द्राग्स,
गोबां सुबुंफोरा नो जानो हागौ सिरि सिरियै दायो द्राग्स लागासिनो, द्राग्स आ
गोबांनि नखर नि गोबां खहा खालामबोगासिनो दं, उन्दै उन्दै गथफोरनि थाखाय गिथावना
जालांगासिनो थासारि आ। द्राग्स नि जे आव गोग्लैनानै जोबस्रांलांनायबायदि जादों
गोबांङानो, द्राग्स एदिकतेत सेंग्रा या द्राग्स लानो मोनाब्ला एबा रां मोनाब्ला
गावनि न आव नो अत्यासार खालामो। बेबायदिनो मोनसे जाथाय आ सोराङाव फैदों, बरपेतारोद
नि, द्राग्स लानो थाखाय बिफा या रां होयि आव गावनि न खौ नो सिम्फायो आरो लोगोसे
सावना होयो, बरपेतारोद नि बालाभिथा नि बेंकिपार आव जादों, कृष्ण दास मुंनि सेंग्रा
या द्राग्स जौ भां गान्जा बायदि लानानै सानफ्रोमबो न आव दावराव खालामो, द्राग्स नि
थाखाय मोनसे नि उनाव मोनसे मुवा बेसादफोरखौ फानबोगासिनोमोन, बेखौ बिमा बिफा या नो
बुंदोंमोन, नाथाय बे खनसे आव सिमा बारो, बिफा नि आव रां बिदोंमोन, नाथाय रां होनो
हायि आव बिफा बिमा आरो बिनानाव खौ बुयो, बेखौ ल खालामना थायालासै गावनि न खौ नो
सावना बो होयो होनना खौरां मोनदों, बिमा बिफा या बिनि खथा निफ्राय द्राग्स नि
लांदां कन्तेईनार आरो सिरिन्ज मोनदों होनना मिथिना मोनदों, उनाव फिसा नि अत्यासार
खौ सहायनो हायि आव बरपेतारोद पुलिस थाना याव एजाहार होयो, दायो बे सेंग्रा या
खारखुमाना दं होनना मिथिना मोनदों।
रायजो आव घुस
लानाय बादायलायनाय सोलिबाय थानाय बायदि सो जागासिनो आसाम आव। सासे नि उनाव सासे
हमजागासिनो सोरखारि साख्रि मावनाय सुबुं फोरा। हमजानायनि खौरां मोननाय नि उनाव बो
दासिमबो गोबां सुबुंफोरा नो घुस लानो गाराखै गोबां मावथि फोरा। दिनै तामुलपुर आव
सासे हमजादों सोरखारि साख्रि मावनाय आ, तामुलपुर नि साप रेजिस्त्रार नि सासे मावथि
आ हमजादों, मुङा गोपिनाथ दास। घुस लानाय समाव नो भिजिलेन्स नि दोलो आ हमनो हादों।
बिजों लोगोसे आरोबाव सासे घुस लाग्रा खौ हमदों दिनै। अबकारि बिफान नि सासे
अफिसारखौ हमदों, बोकाखात अबकारि बिफान नि लोहित फुकन खौ घुस लानाय समाव हमो, बिखौ
बो जाख्लनाय होबथाग्रा बिफान आ नो हमदों।
रासिया आरो
ईउक्रेईन नि दावहा या दासिमबो सोलिगासिनो दं, रासिया नि दखल आव थाङो ईउक्रेईन नि
जापोरिजिया निउक्लियार पावार प्लान्त आ, बे सम निफ्राय नो इउरोप नि गोबां हादरफोरा
सावरायलायदोंमोन, मैया फिन खनसेबाव रासिया या ईउक्रेईन खौ गाग्लोबो बेनि खाथि आव
नो। बे जाथाय नि उनाव नो सा 13 नि जिउ गोमादों होनना मिथिना मोनदों, लोगोसे सा 11
सो आ जोखोम जादों बेनिनो सा 5 नि हालोद आ गाज्रिथार, ईउक्रेईन आ फिन खनसेबाव
सांग्रां खालामना होदों मिसाईल आ निउक्लियार प्लान्त आव गोग्लैयोब्ला गासै ईउरोप
नि थाखाय नो गिथावना जागोन होनना, ओनसोल नि गबर्नर आ बुंनाय बादिब्ला रासिया या
ओनसोल आव 80 ता रकेत गाग्लोबदों, जायगा नि सुबुंफोरखौ सांग्रां खालामना होदों,
जाहाथे साइरेन खोनायोब्ला नो न सिङाव हाबना थायो।
भारत नि लेङाय
हादरगिरि महरै समायखिरा लाबाय जगदिप धनखर बिथाङा, सोनाब बंग नि राज्यपाल बिथाङा
भारत नि 14 थि लेङाय हादरगिरि जायो, भारत नि हादरगिरि द्रोपदि मुर्मु बिथाङा
समायखिरा खौ लाहोयो होनना खौरां मोनदों, बे हाबाफारि आव भारत नि गाहाय मन्थ्रि
नरेन्द्र मोदि आरो लोगोसे बिदाय होनाय लेङाय हादरगिरि एम भेंकया नायदु आ बाहागो
लादोंमोन, थांनाय 6 आगष्त खालि बिथाङा लेङाय हादरगिरि महरै सायखजादोंमोन।
खर आव गैयामोन
हेलमेत, रेल लामा याव स्तान्त खालामबाय सा 3 सेंग्रा फोरा, भिदिअ भाईरेल जानायनि
उनाव गोजा न नि आलासि जाबाय। उत्तर प्रदेश नि बुलन्दसहर नि जाथाय बेयो। रेल लामा
याव बेबायदि खालामना लानानै लक आप आव हाबनो गोनां जायो सासे उन्दै गथ जों लोगोसे
सानै सेंग्राफोरा। रेल लामा याव बेबायदि खालामनाय आ ससियेल मिदिया याव गोबां
भाईरेल जादोंमोन, पुलिसफोरनि आखाय आव बो मोनहैयो भिदिअ आ, बेखौ नुनायनि उनाव नो
मोजाङै गोसो होनानै नायबिजिरनाय आव दायनिगिरिफोरखौ नागिरना मोनो आरो सा 3 खौ बो
हमो, गारि मथर आयेन नि सिङाव दायनिगिरिफोरनि बाईक खौ जब्द खालामदों होनना मिथिना
मोनदों। नायबिजिरनाय आव सेंग्रा सानै नि मुं खौ सुमित आरो तिलाब होनना बुंदों आरो
सासे उन्दै गथ नि मुं खौ फोसावाखै।
जम्मु काश्मिर
आव फिन गुलि गावलायनाय जाथाय, रजौरि नि दरहाल ओनसोल नि बारगाल आव थानाय आरमि केम्प
नि बेरा खौ बारनो नागिरदोंमोन सोरबा सुबुं आ, बै समाव नो गुलि गावलायनाय जाथाय आ
जायो, दरहल पुलिस थाना निफ्राय 6 किमि गोजान जायगा याव थानाय ओनसोल आव उफ्रा दोलो
दैथायहरनाय जादों। आरमि फोरा बुंनाय बादिब्ला गिबि गुलि गावलायनाय आव आरमि नि सा 3
जवान फोरा मुंख्लं जायो आरो सानै आ जोखोम जायो, बेयावनो सानै उदखारि फोरा बो थैदों
होनना मिथिना मोनदों, आरमि फोरा नायबिजिरगासिनो दं।
भारत नि सासे
बिमा आरो सासे फिसाज्ला या गोबां सुबुंफोरजों सावरायलायजादों, गावनि आंगोसिन नि
मदद आव जेन गासैबो खामानि आ नो सम्भब, बे बाथ्रा खौ नो फोरमान खालामना होबाय
पाब्लिक सार्भिस कमिशन नि आनजाद आव बिमा फिसा लोगोसे नो पास खालामबाय। फिसा बिबेक
आ खौरांबिजों नि सिगाङआव बुङो दि जों लोगोसे नो फरायदोंमोनब्लाबो माब्लाबाबो
सानाखैमोन दि जों लोगोसे बेबायदि पास जागोन, जों सानैबो जोबोद गोजोननाय मोनदों,
मखजाथावदि बिन्दु आ थांनाय 10 बोसोर अंगनबारि मिरु आव फोरोंगिरि महरै खामानि
मावोमोन।
बिजिरगिरि उदय
उमेश ललित बिथांखौ भारत नि गाहाय बिजिरगिरि महरै थिसनबाय, बिथाङा भारत नि 49 थि
गाहाय बिजिरगिरि जायो, थांनाय सप्ता याव दानि गाहाय बिजिरगिरि एनभि रामान नि गावनि
मासि नि थाखाय बिथांनि मुं खौ फोसावनाय नि उनाव नो सायखजायो। फैगो 26 आगष्त खालि
बिबान एंगारगोन होनना खौरां मोनदों, गुबुनफारसे बिजिरगिरि ललित आ 3 दान नि थाखाय ल
भारत नि गाहाय बिजिरगिरि जागोन, नबेम्बर 8 खालार आव बिबान एंगारगोन।
रां खौ सानै
सानै सानजोबनो हायाखै, ईनकाम तेक्स बिफान नि नागिरनाय आव मोनदों कौति कौति रां जों
लोगोसे सना नि थफ्ला। महारास्त्र नि जालना याव ईनकाम तेक्स बिफान आ सासे फालांगिरि
नि न आव नागिरनाय आव नो मोनदों, स्तिल, जि आरो रियेल स्तेत देभलपार नि फार्महाउस
आव नागिरदोंमोन, बे नागिरनाय आव 390 कौति रां नि सम्पति जब्द खालामदों।, बेनि
गेजेराव दं 58 कौति नोगोद रां आरो 32 केजि सना, बेनि अनगायैबो दं हिरा मुकुता आरो
गुबुन गुबुन धोन सम्पति नि फोरमान बिलाय।, जब्द खालामनाय धोन आ बाराद्राय जानाय आव
बिफान नो 13 घन्ता सम नांगौ जादोंमोन सानजोबनो, बुधबार नि फुंनि 11 बाजि निफ्राय
हर नि 1 बाजि सिम सानदोंमोन।
मिस इउनिभार्स
जानो हागोन हाबा जाखानाय आयजो आरो बिमा या बो। मोननैसो नेम फोरखौ सोलायदों होनना
खौरां मोनदों, 70 बोसोर नि बारा सम नि उनाव मिश इउनिभार्स बादायलायनाय याव सायखनाय
आव गिदिर सोलायनाय नुनो मोनदों। फैगो बोसोर निफ्राय मिस ईउनिभार्श आव बिसोरबायदि
खौ बो एप्लाई खालामनायनि गनायथि होनाय जागोन। आगोलाव 18 निफ्राय 28 बोसोर बैसो नि
हाबा जायि गथ गैयि फोरा सो बाहागो लानो हायोमोन, दानिया गोदान नेम नि गेजेरजों 72
थि बादायलायनाय आ 2023 मायथाइ आव जागोन होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon