आसामनि हम
गार्द फोरनि थाखाय मोजां खौरां फैदों, गौहाति गोजौ बिजिरसालि नि बिथोन हम गार्द नि
भात्ता एबा बेथन खौ बारायनांगौ होनना। दानिया हम गार्द नि जवान फोरनो 9000 रां नि
सोलाय 23 रोजा होनो बिथोन बिजिरसालि नि, जौसिन बिजिरसालि नि राय बादियै सम्बारखालि
बे बिथोन खौ होयो गोजौ बिजिरसालि आ, फैगो 30 सान नि गेजेराव बिजिरसालि नि रायखौ
मावफुंनो बो बिथोन होदों, जौसिन बिजिरसालि नि बिथोन नि उनाव नो हादर नि 23 रायजो
आव बे नेम आ बाहायजाबाय। दायो आसाम सोरखार आ गोजौ बिजिरसालि नि बिथोन नि उनाव नो
हम गार्द फोरनो 9 रोजा ना सोलाय 23 रोजा खालामनायनि बेबस्था खालामबाय। गोबाव सान
निफ्राय नो बेथन खौ बारायनांगौ होनना दाबि खालामनायखौ नुनो मोनबोगासिनोमोन, दायो
बिजिरसालि आ न्याय होबाय होनना गोबाङानो बुंदों। दायो सोरखार आ सो थाबैनो
खालामनांगौ नि दाबि गोबां नि।
गावनि हारि नि
गांनाय उखैनाय खौ जाफुंनाय बादि मोनाब्ला, मोननांगौ खौ मोननाय बादि मोनाब्ला,
बेयाव बुंनायनि बयहाबो मोनथाय दं, गोदान गोदान आफाद जोनोम जानो हागौ मोनसे हारि नि
गेजेराव. सम लानानै सोरबा या सुखुगोन सोरबाया सुखुवा, बर नि गेजेराव गोदान आफाद जोनोम
जानाय आ जेबो सोमोनांथाव बाथ्रा नङा। फरायसा आफाद बो जोनोम जानो हागौ। पुलिसजों
लांजानायखौ बिथाङा सिनायजानायसो जादों होनना बुंदों, जोंबो आगोलाव गोबां बार
बेबायदि खालामजाबाय, बेफोरबायदि आ मोजां सो जादों होनना फोरमायो। गुबुनफारसे एबसु
आ बो मैया खौरां मेल खुंदोंमोन—बिथांमोना एबसु खौ मुर्दाबाद एबसु ग बेक बायदि
स्लगान होनाय फोरनि बेरेखा खौरां मेल लिंनाय जादोंमोन. ससियेल मिदिया याव नुनो
मोनदोंमोन, बेखायनो बेबायदि एबसु खौ सोंखारिनाय खौ दुखु मोननाय रागा जोंनायखौ
फोरमायदों। धर्ना सोलिबाय थानाय समाव नो गोदान दिल्लि आव पुलिसफोरा हमनानै
लांनायनि उनाव नो बे एबसु नि बेरेखा खौ बुंदोंमोन होनना गाहाय नेहाथारि खनिन्द्र
बसुमतारि बिथाङा बुंदों।
मिरु
हान्थामेला बिफान नि मन्थ्रि नितिन गादकारि आ फोसावना होनाय मोनसे फोसावनाय आ गोबां
सावरायजादों। दानिया लामा याव गोरोन्थियै लाखिना दोननाय गारि नि सावगारि हरोब्ला
बिनो 500 रां बान्था होनाय जागोन, मोनसे हाबाफारि आव बाहागो लानानै मन्थ्रि बिथाङा
साखा खब 4, बाईक आरो गुबुन गारिफोरनि सालायग्रा नि थाखाय गोनांथार फोसावनाय।
सोरखार आ थाबैनो बेनि सायाव गोदान आयेन बानायनाय नि सायाव सानदों होनना बुङो।
मन्थ्रि बिथाङा लोगोसे त्रेफिक आयेन खौ मानियैखौ होबथानो थाखाय सोरखार आ गोदान नेम
लाबोनायनि सायावबो सानदों होनना फोरमायो। राजालामा याव गोरोन्थियै गारि लाखियोब्ला
1 रोजा रां नि जरिमाना जागोन आरो बेबायदि नो बेनि सावगारि हरनो हायोब्ला 500 रां मोनगोन
होनना फोरमायो।
कार्बिआंलं जिला
नि बोकाजान आव बिलाति जौ नि सायाव सालायबाय प्रसासन नि बुलदजार, बिजेपि दैदेननाय
सोरखार आ आयेन बेरेखा यै जब्द खालामनाय 30 रोजा सो लितार बिलाति जौ नि बथल नि
सायाव बुलदजार सालायनानै फोजोबस्राङो। थांनाय सम फोराव पुलिस आरो अबकारि बिफान आ
जब्द खालामदोंमोन बेफोरखौ, बेनिनो 10,124 वितार आ ह्विस्कि आरो 20298 लितार आ
बियेर, जब्द खालामनाय गोबाङानो मेघालय आरो अरुनाशल नि, बेनि बेसेन खौ 58 लाख 39
रोजा सो होनना साननाय जादों, सासे अबकारि बिफान नि अफिसार आ बुंदों- 2018 निफ्राय 2021 नि गेजेराव आयेन बेरेखायै जौ
जब्द नि बेरेखा 19 ता गसर थिसननाय जादोंमोन, जोंनि आयेन बेरेखा जौ नि सिखाव फालांगि
नि बेरेखा दावहा या सोलिबाय थागोन।
रायजो आव
नंखाय मार्कशित आरो फोरमान बिलाय बानायनाय आ बारा जालांनो हमगासिनो नामा, बे बार
आव नंखाय मार्कसित आरो चार्तिफिकेत बानायग्रा सानैखौ हमदों पुलिसफोरा, पुलिस नि आखाय
आव हमजानाय सानै नि मुङा मईनुल हक आरो शैयद ईक्रामुल हुसेईन, नलबारि नि मझजिद सक
नि गंसे कम्पिउतार दखान निफ्राय बरपेता पुलिस आ हमो, लोगोसे बिसोरनिफ्राय नंखाय फोरमान
बिलाय बानायनायनि मुवा बेसादफोरबो मोनदों होनना मिथिना मोनदों।, मखजाथावदि बेनि
सिगाङावबो बरपेता पुलिस नि जे आव गोग्लैदोंमोन नंखाय बानायग्राफोरा। दासिम बेबायदि
गाज्रि खामानि जों सोमोनदो थानाय सा 7 खौ हमनो हादों पुलिसफोरा। बेफोरनि अनगायैबो फरायसाफोरा
बो हमजादों गोबाङानो। नायबिजिरनाय आ सोलिगासिनो दं।
मासे बोरमा खौ
लानानै बिहाव बिजामादै नि गिथावना बुलायनाय, केमेरा नि सिगाङाव नो बिल्दिं निफ्राय
बिजामादै नि बारख्लायनाय, गाज्रियै जोखोम जानाय बिजामादै खौ देहाफाहामसालि आव लाना
थाङो, गोवालपारा जिला नि जोगिघपा झाउकुरा गिबि खोन्दो आव जादों जाथाय आ, मासे
बोरमा खौ लानानै जानाय नांलायनाय खौ फोजोबनो थाखाय जामाल सरकार आरो बिनि बिजामादै
लोकमान आलि आ सावरायलायो, नाथाय बे सावरायलायनाय आव नो लोकमान आलि नि फारसे थानाय
सुबुंफोरा मोजाङै जेंना खौ फोजोबि आव रागा जोङो जामाल सरकार आ, जामाल सरकार नि
फारसे नि फोरा बिजामादै नि फारसे नि फोरखौ गाग्लोबो, बुजानायनिफ्राय बारगनो 2 थि
फ्लर निफ्राय बारना होयो बिजामादै आ, दायो जाथाय नि सायाव एजाहार होनाय जाबाय।
मध्यप्रदेश आव
मिर्चि बाबा मुंनि सासे खौ हमदों, बियो बाबा भैराग्यानन्द गिरि मुं जों बो मिथिजायो,
जिनाहारि नि जाथाय नि थाखाय नो हमजादों, एएनआई नि खौरां नि बादिब्ला पुलिसफोरा
गावनि सिङाव लांबाय दायो, भोपाल नि एसिपि निधि सक्सेना बिथांनि बादिब्ला मोनसे गसर
थिसननायनि उनाव नो नायबिजिरनाय आ जादोंमोन। आगोलनिफ्राय नो बेबायदि गोबां बाबा बुंजानायफोरा
हमजागासिनो दं।
बिहार आव
बिजेपि आरो जेदिईउ नि सोरखार आ बायमारबाय। बिजेपि नि थाखाय बेयो मोनसे गिदिर
जोखोम। मैया गिबि मन्थ्रि नितिश कुमार बिथाङा राज्यपाल खौ लोगो हमनानै गिबि
मन्थ्रि नि बिबान खौ एंगारनाय लाइजाम होयो आरो राज्यपाल आ बो बेखौ गनायना लायो,
बिबान एंगारब्लाबो नाथाय गोदान सोरखार जों लोगो जानायनि उनाव बिथाङा नो गिबि
मन्थ्रि जाफिनगोन नि खौरां मोनदों, आरजेदि नि दैदेनगिरि तेजश्वि यादब जों लोगो
जानायखौ नुनो मोनदों, बेफोरनि अनगायैबो कंग्रेस एईसएएम आरो बेरेखा दोलो फोरा लोगो
जानानै सोरखार दागोन, दायो गिबि मन्थ्रि नि बिबान आव नितिश कुमार आ थायोब्ला लेङाय
गिबि मन्थ्रि नि बिबान आव तेजश्वि यादब आ थागोन, दिनैनो गोदान गिबि मन्थ्रि महरै
समायखिरा लानो हागौ नितिश कुमार आ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon