29 August bodo evening news 2022 ~ Bodoinfo.com

दिनै मेत्रिक नि कम्पारमेन्तेल आनजाद नि रिजाल्त खौ फोसावबाय। सेबा नि अफिसियेल वेबसाईत आरो मबाइल एप आव बेखौ फोसावो, रिजाल्त खौ नायनायजों लोगोसे दाउनलद बो खालामना लानो हागोन। मखजाथावदि बे बोसोर आव 23903 फरायसाफोरा आनजादखौ होदोंमोन, बेनिनो 12861 आनजाद होग्रा फोरा पास खालामनो हादों, बेनिनो 99 आ गिबि दिभिजन, 6276 आ नैथि आरो 6486 आ थामथि दिभिजन मोननो हादों, गासै 53.80 जौखोन्दो आ पास जादों। आनजाद आ 25 जुलाई निफ्राय 30 सिम जादोंमोन।

आसामनि गुबुन गुबुन जायगा याव आयजोफोरनो स्कुति रानना होनायनि उनाव कक्राझार आव बो रानना होयो दिनै. बितिआर नि गाहाय प्रमद बर बिथांनि नुजाथिनाय आव सा 167 ग्राम सखि मावथि फोरनो राननानै होनाय जायो। मखजाथावदि आसाम सरकारनि गामि जौगाखां पन्सायत एन्ड रूरेल देभलाबमेन्ट बिफाननि आसाम राज्योआरि लाइभलिहुद मिसननि गेजेरजों गामियारी ओनसोलनि खामानि मावग्रा आयजो ग्राम सखि मावथिफोरनो स्कुथि रान्नानै होगासिनो। दिनै ASRLM कक्राझारनि बान्जायनायाव तितागुरि इरागदाव कुमुनिथि चेन्टाराव खुंफुंनाय मोनसे हाबाफारिनि गेजेरजों पन्सायत एन्ड रूरेल देभलाबमेन्ट बिफाननि सिंआव थानाय सा 167 ग्राम सखि मावथि फोरनो होयो।

दिवालि आव जिअ आ होगोन मोनसे बान्था, 5जि सारभिस नि थाखाय थियारि जादों भारत नि सुबंफोरा, जाय समाव साधारन सुबुंफोरा मबाइल नेतवर्क नागिरनानै गोबां खस्त सहायनांदों, 4जि नि बेबस्था थानाय समावबो लोरबां नेतवर्क नि थाखाय इन्तारनेत नि सुबिदा खौ मोजाङै लानो हायाखै, बे समाव नो 5 जि सारभिस जागायनो लथियारि, हादर नि मबाइल नेतवर्क सारभिस जिअ आ दिसेम्बर नि गेजेराव जागायगोन 5 जि नेकवर्क खौ, रिलायेन्स नि गाहाय मुकेश आम्बानि आ फोसावना होदों बे सोलिनाय बोसोर नि दिवालि नि गेजेराव जागायनानै 2023 नि दिसेम्बर नि गेजेराव गासै भारत आव नो 5 जि खौ मोनहोगोन, बेनि थाखाय 2 लाख कौति रां खरसा खालामगोन, बे बोसोर नि आ मोननैसो गिदिर गिदिर सोहोर आ मोनग्रोगोन, बेल नङा 5 जि सारभिस खा बाहायनो थाखाय खम रां आव नो एनद्रइद मबाइल फन बानायनो थाखाय बो रिलायेन्त आ गोगल जों खामानि मावगासिनो होनना बो फोरमायो।

बरपेता याव माद्रासा याव जेहादि नि खामानि सोलिनाय नि थाखाय बरपेता जिला प्रसासन नि बुलदजार सोलिबाय। धाकालियापारा नि साइखुल हिन्द माहमादुल हासान जमिउल हुदा ईश्लामिक एकादेमि माद्रासा याव आयेन बादियै होखारनाय आ जायो, माद्रासा याव 2019 निफ्राय अल कायदा नि जेहादि महम्मद सुमन आ फोरोंगिरि महरै थानानै सालायलांगासिनोमोन जेहादि नि खामानि आ, बियो पुलिस जों हमजानायनि उनाव नो गासैबो सोराङाव फैदोंमोन, बेबायदि गाज्रि खामानि सोलिनाय नि थाखाय नो बे होखारनाय खामानि खौ मावो, न फोरखौ सिफायजोबना होयो।

दासिमबो दिल्लि नि गिबि मन्थ्रि आरो आसामनि गिबि मन्थ्रि नि गेजेराव दावहा या सोलिगासिनो दं, दिनै आसामनि गिबि मन्थ्रि आ भारत नि राजथावनि आ हादर नि मोनबा जानो नांगौ, मोनफ्रोमबो जन आ जानो नांगौ, दिल्लि आ जानायनि थाखाय दिल्लि नि ल जौगानाय जादों, दिल्लि आ जौगानाय आव हादरनि गुबुन गुबुन जायगा नि सुबुंनि आखायदं, गुलाहाति खौ हादर नि राजथावनि खालामनानै 10 बोसोर नि उनाव दिल्लि खौ आसाम जों रुजु, दिल्लि नि एसेबां गाज्रि सान फैबाय ना आसामजों लोगोसे रुजुनो नांगौ जादों, दिल्लि खौ निउयर्क, तकिय, लन्दन बायदि सोहोर जों रुजुनो खावलायो बिथाङा। मखजाथावदि आसामनि गिबि मन्थ्रि आरो दिल्लि नि गिबि मन्थ्रि नि गेजेराव त्वितार नि दावहा या आसाम आव फरायसालि बन्ध खालामनो लानायनि खौरां आ ओंखारनायनि उन निफ्राय नो सोलिगासिनो दं।