बिमा राव नि
बिजों खौ लानानै सोरखार नि केबिनेत नि थिरांथा नि सायाव सावराययलायनायखौ नुबायनो
थायो, आसामनि थाखो 3 निफ्राय 12 सिम बिगियान आरो सानखान्थि आयदा मोननै खौ ईंराजि
आव फरायहोनो थांखि लानाय आ गोबां सावरायलायजागासिनो, मैया कक्राझार दावबायनायनि
थाखाय जिला याव फैनानै रायजो नि सोलोंथाय मन्थ्रि आ मोननैसो गोनांथार बाथ्रा बुंदों।
मैया सावरायलायनायनि उनाव बितिआर नि गाहाय प्रमद बर बिथाङा बुंदों डाँ रनुज पेगु
बिथांजों बदलेन्द ओनसोल नि सोलोंथाय नि गोबां जेंनाफोरखौ लानानै सावरायलायनाय
जादों, बितिआर नि 6.3 नं दफा बादियै फरायसालि सोरखारि खालामनाय आव फरायसालिफोरा
नांगौबादियै जानो नांगोन होनना बुंनानै नांगौ नि बारा अनजिमा नि फरायसालि जायोब्ला
फरायसालिफोरा बासिना थानाय नङा आरो जेंना सो सोमजिहोयो होनना बो बुंबावो। सोलोंथाय
मन्थ्रि रनुज पेगु बिथाङा बुंदों तेत पास जायोब्ला नो साख्रि मोना, साख्रि नि थाखाय
गुबुन रोंगौथि लानानै एप्लाई खालामनो नांगौ। बितिआर आव सम आरो सुबिदा नायनानै
आलादायै तेत खुंनाय जागोन होनना बो बुङो, लोगोसे नो 2017 मायथाइ नि सोरकारि
खालामनाय आयेन बादियै सोरखारि खालामनाय आ आबुं जाबाय, बितिआर सुक्ति नि 6.3 दफा
बादियै सोरखारि खालामनाय नि सायाव सावरायलायनाय जागोन आरो सोरखारि खालामनायनि सर्त
फोरखौ आबुं खालामनो नांगोन होनना बो बिथाङा बुंबावो। मैया नि सावरायलायनाय
हाबाफारि आव एमएलए लरेन्स ईश्लारि, जिरन बसुमतारि, ईएम अरुप कुमार दे, फोरोंगिरि आफाद
जों लोगोसे 23 कलेज नि गाहाय, सोलोंथाय बिफान नि गोजौ थाखो नि अफिसारफोरा। मन्थ्रि
बिथाङा दिनै फुङाव नो धुबुरि आव थांगोन आरो फैगो 15 आगष्त नि हाबाफारि आव बाहागो
लानानै फिरफिला बिरहोगोन होनना खौरां मोनदों।
जोनोम आरो थैनायनि
रेजिसत्रेसन आ दिजितेल जागोन, गिबि मन्थ्रि नि दैदेननाय आव जनता भवन आव सावस्रि
आरो नखर जौगाखां बिफान नि मोनसे गोनांथार सावरायलायनाय जादोंमोन, सावरायलायनाय आव
मोननैसो गोनांथार थिरांथाफोर लानाय जादों, जोनोम आरो थैनायनि रेजिसत्रेशन आ आबुङै
दिजितेल जागोन, जोनोम नि सायाल दिससार्ज नि समाव बिमा बिफा आरो थैनायनि आ खाथि नि
सोमोन्दो नि सुबुं नो फोरमान बिलाय खौ होनो नांगोन, मोनसे गोरा अंग नि नेतवर्क नि
बेबस्था दानाय जागोन, रायजो आव खमावनो गं 5 एनएईसएम नि ओनसोलारि मावखुलि आसाम नि
प्रसासनिक अफिसार नि दैदेननाय आव दानाय जागोन, दोलो आ गावबा गावनि ओनसोल नि
सावस्रि जौगानायनि गोनां खामानिफोरखौ मावगोन होनना खौरां मोनदों।
गाबोन 15
आगष्त भारतनि उदांश्रि सान, भारत हादर आव भारत नि फिरफिला खौ ल सो बिरहोनाय नुनो
मोननो नांगौ, नाथाय उदांश्रि सान नि सिगां उत्तर प्रदेश आव भारत नि फिरफिला नि
सोलाय पाकिस्तान नि फिरफिला सो बिरहोनाय नुनो मोनदों, उत्तर प्रदेश नि खुसिनगर आव
फुंनि 11 बाजि सो आव सालमान मुंनि सेंग्रा या बे गाज्रि खामानि खौ मावनायनि अजद, दायो
सलमान आरो बिनि बिमानै शेहनाज नि बेरेखा केस रेजिस्तार खालामनाय जाबाय होनना खौरां
मोनदों, एएसपि रितेश कुमार बिथाङा बुंदों बेखौ नुनाय लोगो लोगो नो फिरफिला खौ
गाहायाव बोख्लायो, बिनि बिमानै आ नो बे फिरफिला खौ बानायदोंमोन, आरो सासे ईमरान
मुंनि सुबुं नि बेरेखा बो एक्सन लानायनि खौरां मोनदों।
रायजो आव मुवा
बेसाद नि बेसेन आ बारा निफ्राय बारा जालांगासिनो दं, साधारन नखर नि थाखाय जिउ
खुंनाय आ गोबां खष्त जानायखौ नुनो मोनगासिनो, आसामनि सासे एमएलए अखिल गगै आ दाबि
खालामदों सोरखार आ सेंग्रा सिख्ला फोरा मोजां मोनोब्लाबो जिएसति लागायनो सो दंबावो
होनना, ईसे मिनिथावना सुर जों बुंनानै बिथाङा बुंबावदों आं मिनिदोंब्लाबो बेयो
सैथो बाथ्रा, सोरखार आ मोनसेबो मुवा बेसादफोरखौ हगारना होआखै, गासैबोवनो एखे बेसेन
बांनाय, कभिद नि थासारि नि उनाव उथिखांफिननो नो हायाखै, बेनि गेजेरावनो मुवा बेसाद
नि बेसेन आ बारा जानाय आ मोनसे रोखोमनि सोरखार नि गाग्लोबनाय जादों होनना फोरमायो।
रिसार्स पेपार आ दानिया गावनि बिमानि राव जों लिरजासिगोन। पि
एइस डि स्कलारफोरनि थाखाय मोजां खौरां। रिसार्च पेपारफोरखौ दानिफ्राय ओनसोलारि राव
एबा गावबा गावनि बिमा रावजोंनो लिरनो हासिगोन। आसामनि रायज्यपाल प्रफेसार जगदीश
मुखी बिथाङा मैया बे बाथ्राखौ फोसावदों। मख’नो गोनांदि, गुवाहाटी
नोगोरमानि खारगुलियाव थानाय राज भबनाव खुंनाय हाबाफारियाव मैया रायजो बेंगिरि
प्रफेसार जगदीश मुखीया गोजौ सोलोंथायनि माखासे खाबुफोरखौ फोसावदों आरो दानिफ्राय
ओनसोलारि राव एबा बिमा रावजोंनो रिसार्च पेपार लिरनो हासिगोन होननानै बुंदों।
सेन्ट्रेल इउनिभारसिटियाव प्रफेसार थिसननायनि बागैबो रायजो बेंगिरिया गोनां बाथ्रा
फोसावदों। बबेखानि, मुलुगसोलोंसालिफोरा प्रफेसार थिसननायनि बागै खमैबो गांब्रै
हादरारि थाखोनि खौरांलाइफोराव फोसावथाय होनो थाखायबो रायजो बेंगिरिया बिथोन होदों।
गोलाघात नि मेरापानि दयालपुर आव मरेल पुलिसिं नि गिथावना जाथाय,
सासे 70 बोसोर बैसो नि बोराय खौ दोलो जानानै बुदों, माय फोथार आव बिष होनानै हांसो
बुथारनायनि सन्देह आव नो बोराय खौ मारपित खालामो, मिथिना मोननाय बादिब्ला 10 आगष्त
खालि दयालपुर योगेशि फोथार गामि आव जादोंमोन जाथाय आ, 15 सो सुबुं नि मोनसे दोलो आ
बगा बसुमतारि मुंनि सुबुं खौ बुयो, बिसोरनि बादिब्ला बगा बसुमतारि आ फोथार आव बिष
होनानै गोबां हांसो बुथारदोंमोन, 70 बोसोर बैसो नि बोराय जों लोगोसे हायथा
बसुमतारि मुंनि गुबुन सासे सुबुं खौ बो बुदों
होनना मिथिना मोनदों, बेनि उनाव रायजो आ 14500 रां नि जरिमाना बो खालामदों, दायो
जाथायनि सायाव मेरापानि पुलिस थाना याव एजाहार हैबाय बुजानायफोरा, ससियेल मिदिया
याव भाइरेल जागासिनो, नाथाय दासिमबो सासेखौबो हमनो हायाखै होनना मिथिना मोनदों।
महारास्त्र नि चन्द्रपुर जिला नि राजालामा याव जिरायना थानाय
मासे मोसौ खौ बासायनो थांनानै गंसे एसइउभि गारि आ लामा नि खाथि आव थानाय त्राक आव
सौग्रावनाय आव गारि नि सिङाव थानाय सा 4 सुबुंफोरनि जिउ गोमाबाय, पुलिसफोरा बुंनाय
बादिब्ला हर गेजेराव चन्द्रपुर -गरसिरौलि राजालामा याव जायो जाब्रबथाय आ, बे जाथाय
आव सासे सुबुं जोखोम जादों होनना बो मिथिना मोनदों। थैनाय सुबुंफोरा दिजे मुवा
बेसाद फोर बायनो थांदोंमोन, बायनानै गिदिंबोफिननाय समाव नो जायो जाथाय आ।
मोनसे
गोजोनथाव खौरां, राभा हासं अट'न'मास काउनसिलआ ड: अन्जालि दैमारि बिथांनो बान्था
फोसावो। गोलाव सम
समाजाव थानानै समाजनि आरो आयजो माहारिनि गोख्रोङै जौगाखां खामानि मावबोनायनि थाखाय
राभा हासं अट'न'मास कावनसिलआ
अन्जाली दैमारी बिथांनो "बगेजारि बाइ बान्था"खौ फोसावनानै होयो।बे
बान्थाखौ फैगौ 15 आगस्त खालि
गवालपारानि दुघनैयाव बिथांआ आजावगोन ।
सानै
गोरिबफोरखौ अनग्रा सिखाव, सिखाव खालामनानै मोननाय रां खौ गोरिब फोरनो बो रानना
होयो। गुजरात नि सुरात नि दायनिगिरि नायबिजिरनाय ब्रान्स आ सानै सिखाव खौ हमनो
हादों, सिखाव नि धोन जों गोरिबफोरखौ मदद खालामो। गुजरात नि बे भिआईपि सिखावफोरा
दायो गोबां जों सावरायजादों, बे भिआईपि सिखाव खौ रबिनहुद होनना मिथिनाय जायो,
पुलिसफोरा हमनाय सानै सिखाव खौ महम्मद ईरफान उरफे उजाले आखतार शेख आरो मुजाम्मिल
गुलाम आखतार शेख होनना सिनायनाय जादों। पुलिसफोरा हमनायनि उनाव गोदान गोदान खौरां
मोनगासिनो, गोबां बोसोर जाबाय सिखाव खालामनाय आ, गुजरात जों लोगोसे दिल्लि, पान्जाब,
आव बो सिखाव खालामदों, थांनाय 27 जुलाई खालि गंसे बांलो निफ्राय 6 लाख 61 रोजां
रां सिखाव खालामदोंमोन, पुलिसफोरा उनाव नायबिजिरनानै बिसोरनिफ्राय सिखाव जानाय
मुवा बेसादफोर आरो लोगोसे गंसे लोदेद पिस्तल, गंनै कार्तिज मोनदों, पुलिसफोरनि
सिगाङाव सिखाव खालामनाय खौ गनायना लादों आरो रां खौ गोरिबफोरनो रानना होयो होनना बो
बुंना लायो, नाथाय पुलिसफोरा बेखौ फोथायाखै, मखजाथावदि बिसोर गुगल मेप नायनानैसो
सिखाव खालामनो थांदोंमोन।
तिउसन लानो
थांनायनि उनाव फैफिनासै सासे हिनजावसा या, कामपुर आव सान आव नो गोमाना दं थाखो 10
नि सासे फरायसुलि आ, सुस्मिता दास मुंनि हिनजावसा या तिउसन लानो थांदोंमोन, बेनि
उनाव न आव फैफिनासै, लामा याव अजित मुंनि सुबुं आ बोलो बाहायनानै गंसे गारि आव
दैखांना लाङो होनना नुनायफोरा बुंनायनि खौरां मोनदों, हिनजावसा गथ आ सम बादियै न आव मोनफैयिखाय गिनाय मोनो, लोगो लोगो
बिनि लोगोफोरनाव खौरां लाहरो नाथाय रावबो जेबो खौरां होनो हायासै, राहा गोथे
जानायनि उनाव हर नि 8 बाजि आव पुलिस थाना याव एजाहार होयो, नायबिजिरनाय आ
सोलिगासिनो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon