मैया उदांश्रि सान मोन भारत नि, भारत नि गाहाय मन्थ्रि, आसामनि गिबि मन्थ्रि निफ्राय लानानै मन्थ्रि एमएलए, बितिआर नि गाहाय जों लोगोसे गोबां दैदेनगिरि बिथांमोना फिरफिला बिरहोदोंमोन, लालकिल्ला याव भारत नि गाहाय मन्थ्रि आ 9थि खेब नि थाखाय फिरफिला बिरहोदों, आसामनि गिबि मन्थ्रि आ खानापारा या उदांश्रि सान नि मिरु हाबाफारि आव फिरफिला बिरहोनानै गावनि बिबुंथि लाखिनाय आव मोननैसो गोनांथार बाथ्रा फोरा जायगा मोनदों, सोरखार आ 1 लाख गसर फोरखौ बोखारनो थिरांथा, ससियेल मिदिया याव बायदिसिना पस्त होना लानानै होजानाय 1 लाख फिसा फिसा गसर फोरखौ बोखारनायनि सोमोन्दै फोसावो गिबि मन्थ्रि आ, रायजो आव दासिमबो 4.50 लाख गसर फोरा दं, बे गसरफोरा न्याय नि खामानि आव हेंथा होदों, जायनि थाखाय जिनाहारि बुथारनाय बादि गोनांथार गसरफोनि राय होनो हायाखै, दायनिगिरिफोरा साजा मोनाखै, 1 लाख फिसा फिसा गसरफोरखौ बोखारनाय आ 2022 नि 14 आगष्त सिम नि गेजेरनि गसर फोर जागोन होनना फोसावो बिथाङा। बिथाङा लोगोसे 1 लाख साख्रि होनायनि सोमोन्दैबो बुंदोंमोन, दासिम 30 रोजा साक्रि खौ मोजाङै होबाय, 10 रोजा साख्रि सेप्तेम्बर दान आव होगोन, बेनि उनाव 3थि आरो 4थि ग्रेद नि 30 रोजा फ्राम साख्रि खौ बो होगोन होनना फोरमायो।
मैया उदांश्रि
सान आव मोननैसो जाथाय जानायनि खौरां मोनदों— रांशि नि कांकेर आर्शान्दे आव ननि सायाव
फिरफिला बिरहोनाय समावनो जायो गिथावना दुखुनांथआव जाथाय, फिरफिला बिरहोबाय थानाय
समावनो सासे बिदा आरो सानै बिनानाव नि जिउ गोमायो, मुंफोरा बिनित झा, आरति झा आरो
पुजा झा, बिनित आ लहा नि रद आव फिरफिला खौ खानाय खामानि मावगासिनोमोन, अखा नि
थाखाय न आरो लहा नि रद आ गिसि जाना दंमोन, फिरफिला लागायनाय रद आव हाई तेनशन नि
तार नांना दंमोन, बिनित नि देहा याव मोब्लिब नांनाय आव होस्रिखावना होनाय आव सानै
बिनानाव आ नायनो फैनायजों लोगोसे बासायनो नागिरनाय आव नो सानैनिबो जिउ गोमायो,
उनाव देहाफाहामसालि आव लांदोंमोनब्लाबो जिउ गोमायो होनना मिथिना मोनदों। मैया नि
दिन आव नो एनएससिएन आ आसाम रायफल नि जवान फोरखौ गाग्लोबदों। उदांश्रि सान आव
नागालेन्द नि बेरेखा संगथन आ जाहाथे जेबो गाज्रि खामानि मावनो हाया बेनि थाखाय
आसाम रायफल्स नि जवानफोरा मन जिला याव नायबिजिरनाय समाव नो जायो जाथाय आ, बेयावनो
जोखोम जायो सानै जवान फोरा, गिबि आव एनएससिएन नि दोलो आ गावग्रोदोंमोन गुलि, बेनि
उनाव आसाम रायफल्स नि जवानफोरनि बो फिननाय होनाय आव गोबां एनएससिएन नि उदखारिफोरा
बो जोखोम जादों होनना मिथिना मोनदों।
पलासबारि नि
उपारहालि आव माहारियारि फिरफिला खौ बोख्लायनो थांनाय आव नो मोब्लिब बोगथाबजानानै
सासे सुबुं नि जिउ गोमायो। पलाससबारि उपरहालि आव थानाय बिजेपि एमएलए हेमांग
थाकुरिया नि मावखुलि आव जादों, बेलासि समाव बोख्लायनो थांनाय आव नो जितुमनि
थाकुरिया मुंनि सुबुं नि जिउ गोमायो। फिरफिला बिरहोनायनि खाथिथार आव नो दंमोन
मोब्लिब लांनाय तार, लोगो लोगो देहाफाहामसालि आव लांनाय जादोंमोनब्लाबो जिउ
गोमायो।
शिबसागर आव
उदांश्रि सान आव आलफा नि फिरफिला बिरहोनायसो नुनो मोनदों, दिमौ नि सुकाफा नगर नि
गंसे दखान आव बेखौ नुनो मोनदोंमोन, पुलिसफोरा थांनानै उनाव बेखौ बोखारो, मखजाथावदि
बे सान खौ आलफा उदां आ बन्ध फोसावदोंमोन आरो उदांश्रि सान खौ फालियैनि हुमखि
होदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon