1) 15 आगष्त खालि आसाम बन्ध फोसावदों आलफा या। बे बोसोर नि उदांश्रि सान खौ गारनाय एबा एंगारनायनि खावलायनायजों लोगोसे फैगो 15 आगष्त आव बन्ध फोसावदों, खौरां मोननाय बादिब्ला बन्ध आ 14 आगष्त नि हर गेजेर निफ्राय जागोन आरो बेयो 15 आगष्त नि मोनाबिलि नि 6 बाजि सिम जागोन होनना फोसावदो आलफा या, आलफा, एनएससिएन आरो जिपिआरएन नि लोगोसे फोसावनाय फोसावनाय आव गोनांथार सारभिस, खौरां बिजों, धोरोमारि हाबाफारिफोरखौ बे बन्ध निफ्राय रेहाय होदों, मखजाथावदि परेश बरुवा नि दैदेननाय आलफा या थांनाय बोसोर आव फोसावदोंमोनदि 40 बोसोर नि उनाव उदांश्रि सान नि सायाव बन्ध फोसावनाय जायाखैमोन, नाथाय बे बोसोर आव फिन बन्ध फोसावबाय।
5) मोजां मोननाय आ खानाः मोजां मोननाय सुबुं नि थाखाय सिखाव खालामनो थांनानै हमजाबाय सासे मोजां मोनग्रा सिखाव। मोजां मोननाय नि थाखाय अखाफोर हाथरखि लाबोनो बो थियारि नामा, मोजां मोननाय आ जा बियो बेखौ होनो थाखाय गासैबो खामानि खौ मावगोन नामा, गुवाहाति आव पुलिस नि जे आव बेबायदि नो सासे मोजां मोनग्रा, आखाय आव रां गैया, मोजां मोननो गोसो, मोजां मोननायनि थाखाय सिखाव खालामनो बो थांबाय, गुवाहाति नि चान्दमारि पुलिस आ हमबाय बामुनिमैदाम नि बिश्वजित सुत्रधर उरफे तिकला गाहरि आरो ज्योतिनगर नि बाबुल आलि मुंनि सानै सिखाव खौ, मखजाथावदि थांनाय 25 जुलाई आव सासे नि न आ सान आव नो सिखआव जादोंमोन, बेनि उनाव ननि बिगोमा या थाना याव अजद होनाय आव नायबिजिरनानै दायो बिसोर सानैखौ हमनो हायो। सिसितिभि आव नुनानै हमो, उनाव पुलिसफोरा सोंनाय आव मोजां मोननाय नि थाखाय नो खालामदोंमोन होनना बुंना लायो बिश्वजित आ।
7) मोनसे गुमुर बर' हारिमुआव जोहोलाव निलेस्वर ब्रह्मनि बिहोमा आरो बिथांनि देंखोखौ गोजोर खालामनायनि थांखिजों बि.टि. आर . सरकार आरो बर' माहारिफोरनि बानजायनायाव मोनसे सावरायनायजों लोगोसे हारिमु दिन्थिफुंनाय । Refinery Club Cum Community Centre (RCCC), IOCL,BRPL Township,Chirang आव बि. टि. आर . सरकारजों खुंफुंजानाय जोहोलाव निलेस्वर ब्रह्मनि देंखोनि गाथोनाव: मोनसे गुमुर हाबाफारियाव आलारि बाथिखौ फोजोंजेनदोंमोन मिरु दुलाराय बर'फरायसा आफादनि नेहाथारि- रंगिना बरगयारीआ आरो हाबाफारिखौ बेखेवजेनदोंमोन मानाव गेदेद - लरेन्स इस्लारि, एम.एल.ए बिथाङा। बे हाबाफारियावनो बि.टि.आर. गाहाइ मावफुं सोद्रोमा मानाव गेदेद- प्रमद बर', आसाम बिदानसबानि बुंथिगिरि- बिस्वजित दैमारी, एम.एल.ए. बिथांमोन, इ.एम. बिथांमोन, एम.चि.एल.ए. बिथांमोन आरो मिरु दुलाराय बर'फरायसा आफादनि थुनलाइ नेहाथारि- समित नार्जारी, लोगो थुनलाइ नेहाथारि-मनिराम बरगयारी आरो मावख' नेहाथारि बुध्दिराम बसुमतारी बिथांमोनहाबो बाहागो लायो आरो गोबां बुध्दिजिबि आरो रायजो राजाफोराबो बाहागो लायो।
8) फैगो सप्तासे पेलेस्ताईन खौ गाग्लोबगोन नि हुमखि ईजराईल नि। सानजा एसिया याव चिन ताईवान, सोनाब एसिया याव ईजराईल आरो पेलेस्ताईन नि दावहा, खौरां मोननाय बादिब्ला पेलेस्ताईन खौ गाग्लोबदों ईजराईल आ, बम गावहरदों, जेराव सा 15 उदखारिफोरनि जिउ गोमादों, मखजाथावदि ईजराईल आव गोबां बम गावहरदोंमोन उदखारिफोरा, बेनि बेरेखायैनो फैगो सप्तासे पेलेस्ताईन खौ गाग्लोबगोन होनना बुंदों।
9) मैया बारहिंघाम आव सोलिबाय थानाय कमनवेल्थ गेम्स नि 9 थि सान मोन, 9 थि सान आव बो भारत आ गोबां मेदेल मोननो हादों, 8 थि सान आव मोन 3 सना मोनखादोंमोन, मैया सानसे आव नो 14 ता मेदेल मोनदों, रेस्त्लिं आव भिनेश फगात, रबि दाहिया आरो नबिन आ सना मोनदों, पेरा तेबल तेनिस आव भाबिना पेतेल आ मोनदों सना, मोननैसो गेलेनाय आव मेदेल मोनगोन आ रोखा जाखाबाय भारत नि आ, बक्सिं निफ्राय मोजां खौरां फैगोन, 48, 50, 51 आरो 93 केजि नि आव फाईनेल मोननो हाबाय गेलेगिरिफोरा, मोन 4 मेदेल फैगोन आ रोखा, तेबोल तेनिस आव हौवासाफोरनि दाबल आरो मिक्स दाबल आ फाईनेल मोनबाय, क्रिकेत आव आय़जो नि दोलो आ फाईनेल मोनबाय। हकि आव हौवा फोरनि दोलो आ फाईनेल मोनबाय, खमावनो 8 ता मेदेल मोनगोन आ रोखा, जेनोब्लाबो सिलभार खौ मोनखागोन, बेफोरनि अनगायैबो खारनाय आव आयजोफोरनि 400 मितार आव फाईनेल मोनदों, बेदमिन्तन आव सा 3 गेलेगिरिफोरा सेमिफाईनेल सिम मोनहैबाय। भारत आ दासिम 40 ता मेदेलजों 5 थि नम्बर आव दं फारिलाय आव, बेनिनो 13 आ सना, 11 आ सिलभार आरो 16 आ ब्रन्ज।
10) आसाम केबिनेटआ सोलोंथाइनि सायाव लानाय थांखि आरो बि.टि.आर. गोरोबथानि 6.3 दफा मावफुंनायनि सायाव सुबुं सांग्रांथि मेल लानाया मैया 5थि सानाव सनितपुर जिल्लानि बेन्दोंङाव थानाय रांगापारा माइनावस्रियाव थानाय बिहुराम बर' गेजेर आरो गोजौ फरायसालियाव बर' थुनलाइ आफाद आरो दुलाराय बर' फरायसा आफादनि जथाइ बानजाइनायाव जानानै थाङो । बर' थुनलाइ आफादनि लोगो आफादगिरि मुस्रि सिताराम बसुमतारीया मासि लानानै दैदेननाय सांग्रांथि मेलनि गुबै थांखिखौ बेखेवनानै होयो बर' थुनलाइ आफादनि गाहाइ नेहाथारी मानगोनां मुस्रि प्रसान्त बर'या । गाहाइ बुंथिगिरि महरै बाहागो लायो मिरु एबसुनि लोगो आफादगिरि मानगोनां मुस्रि खोरोमदाव वारीया । गाहाइ बुंथिगिरि महरै बाहागो लानानै एबसुनि लोगो आफादगिरि मानगोनां मुस्रि खोरोमदाव वारीया सरकारा बर' आरो असमिया बिजोंजों लोगोसे गुबुन गुबुन बिजोंङाव बिगियान आरो सानखान्थिखौ थाखो 3 निफ्राइ थाखो 12 सिम इंराजि बिजोंजों इंराजियावनो फोरोंथाइ होनानै बर' बिजिंजों लोगोसे हारिनि सिनायथिखौ फोजोबनो नागिरनायखौ एबसुआ माब्लाबाबो गनायनाय नङा होननानै रोखा खालामनानै होयो । लोगोसेनो सरकारनि नितिया थांनानै थानाय रावफोरखौ फोथांनासो दोननाय जानांगौ फोजोबस्रांनाय जानाङा होननानै गावनि बिबुंथियाव दाजाबदेरनानै बुंबावो । बे सांग्रांथि मेलावनो बर' थुनलाइ आफादनि नेहाथारि मुस्रि हरेस्वर नार्जारीयाबो बुंथिगिरि महरै बाहागो लायो । सांग्रांथि मेलाव जिल्लानि सिंङाव थानाय फोरोंगिरि, मेलेमजिबिफोर आरो राइजो राजाफोरा मैखोमैनो बाहागो लायो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon