ नो नंखाय फनकल जों यन एसबिआई खौ एक्तिभ खालामना होगोन होनना बुंनानै सोलो बाहायनानै 22 रोजा 500 रां लुथिना लांदोंमोन, बेनि उनाव थाना याव एजाहार हैनायनि उनाव पुलिसफोरा नायबिजिरनानै हमनो हायो सा 3 खौ। झारखान्द निफ्राय शिमला थाना याव लाना फैनाय जाबाय बिसोरखौ, गोबां सुबुंफोरनिफ्रायनो रां लुथिदोंमोन बिसोर, बेखायनो दायो पुलिसफोरा गासैखौबो सांग्रां खालामना होदों जाहाथे बेफोरबायदि नंखाय कल फैयोब्ला जेबो दितेईल्स होआ, बेंक निफ्राय माब्लाबाबो बेबायदि फन जों जेबो बिया, अतिपि बो बिया, बेखायनो सांग्रां जा।

बदलेन्द आईदल सिजन 2 मेथाय रोजाबनाय बादायलायनाय नि ग्राउन्द अदिशन नि दिनै नैथि सान, खौरां मोननाय बादिब्ला दिनै नैथि सान आ बिश्वनाथ जिला नि सिंनि बद नेशनेल एकादेमि आव मोजाङै जानानै थांबाय, गाबोन 3 थि सान, गाबोन 7 आगष्त खालि सनितपुर जिला नि सिंनि रांगापारा हिन्दि फरायसालि आव ग्राउन्द अदिशन आ जागोन, बेखायनो मेथाय रोजाबना मोजां मोनग्रा गासैखौबो फुंनि 9 बाजि आव बे जायगा याव थांनानै बाहागो लानो खावलायबाय। हाबनाय आरो रेजिस्त्रेसन नि सम आ फुंनि 9 बाजि निफ्राय जागायगोन।