मैया लोकप्रिय
गोपिनाथ बरदलै नि थैनाय सान मोन, मैया नि सान खौ लोकक्लान दिबस महरै फालिनाय जायो,
बेजों लोब्बा लाखिनानै नो सोरखार आ बेनि बाथा खौ होनाय जादोंमोन, गुबुन गुबुन थाखो
नि मदद होनाय सा 10 मावथिफोरनो बान्था खौ होयो गिबि मन्थ्रि आ, बे हाबाफारि आव
बाहागो लानानै गिबि मन्थ्रि आ सेक्रेतारियेत नि गासैबो खामानि आ पेपारलेस जागोन
होनना बुंनानै 2 अक्तोबर निफ्राय गासैबो खामानि आ नो दिजितेल जागोन होनना बुङो, 2
अक्तोबर निफ्राय आसामनि रावबो अफिसार आ नो मेनुवेल फाईल लाया, सोरबा माबाफोर
खामानि नि थाखाय सेक्रेतारियेत आव फैयोब्ला बाहेर नि कम्पिउतार आव ताईप
खालामोब्लानो गासैबो जागोन, बिथाङा लोगोसे सेक्रेतारियेत आव खामानि मावनायफोरखौ
कम्पिउतार सोलोंनो होदों, कम्पिउतार सोलोंनो लुबैयि मावथिफोरनो रावबो खामानि होनाय
नङा, बिसोरखौ जोंनि गेजेराव गैया होनना सानना लानाय जागोन, रोङि फोरनि थाखाय आलादा
खथा नि बेबस्था खालामना होगोन होनना बुंदों। मोजां खामानि मावना दिन्थिनायफोरनो
सानसे आव खन 3 साहा, बेलासि नि आदार नि थाखाय स्पेसियेल बेबस्था, मावखुलि आव
फैनायनि थाखाय फ्रि गारि, आरो गथफोरनि थाखाय जनता भवन आव न थागोन होनना बो बुङो।
बितिआर आव सा
141 फोरोंगिरिफोरनि साख्रि थिसनलाय लाईजाम राननानै होदों, गुबुन गुबुन फरायसालि
कलेज फोरनि लांदां जाना थानाय मास नि सोलाय सोरखार आ सोरकारि बादियै 141 नो
थिसनलाय लाईजाम होयो। मैया अदितरियाम अफ बितिआर लेजिसलेतिभ काउन्सिल बिल्दिं आव
मोनसे हाबाफारि लानाय जादोंमोन, बे हाबाफारि आव नो बितिआर नि गाहाय प्रमद बर आ
बाहागो लानानै रानना होयो, बेखौ रानना होनायनि उनाव नो फोरोंगिरिफोरखौ मोजांयै
गावनि बिबान खौ मावलांनो खावलायो, बितिआर आव थानाय 4442 गुदि फरायसालि नि थाखाय सा
500 एदाप्तार सायखदों होनना बो बुङो बिथाङा, लोगोसे बेखौ फैगो 15 आगष्त आव फोसावना
होगोन होनना बुंदों, गावनि बिबुंथि आव फरायसाफोरनि सुबिदा नि थाखाय कक्राझार
सोरखारि कलेज आरो बिबि ईन्जिनियारिं कलेज नि थाखाय गोदान बास गारि बायगोन होनना बो
बुङो। बिथाङा लोगोसे बितिआर आव 5000 सो लाईमोनफोरनो साख्रि होनो थांगासिनो होनना
बुंदों, बेनि थाखाय थायसे बो रां लानाय जानाय नङा, आगोलनि समाव बिपिएफ नि आव रां
लानानै साख्रि होनाय जायोमोन, होनना बुंनाय जों लोगोसे तेत नि फारसे बो बुंदों,
सितेत आ मोनसे केस होदोंमोन, जोंनिफ्राय हाय कोर्त आ लिरनायफोरखौ बिदोंमोन, दायो
होजोबबाय, केस आ बोखारजायोब्लानो साख्रि खौ होगोन होनना बुंदों।
बांलादेस नि
ईउतिउबार, आउत अफ तिउन मेथाय रोजाबगिरि, फावखुंगुर हिरो आलम खौ नोंथांमोना सिनायो
जानो हागौ, ससियेल मिदिया याव बिनि गोबां फलवार्स दं, गोबां गुबुन गुबुन समाव
ससियेल मिदिया याव भाइरेल जायो, बिनि सायाव गोबां मिम्स बानायनायबो जायो। नाथाय बे
बार आव हिरो आलम आ पुलिस नि सो वार्निं मोनबाय। मेथाय रोजाबनायखौ बन्ध खालामनो
हिरो आलम खौ वार्नि होदों पुलिसफोरा, बेनि उनाव नो ससियेल मिदिया याव दावराव।
खौरां मोननाय बदिब्ला नबेल बान्था मोनगिरि रबिन्द्रनाथ तेगर आरो बांलादेस नि
खन्थायगिरि काजि नजरुल ईस्लाम नि मेथायखौ गोदानै बानायनो थांनानैनो जेंना याव
गोग्लैबाय, हिरो आलम आ बुंदों पुलिसफोरा फुंनि 6 बाजि आव दैखांना लांबाय आरो 8
घन्ता लाखिदोंमोन आरो बिखौ मानो एसेबां गाज्रियै रोजाबदों होनना सोंदोंमोन।
भारत आव मेदेल
नि अखा, कमनवेल्थ गेम्स आव मैया भारत आ गोबां मेदेलफोर मोननो हादों, वेईथलिफ्तिं
नि उनाव दायो रेस्त्लिं आव मोनदों गोबां मेदेल, खौरां मोननाय बादिब्ला मैया भारत आ
मोन 6 मेदेल मोननो हादों, बेनि गेजेराव मोन 3 आ सना, बज्रं पुनिया, शाक्सि मालिक
आरो दिपक पुनिया या सना नि मेदेल मोनदों, अनशु मालिक आ सिलभार, दिभ्या कक्रान आरो
महित ग्रेवाल आ ब्रन्ज मेदेल मोनदों। गुबुनफारसे आसामनि गेलेगिरि हिमा दास आ 200
मितार नि खारनाय निफ्राय बाहेर जाबाय, सेमिफाईनेल आव जेनो, 0.01 सेकेन्द नि थाखाय
बाहेर जायो, 200 मितार निफ्राय बाहेर जादोंब्लाबो नाथाय 400 मितार नि खारनाय आव
बाहागो लानो दंबावो।
सासे बिमा या
एसेबां बो गाज्रि, अननो रोङि जायो ना, 4 थि फ्लर निफ्राय बिमा या नो फिसा खौ गारना
हरबाय, बांगालोरु आव जादों जाथाय आ, उत्तर बांगालोरु नि एसआर नगर नि मोनसे
एपार्तमेन्त आव बिमा या सासे 4 बोसोर बैसो नि गथ खौ बाराम्दा याव गारहरो, सिसितिभि
आ गासैबो रेकर्द जाजोबदों, गावनि फिसा खौ नो बुथारनानै गावबो थैनो
नागिरदोंमोनब्लाबो नाथाय गावखौ बुथारनो बोलो मोनासै बियो, रेलिं नि सायाव गाखोनानै
दसे सम थादोंमोन, बे समाव नो नखर नि सोद्रोमाफोरा बाहेराव ओंखआरबोनानै आयजो खौ
बोनानै लाबोयो, दायनिगिरि बिमा या सासे हाथाय नि देहाफाहामगिरि, पुलिसफोरा बुंनाय
बादिब्ला फिसा नि देहा नि हालोद आ मोजां नङामोन, राव बो रायलायनो रोङामोन, दायनि
थाखाय नो बियो रागा जोंदोंमोन, बे आयजो नि बेरेखा फिसाय आ नो गसर थिसननायनि उनाव
दायो पुलिसफोरा हमनानै लाना थांबाय।
तिनसुकिया
जिला याव जादों सोमोनांथाव जाथाय। गायखेर होननानै फरायसाफोरनो लोंहोबाय फेनाईल खौ
नो। अंगनबारि आव जादों सोमोनांथाव जाथाय आ, जिला नि कापथार नि न माईथं अंगनबारि
मिरु आव, फेनाईल खौ लोंहोनाय आव सा 10 उन्दै उन्दै गथ फोरनि देहा नि हालोद आ
गाज्रि जायो होनना मिथिना मोनदों। उनाव बे गायखेर होनना लोंहोनायखौ देहाफाहामगिरि
नि होयो, नायबिजिरनाय आ सोलिगासिनो दं।
आलफा उदां जों
सोमोन्दो थानायनि सन्देह आव पुलिस आ नो सासे पुलिस जवान खौ हमदों, हमजानाय पुलिस
नि मुङा बसन्त बुरागोहाय, सदिया निफ्राय हमो बिखौ, खौरां मोननाय बादिब्ला बियो 25
नं बेतेलियान आव साख्रि मावोमोन, दायो गोबां खौरां नि थाखाय बिखौ हमनानै सोंगासिनो
होनना खौरां मोनदों।
बिश्वनाथ नि
उत्तर मिजिकाजान आव जादों गाज्रि बुथारनाय जाथाय, जौ लोंनानै फैनानै फिसाय मुकुल
तांति आ बिनि बिसि अन्जलि ताति खौ मोनसे बाताम जों बुयै बुयै बुथारो, नखरारि
नांलायनायनि थाखाय नो बे बुथारनाय आ जादों होनना खौरां मोनदों, जिनजिया पुलिस थाना
नि असी आ जाथायसालि आव थांनानै गोथै देहा नि पस्तमर्तेम नि थाखाय लांनायजों लोगोसे
फिसाय खौ हमना लाङो।
बिहार आव
जादों मोनसे गिथावना जाथाय, बिहार आव मेगन नि नुथाय खौ खोमाना लायो सा 25
सुबुंफोरा आरो लोगोसे सा 9 सुबुंफोरनि जिउ गोमायो, मैया बिहार नि सारन जिला याव
जादों जाथाय आ, जौ आव मिथानल बाहायनाय एबा गलायनायनि थाखाय नो जौ लोंग्राफोरा
बेहोस जाजोबो। जायगा नि सुबुंफोरा लोगो लोगो देहाफाहामसालि आव लाना
थांदोंमोनब्लाबो सा 9 नि जिउ गोमायो आरो सा 25 या मेगन नुयि जायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon