बिहार आव नितिस कुमार आ बिजेपि जों लोगो जानानै सोरखार दादोंमोन, नाथाय साननैसो सिगाङाव लोगो गारलायनानै लालु प्रसाद यादब नि दोलो जों लोगो जानानै सोरखार दाबाय, बिजेपि जों लोगो जानाय समाव नितिस जों लालु प्रसाद जों नायलायनो हायि बादि मोन, नाथाय दायो हादरनि बिहारि सुबुंफोरनि थाखाय लोगोसे जालायदों, अब्ला जोंनियाव मानो हाया, हाग्रामा जों प्रमद जों, गावनि गावनि नो मानसि, बुंदों एजेपि नि जइन्त सेक्रेतारि आरो एबसु नि बारग दैदेनगिरि कास्तम बसुमतारि, बिजेपि जों जायनो लोगो जायो गासैबो जोबस्रांलाङो, बेखौ ईउपिपिएल नि दैदेनगिरिफोरा मिथिनाया मोजां, बिजेपि नि आगोलनि लोगो सिरोमनि अकालि दल, शिब सेना, आसाम गन परिषद बिसोर मा जालांखो नाय। तामिलनादु, अन्ध्रप्रदेश, केरला फोरा सासेबो बिजेपि नि एम पि गैया, बिसोरनि सुबुंफोरा सोलोंथाय गोनां, सोर मा खालामनो नागिरदों बुजियो, हारि नि थाखाय सोर मा खालामगोन मिथियो, बेखायनो जोंनि बर फोरा बो मिथिनो नांगोन, जोंनि हारि आ थांना थानो नांगोन, राजखान्थियारि मोनथाय आ थानो नांगोन, बेफोरखौ प्रमद बर बिथाङा बो मिथियो आरो हाग्रामा बिथाङा बो मिथियो। हारि आ थांना थानो नांगौ आ सो गिबि बाथ्रा, सोरबा चिफ जायो लेङाय जायो बेयो उननि बाथ्रा होनना बो बिथाङा बुङो। बर हारि आ थांना थानोब्ला नेशनेल लेबेल नि दोलो खौ सोनो नाङा, बिथाङा लोगोसे हाग्रामा महिलारि सार खौ सेलुत बो होयो होनना बुङो मानोना 17 बोसोर सोरखार सालायनाय आव बिथाङा बिजेपि खौ बो हाबनो होआखै आरो कंग्रेस खौ बो हाबनो होआखै, गावनो हमथाना दोनदों, बेबायदि नो प्रमद बर बिथाङा बो खालामनो हानो नांगोन होनना बो बुंबावो।
नलबारि आव मोनसे दुखुनांथाव जाथाय जादों, बिफा या नो गावनि सानै फिसा नो बिष होनानै गावबो बिष लोङो, थैयो बिफा या। नलबारि जिला नि बरभाग नि नि दाबसे जायगा याव जादों जाथाय आ, बिसि आ फिसायजों लोगोसे उन्दै उन्दै गथ फोरखौ गारनानै गुबुन हौवा जों खारलांनायनि सन्देह आव नो गोरा थिरांथा खौ लायो दिन हाजिरा खालामना जाग्रा बे सुबुं आ। दोकोहा मुंनि जायगा नि दिपुल सइकिया या बे जाथाय नि सायाव कामारकुसि थाना याव एजाहार हैदोंमोन। नाथाय जेबो मोजां फिथाय मोनि नि थाखाय नो बेबायदि खालामदों होनना साननाय जादों। सानै फिसा नि मुङा मानबज्योति 13, आरो भार्गबज्योति 7, सानैबो गुवाहाति मेदिकेल कलेज देहाफाहामसालि आव फाहामथाय लागासिनो, बे जाथाय आ ओनसोलनाङैनो सोमोनांहोदों बयखौबो।
Please do not enter any spam link in the comment box. ConversionConversion EmoticonEmoticon