5 Aug Bodo news today 2022 ~ Bodoinfo.com

रासिया आरो ईउक्रेईन नि दावहा नि उनाव आरो मोनसे दावहा जानो थांगासिनो नामा, चिन आरो ताईवान नि गेजेराव दावहा जानायनि सम्भावना बारा जादों होनना मिथिना मोनदों, ताईवान नि सोरगिदिं चिन आ गावनि हाथियारफोरखौ तेस्त नायगासिनो, बेनि गेजेरावनो मोनसे खौरां मोनदों, चिन आ तेस्त खालामनाय एबा सरसा खालामनाय समावनो मैया बिसोरनि मिसाईल आ जापान फारसे थांदों, मोन 5 बेलिस्तिक मिसाईल आ मोनहैनायनि बाथ्रा फोसावदों जापान आ, बेखौ बिसोर गाव गावहरनो होनना नो गावहरदों ना गोरोन्थियै थांदों मोजाङै मिथिनाय जायाखै, गोबाङानो जापान जों बो दावहा जानो हागौ होनना साननाय खौ फोरमायदों, चिन आ गावहरनाय मिसाईल आ दापान नि मोब्लिबारि ओनसोल आव गोग्लैहैदों होनना मिथिना मोनदों, बिथांमोननि जेबो रोखोमनि खहा जायाखै, नाथाय बेबायदि खालामनाय आ हादरनि माहारियारि रैखाथि आरो सुबुंफोरनि रैखाथि नि सायाव जेंना फैनो हागौ होनना जापान नि रैखाथि बिफान नि मन्थ्रि आ बुंदों।

बदलेन्द ओनसोल नि थाखै थाबैनो स्पेसियेल तेत खुंनाय जागोन, बेखौ बुंदों बितिआर नि गाहाय प्रमद बर बिथाङा, आसाम सोरखार खौ खावलायनानै बदलेन्द ओनसोलनि थाखै बेखौ दुर्गा फुजा नि ईसे सिगाङआव नङाब्ला उन आव खुंगोन, बेनि गेजेरजों माखासे लांदां जाना थानाय मासि खौ सुफंनो हागोन होनना बुंदों, तेत आनजाद आ जाखागोन, बेखायनो दानिफ्रायनो थियारि जानो खावलायखादों बिथाङा, आरो लोगोसे गुबुन बिफान नि साख्रि नि खामानि आ बो सोलिगासिनो होनना बो बुंदों।

बे साननै सो सोरखारि मावथिफोरा गाज्रि खामानि मावनायनि थाखाय हमजाबाय थानायनि खौरां मोनगासिनो दं। सासे लात मन्दल आ घुस लानायनि दाय आव हमजाबाय। सापेखाति रेभेनिउ सार्कल नि लात मन्दल हरि प्रसाद दास खौ हमदों, सासे सुबुंनिफ्राय 1 बिघा 3 लेसा हा खौ गावनि मुङाव खालामनायनि मुङाव 10 रोजा रां दाबि खालामदोंमोन, बे सुबुं आ उनाव बेनि सायाव अजद होयो, बेनि उनाव नो मोनसे जे सायो लात मन्दल खौ हमनायनि, जेब्ला लात मन्दल आ गामि आव रां खौ लानो थांदोंमोन, बै समाव नो 5000 रां लानाय समाव नो हमनो हायो, दायो हमनानै सोंगासिनो होनना खौरां मोनदों।

फैगो 6 दान नि गेजेराव बिपिएफ आ मोननै बाहागो आव गावस्रागोन, दायो बोलो खौ लानानै राजखान्थि सोलिदों बिपिएफ नि सिङाव, बेखौ बुंदों बितिआर नि ईएम राकेश ब्रह्म बिथाङा, बाक्सा जिला नि मेदाघात आव गोदानै बानायनाय जुनार नि सावस्रि चेन्तार खौ बेखेवनानै बुङो बिथाङा., साननैसो सिगाङाव बिपिएफ नि दैदेनगिरि रबिराम नार्जारि बिथाङा बितिसि आव राजखान्थियारि सोलायनाय नि ईंगित होनानै बिपिएफ आ फिन सासन खालामगोन होनना बुंदोंमोन, लोगोसे बिजेपि आरो ईउपिपिएल खौ बिसि फिसाय नि नांलायनाय जों रुजुनानै फाथैलाय बिसिनाय बायदि बायदि बुंदोंमोन, लोगोसे गाहाय मन्थ्रि नि न होनायनि मुङाव भिसिदिसि नि गाहाय आ रा लानायनि बो अजद होदोंमोन, बेफोरनि फिननाय महरै राकेस ब्रह्म बिथाङा बुंदों- फोरमान होनो हायोब्ला चेयारमेन नि बेरेखा लोगो लोगो एक्सन लानाय जागोन होननानै, लोगोसे दायो बितिसि आव सोलिनाय बिजेपि ईउपिपिएलनि सोरखार नि गेजेराव जेबो रोखोमनि नांलायनाय जायाखै होनना बुंनायजों लोगोसे गेसाव आलु जों रुजुयो बिथांखौ आरो फैगो 6 दान नि गेजेराव नो मोननै बाहागो आव गावस्रागोन होनना बुङो।

असमिया हारि आ थांना थानो नांगौब्ला राव आ थानो नांगोन, बेबायदिनो बर हारि आ थांना थानांगौब्ला राव आ थानो नांगोन आरो हारि नि सिनायथि खौ खोमानानै जोंनो आईएएस एबा एसिएस अफिसार नाङा होनना बुंदों बर थुनलाय आफाद नि नेहाथारि प्रसान्त बर बिथाङा, मैयानि सावरायलायनाय खौ सोरखार नो फोरमायनाय जागोन आरो बेखौ मानियाब्ला बेनि बेरेखा खालामनाय जागोन होनना बो बुङो। गुबुनफारसे एबसु नि आफादगिरि दिपेन बर बिथाङा बो सोरखार नि थिरांथा खौ मानिया होनना बुङो, फैगो 6 आगष्त खालि आयदा खौ लानानै 16 ता फोरोंगिरि संगथन आ गुवाहाति होतेल प्राग कन्तिनेन्तेल आव सावरायलायगोन होनना बो खौरां मोनदों, ईंराजि आव फोरोंनाय खौ सोरखार आ बोखारनांगौ नि दाबि जों ईंराजि राव खौ जाबसिननो नाङा होनना बो खावलायो बिथाङा।

बितिआऱ नि मोनसेल बुहुमफरायसालि, कक्राझार आव थानाय बदलेन्द बुहुमफरायसालि आव गिबि मन्थ्रि नि भिजिलेन्स नि सा 4 नि दोलो मोनसे आ थांनानै मोन 6 गुबुन गुबुन आयदा नि फाईल फोरखौ जब्द खालामदों होनना खौरां मोनदों, मिथिना मोननाय बादिब्ला बदलेन्द बुहुमफरायसालि आव गिबि मन्थ्रि नि भिजिलेन्स नि दोलो आ थांनानै जेबो रोखोमनि तेन्दार गैयालासै बुहुमफरायसालि नि जौगानाय खामानिफोर जेरै साईकेल शेद, द्रैइन, कालभार्त बानायनाय, सासे फरायसुलि खौ आनजाद होआलासै नो नेम बेरेखायै पिएईसदि मुं थिसननाय, सासे बुहुमफरायसालि मावथि खौ सासपेन्द खालामनाय नि सायाव आरो फाईनेन्स अफिसार नि सायाव नायबिजिरनो थाखाय नो गिबि मन्थ्रि नि दोलो आ थांनानै नायबिजिरो आरो मोन 6 गुबुन गुबुनआयदा नि फाईल जब्द खालामो। नायबिजिरनाय आ सोलिगासिनो दं।

गुबुन रायजो आव रेजिस्तार खालामनाय गारि फोरखौ आसाम आव सालायबाय थानाय गारि आऱो गारि नि बिगोमाफोरनि बेरेखा गोरा आसाम सोरखार आरो हान्थामेला बिफान आ। गारि मथर नि आयेन 1988 नि 47 नं धारा, गारि मथर नि 1989 नि 54 नं नेम बादियै रेजिस्तार खालामनानै सो गारि खौ सालायनो बिथोन होदों, नङाब्ला बिसोरनि बेरेखा थाबैनो एक्सन लागोन होनना खौरां मोनदों।

दानि बदलेन्द दाबिनो नागिरनाय फोरा बदलेन्दनि मुं लानानै बर रायजोफोरखौ थगायनानै रां खामायनायनि मोनसे लामा लादों, गावनि उदै गिदिर खालामनायनि अनगा जेबो गैया होननाबो बुङो, जेबो पार्ति गोदान गैया, बनसु माने बिएसइऊ, थांनाय समनि बिपिएफ नि युथ विं मोनसे दं, बितिआर गोरोबथा जानायनि सिगाङाव बिएसइउ आ नो बदलेन्द नाङा, गोदान गोरोबथा नाङा होनना बुंदोंमोन नि अजद। बनसु होननाय जेबो गैया बेयो बिएसइउ सो, रायजोफोरा मिथिनांगौ होनना बो बुङो बिथाङा।

सोरखार आ होनाय दरमाहा या थोआ नामा गोबां सोरखारि मावथिफोरनो, जायनि थाखाय गाज्रि लामा जों धोन आरजिनो गिनाय मोना गोबाङानो, गावनि दरमाहा थोयि सरायदेउ नि मोनसे बिफान नि एकाउतेन्त आ साख्रि होनायनि मुङाव रां लानायनि थाखाय पुलिस नि जे आव गोग्लैबाय। , सोनारि आव साख्रि होनायनि मुङाव लाख लाख रां लानाय दालाल महर नि सोरखारि अफिसार अमृत गगै खौ हमो। दायो नायबिजिरनाय आ सोलिगासिनो दं।

नगांव आव नंखाय सना, नंखाय सना जों सुबुंफोरखौ थगायनो नाजानाय, आयजो जों लोगोसे सासे हौवा खौ हमदों नगांव पुलिस आ, पुलिस नि मोनसे दोलो आ हरनि 1 बाजि सो आव नायबिजिरनानै 9 ता नंखाय सना, मोनसे नंखाय जिशु नि सना नि मुसुखा आरो मोन 2 सना नि बिस्कुत मोनदों, नगांव नि हयबरगांव कातिमारि आव हर गेजेराव रहिमा खातुन नि न आव नायबिजिरदोंमोन, बेयाव 29 ता सन्देह गोनां हेरोईन थानाय कन्तेईनार मोनदोंमोन, उनाव रहिमा खातुन खौ सोंनायनि उनाव नो आब्दुल जब्बर मुंनि सुबुं नि न आव बो नागिरहैयो आरो बे नंखाय सना फोरखौ मोनो, गंसे रेफ्रिजारेतर आव एरसोना दोनदोंमोन सना फोरखौ, बे सना फोरखौ मरिगाव जिला नि मैराबारि आव लाना थांनायनि बाथ्रा बुंदोंमोन।

जनजाति फरायसाफोरनि जौगानायनि थाखाय आसाम सोरखार आ गुबुन गुबुन स्तेप लादों, बेनिनो मोनसे बाहागो महरै फरायसाफोरनि गेजेराव बाक्सा याव मबाईल तेबलेत आरो बहि रानना होनाय जायो, जनजाति आरो गोग्लैसोना थानाय थाखो नि जौगाखांहोनाय बिफान नि बान्जायनाय आव बरमा बियाब नि एमएलए भुपेन बर बिथाङा फरायसाफोरनि गेजेराव रानना होयो। हाबाफारि आव 107 फरायसाफोरनो होनाय जायो, बे हाबाफारि आव बितिआर नि बुंथिगिरि कातिराम बर, बरमा सार्कल अफिस नि अफिसारजों लोगोसे गोबां सुबुंफोरा नो बाहागो लादोंमोन, तेबलेत खौ रानना होनायनि उनाव नो जायगा नि एमएलए बिथाङा गोजोननाय मोननाय खौ फोरमायो। बेयो सोलोंथाय लानाय आव मदद खालामगोन होनना फोरमायो। आरो लोगोसे ईयुन आव बेबायदि थिरांथा लागोन होनना बो फोरमायबावो।

नंखाय मार्कशित आरो सार्तिफिकेत बानायग्राफोरखौ हमदों पुलिसफोरा. बरपेता याव हमनो हायो, मेत्रिक नि मार्कसित आरो सार्तिफिकेत खौ बानायग्रा सानै जों लोगोसे बेखौ लानाय सा 3 फरायसाफोरखौ बो हमदों, नंखाय फोरमान बिलाय खौ लानानै बरपेता नि गरैमारि कलेज आव मुं थिसनदोंमोन, बेनि खौरां मोननानै पुलिस फोरा नायबिजिरो आरो हमनो हायो होनना मिथिना मोनदों, बमजानाय सानैसो नि मुङा सहिदुल ईश्लाम, हफिजुर रहमान, सनोवार रहमान, महिबुल ईश्लाम आरो मोजाम्मेल हक होनना मिथिना मोनदों। गिबि सा 3 आ फरायसाफोरमोन, दायो सा 5 खौ बो पुलिसफोरा सान 5 नि थाखाय लाखिनानै सोंगासिनो होनना खौरां मोनदों।

आसाम आव गोदान 11 ता जापानिस एनकेफेलाईतिस बेराम मोनदों, दासिम थांनाय 1 जुलाई निफ्राय 326 मोननाय जाबाय केस आ, कार्बिआंलं आ मोन 3, बिस्वनाथ. चिरां आरो कामरुप आव मोननै मोननै आरो सोनाब कार्बिआंलं आरो सनितपुर आव मोनसे मोनसे केस मोनदों, खौरां मोननाय बादिब्ला दासिम आसाम आव गासै सा 52 सुबुंफोरनि जिउ गोमाबाय बे बेराम नि थाखाय, जापानिस एनकेफेलाईतिस आ दैबानानि समाव नो जायो, मे दान निफ्राय अक्तोबर नि गेजेराव, बेखायनो थाम्फै अरजानायनिफ्राय गोजानाव थानो नाजा।

फैगो 8 आगष्त खालि दिल्लि नि जन्तर मन्तर आव मोनसे धर्ना हाबाफारि लानाय जादों, साननै सिगाङाव बेनि सोमोन्दै फोसावनाय जादोंमोन, दायो बनसु नि दैदेनगिरि बन्जित मन्जिल बसुमतारि दैदेननाय आव दिल्लि फारसे आगान सुरनायखौ नुनो मोनदों।

बलिउद नि फावखुंगुर मिथिलेस चतुर्बेदि नि जिउ आ गोमाबाय। बिथाङा गोबां तिभि आरो सावथुन फोराव फाव खालामदोंमन, मैया हर नि समाव बिखा नि जेंना नि थाखाय नो जिउ गोमायो, फावखुंगुर खौ लाख्नौ नि देहाफाहामसालि आव सोदोंमोन, बिथांनि बिजामादै आ बेखौ ससियेल मिदिया नि गेजेरजों फोसावना होयो। गोबाव सान निफ्राय नो बिथाङा सावथुन मुलुग जों सोमोन्दो दंमोन, बिथाङा ताल, रेदि, अशोका, फिजा, सत्या, बान्ति आरो बाब्लि बायदि बायदि सावथुन आव बाहागो खालामदोंमोन। बेफोरनि अनगायैबो बिथाङा वेबसिरिज आरो तिभि द्रामा फोराव बो फाव खालामदोंमोन। बिथांनि जिउ गोमानाय आव गोबां सुबुंफोरा नो दुखु मोननाय फोरमायदों।

बितिआर खौ सालायनाय दोलो ईउपिपिएल नि 7 थि गायसननाय सान बृहस्पतिबार निफ्राय साननै नि हाबाफारि जों कक्राझार आव मिरुयै फालिनाय जादों। ईउपिपिएल मिरु आरो कक्राझआर ईउपिपिएल नि मदद आव कक्राझार नि खाथि नि चन्द्रपारा याव हाबाफारि खौ जागायो। मखजाथावदि बे गायसननाय सान खौ लोब्बा लाखिनानै मोन 5 जिला याव 5 लाख दंफां गायनायनि थांखि लादों होनना मिथिना मोनदों, दंफां गायनायनि उनाव ईएम निलुत स्वर्गियारि आरो जिला बिजेपि नि आफादगिरि राज कुमार ब्रह्म बिथाङा हादरनाङैनो जुंथाय बारा जानाय आ मानसि समाज आव गिदिर जेंना लाबोदों होनना फोरमायो।