दान नि गिबि सान आव मोनसे मोजां खौरां, खम जाबाय गेस सिलिन्दार
नि बेसेन आ, मोनफ्रमबो दान नि गिबि सान आव गेस सिलिन्दार नि बेसेन खौ थि खालामनाय
जायो, बे दान नि खौ बो थि खालामबाय। कमारशियेल सिलिन्दार नि बेसेन खौ खम खालामबाय,
मोनफ्रोमबो सिलिन्दार नि बेसेन खौ 36 रां सिम खम खालामदों, गोदान दिल्लि आव खम
जानानै 1976.50 जाहैबाय, आगोलाव 2012.50 रां मोन, बेनि बेसेन आ गुबुन गुबुन जायगा
याव गुबुन गुबुन जायो, कमारसियेल सिलिन्दार नि बेसेन आ खम जादोंब्लाबो नाथाय न आव
बाहायनाय सिलिन्दार नि बेसेन आ खम जायाखै।
2024 मायथाइ आव लोकशभा बिसायखथि आ जागोन, बेयाव बिजेपि दोलो नि
गाहाय मन्थ्रि नि बिजाथि आ दानि गाहाय मन्थ्रि नरेन्द्र मोदि आ नो जागोन, बुंदों
दानि मिरु नखर मन्थ्रि अमित शाह बिथाङा, बिथाङा पातना याव मोनसे मितिं आव बाहागो
लादोंमोन आरो बेयावनो फोसावना होयो। गोबां सुबुंफोरा नो दानि पिएम आ राजखान्थि खौ
गारगोन आरो गोदान दैदेनगिरि बानायगासिनो होनना बुंगासिनो थानायखौ नुनो मोनदोंमोन,
बेफोरखौनो रोखा खालामना होयो नखर मन्थ्रि बिथाङा, लोगोसे फैगो 2024 नि बिसायखथि आव
बिजेपि आरो जेदिईउ आ लोगोसे नो गेलेगोन होनना बो बुंदों।
मोजां मोननाय आ गोथौ मोन, नाथाय बे मोजां मोननायखौ नखर नि
सुबुंफोरा गनायना लायाखैमोन, बेखायनो ननिफ्राय गोजान जानानै लोगोसे जानायनि
थिरांथा लादोंमोन मोजां मोननाय सानै आ, नाथाय बेयो जाफुङासै, ननिफ्राय खारनानै
हाबा जानो थांनाय आव नो मोनसे गिदिर लामा नि जाब्रबथाय जायो आरो सानैनिबो जिउ
गोमायो, जाथाय आ उत्तर प्रदेश नि। मिथिना मोननाय बादिब्ला जौनपुर नि रबि पान्दे
मुंनि 24 बोसोर बैसो नि सासे सेंग्रा हा एखे जायगा नि नो सासे सिख्ला जों मोजां
मोननाय नि सोमोन्दो दंमोन, न आव मानियैनि थाखाय सिरियै हाबा जानो थिरांथा लानानै हर
आव ओंखारलाङो ननिफ्राय, बाईक जों थांबाय थानाय समाव नो फुंनि 4.30 सो आव गंसे
गोसायै फैनाय त्राक जों सौग्रावलायनाय आव जिउ गोमायो, जाथायसालि आव पुलिसफोरा
थांनानै नायबिजिरनाय आव आधार कार्द जों सिनायो.
बलिउद नि मुंदांखा फावखुंगुर सलमान खान आ सिलाइ नि लाईसेन्स खौ
मोनबाय, साननैसो सिगाङाव लाईजाम नि गेजेरजों सलमान आरो बिनि बिफा सेलिम खान खौ
बुथारगोन होनना सिगिनाय नि लाईजाम हरदोंमोन, बेनि उनाव नो सलमान खान आ लाईसेन्स नि
थाखाय एप्लाई खालामदोंमोन, दायो मोनबाय, मखजाथावदि पान्जाब नि मेथाय खनगिरि सिदधु
मुशेवाला खौ बुथारनायनि उनाव नो सलमान नो बो लाईजाम हरदोंमोन, मखजाथावदि सलमान खान
आ गावनि गारि खौ बो दायो सोलायनो हागौ।, गंसे बुलेतप्रुफ गारि सिम सोलायनो हागौ
होनना खौरां मोनदों।
दिनैनिफ्राय गायखेर नि बेसेन आ बारा जाबाय, गायखेर जों लोगोसे
गायखेर जों बानायनाय गासैखौबो बारा रां होना बायनो नांसिगोन। लितारसे गायखेर नि
बेसेन खौ 4 रां बारा खालामना होदों, मोसौ फिसिनाय आरो गायखेर फाननाय आफाद आ बे
थिरांथा खौ लादों, आगोलाव गायखेर नि बेसेन आ 56 रां मोन लितारसे आव. दायो बेखौ 60
रां होनानै बायनो नांसिगोन, बिथांमोना बुंनाय बादिब्ला गासैबो मुवा बेसाद नि बेसेन
आ बांनायनि थाखाय नो बेखौ बारा खालामदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon