बे बोसोर आव
आसाम आव दैबाना याव गोबां सुबुंफोरनि गोबां खहा जादोंमोन, दैबाना याव खहा
जाजानायफोरनो दैबाना नि मदद खौ होनायनि बाथ्रा फोसावो आसामनि गिबि मन्थ्रि आ, जनता
भवन आ जानाय खौरां मेल नि गेजेरजों मैया 2 लाख 43 रोजा 48 सुबुंनि न आ आबुङै खहा
जादों, काछार आव बांसिन 81538 सुबुंफोर, करिमगन्ज आव 28368 नि खहा जादों, 5185 ता
न आ आबुङै खहा जादों दैबाना याव, मदद नि थाखाय 100 कौति 10 लाख रां दिहुनना होदों सोरखार
आ। मैया सान नि 12.30 आव DBT नि गेजेरजों एकाउन्त आव हाबगोन होनना
बुंदोंमोन, गिबि आव 1 रां यै सोना नायगोन भेरिफाई नि मुङाव, मैया गासै 1 लाख 39
रोजा 98 ता बेंक एकाउन्त आव हाबगोन रां आ, गुबुनफारसे दैबानायाव गासैखौबो खोमाना लानाय
आरो दायो माथाउरि आव थआनाय 309 नखर नो सेप्तेम्बर दान आव गिबि मन्थ्रि नि मदद
निफ्राय 1 लाख रां यै होनाय जागोन होनना फोसावो।
रायजो आव मैयानिफ्राय जागायबाय अरुनुदय
दान. बे बिथांखि नि गेजेरजों रांखान्थियारि बिथिं आव उन जाना थानाय आयजोफोरनि मुलाम्फा
नि थांखि जों मैया निफ्राय 1 दान मोननाय न न थांनानै नायबिजिरग्रा दोलो आ मोननाय
नि मुं, जायगा आरो गुबुन गोनां फोरा जादों ना जायाखै आनजाद खालामगोन, जनता भवन
निफ्राय गिबि मन्थ्रि आ बेखौ बेखेवो आरो सा 15 मन्थ्रि आ 15 जिला याव बेखौ हाबाफारि
खौ बेखेवो, मखजाथावदि अरुनुदय बिथांखि आव रायजो आव दासिम गासै 20 लाख आयजोफोरखौ
लानाय जादों, दानफ्रोमबो10 खालार आव 1000 रां यै सोना होनाय़ जायो एकाउन्त आव,
नाथाय दायो रां खौ बारायनाय जाबाय, 1250 रां यै मोननाय जासिगोन दानफ्रोमबो, लोगोसे
जायफोरा अरुनुदय नि रां खौ मोनदों बिसोर सोरबा गावनि मुं खौ गोसोबादियै दाननो
गोसोब्ला गोरलैयै नो दाननो हागोन होनना बुंदों बिथाङा, जायफोरनो बे रां नि गोनांथि
गैआ बिसोर ORUNODOI.IN आव थांनानै नङाब्ला जिला बेंगिरि,
सार्कल अफिसार नि मावखुलि आव आरजलाय होनो हागोन होनना बो फोरमायो गिबि मन्थ्रि आ,
दासिम 400 नि बारा सुबुंफोरा गावनि मुं खौ लाफिनदों होनना मिथिना मोनदों।
दिनै ग्रेद 4 नि आनजाद आ जागोन रायजो
नि गोबां जिला फोराव नो, आनजाद होगिरि आ एदमित कार्द, बल पेम, फत आईदि आरो देबित,
क्रेदित कार्द नि बादै जेबो लांनो मोननाय नङा आनजाद नि मिरु आव, बेफोरनि बादै गुबुन
माबाफोर लाङोब्ला आनजाद खौ होनो मोननाय नङा एबा दानजानो हागौ, गासैखौबो बिथांमोना
एदमित कार्द आव नो लिरना होखादों, मखजाथावदि दिनैनि ग्रेद 4 नि आनजाद नि थाखाय
आनजाद मिरु निफ्राय लानानै 100 मितार सो गोजान सिम ईन्तारनेत खौ बन्ध खालामना
होगोन होनना खौरां मोनदों, दिनै बन्ध खालामनायजों लोगोसे फैगो 28 आगस्त खालि जानो
गोनां ग्रेद 3 नि आनजाद आव बो खालामगोन आरो 11 सेप्तेम्बर खालि बो खालामगोन होनना
खौरां मोनदों। ईन्तारनेत बन्ध खालामनायनि गुबै जाहोन खौ गाज्रि खामानि होबथानाय
सोंनाय बिलाय लिक जायि बायदि बायदि नि थाखाय खालामदों होनना खौरां मोनदों।
गाहाय मन्थ्रि
जानायनि सिमां एमपि नब शरनिया नि, रायजोफोरा लुबैयोब्ला गाहाय मन्थ्रि निख्रुयबो
गिदिर मासि लानो थियारि जाना दं एमपि बिथाङा, बिजेपि बेरेखा बोलो खौ लोगोसे खालामनानै
2024 नि लोकशभा बिसायखति आव गाहाय मन्थ्रि नि मासि नि दाबिदार जागोन नामा एमपि
बिथाङा, शनिबारखालि मुशलपुर आव खौरांगिरिफोरनि सिगाङाव बुंदों 2024 नि बिसायखथि आव
बिजेपि बेरेखा दोलो जों लोगो जागोन होनना, खौरांगिरिफोरा बिथांखो बिजेपि आव हाबगोन
नामा होनना सोंनाय आव हाबा होनना रोखा खालामना होदों, आसाम नि खौ नायोब्ला लोकशभा
बिसायखथि आव कक्राझार जों लोगोसे मंगलदै बियाब खौ जिएसपि नि हगारना होयोब्ला मोननै
आव बो देरहागोन होनना फोरमायो, कंग्रेस आ मोन 4 मासि देरहागोन, बिजेपि नि अनजिमा
या बारा जालांब्लाबो कक्राझार बियाब आव नब सरनिया खौ हिलायनो एबा फोस्रिनो हाया
होनना बो बुङो
थांनाय 17
आगस्त खालि उदालगुरि जिला नि माजबात नि निजोरा ओनसोल नि कमलाबारि आव नखरसे नि नो
सा 3 बर सुबुं खौ हाग्रा नि मैदेर आ गाग्लोबनानै बुथारना गालांदोंमोन, उन्दुना
थानाय समाव नो गाग्लोबनानै बुथारना गालांदोंमोन, सा 4 सुबुंफोरनि नखर आव सासे ल 7
बोसोर बैसो नि उन्दै हिनजावसा निजोरा बसुमतारि आ ल सो बारगदोंमोन, बे जाथायनि उनाव
सनिबारखालि निजोरा नि खाथि आव थांदों बितिसि नि गाहाय प्रमद बर बिथाङा, निजोरा नि
न आव थांनानै खहा सुफुंनाय नि बाथ्रा फोसावो बिथाङा, मैया बितिसि सोरखार नि ईएम
रन्जित बसुमतारि बिथाङा बो थांनानै खौरां लाहैदों, रायजोफोरखौ मैदेर थांलाय फैलाय
खालामनाय लामा एबा एलिफेन करिदर फोराव न लुनो नाङा होनना खावलायो रायजोफोरखौ आरो
थैनायनि नखरनो सासे आव 4 लाख रांयै रां नि अनसुंथाय होगोन होनना फोसावो, बिथाङा
लोगोसे बेबायदि मैदैर नि उदखार आ बारा जालांनायखौ होबथानायनि राहा लागोन होनना
फोरमायो, रांबावजा जथुम आव 200 किमि सलार नि फेन्सिं बाउन्दारि होनायनि बाजेत
लानाय जागोन होनना बो फोरमायो। मैया निजोरा नि न आव थांनायनि उनाव गोबां फरायसालि
फोरखौ नायहैयो बितिसि नि गाहाय बिथाङा, सोलोंथाय बेबस्था नि खौरां लायो होनना
खौरां मोनदों।
नंखाय पुलिस
नङा, बे बार आव जे आव नंखाय सिबिआई, गावखौनो सिबिआई होनना बुंना लानानै सासे सुबुं
निफ्राय 2 लाख रां दाबि खालामनानै गोजा न नि आलासि जायो सा 2 थगायग्रा फोरा,
करिमगन्ज पुलिस नि जे आव दायो, सानै हमजानायनि मुङा राताबारि नि सागिखावरि नि
दिलोवार हुसेइन आरो पाथारकान्दि नि सेरागि नि रशिद आहमेद, सेरागि नि गंसे
रेस्तुरेन्त नि बिगोमा रशिद आ बे जाथाय नि मास्तारमाइन्द, दायो पुलिसफोरा हमनानै
सोंगासिनो दं होनना खौरां मोनदों।
मिथिंगा नि
गिथावना महर, हरखाब फैनाय दैबाना आरो हा गिसिखानाय नि थाखाय सा 22 सुबुंफोरनि जिउ
गोमानायजों लोगोसे दासिमबो गोबां सुबुंफोरा नो गोमाना थानायनि खौरां, हिमासल
प्रदेश आव मैया मिथिंगा या गाज्रि महर लादों, जोमै बेरफ्रुनाय नि थाखाय हरखाब
दैबाना जानाय आव नो जायो जाथाय आ, अखा या बो हागासिनो रायजो आव, नखरसे नि नो सा 8
नि जिउ गोमानायनि खौरां मोनदों, रायजो नि मान्दि, कारां आरो सम्बा जिला फोराव
बांसिन खहा जादों, बेयो हाजो ओनसोल नि जिला, 743 लामा फोरखौ बन्ध खालामना दोननो
गोनां जादों।
रायजो आव
बुथारनाय जाथाय आ बारा जालांनो हमगासिनो दं, दायनिगिरिफोरनि बेरेखा गोरा एक्सन
लादोंब्लाबो दाय मावनाय आ जोबनो नो थाङा, सोलिबाय थानाय बोसोर आव गिबि 6 दान आव
496 बुथारनाय जाथाय जादों, गिबि जानुवारि निफ्राय लानानै 30 जुन सिम आसाम आव 496,
सोमोनांथाव, आगोलनि खौ सानना नायोब्ला थांनाय 10 बोसोर आव 2012 निफ्राय 2022 नि 30
जुन सिम 13,290 ता बुथारनाय जाथाय जादों, बेनिनो थांनाय बोसोर नि खौ ल लायोब्ला
गासै 1185 बुथारनाय जाथाय जादों, जिला हिसाबै नायोब्ला शनितपुर आव नो बांसिन
जादों, गासै 38 ता बुथारनाय जाथाय, बितिआर नि जिला फोरनि खौ नायोब्ला कक्राझार आव
15, तामुलपुर आव 10, सिरां आव 7 आरो बाक्सा याव मोन 4 जाथाय जादों होनना मिथिना
मोनदों
उदालगुरि जौमा
फरायसालियाव दिनै बर' फरायसा थुनलाइ आफाद लोगोसे उदालगुरि जौमा फरायसालि दालाइसा दुलाराय बर' फरायसा आफादनि
जथायै बानजायनायाव खुंगा 16थि बर' फरायसा बराय
फोरबो हाबाफारि खुंफंनाय जायो।बे हाबाफारिनि मेलखौ बेखेवनानै होयो इउ.एन.एकादेमि
नि गोरायुं सोमदोन बसुमतारी बिथाङा। बे हाबाफारियाव
मिरु दुलाराय बर' फरायसा आफादनि
आफादगिरि मानगोनां मुस्रि दिपेन बर' बिथाङा बाहागो लानानै गासैबो फरायसाफोरखौ गोसो
हमथानानै गोब्राब नाजानायनि गेजेरजों गोजौ सोलोंथाइ लानो थाखाय खावलायो। गोब्राब
नाजानाय आरो गावखौ फोथायनाय थायोब्लासो सासे फरायसाया गावनि जिउनि थांखिखौ
मोनफुंनो हायो, जायहा नाजानाय
गैया बेहा जाफुंसारनायबो गैया होन्नानै बुङो एबसुनि आफादगिरि बिथाङा। लोगोसेनो
साफ्रोमबो फरायसाया गावनि गोजौ सोलोंथाइ लानायजों गावखौ गसंथानायजों लोगोसेनो
माहारि जौगानायनि
थाखायबो हाबा मावनो गोनां दं होननानै बुंथिबावो, मानोना दिनैनि
सासे फरायसायानो गामोननि सासे गोख्रों दैदेनगिरि, फोरोंगिरि, राजखान्थिगिरि, सोलोंथाइगिरि, समाज सिबियारी
जानानै गामिनि, समाजनि, ओनसोलनि, राज्योनि आरो
हादरनि थाखाय हाबा मावनो गोनां दं होन्नानैबो बुङो दिपेन बर'आ। हाबाफारियावनो
जर'खा आलासि महरै बाहागो लायो
उदालगुरि जिल्ला एबसुनि लोगो आफादगिरि करनिलुइय दैमारि बिथांजों लोगोसे गोबां
बिबुंगिरि, समाज सिबियारी
आरो फरायसा बिथांमोना बाहागो लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon