21 August bodo evening news 2022 ~ Bodoinfo.com

दिनै ग्रेद 4 नि साख्रि नि आनजाद आ जानानै थांबाय आसामनि गुबुन गुबुन जिला फोराव मोजाङैनो, गोबां सुबुं फोरा नो आनजाद खौ होबाय, बेनि गेजेरावनो बेलेबेजे जानायनि खौरां मोनदों, कक्राझार जिला याव आनजाद खौ होनो फैनाय गोबाङानो एदमित कार्द आव आनजाद नि मिरु आ गोरोन्थि फैनाय नि थाखाय गोबां फरायसाफोरा नो जेंना जों मोगा मोगि जानो गोनां जायो, गसायगांव महकुमा नि जारागुरि आव आनजाद मिरु आव जानो गोनां आव एदमित कार्द आव गोरोन्थियै पस्तअफिस खौ सालाकाति होनना दिन्थिनाय आव आनजाद होगिरिफोरा फुङावनो सालाकाति आव थाङो, आनजाद नि मिरु नागिरना मोनि आव फरायसाफोरा सालाकाति पुलिस नि मदद लानाय आव सो सालाकाति आव आनजाद आ जाया खौ मिथियो, उनाव जिला नि एदिसि शुभाराम आदित्य बरा नि नाजानाय आव आनजाद खौ गोबाव जानानैब्लाबो मिरु आव हैनो मोनो, खौरां मोननाय बादिब्ला कक्राझार जिला याव गासै 76 ता मिरु आव 51,895 आनजाद होगिरिफोरा आनजाद खौ होदों, बेले बेजे खालामनायनि थाखाय पुलिस आ हमबाय सासे कलेज नि गाहाय खौ, मिथिना मोननाय बादिब्ला काछार कलेज नि गाहाय शिदार्थ शंकर नाथ खौ एरेस्त खालामदों, काछार जिला नि जिला बेंगिरि नि एजाहार नि सायावनो काछार कलेज नि गाहाय खौ एरेस्त खालामो होनना मिथिना मोनदों, मखजाथावदि आसाम नि गिबि मन्थ्रि मोजाङै आनजाद खौ खुंनो थाखाय गासैबो खामानि खौ मावनो बिथोन होदोंमोन, काछार जिला नि जिला बेंगिरि रोहन झा बिथाङा कलेज आव आनजाद खुंनाय आव बेलेबेजे जानायखौ नुनानै बेनि गाहाय खौ लिंहरदोंमोन, जिला प्रसासन नि नेम बादियै जायि नि थाखाय नो उनाव एजाहार थिसनो आरो बेनि सायावनो हमो बिखौ। दिनैनि आनजाद नि थाखाय आनजाद जानाय जिला फोराव गासैबो आव नो ईन्तारनेत खौ बन्ध खालामना होनाय जायो, फुंनि 10 बाजि नि सिगां निफ्राय नो ईन्तारनेत आ बन्ध जादोंमोन एबा बन्ध खालामना होदोंमोन, आगोलाव 100 मितार ल गोजान बन्ध जागोन होनना खौरां मोनदोंमोन, नाथाय गासै जिला याव नो बन्ध खालामनाय जायो ईन्तारनेत खौ।

हर आव उन्दुना थानाय समाव गावनि गोरबो आव थानाय बिसि खौ नो रुवा जों दाननानै बुथारो फिसाय आ नो, बेबायदि गाज्रि जाथाय आ जादों दरं जिला याव। दरं नि खारुपेतिया नि मोवामारि गामि आव जादों, हर आव उन्दुनाय जायगा याव नो दानथारो रुवा जों, बुथारग्रा नि मुङा फुल मामुद आरो थैनाय आयजो नि मुङा 25 बोसोर बैसो नि रहिमा बेगम। हर आव बुथारनानै गावनो खारुपेतिया थाना याव गावखौनो गथायो। पुलिस आ लोगो लोगो बिखौ हमो आरो जाथायसालि आव थांनानै गोथै देहा खौ पस्त मर्तेम नि थाखाय दैथायहरो, जाथाय नि सायाव नायबिजिरनायखौ जागायो, मा जाहोननि थाखाय बेबायदि खालामखो बेखौ मिथिनाय जायाखै, ओनसोलनाङैनो सोमोनांहोदों बे जाथाय आ।

दुलाराय बाथौ गौथुम नि आफादगिरि डां लिलाधर ब्रह्म बिथांनि जिउ गोमाबाय, गोबाव सम निफ्राय नो बेराम आव गोग्लैना दंमोन बिथाङा, थैनाय जों जुजिनानै जेनबाय, दिनै बेलासि नि 3 बाजि 30 सो आव जिउ गोमादों होनना मिथिना मोनदों।

एसपि अफिसनि मावखुलि नि मोखाङाव पिस्तल जों खर आव गुलि गावना लानानै गावखौनो बुथारना लायो सासे हमगार्द आ, जाथाय आ मरिगांव जिलानि, थैनाय जवान नि मुं खौ रन्तु मेधि होनना सिनायनाय जादों। मिथिना मोननाय बादिब्ला बेलासि समाव गावखौनो गावना लायो। गावखौनो बुथारना लानायनि गुबै जाहोन खौ दासिमबो मिथिनाय जायाखै, नाथाय नखर नि जाहोन थानो हागौ होनना सन्देह खालामनाय जादों, जवान आ मरिगाव नि काहिबारि नि थागिबि, बिसि आरो हिनजावसा गथ खौ गारनानै जवान आ गावखौनो बुथारना लानाय आ सोमोनांहोनायजों लोगोसे गोबां दुखु मोनहोदों, नायबिजिरनाय आ सोलिगासिनो दं।