बिहामजो
बिखुनजो नि गेजेराव फिसा फेनला नांलायनाय आ थाखायो, नाथाय बे नांलायनायनि थाखाय नो
बिहामजो नि गाग्लोबनाय आव बिखुनजो नि जिउ गोमानाय आ सोमोनांहोदों बयखौबो सयगांव
आव। शयगांव नि बामुनिगाव निज बगाई आव सासे बिहामजो नि सिखा जों गाग्लोबनाय आव
बिखुनजो जों लोगोसे गुबुन सासे आयजो नि जिउ गोमायो, लोगोसे सासे हिनजावसा या
गाज्रियै जोखोम जानाय आव थैनायजों जुजिगासिनो दं, बे गिथावना जाथायनि उनाव नो
पुलिस आ हमदों बुथारग्रा बिहामजों उत्तरा बर खौ, बियो 36 बोसोर बैसो नि आयजो,
फिसाय अशोक कुमार बर जों गुवाहाति नि रुपनगर ओनसोल आव भारा न आव थायो, नाथाय
समबारखालि फिसायखौ बुङालासैनो बिखुनजो नि न आव थाङो शयगांव आव, हर आव बियावनो
थानायनि उनाव मंगलबारखालि 75 बोसोर बैसो नि बिखुनजो शुसिला बर खौ गाग्लोबो सिखा
जों, जायगा याव नो जिउ गोमायो होनना मिथिना मोनदों, बै समाव नो खामानि मावग्रा महरै
थानाय शिवानि राभा आरो बिनि बिमा प्रनिता राभा खौ बो होबथानो नागिरनाय आव
गोग्लोबो, उनाव जोखोम जानाय सानैखौबो देहाफाहामसालि आव लांदोंमोनब्लाबो प्रनिता नि
जिउ गोमायो होनना मिथिना मोनदों, सानैनिबो न आ पलाशबारि नि राजापारा यावमोन। उनाव
बे जाथाय खौ खालामखांनायनि उनाव फख्रि आव सिखा खौ गारनानै खारखुमानो
नागिरदोंमोनब्लाबो रायजोफोरा हमो होनना खौरां मोनदों, बेनि उनाव पुलिसनो हरो,
बुथारनायनि गुबै जाहोनखौ मिथियाखैब्लाबो नखर नि गेजेराव गोरोबलायि नि थाखाय नो
बेखौ खालामदों होनना साननाय जादों, पुलिसफोरा बे जाथाय आव बाहायनाय सिखा खौ
नागिरना मोननाय़ जों लोगोसे नायबिजिरनायखौ जागायबाय होनना खौरां मोनदों।
जोंनि गोबां
बर फोरा नो ससियेल मिदिया खौ बाहायनो रोङा, बेनि मोनसे बिदिन्थि, ससियेल नेतवर्किं
साईत खौ बाहायनो रोङि नि थाखाय नो साजा मोनबाय सासे बर आ, बितिआर नि गाहाय प्रमद
बर बिथांखौ फेसबुक कमेन्त आव गावथारगोन होनना लिरना लानानै हमजाबाय। हुमखि होनाय
बे बर नि मुं खौ फ्रान्सिस बरगयारि होनना मिथिना मोनदों, कक्राझार नि जिला नि
पातगांव नि उदालगुरि नि सेंग्रा। बयहाबो बुंनायनि मोनथाय दं, नाथाय बुंनाय आ
बेबायदि गाज्रि जायोब्ला बेयो गनायजाथावना जाया।
उदांश्रि सान
आ साननैसो ल दंबावो, बेनि गेजेरावनो मोनसे गिथावना गाग्लोबनाय जाथाय नि खौरां
मोनदों, मंगलबार नि हर फुंनि समाव गुबुन गुबुन आरमि नि मोन 3 केम्प आव आलफा आरो
एनएससिएन आ मर्तार जों गाग्लोबो, पांशुपास, नकनौ आरमि केम्प जों लोगोसे नागालेन्द
नि चेरामता याव गाग्लोबो मोननै उदखारि संगथन आ। मोननैबोथिं नि गावलायनाय आव सासे
आरमि जवान नि जिउ गोमादों होनना खौरां मोनदों, लोगोसे जोखोम बो जानायनि खौरां
मोनदों, 2 घन्ता सो सम गावलायनाय आ जादोंमोन, फुंनि 4 बाजि सो आव जादोंमोन, गिबि
आव आसाम रायफल नि गोदानै बानायनाय मोनसे केम्प आव गाग्लोबग्रोदोंमोन, नायबिजिरनाय
आ सोलिगासिनो दं।
बिहार आव
बिजेपि आरो जेदिईउ नि सोरखार आ बायबाय। जाय समाव अपारेशन लतास खौ मोजाङै
महारास्त्र आव मोजाङै बाहायनो हादोंमोन, बे समाव नो सोरखार बायनायनि मोनसे खौरां,
खौरां मोननाय बादिब्ला दोलो आ सावरायलायखाबाय बिजेपि जों लोगो गारलायगोन खौ आरो
गोदान लोगो जों सोरखार दागोन नि सायावबो, दिनैनो नितिश कुमार बिथाङा गिबि मन्थ्रि
नि बिबान खौ एंगारनो हागौ होनना खौरां बिरथिंदों, बिबान एंगारब्लाबो नाथाय गोदान
सोरखार जों लोगो जानायनि उनाव बिथाङा नो गिबि मन्थ्रि जाफिननो हागौ, आरजेदि नि
दैदेनगिरि तेजश्वि यादब जों लोगो जानायखौ नुनो मोनदों, दायो गिबि मन्थ्रि नि बिबान
आव नितिश कुमार आ थायोब्ला लेङाय गिबि मन्थ्रि नि बिबान आव तेजश्वि यादब आ थानो
हागौ, बे थिरांथा खौ लानाय आ महारास्त्र सोरखार निफ्राय नो जानो हागौ, मानोना
साननैसो सिगाङाव महारास्त्र सोरखार खौ बिजेपि आ सिफायनाय बादि जादोंमोन, शिब सेना
नि गेजेराव गावस्रालायनाय आव उनाव बिजेपि जों लोगो जाना सोरखार दादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon