9 Aug bodo news today 2022 ~ Bodoinfo.com

बनसु, अल ईन्दिया बद पिपुल्स नेशनेल लिग फर बदलेन्द स्तेतहुद, बदलेन्द जनजाति सुरक्सा मन्स, राईतार्स अकादेमि जों लोगोसे गोबां आफादफोरनि बदलेन्द सोमावसारनाय आ जाफुंबाय, बेखौ बुंदों गावराव देख्रेब नार्जारि बिथाङा बुंदों, हाबाफारि आ 10 बादि निफ्राय 4 बाजि सिम नि मोन, नाथाय 11.30 सो आव दिल्लि पुलिस आ फैनानै धर्ना होनायफोरखौ लाना थाङो, बेहायदि लाना थांदोंब्लाबो जेबो दुखु गैया होनना बिथाङा बुंबावो. जोंखौ हमफैनाय आ नो देरसिन देरहानाय होनना बुंदों, रायजोफोरा बो बुजिगोन, दायो बेनिफ्राय जोरदार सिन जाबाय होनना बुंनाय जों लोगोसे मैया नि बदलेन्द दाबिनायखौ धर्ना खौ जाहोयि आव आसाम सोरखार आरो बितिआर नि गाहाय नि आखाय दं होनना बो दावराव देख्रेब नार्जारि बिथाङा बुंबावो, बितिआर गोरोबथा खालामखांनायनि उनाव बदलेन्द दाबिनाय आव बिसोर लाजिनाय मोनदों बेखायनो बेखौ खालामदों होनना बो बुङो। बेनि गेजेरावनो दिल्लि पुलिस आ हमनायनि उनाव दिल्लि मार्ग पुलिस स्तेशन आव बर हारिमु बागरुमबा मोसानायखौ दिन्थियो होनना मिथिना मोनदों। गुबुनफारसे मैया दिल्लि पुलिस आ हमनाय गासैखौबो हगारजोबना होबाय होनना खौरां मोनदों।

बि.टि.आर. गोरोबथानि दफाफोरखौ मावफुंनांगौनि थाखाय मैया गोदान दिल्लीनि नर्थ ब्लक (North Block) एम.ओइस.ए. (MHA) आव एबसु, एन.डि.एफ.बि. (P), एन.डि.एफ.बि. (RD), एन.डि.एफ.बि. (S) आरो इउ.बि.पि.अ. जुथायै भारत सरकारजों गोथौ आरो गुवारै सावरायलायनाय जायो। बि.टि.आर. गोरोबथानि सागानगिरि बिथांमोना इं 2020 माइथाइनि 27 जानुवारीआव जानाय बि.टि.आर. गोरोबथानिनो आद्रा थाबावनाय माखासे दफाफोरखौ थाबैनो मावफुंजोबनांगौनि थाखाय North-East नि Additional Secretary Piyush Goyal आरो Advisor to North-East A.K. Mishra बिथांखौ लोगो हमनानै मोन 12 आयदाफोरखौ थाबैनो मावफुंनांगौनि थाखाय गुवारै सावरायलायनाय जायो। बे सावरायनायाव गुबैयै 3.1 आव थानाय सिमा बारायनाय, सनितपुर, बिश्वनात आरो लखिमपुरनि सिमलिगुरिसिम बारायनाय आरो बि.टि.आर. नि खोलाहा थानाय माखासे जायगाफोरखौ सोस'ननाय, एन.डि.एफ.बि.नि खेस आरो रिहेबिलिटेसननि सायाव गुवारै सावरायनाय जायो। लोगोसेनो कार्बि आंलंआव राज्यो जानाय बर'फोरनि थाखाय हाजोआरि मोन्थाइखौ थाबैनो मावफुंनो थाखाय सरकारखौ गोख्रोङै नारसिननाय जादों।मख'नो गोनांदि बे सावरायनायाव Special Direct Recruitment खौ थाबैनो मावफुंनो थाखाय गोख्रोङै नारसिनो आरो Agniveer Scheme नि गेजेरजों बर' आनसोलनि मोन गु थावनियाव Recruitment Rally जानांगौ होन्नानै बुङो। रायखांनो गोनांथारदि एन.डि.एफ.बि.नि गायसनगिबि आफादगिरि रन्जन दैमारीजों लोगोसे सा 70 नि बांसिन सोद्रोमाफोरा दासिमबो जोबथेसालियाव दङ बिनिखाइनो बिथांमोनखौ गनांगौनि थाखायबो गोख्रैङै नारसिननाय जायो। सावरायमेलावनो बि.टि.आर. गोरोबथानि गेजेरजों गोदानै दाजानाय BKWAC नि गोहोखौ बांहोनो थाखाय आरो बियाब दाफामफिननाय खामानिखौ थाबैनो मावफुंनानै बिसायखथि खुंफुंना होनो थाखायबो भारत सरकारखौ गोख्रोङै नारसिनो। दिनैनि सावरायनाया जोबोद ओंथिगोनां जादों होन्नानै एबसुनि आफादगिरि मानगोनां मुस्रि दिपेन बर' बिथाङा फोरमायो आरो सावरायग्रा हान्जानि खावलायनाय लेखायै North-East नि Additional Secretary Piyush Goyal आरो Advisor to North-East A.K Mishra बिथांमोना थाबैनो बि.टि.आर. गोरोबथानि थाबावनाय दफाफोरखौ मावफुंनो खोथा होदों आरो 2022 मायथाइनि अक्ट'बरनि सेथि सबथायाव Joint मनिथरिं कमिटिनि आसाम सरकार, भारत सरकार आरो बि.टि.आर. गोरोबथानि सागानगिरि बिथांमोननि गेजेराव राजखान्थि थाखोनि सावरायनो मेल जागोन होन्नानै खोथा एबसुनि आफादगिरि मुस्रि दिपेन बर'आ बुंथियो।

पुलिस नि फोसावनाय, खारखुमाना थानाय गाहाय फोरोंगिरिनि खौरां होनो हायोब्ला नोगोद 15 रोजा रां होगोन। फरायसालि नि रांखान्थियारि केलेंकारि आरो नंखाय फरायसा नि मुं थिसननाय नि गसर आव गंसे फरायसालि नि हाज्रि फोरोंगिरि नि खौरां होनो हायोब्ला नो मोनगोन रां, दायो खारखुमाना दं, करिमगन्ज पुलिस आ फोसावनाय बादिब्ला पाथारकान्दि आसिमिया सिनियर माद्रासा हायस्कुल नि गाहाय फोरोंगिरि फखरुल ईश्लाम आ नो खारखुमाना दं, आगोलाव हमबायमोन बिखौ, नाथाय सोमोनांथावै थाना निफ्राय नो खारखुमानो हायो बियो, बेनि उनाव नागिरब्लाबो मोनाखै बिखौ, बेनि थाखायनो नोगोद रां नि बान्था फोसावदों।

आसामनि राजखान्थि आव गिदिर खौरां, थाबैनो कंग्रेस नि सा 8 एमएलए आ बिजेपि आव हाबगोन, बे दाबि खौ खालामदों बिजेपि नि एमएलए प्रसान्त फुकन बिथाङा, नाथाय बे सा 8 नि फारिलाय आव सोर सोर दं बेनि मुं खौ फोसावना होआखै, नाथाय गिदिर जइन जानाय हाबाफारि जागोन होनना बिथाङा बुंदों, सोर सोर हाबगोन बेखौ उनाव सो मिथिगोन।

मैया जनता भवन आव जानाय रायजो नि केबिनेत नि जथुम आव मोननैसो गोनांथार थिरांथाफोरखौ लायो, केबिनेत नि जथुमनि उनाव मन्थ्रि जयन्त मल्ल बरुवा बिथाङा खौरांमेल नि गेजेरजों बेखौ फोसावना होयो, मतर भेहिकल आयेन जों लोगोसे गोबां थिरांथाफोर लानाय जायो, बेनि गेजेराव मोननैसो गोनांथार आ- मनिपुर नि हा गिसिखानाय आव जिउ गोमानाय आरो गोमाना थानाय सा 20 सुबुंफोरनि नखर नो 2 लाख रां यै आरो लोगोसे जोखोम जानायफोरनो 25 रोजा रां यै होनाय जागोन, गामियारि ओनसोल आव बार थानाय नंलिया, वाईन शप ल थागोन, बारफोरखौ वाईन शप सिम सोलायगोन, लोगोसे जौ नि दखान नि अन लाईसेन्स खौ अफ लाईसेन्स खालामनो हागोन, 45 सान नि गेजेराव जागोन, 20 आगस्त आव दैबाना नि थाखाय खहा जाजानायफोरनो खहा सुफुंनाय होनाय जागोन। आबुङै बायनाय न आ 5532 मोन, 123 कौति रां दैबाना याव खहा जाजानायफोरनो होगोन, गासैनिबो एकाउन्त आव हाबगोन रां आ, आसाम मतर भेहिकल आयेन 2003 आव फोसाबनाय, जाय गारिफोरखौ जब्द खालामनाय जागोन बे गारि खौ 90 सान नि उनाव नो निलाम खालामनो हागोन।

सम्बारखालि जोबनानै थांबाय 2022 मायथाइ नि बारहिंघाम आव जानाय कमनवेल्थ गेम्स आ, भारत आ 22 ता सना, 16 ता रुफा आरो 23 ता ब्रन्ज जों गासै 61 ता मेदेल मोननानै फारिलाय आव 4 थि नम्बर आव थानो हायो, भारत आ आगोलाव गल्द कस्त आव जानाय गेलेनाय बादायलायनाय आव मोननाय मेदेल खौ बारनो हायासैब्लाबो बे बोसोर आव शुतिं जों लोगोसे आरो गुबुन गेलेनाय खौ सोयि आ बेनि मोनसे जाहोन होनना साननाय जादों, मैया जोबथा सान आव भारत आ गासै मोन 4 सना, मोन 1 सिलभार आरो मोन 1 ब्रन्ज मोनदों।

मैया सम्बारखालि सान आव नो तिनसुकिया सदर थाना याव सासे ए एस आई आ गावनि बिबान आव थानाय समाव नो गावनिनो सार्भिस पिस्तल जों खर आव गुलि गावना लानानै बुथारो गावखौनो, बे जाथाय आ सोमोनांहोदों बयखौबो, खौरां मोननाय बादिब्ला एएसआई दिन सोनोवाल(53) आ बेलासि नि 3.50 सो आव थाना नि सिङाव नो गावखौनो गुलि गावना लायो, लोगो लोगो तिनसुकिया देहाफाहामसालि आव लांनाय जादोंमोनब्लाबो 4 बाजि आव थैबाय होनना मिथिना मोनो, खौरां मोननाय बादिब्ला माकुम लाईना नि थागिबि दिन सोनोवाल आ तिनसुकिया नि जानमुख आव न बां लुनानै थानायखौ जागायदोंमोन, बिसि, सासे फिसाज्ला आऱो सासे फिसाजो नि बिफा सोनोवाल आ मा जाहोन नि थाखाय बेबायदि खालामखो मिथिनाय जायाखै, नायबिजिरनाय आ सोलिगासिनो दं।

बोकाखात आ स्करपिअ जों लोगोसे हमदों थगायग्रा खौ, हमजानाय सुबुं नि मुङा गोलघात नि काबरु गामि नि पिंकु दास होनना पुलिसफोरा बुंदों, स्करपिअ गारि खौ पुलिस नि गारि बादि साजायना लादोंमोन बे थगायग्रा पिंकु दास आ। गुबुन गुबन समाव पुलिस अफिसार होनना सिनायथि होनाय गुबुन गुबुन गाज्रि खामानि मावबोगासिनोमोन पिंकु दास आ, मोसौ नि आय़ेन बेरेखा फालांगि जों बो सोमोन्दो दंमोन पिंकु दास आ, बिनिफ्राय पुलिसफोरा गोबां मुवा बेसादफोर जब्द खालामदों। सानसे सिगाङावसो तेजपुर आव सासे नंखाय एसआई खौ हमदोंमोन, दायो आरो सासे हमजालायबाय।

कार्बिआंलं नि धनसिरि आव गावखौनो गथायनाय उदखारि संगथन नि सोद्रोमाफोरनि देजिगनेतेद केम्प निफ्राय सा 16 दिएनएलए नि सोद्रोमाफोरा खारनायनि खौरां मोनदोंमोन, नाथाय बेखौ थार खौरां नङा होनना पुलिसफोरा बुंदों, 2021 आव नो गावखौनो गथायनायनि उनाव बोसोरसे जाबाय बेयाव थानाय आ, दिमा हासाव नि गावनि न आव थांनायनि थाखाय बिसोर खारखुमादों होनना खौरां फोसावदोंमोन गोबाङानो, पुलिस नि खौरां नि बादिब्ला बिसोर गावबा गावनि न आव दं, केम्प आव नांगौबायदि मोजां जाग्रा आदार मोनि नि थाखाय नो थांदों होनना बुङो।

बिश्वनाथ सारियालि आव सोमोनांथाव जाथाय, बिस्वनाथ सारियालि नि सोरखारि देहाफाहामसालि निफ्राय फुं नि समाव सासे बेरामि आ गोमादोंमोन, जाथाय नि सोमोन्दै मिथिनाय बादिब्ला बिस्वनाथ नि सुमि भुया मुंनि आयजो खौ देहाफाहामसालि आव सोदोंमोन, नाथाय देहा नि हालोद आ गाज्रिथार जानाय आव तेजपुर मेदिकेल कलेज आव लांनायनि सोमोन्दै सावरायलायो, बेनि सोमोन्दै मिथिनाय लोगो लोगो नो आयजो नि नखर आ बेरामि खौ लानानै गोमायो देहाफाहामसालि निफ्राय। गुबुनफारसे आयजो नि न आव बिखौ थैबाय होनना साननानै गावसोरनि नेम बादियै आयजो खौ जोबथा बिदाय होनो लानाय समाव नो आयजो नि जिउ आ देहा याव दं होनना जायगा नि सुबुंफोरा मिथियो, लोगो लोगो सावनाय जायगा निफ्राय एम्बुलेन्स लिंहरनानै देहाफाहामसालि आव लांनाय जायो, नाथाय उनाव आयजो खौ थैबाय होनना बुङो देहापाहामगिरि आ। आयजो नि फिसाय आ बुंनायनि थाखाय सो आयजो आ थैबाय होनना न आव लांदोंमोन आरो लोगोसे जायगा नि सासे तन्त्र मन्त्र नि सुबुंखौ लिंहरनानै नायहोनाय आव बो थैबाय होनना बुंदोंमोन, आगोलाव थैयाखैमोन नाथाय उन आव लांफिननाय आव सो थैयो, दायो मोनसे सोंनायः बे आयजो आ सोरनि गोरोन्थि नि थाखाय थैखो।

सोमोनांथाव, मोसौ जों देहायारि सोमोन्दो एबा आथोन गेलेनानै हमजाबाय सासे 34 बोसोर बैसो नि सुबुं आ, जाथाय आ भारत नि नो, कर्नातक नि मन्दिया जिला नि माद्दुर सोहोरनि खाथि नि गेज्जालागारे गामि नि थागिबि मन्जुनाथ मुंनि सेंग्रा या गोबाव सम निफ्राय नो मोसो जों लोगोसे मिथिंगायारि नङि आथोन गोलोबोगासिनोमोन, सेंग्रा नि बेबायदि खर गाज्रि नि खामानि मावनायखौ बिनि लोगो फोरा न आव खोन्थाबाय थादोंमोनब्लाबो नखरनि सुबुंफोरा बेखौ मानिना लायाखैमोन, खनसेल नङा, गोबांबार बेबायदि खालामदोंमोन मन्जुनाथ आ, मन्जुनाथ आ फोथार आव खाना दोननाय मोसौफोरखौ गोजान जायगा याव लांनानै बे गाज्रि खामानिफोरखौ मावबोगासिनोमोन, बेनि गेजेरावनो मन्जु आ बांलालुरु नि गावनि लोगो नि न आव बेरायनो थांनाय आव लोगो नि न आव बो बेबायदि खालामनाय आव मोसौ नायग्रा या नुयो आरो हमो आरो उनाव कर्नातक पुलिस नो गथायना होयो, पुलिसफोरा बो जुनारनि बेरेखा गाज्रि खामानि होबथानाय आयेन नि सिङाव गसर थिसनना हमो बिखौ।