जिबौ नि रागा,
जिबौ सौजानाय एबा अरजानाय बिदा नि जोबथा बिदाय नि हाबाफारि आव बाहागो लानो फौनानै
जिउ गोमाबाय फंबाय नि बो। उत्तर प्रदेश नि भवानिपुर आव जादों दुखुनांथाव जाथाय।
मिथिना मोननाय बादिब्ला भवानिपुर नि थागिबि अरबिन्द मिश्रा या जिबौजों सौजानायाव
थैदोंमोन, बिनि खौरां मोननानै फंबाय गोबिन्द आ जोबथा बिदाय आव बाहागो लानो फैदोंमोन,
बे हाबाफारि नि हर आव उन्दुना थानाय समाव नो जिबौ आ सौनानै बुथारना गालाङो बिखौबो,
लोगो लोगो देहाफाहामसालि आव लांदोंमोनब्लाबो जिउ गोमाबाय होनना मिथिना मोनदों, बेल
नङा अरबिन्द नि एखे नखरनि नो चन्द्रसेखर पान्दे खौ बो जिबौ आ सौनाय आव देहा नि
हालोद आ गाज्रिथार जाना दं होनना मिथिना मोनदों, नखरसे नि नो सा 3 खौ सौनाय आ
ओनसोलनाङैनो गिखांनाय सोमजिहोदों, दायो प्रसासन आ बेनिफ्राय बारगहोनायनि बेबस्था
लानायनि बाथ्रा फोसावो, मखजाथावदि जिबौ सौनायनि थाखो आव भारत आ नो गिबि नम्बर आव
दं, बुहुमनि थैनायफोरनि खावसे आ भारत नि जाहैयो।
दिनै ईउपिपिएल
दोलो नि 7थि जोनोम सान एबा गायसननाय सान, बे गायसननाय सानजों लोब्बा लाखिनानै
साननै नि हाबाफारि खौ मैया कक्राझार नि चन्द्रपारा याव बेखेवनाय जादोंमोन, दिनै
जोबथा सान आव फुङाव फिरफिला खौ बिरहोयो फुंनि 8.30 आव बितिआर नि गाहाय प्रमद बर आ,
लोगोसे मुंख्लंनो मान बावो मन्थ्रि उर्खावगोरा ब्रह्म बिथाङा। ईउपिपिएल नि 7 थि
गायसननाय सान आव प्रमद बर बिथाङा आफादगिरि, मावफुं आफादगिरि जों लोगोसे गासैबो
सोद्रोमा फोरनिसिम गाहाम हामलायनाय बावहरो, गासैनिबो गोरा नाजानायनि थाखायसो
दिनैनि थाखो सिम ईउपिपिएल आ फैनो हादों होनना बुङो, आरो फैगो समाव मोनफ्रोमबो हारि
नि थाखाय खामानि मावलांगोन होनना बिथाङा बुंदों, गुबुनफारसे खौरांगिरिफोरनि सिगाङाव
बिपिएफ दोलो खौ गोख्रों राव जों सोंखारिदों बितिआर नि गाहाय बिथाङा, बिजेपि नि
गारि आव आगोलाव गाखोदोंमोन, बेनि उनाव ओंखारनानै कंग्रेस नि गारि आव थांलायबाय आरो
दायो फिन बिजेपि नि गारि आव गाखोनो नागिरनायनि सोमोन्दै मिथिया होनना बुङो, आसामनि
मन्थ्रि ईउजि ब्रह्म बिथाङा बितिआर सुक्ति खौ मावफुंनो हायाब्ला रायजोफोरा नैथि
सुबिदा खौ होनाय नङा होनना बुंदों, बितिआर सुक्ति नि दफा फोरखौ मावफुंनो नांगोन
आरो जाय दफा फोरखौ मावफुंनाय समा गोलाव बेफोरनि खामानि खौ जागायनो नांगोन होनना
बुङो केबिनेत नि मन्थ्रि बिथाङा।
हादरनि 49 थि
गाहाय बिजिरगिरि महरै जौसिन बिजिरसालि नि गाहाय एनभि रमन बिथाङा उदय ईउ ललित नि
मुंखौ फोसावना होदों, खौरां मोननाय बादिब्ला 27 आगष्त आव समायखिरा लानो हागौ, जौसिन
बिजिरसालि नि फैगो बिजिरगिरि नि मुं खौ फोसावनो थाखाय हादरनि आयेन मन्त्रालय आ
एनभि रमन बिथांखौ खावलायदोंमोन, दायो बिथाङा आजिरा मोननायनि सिगां नो फोसावना
गालांबाय। बिजिरगिरि ललित आ नाथाय बारा गोबाव नि थाखाय भारत नि जौसिन बिजिरसालि नि
गाहाय बिजिरगिरि जानाय नङा, 3 दान नि थाखाय ल सो जागोन होनना खौरां मोनदों।
मोजां खौरां,
मानास माहारियारि हाग्रामा याव मोसा नि अनजिमा या बारा जाबाय, दासिम गासै 60 जाहैबाय,
माहारियारि हाग्रामा याव केमेरा त्रेपिं नि फिथायखौ नायबिजिरनाय आव नेशनेल ताईगार
कन्जारभेशन अथरिति आ थि खालामनाय बादियै मा 52 आ बैसो जानाय आरो मा 8 आ फिसा, गासै
60 दं, आगोलाव केमेरा त्रेपिं आव 48 मोनदोंमोन, दायो बारायनाखौ नुनो मोनदों, मोजां
खौरां, गोलनिखौ नायोब्ला 2010 मायथाई आव मा 10,, 2020 आव मा 36, 2021 आव मा 48 सिम
बारा जादोंमोन।
पुलिस आ नो
दाखाथि आव हाबबाय बे बार आव, अभयापुरि देउहाति आव जादों दाखाथि नि जाथाय, रेलवे
क्रसिं आव सिमेन्त लांनाय गंने 12 ता साखा नि त्राक खौ लाखिनानै दाखाथि खालामनाय
समावनो हमो पुलिस जवान जों लोगोसे सा 4 खौ, सा 4 नि मुङा कन्दर्प देब, सुरजित राय,
मुनिन्द्र राय आरो लिलावन्त देब, बेनिनो कन्दर्प आ 22 आईआरबिएन नि जवान, कालगसिया
निफ्राय जोगिघपा फारसे थांनाय गंनै त्राक खौ लाखिनानै धोन दाबि खालामदोंमोन, त्राक
सालायग्राफोरा धोन खौ होनो राजि जायियाव सिमेन्तफोरखौ लानानै खारखुमानो
नागिरदोंमोन, दायो दिपांकर राय मुंनि गुबुन सासे सेंग्रा या खारखुमाना दं होनना
मिथिना मोनदों।
गुवाहाति नि
धिरेनपारा याव हमदों नंखाय दितिअ, आमिनुल रसुल मुंनि सुबुंखौ हमदों लतासिल पुलिस
आ, दितिअ नि नंखाय सिल लानानै गोबाव सम निफ्राय नो गाज्रि खामानि मावबोगासिनोमोन,
गुवाहाति नि भङागर आव सालायगासिनोमोन गुबुन गुबुन बेलेबेजे खामानिफोरखौ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon