जिबौ सौजाना
जिउ गोमानाय आयजो खौ दैमा याव थालिर बिफां नि नाउ बानायना हगारना हरबाय। जाथाय आ
आसाम नि नो। उन्दुना थानाय समाव नो जिबौ आ सौनाय एबा अरनाय आव सासे आयजो नि जिउ गोमाबाय,
नलबारि नि बरभाग नि मौरा याव जादों जाथाय आ, थैनाय आयजो नि मुं खौ माकनि कलिता
होनना मिथिना मोनदों, बृहस्पतिबार नि बेलासि समाव उन्दुना थानाय समाव नो बिष गोनां
जिबौ आ सौदोंमोन, बेनि उनाव लोगो लोगो नलबारि सिभिल देहाफाहामसालि आव लाना
थांदोंमोनब्लाबो देहा नि अबस्था या गाज्रि जानाय आव देहाफाहामगिरि आ दिएमसिएइस आव
लाना थाङो, जिएमसिएइस आव सान 3 फाहामथाय होनाय नि उनाव मैया सम्बारखालि जिउ गोमायो,
गुबुनफारसे आयजो नि गोथै देहा खौ सावनाय नि सोलाय नखर नि सुबुं फोरा बुरलुंबुथुर
दैमा याव सो हगारना हरो, आगोलनि समाव बेबायदि खौ फोथायनाय खोनायोमोन, बे हिसाबै नो
मुकालमुवा याव बुरलुंबुथुर दैमा नि कापलाबरि निफ्राय थालिर बिफां नि नाउ बानायनानै
बेयावनो गोथै देहा खौ दोननानै दैमा याव हगारहरो।
बर फिसा
हलिसरन नार्जारि आ सोलिबाय थानाय दुरान्द काप नि हायदाराबाद एफसि नि गिबि गेलेनाय
आव गल होदों, ईम्फल आव जानाय गेलेनाय आव हायदाराबाद आ हलिसरन नि 17 मिनित आव होनाय
गल आरो 52 थि मिनित आव बरजा हेर्रेरा नि होनाय गल जों 2-0 गल आव देरहायो TRAU FC नि
बेरेखा, गिबि आव बेरेखा दोलो आ मोजां गेलेनो हादोंमोनब्लाबो नाथाय हलिचरन नि गल नि
उनाव नो सोलायलाङो। दायो 26 आगस्त खालि चेन्नाईयान नि बेरेखा गेलेगोन हायदाराबाद
आ, बे एखे स्तेदियाम आव नो।
लक्षिमपुर मेदिकेल कलेज एन्द हस्पितेल
आव बेरामि निफ्राय रां लानाय सानै तेकनिसियान खौ सासपेन्द खालामबाय। बेखेवनाय नि
उननिफ्राय नो गोबां बायदिसिना मुं मोनबोनाय लक्षिमपुर मेदिकेल कलेज एन्द हस्पितेल
आव बे बार आव सिति स्केन नि मुङाव रां लानाय आ सोराङाव फैदों, जेनेरेतर आव थाव
गैयि नि थाखाय गोर्बो आव थानाय आयजो नि जिउ गोमानाय, वाल आ गावस्रालांनाय बायदि जाथाय
फोर जादोंमोन आगोलाव। रबिबारखालि हेमलता शइकिया आरो उर्मिला दास मुंनि सानै बेरामि
निफ्राय 1600 रां लादोंमोन, नाथाय रां खौ लादोंमोनब्लाबो बेनि रशिद होआसै, उनाव
रां खौ मानो लादों होनना सोंनाय आव सिति स्केन आव गोनां जानाय मुलि नि आंखाल नि
थाखाय लादों होनना बुङो, बेनि उनाव नो दावराव जायो, बेखौ नुनानै देहाफाहामसालि नि
बिबानगिरिफोरा रां खौ होफिनो उर्मिला दास नो, नाथाय रां खौ मोनफिनासै हेमलता सइकिया
नि नखर आ, मखजाथावदि देहाफाहामसालि नि सिति स्केन खौ स्पन्दन नि मोनसे फसंथान आ
सालायो, बे रां लानाय खौरां आ फोसावजानायनि उनाव नो बिबान आव थानाय धैर्य गोहाय
आरो तुलतुल दास खौ सासपेन्द खालामबाय होनना मिथिना मोनदों।
सांग्रां जा,
नंखाय जानो हागौ नोंथां नि आधार कार्द आ बो। चिरां जिला नि बिजनि थाना नि सिंनि
बाताबारि आव सम्बारखालि बेलासि समाव पुलिस आ नायबिजिरनानै मोनसे नंखाय आधार
बानायनाय मिरु बोखांदों, बाताबारि नि उदय दास नि न आव बाक्सा जिला नि घोरामारा नि
प्रसेन्जित बर्मन नि मदद आव सासे सिनायमोनि सुबुं आ गोबाव सान सिगां निफ्राय नो
नंखाय आधार सेन्तार खौ सालायबोगासिनोमोन। मोनफ्रोमबो आधार कार्द बानायनानै
प्रिन्त खालामनाय नि मुङाव 1 रोजा रां लादोंमोन, मैया पुलिसफोरा बे खौरां खौ मोननानै
नायबिजिरनाय आव नो खारखुमायो सानैबो, पुलिसफोरा बिसोरनि न निफ्राय गंसे लेपतप,
प्रिन्तार, स्केनार आरो आधार बानायग्रा मेसिन बो मोनदों होनना मिथिना मोनदों, दायो
बेफोर गासैखौबो थाना याव लाना थांबाय आरो खारखुमानायफोरखौ नागिरगासिनो।
मैया 22 आगष्ट, 2022 खालाराव
एबसुनि आफादगिरि मुस्रि दिपेन बर'नि दैदेननाय मोनसे हान्जाया बियाब दाफाम आइन (Delimitation Act) 2002 नेमखान्थिनि
गेजेरजों 2001 मायथाइनि
सुबुं सानखोखौ बिथा खालामनानै सा-सानजा भारतनि मोनब्रै रायजोफोर जेरै आसाम, अरुनाचल
प्रदेश, नागालेणड, मानिपुराव
गोदानै थाबैनो बियाब मावफुंनांगौनि थाखाय एबसुआ गुबैयै मोनथाम गाहाइ आयदाफोरखौ
लानानै गोदान दिल्लीआव बिसायखथि आयगनो गोसोखांलाइ गथायनाय जायो। भारत
संबिजिरनि दथि फारिलाइनि सिङाव बि.टि.आर. गोरोबथा खालामनाय बायदियै क'क्राझार लकसभा
आरो आसाम एसेमब्लिआवबो बियाब दाफामनायाव जुनियायै लाखिनाय (Reservation) खौ बि.टि.चि.
नि दथि फारिलाइनि नेमखान्थि बायदियैनो मावफुंनो थाखाय भारतनि बिसायखथि आयगखौ
गोसोखां बिलाइ गथायनायनि गेजेरजों खावलायो। मख'नो गोनांदि 2020 माइथायाव
बि.टि.आर. गोरोबथानि गेजेरजों बि.टि.चि.नि दथि फारिलाइ काउन्सिल लेजिसलेथिप
एसेमब्लिनि बियाबफोरखौ
बारायनाय आरो गोदानै दाफुंजानाय बि.के.डाब्लिउ.ए.चि. नि बियाबफोरखौबो थाबैनो
दाफुंनायनि गेजेरजों आबुंङै मावफुंनानै होनो थाखाय भारतनि बिसायखथि आयगनि गाहाइ
बिसायखथि आयगगिरिनो गोसोखां बिलाइ गथायो। गोसोखां बिलाइ
गथायनायावनो आफादगिरिजों लोगोसे लोगो आफादगिरि मुस्रि खोरोमदाव वारी आरो गाहाइ
नेहाथारि मुस्रि खनिन्द्र बसुमतारी बिथांमोना बाहागो लायो।
गुवाहाति आव
मोनसे सोमोनांथाव जाथाय, पेयिं गेस्त आव जादों जाथाय, गावनि मोजां मोननाय खौ भिदिअ
कल खालामनानै गावखौनो बुथारना लाबाय सासे सोनाब बंग नि हिनजावसा या, गुवाहाति नि हरबाला
लामा याव जादों, पेयिं गेस्त हाउस नि बाथरुम आव हिनजावसा खौ फासि लाना थैनाय हालोद
आव मोनो, हिनजावसा नि मुङा शर्मिस्था घोस, गुवाहाति आव नार्शिं फरायनो फैदोंमोन,
बिनि न आ सोनाब बंग नि आलिपुरदुवार आव, बोसोरसे जाबाय पेयिं गेस्त महरै थानाय आ,
दायो पल्तन बाजार पुलिस आ जाथायसालि आव थांनानै गोथै देहा खौ पस्तमर्तेम नि थाखाय
लांबाय आरो बिनि मबाइल खौ लानानै नायबिजिरनायखौ जागायबाय
सोमोनांथाव
जाथाय, 1500 रां ल नि थाखाय दोलो जानानै जिनाहारि नि नंखाय अजद सा 5 सेंग्राफोरनि
बेरेखा। आसाम आव नो जादों, सासे आयजो आ 1500 रां नि थाखाय नो नंखाय गसर
थिसनदोंमोन, हायलाकान्दि जिला याव जानाय जाथाय नि सायाव नायबिजिरनानै दायो बेनि
दाय आव सानै खौ पुलिसफोरा हमबाय, सानै खौ हमनायनि उनाव सोंनाय आव मिथिना मोनबाय
गुबै जाथाय आ मा, गावसोरनि गेजेराव नांलायनाय एबा गोरोबलायि नि थाखाय नो बेखौ
खालामदोंमोन, रां नि लोब दिन्थिनानै सासे आयजो खौ सा 5 सुबुंफोरनि बेरेखा जिनाहारि
नि नंखाय अजद होनो होयो पुलिस नो, बे हिसाबै नो आयजो आ बो नंखाय गसर खौ होदोंमोन,
हमजानाय सानै सेंग्राफोरनि मुङा निजाम उदिदन बरभुया आरो आलताफ हुसेइन लस्कर,
थांनाय 28 मे आव नो गसर आ थिसनजादोंमोन, नाथाय गसर थिसननायनि उनाव गासैबो जाथाय खौ
मोजाङै बुंनो हायासै, गोबां बार सोलायदोंमोन आयजो आ, उनाव प्लेन बादियै जायि आव
आयजो आ बिजिरसालि आव जिनाहारि खालामजायाखैमोन, रां नि लोब आव सो बेबायदि खालामबाय
होनना बुङो, लोगोसे बेबायदि खालामनाय आव सोरनि आखाय दं बेखौबो खोन्थाना होयो, लोगो
लोगो बिसोर सानै खौ हमनो बिथोन होयो होनना मिथिना मोनदों।
फैगासिनो दं 20 रोजा कौति रां जों
बानायनाय बिक्रान्त आ, हादर आव नो बानायनाय गिदिर दावहा नि जाहाज खौ भारत नि नेभि
नो थाबैनो होनाय जासिगोन, 2 सेप्तेम्बर आव होनो हागौ होनना मिथिना मोनदों। दायो
भारत आ बो मोनसे जासिगोन गुबुन हादरफोरबायदि नो जाय गावनो बेफोरबायदि बानायनो हायो,
नेभि आव सोनो गोनां बिक्रान्त नि लिरथाय आ 40 रोजा तन, बेयाव 30 ता बिरखं थिसननाय
जादों, बेनि गेजेराव दं मिग 29 के, कामोभ 31 आरो एम एइस 60 आर हेलिकप्तार, बिक्रान्त
आव 2 रोजा 300 नि बो बारा कम्पार्तमेन्त दं, जायखौ 1700 सो सुबुंफोरनि थाखाय
दिजाईन खालामनाय जादों. आयजो अफिसारफोरनि थाखाय स्पेशियेल केबिन बो दं। बिक्रान्त
नि बानायनाय खामानि आव 2009 मायथाइ निफ्राय नो जागायदोंमोन, दायो जाजोबबाय आरो 2
सेप्तेम्बर आव नेभि नो गथायनाय जासिगोन।
हादर आव बेकार नि अनजिमा या बारा
जालांगासिनो दं, सि तेत, बि तेत पास खआलामनायनि उनाव बो साख्रि मोनि नि थाखाय
धर्ना गोबां पास जानाय फोरनि, धर्ना होग्राफोरखौ होसो होसो बुदों पुलिसफोरा, जाथाय
आ बिहार नि, गोबां सुबुंफोरा नो जोकोम जादों होनना मिथिना मोनदों, फोरोंगिरि नि
साख्रि थसननाय नि 7थि थाखो नि दाबि आव गासै बिहार आव निफ्राय राजधानि पातना याव ज
जादोंमोन, बेयावनो गोबां धर्ना होनाय सुबुंफोरखौ बुयो। बिहार आव गोबाव सम निफ्राय
नो बे दाबि फोरखौ खालामगासिनो, सोरखार बेरेखा स्लगानफोर होदोंमोन, माहारियारि
फिरफिला खौ लानानै धर्ना होनायफोरखौ बो बुनायनि खौरां मोनदों.
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon