Bodo news 10 Aug 2022 ~ Bodoinfo.com

उन्दुनाय समाव मबाईल सार्ज होनना नोंथांनि खाथि आव लाखियो नामा, जुदि लाखियो अब्ला सांग्रां जा, नङाब्ला नोंथाङा गिथावना जेंना जों मोगा मोगि जानो गोनां जानो हागौ। मबाईल बेरफ्रुनाय आव जिउ बो गोमानो हागौ, करिमगन्ज आव जादों जाथाय आ, करिमगन्ज नि बनमालि रोद आव सासे सेंग्रा नि जिउ गोमाबाय। बिसना याव उन्दुना मबाईल चार्ज होनानै भिदिअ नायबाय थानाय समाव नो शर्त जानानै जिउ गोमायो, सेंग्रा नि मुङा प्रितम नाथ, बेनि उनाव नो जायगा नि एमएलए आ थांनानै खौरां लाहैदों होनना खौरां मोनदों।

उदांश्रि नि सिगां गोबां बिबां नि IED मोनदों, जम्मु काश्मिर पुलिस आ दिनै नागिरनाय आव गोबां बिबां नि मोनदों, खौरां मोननाय बादिब्ला पुलवामा नि सार्कुलार रोद नि ताहाब क्रसिं नि खाथि आव पुलिसफोरा 25 निफ्राय 30 केजि सो बेरफ्रुग्रा मोनदों। भारत नि 75 थि उदांश्रि सान नि साननैसो सिगां आव बेबायदि मोननाय आ मोनसे गिथावना जाथाय निफ्राय बारगहोबाय गोबां खौ नो, काश्मिर नि एदिजिपि बिजय कुमार आ बुंदों बे मोननाय खौ, दायो नायबिजिरनाय आ सोलिगासिनो होनना खौरां मोनदों।

तेतो बानायनाय़नि उनाव सा 14 नि देहा याव HIV+ मोनदों, सोरङाव फैदों सोमोनांथाव जाथाय आ। बारानसि आव सा 14 आ HIV+ जादों, देहा या गाज्रि जानाय आव देहाफाहामसालि आव थांनाय आव सो मिथियो, बेनि उनाव नो खम दामि तेतो पार्लार आव थांनायनि सायाव वार्निं होदों।, खौरां बिजोंनि गेजेरजों जानाय सावरायलायनाय आव बारानसि नि पण्दित दिनदयाल उपाध्याय देहाफाहामसालि नि डाः प्रिति आगरवाला या बुंदों बेरामिफोरखौ मोजाङै आनजाद खालामनाय जादों होनना, नायबिजिरनाय आव मिथिदों दि गोबां बेरामिफोरा खम दामि तेतो पार्लार आव तेतो खालामदोंमोन, बेखौ खालामखांनायनि उनाव नो देहा या गाज्रि जायो, तेतो खालामना मानसि नि देहा गाज्रि जानायनि खौरां आ भाईरेल जायो जेब्ला 20 बोसोर बैसो नि सेंग्रा आरो नगमा नि 25 बोसोर बैसो नि सिख्ला नि देहा या गाज्रि जायो।, गिबि आव भाइरेल ताईफयेद, मेलेरिया जों लोगोसे गोबां आनजाद नायदोंमोन, गासैबो आव बो बेरामि नि लोमजानाय आ खम जायाखैमोन, जेब्ला बिसोरनियाव HIV + नि तेस्त खालामो अब्ला गासैबोनियावनो मोनो, नाथाय बिसोरनि सासेबो देहायारि सोमोन्दो एबा बेजि एबा थै नि गोसारनायजों जायाखै, उनाव तेतो नि थाखाय नो जादों होनना मिथियो। गासैबो सासे सुबुंनिफ्राय नो तेतो खौ बानायदोंमोन।

बलिउद नि मुंदांखा कमेदि फावखुंगुर राजु श्रिबास्तब आ हार्त एतेक जों गाग्लोबजादों, दायो देहाफाहामसालि आव लांनाय जायो, दिनै फुङाव जिम खालामबाय थानाय समावनो देहा या गाज्रि जायो आरो लोगो लोगो दिल्लि नि एईम्स आव सोनाय जायो, फावखुंगुर जों लोगोसे थानाय दोलो आ बुंनाय बादिब्ला दायो देहा नि हालोद आ मोजां आव फैफिनदों, देहाफाहामसालि नि बिबानगिरिफोरा मोजां नोजोर होगासिनो। स्तेन्द आप कमेदियान महरै बांसिन मोजां सिनायजानाय राजु श्रिबास्तब आ गोबां सावथुन आव फाव खालामदोंमोन, जेरै मेन प्यार किया, बाजिगर, बम्बे तु गोवा जों लोगोसे गोबां सावथुन आव, बेनि अनगायैबो तेलिभिषन नि गोबां मुंदांखा श आव गावनि रोंगौथि खौ दिन्थिदोंमोन।