मैया ग्रेद 3 नि आनजाद आ जानानै
थांबाय, आसामनि गिबि मन्थ्रि आ बेनि फिथाय एबा रिजाल्त खौ दानसे नि गेजेरावनो होनो
नाजागोन होनना बुंदों, लोगोसे जायफोरा बे आनजाद आव उथ्रिसार जानो हाया बिसोरनो
एप्लाई खालामनाय समाव लानाय रां एबा एप्लिकेशन फिस खौ होफिननाय जागोन होनना मैया
खौरांगिरिफोरनि सिगाङाव फोरमायदों, बेंक एकाउन्त नि गेजेरजों हरगोन होनना बुंदों,
नाथाय बेंक एकाउन्तब्लाबो गोदान होनांगोन ना एप्लाइ खौ माजों खालामदों बेयावनो
सोफिनगोन बेफोरनि जेबो खौरां मोनथआखै, रिजाल्त खौ होखांनायनि उनाव सो माबाफोर खालामनांगौब्ला
मिथिगोन। मैया नि जानाय आनजाद आव 9 लाख नि बारा आनजाद होगिरिफोरा आनजाद खौ
होदोंमोन, गुबुन गुबुन आनजाद नि मिरु आव पुलिसफोरखौ गुबुन गुबुन महर आव नुनो मोनो,
आनजाद नि मिरु आव गोरा बेबस्था जों लोगोसे आनजाद होगिरि फोरनो दान एबा बान्था बो
होनाय नुनो मोनदों, खोलोम, बिबार, चकलेत बायदिफोर होनाय खौ नुनो मोनदों।
सोलिनाय बोसोर आव आसाम आव माय नि
दिहुनथाय एबा प्रदाकशन आ खम जानो हागौ, बोसोरफ्रोमबो आसाम आव 50 लाख मेत्रिक तन
माय दिहुननाय जायो, बे बोसोर आव दैबाना या गोबां खहा खालामना होबाय। खननै फैनाय
दैबाना या गोबां खहा खालामनाय जों लोगोसे दायो जाय जायगाफोराव माय खौ गायनो हादों
बेफोराव दै नि आंखाल जानायखौ नुनो मोनदों, माय गायनाय हा या गावस्रांलांजोबदों।,
आबादारिफोरनि आय खौ 2 गुन खालामनायनि थांखि जों आबाद खोन्दो नि गुबुन गुबुन बिथांखि
लाबोदोंब्लाबो नाथाय आबादारिफोरा मोगथां आव जेबो रोखोमनि मदद मोनाखै, बोथोर
बिगियान आ बुंदों बे बोसोर आव साधारन अखा निख्रुय गोबां गुन खम हानाय आ, जायनि
थाखाय माय नि प्रदाकशन आ खम जागोन आ रोखा जानाय बादि, थांनाय बोसोर आव 53.55 लाख
मेत्रिकतन माय दिहुनदोंमोन आसाम आव।
सोर जागोन मिरु कंग्रेस नि आफादगिरि आ,
गान्धि नखर नि नो सोरबा जाफिनगोन नामा, आगोलनिफ्राय नो आफादगिरि जाबोनायखौ नुनो
मोनगासिनोमोन, नाथाय बे खनसे आव बरफ गलिनाय बादि जादों, गुबुन आ बो बेयाव गेलेनाय
नि सम्भावना दं। कंग्रेस वर्किं कमिति आ
रबिबारखालि दोलो नि आफादगिरि नि गोबाव सान सिगांनिफ्राय नेना थानाय बिसायखथि नि मोनसे
सम फारिलाय फोसावदों। थि खालामनाय सम बादियै 17 अक्तोबर आव जागोन बिसायखथि आ आफादगिरि
नि आ आरो 19 अक्तोबर खालि बेनि फिथाय खौ फोसावगोन, नमिनेशनलाय गथायनाय आ 24
सेपतेम्बर निफ्राय जागायगोन, 30 सेप्तेम्बर आ जोबथा सान, गावनि मुं खौ लाफिननाय नि
जोबथा खालार आ 8 अक्तोबर, मैया बे थिरांथा खौ लायो होनना मिथिना मोनदों।
सासे पुलिस आ गावखौनो गुलि गावनानै
बुथारना लानाय जाथाय जादों आसाम आव, अभयापुरि आव पुलिस जवान आ गावनि रायफलजों नो
बिखा याव गुलि गावना लानानै बुथारो गावखौनो, मुङा हाबिलदार सित्तरन्जन चौधुरि, 57
बोसोर बैसो नि, बिबान आव थानाय समाव मैया फुंनि 3.25 याव बेखौ खालामना लायो,
मिथिना मोननाय बादिब्ला गोबाव सान निफ्राय नो बियो गिदिर बेराम आव गोग्लैना दंमोन,
सन्देह खालामनाय जादों दि बे बेराम नि थाखाय नो गावखौ बुथारदों होनना, पुलिसफोरा
पस्त मर्तेम नि थाखाय गोथै देहा खौ दैथायहरनायनि उनाव नो जाथाय नि सायाव
नायबिजिरनायखौ जागायबाय, जाथाय आ ओनसोलनाङैनो सोमोनांहोदों।
फैगासिनो दं लोकसभा बियाब आ, फैगो
लोकसभा बियाब नि बिसायखथि आव आसामनि गासैबो बियाब खौ नो गावनि सिङाव लांनाय नि थांखि
बिजेपि नि। नगांव कलियाबर आरो बरपेता लोकसभा बियाब नि बिबान खौ होदों मिरु नि
मन्थ्रि किरन रिजिजु बिथांनो, रबिबारखालि नगांव नि बिनापानि नात्य मन्दिर आव जानाय
बिजेपि नि प्रबास योजना नि जथुम आव बाहागो लानानै गासैखौबो देरहानाय नि थांखि लादों
होनना फोरमायो मिरु नि मन्थ्रि बिथाङा, दानिफ्राय नो बिजेपि आ थियारि जाबोबाय।
मैया नि भारत आरो पाकिस्तान नि गेजेराव
जानाय एसिया काप नि गेलेनाय आव भारत आ पाकिस्तान खौ 5 विकेत जों फेजेनो, गिबि आव
पाकिस्तान आ बेतिं खालामग्रोनानै 147 रान आव अलआउत जादोंमोन, बेनि उनाव भारत आ
नांगौ जानाय 148 रान खौ 19.4 अभार आव बुनानै देरहायो, भारत नि हार्दिक पान्द्या या
बलिं आरो बेतिं मोननै आव बो मोजां खालामना दिन्थिनो हायो, बलिं आव 4 अभार आव 25
रान होना सा 3 आरो बेतिं आव 17 बल आव 33 रान बुना देरहाहोयो भारत आ। फैगो रबिबार
खालि बो भारत आरो पाकिस्तान नि गेजेराव जाफिननाय नि सम्भावना दं जुदि भारत आरो पाकिस्तान
आ ग्रुप आव गिबि आरो नैथि नम्बर आव थायो। हंकं खौ मोननैबो दोलो आ फेजेनोब्ला नो
नुनो मोनफिनगोन।
1949 नि मैया
नि सान आव कोसबिहार रायजो खौ भारत आव सोनाय जादोंमोन, ग्रेतार कोसबिहार पिपल्स
एससियेशन नि सिरां जिला कमिति नि दैदेननाय आव कोसबिहार भारत मार्जार दिबस खौ
फालिनाय जायो, बे हाबाफारि आव साननै सिगाङाव लोकसभा बिसायखथि नि सिगाङावनो
कोसबिहार रायजो दानाय जागोन होनना बुंनाय अनन्त राय महाराज बिथाङा बाहागो
लादोंमोन, मैया नि हाबाफारि आव कोसबिहार आ भारत आव माबोरै हाबखो बेफोरखौ फोरमायो,
लोगोसे कोसबिहार इउति दानाय आव बेरेखा खालामनो नाङा होनना खावलायो, गंसे रायजो
जायोब्ला गासैबो हारि माहारि थायो, बेखायनो बेरेखा खालामनायनि सोलाय जौगानायनि
स्वार्थ आव गासैबो मदद खालामनो नांगौ होनना
बुङो, मखजाथावदि बेखौ अमित शाह बिथाङा नो बुंदों होनना बो फोरमायो, थारैनो
कोसबिहार आ जामारगोन नामा, जायोब्ला सिरां आ बो हाबगोन होनना बुंदोंमोन अनन्त राय
आ।
9 सेकेन्द सो नि गेजेराव नो गोजौसिन
तुइन तावारफोरखौ सिफायनाय जाबाय मैया, नयदा नि सुपारतेक तुविन तावार खौ
ब्रफ्रुहोनो 3700 केजि सो बेरफ्रुग्रा बाहायदोंमोन, कुतुब मिनार निख्रुयबो गोजौ
एपेक्स आरो सेयाने तावार खौ बानायनाय आव आयेन बादियै जायि नि थाखाय नो बिजिरसालि आ
सिफायनो बिथोन होदोंमोन, मैया बेलासि नि 2.30 आव बेखौ बेरफ्रुहोयो, खौरां मोननाय
बादिब्ला बेखौ सिफायनाय आव खरसा महरै 20 कौति जादों. 9 बोसोर आयेन नि दावहा या
जादोंमोन, थांनाय 2021 आव बिजिरसालि आ सिफायनो बिथोन होदोंमोन।
जेहादि नि सन्देह आव सानै सुबुंफोरखौ
हमदों, जेहादि नि बेरेखा आसाम पुलिस नि नायबिजिरनाय आ सोलिगासिनो दं, दासिम गोबां
सुबुंफोरा नो , हमजाबाय गुबुन गुबुन जिला निफ्राय, मैया हमनाय सानै आ बरपेता जिला
नि, , मुङा आकबर आलि आऱो आबुल कालाम आजाद, बरपेता पुलिस आ तामसेर आलि मुंनि सुबुं
नि न निफ्राय हमो बिसोरखौ, दायो पुलिस फोरा हमनानै सोंगासिनो दं।
जापानिस एनकेफेलाइतिस बेराम आ आसाम नि
सा 85 सुबुंफोरनि जिउ फोजोबबाय थांनाय 2 दान आव, बेखौ बुदों आसामनि सावस्रि बिफान
आ। बे बोसोर नि जुलाई दान निफ्राय आसाम आव 390 केस मोननाय जादों, थाम्फै निफ्राय
जायो बे बेराम आ, बेनिफ्राय बारगनायनि एसअपि बो दिहुनना होदोंमोन नेशनेल हेल्थ
मिशन आ।
जाख्लनाय निफ्राय उदां आसाम दानाय नि
थांखि जों गिबि मन्थ्रि हिमन्त बिश्व शर्मा बिथांनि बिथोन बादियो घुस लानाय सोरखारि
मावथि फोरनि बेरेखा गोरा जानायखौ नुनो मोनदों, गोबां सोरखारि मावथि फोरखौ हमबाय।
दासिम आसाम आव थांनाय 15 दान आव सा 44 सोरखारि मावथि फोरखौ हमदों होनना मिथिना
मोनदों। गिबि मन्थ्रि नि होबथाग्रा बिफान नि दोलो आ थांनाय सप्ता याव नायबिजिरनानै
सा 5 शोरखारि मावथिफोरखौ हमदों, मखजाथावदि सोरखारि मावथि पोरा जायखिजाया खामानि नि
थाखाय रां दाबि खालामनायनि अजद आ सोराङाव फैबाय नो थायो, बे अजद नि सायाव नो
जाख्लनाय होबथाग्रा बिफान आ नायबिजिरनानै हमदों। सोरबाफोर घुस बिदोंब्ला बेनि
खौरां खौ भिजिलेन्स नि दोलो नो हरनो नांगौ, बेनि उनाव बिसोर थियारि जायो जेब्ला
सोरखारि मावथि आ बिनिफ्राय रां खौ लायो लोगो लोगो हमनो थाखाय। बेबायदिनो गासिम सा
44 आ हमजाबाय थांनाय 15 दान आव।
आयेन बेरेखा यै सिमा बारनानै फैनाय सा
5 बांलादेशि फोरखौ हमदों बिएसएफ आ, भारत आव बेबायदि नो हाबफैबाय थानो नागिरो
बांलादेशि फोरा, खोला सालमारा मानकासार जिला याव आयेन बेरेखा यै ईन्तारनेशनेल सिमा
खौ बारनानै भारत आव हाबदों बांलादेशि फोरा, हमजानाय सा 5 नि मुंफोरा सुरज मिया,
जहिदुल ईस्लाम, जाहिदुल रहमान, आब्दुल सालाम आरो मयदुल ईस्लाम, गासैबो बांलादेश नि
गायबन्धा जिला नि थागिबि होनना मिथिनाय जादों, उनाव मोननैबो हादर नि सिमा पुलिस नि
फ्लेग मितिं नि उनाव गासैखौबो बांलादेश सिमा रैखाथि हानजा नो गथायना होयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon